لست من ولايتي فلن اكلمك

السلام عليكم ورحمة الله وبركاته
​

ابدأ موضوعي بهاد الحديث :
وفي الصحيحين واللفظ لمسلم: اقتتل غلامان. غلام من المهاجرين وغلام من


الأنصار فنادى المهاجر أو المهاجرون: ياللمهاجرين، ونادى الأنصار:


ياللأنصار..

فخرج رسول الله صلى الله عليه وسلم فقال: ما هذا؟ دعوى أهل الجاهلية.

ونرى اليوم للاسف في عالمنا الجهوية والتعصب لولاية او بلد على حساب بلد اخر

فنجد الجزائريون لا يكلمون غير الجزائريين ويتهربون من دوي الاصول الاخرى او نجد الجزائريين في حد ذاتهم يتهربون من بعض بحجة ان هاد من الشرق او الغرب او الجنوب او الوسط وهو من غير منطقتهم فلا يحب ان يكون له معهم تواصل
فلا ندري الان ما السبب في هده العصبية التي نهانا الدين عنها ألسنا كلنا مسلمين ولا يميز بيننا غير عملنا فلما التعصب لاهل مدينتي او بلدي على حساب مدينة او بلد اخر

اين نحن من اخلاق الاسلام

هل اجد بينكم من يعطينا تفسيرا لهده التصرفات التي لا نجد لها تفسيرا ولا تأويلا غير ان هاد الشخص لا يفقه في دينه شيئا

 

[SAMIRA25]

شكرا ام امين على الموضوع وفقت في صياغته
المهم انا صراولي مواقف بزاف في هدا السياق و لا ادري ما هو السبب الحقيقي وراء هدا المفهوم رايحة نزيد سؤال على سؤالك من وراء هذه الظاهرة ؟؟؟ يعني نحن لي خلقناه وحدنا ام ان هناك احد من ورائها
ان شاء الله نجد من يستطيع الاجابة على الموضوع

 

[أم أمين23]

العفو اخيتي واكيد في الانتضار وان شاءا لله نلقاو مجيب

 

[wissam farawla]

و الله ما أظن الجميع يفكر بهذي الطريقة، و طبعا الأقلية الي تتعامل بهذا المبدأ جاهلة و قليلة فهم و على كل حال كل كأس ينضح بما فيه
برأيي نحن كلنا إخوان و على قولت إخواناا السوريين (الجنة بلا ناس ما تنداس)
جزاك الله كل خير عالطرح

 

[أم أمين23]

اكيد اخيتي لم نقل ان الكل هكدا والدليل اننا طرحنا الموضوع لأننا لسنا كدلك ونريد ان نعرف لما يوجد اشخاص يتعاملون بهده الطريقة

 

[anissa 13]

مرسي عيشوش على الموضوع
صحيح هاد الظاهرة كاينة بصح قليلة في الاخير كلنا جزائريون
اما مع الدول الاخرى راكي تعرفي بلا مانحكيلك هوما خلاونا نبعدو عليهم
وبالنسبة للانسان اللي مايتفاهمش مع ناس ماشي من ولايتو هدا انسان مريض نفسيا
​

 

[أم أمين23]

مرسي عيشوش على الموضوع
وميرسي ليك لانك شرفتيني بردك
صحيح هاد الظاهرة كاينة بصح قليلة في الاخير كلنا جزائريون
اكيد هاد هو المفروض اساس التعامل
اما مع الدول الاخرى راكي تعرفي بلا مانحكيلك هوما خلاونا نبعدو عليهم
كيفاش يعني يا انيسة على بالي احكيلي انت اضمن انا شخصيا عندي صديقتين من تونس والحمد الله للان العلاقة طيبة بينا ونعرف ثاني بزاف عندهم صحابات مراركة والحمد الله ماشي الحال بينهم مالا فسريلي انت احسن خخخخخ
وبالنسبة للانسان اللي مايتفاهمش مع ناس ماشي من ولايتو هدا انسان مريض نفسيا
​

أكيد عندهم وجهة نظر قد لا نفهمها نحن ولكن ادا رجعنا للمنطق والدين فهي خطأ للاسف

 

[ساعود يامي]

شكرا على الموضوع

 

[أم أمين23]

العفو ولو اني ما عرفت رايك بالموضوع

 

[prncess fifi]

للاسف يا ام امين انا من نوع هدا وحاولت شحال من خطرة نندمج مع تونسيات اومغربيات بصح ما قدرتش نحس انو العقليات ماش كيف كيف وحتى ونتلاقاو في المسجد وكما يكونوش جزاءريات نقعد وحدي وما نقعدش معهم مش ما نحبهمش ولا لكن ماعرفتش المشكل بااضبط فيا انا ولا..........
بعكس الجزائريات وين ما يكونو نحب نتعرف عليهم ونجيبهم لداري ونعملهم عرضات ومكاش عروسة تجي وما تدخش داري ونعملو حفلات وقعدات ووووو
ربي يهديني ونولي نصاحبهم

 

[أم أمين23]

للاسف يا ام امين انا من نوع هدا وحاولت شحال من خطرة نندمج مع تونسيات اومغربيات بصح ما قدرتش نحس انو العقليات ماش كيف كيف وحتى ونتلاقاو في المسجد وكما يكونوش جزاءريات نقعد وحدي وما نقعدش معهم مش ما نحبهمش ولا لكن ماعرفتش المشكل بااضبط فيا انا ولا..........
بعكس الجزائريات وين ما يكونو نحب نتعرف عليهم ونجيبهم لداري ونعملهم عرضات ومكاش عروسة تجي وما تدخش داري ونعملو حفلات وقعدات ووووو
ربي يهديني ونولي نصاحبهم

اهلا بالاميرة ولو انك انت اجبتي على اساس ماكش بنت بلادي ما نحكيش معاك ماشي ماكش من ولايتي هدا عادي احنا في الغالب نكونو مايلات لبنات بلادنا اكثر من الجنسيات الاخرى ونكونو مرتاحين اكثر في الحكايات مع بنات البلاد من مغربيات او تونسيات او جنسية اخرى ولكن هدا لا يمنع انو نعملو معاهم علاقات فهم اشقائنا واخوتنا في الدين نورتيني اخيتي بالمرور

 

[روعة انثى]

نجاوبك اختي من خبرتي القليلة جدا كي رحت للعمرة و قعدت شهر كامل و في المسجد او في الفندق كي نلقا وحدة مصرية و لا سودانية تجيني عادي ما يهمنيش نتعرف بيها لكن اذا تكلمت وحدة و عرفتها جزائرية تقول لقيت امي نفرح و نسقسيها كيفاش راهي و لا راهي مرتاحة و اذا تحتاج شيء نحسها وحدة قريبة ليا بزاف تقول من العايلة و اذا لقيت مغربية و لا تونسية نفرح شوية بيهم و هوما تاني يفرحو و يسقسوني خاطر نحسهم تاني قراب ليا شوية بحكم بلادنا جيران و تاني تقارب اللهجة و العادات ....................لكن و الله ما نقدر نقولك وعلاش تصرفت هكذا صحيح رانا كلنا مسلمين و اخوة لكن يبقى الحنين لابن البلد ثم الجار ثم البعيد اظن انه شيء فطري و الله اعلم تقبلي رايي و مروري

 

[أم أمين23]

نجاوبك اختي من خبرتي القليلة جدا كي رحت للعمرة و قعدت شهر كامل و في المسجد او في الفندق كي نلقا وحدة مصرية و لا سودانية تجيني عادي ما يهمنيش نتعرف بيها لكن اذا تكلمت وحدة و عرفتها جزائرية تقول لقيت امي نفرح و نسقسيها كيفاش راهي و لا راهي مرتاحة و اذا تحتاج شيء نحسها وحدة قريبة ليا بزاف تقول من العايلة و اذا لقيت مغربية و لا تونسية نفرح شوية بيهم و هوما تاني يفرحو و يسقسوني خاطر نحسهم تاني قراب ليا شوية بحكم بلادنا جيران و تاني تقارب اللهجة و العادات ....................لكن و الله ما نقدر نقولك وعلاش تصرفت هكذا صحيح رانا كلنا مسلمين و اخوة لكن يبقى الحنين لابن البلد و الجار ثم البعيد اظن انه شيء فطري و الله اعلم تقبلي رايي و مروري

اهلا اختي روعة دائما منورة بردك اكيد اننا بالغربة نبحث دائما عن بنات البلد والامر عادي ولكن الغير عادي هو عندما يتهرب هؤلاء منك هنا المشكل