- إنضم
- 1 جوان 2008
- المشاركات
- 7,675
- نقاط التفاعل
- 6,740
- النقاط
- 351
السلام عليم ورحمة الله وتعالى وبركاته
صباحكم/ مساءكم خيرات اخواتي
من مدة عملت معجون التمر او ما يعرف في منطقتنا بالرُب
هو معجون او اكلة من القديم كانو يصنعوها الجدود خصوصا وقت الاستعمار ما عندهم حتى شي غير التمر والكسرة
ودرك مازالنا احنا كل ما يلحق وقتها نعملوه
في الحقيقة يتكل غير بالمطلوع سخون يكفي ويوفي
وزيادة على هذا فيه فوائد بزاف
حبيت نفيد بيه الاخوات اللي ما يعرفولوش ولا ما يسمعوش بيه
لازم نوع خاص نما لتمر احنا نقولولو القربــاعي يجي يابس من لبرا ولداخل شوي طري
على هذا مقاديره ماش متطلبة
تمر
وزبدة عربية اي زبدة حرة
تبعوني بالصور تفهمو الطريقة
نجيبو التمر نتاعنا نغسلوه ونحطوه يقطر
بعد ذلك نفرغوه في اناء يكون كبير وغامق باه نعمرو عليه الماء
نغموه بالماء ونحطوه على النار ونغطو عليه
ما تكونش قاوية بزاف وماش ناقصة بزاف نار متوسطة
بعد ما يغلي مدة ساعتين هكذاك نشوفوه نشف منو الماء بقى الربع برك نصفوه
وبعد ذلك نعصرو التمر باه تهبط العصارة
هنا هاذا اللي بقالنا واللي نحتاجوه
نرجعوه علىا لنار يغلي
نعجنو خبيزة صغيرة ونلوحوها في العصارة اللي اتسخرجناها والماء اللي صفيناه باه تعقدلنا مليح
بعد ذلك نخلوه يغلي مليح حتان نشوفوه نقص في الحجم وعقد مليح
بعدها نخلوه يبرد شوي ونضيفولوا لزبدة تكون مذوبة وباردة
نخلطو مليح ونقدموه
وهذا هو شكلو النهائي
نتمنى انه عجبكم
موفقات حبيباتي
صباحكم/ مساءكم خيرات اخواتي
من مدة عملت معجون التمر او ما يعرف في منطقتنا بالرُب
هو معجون او اكلة من القديم كانو يصنعوها الجدود خصوصا وقت الاستعمار ما عندهم حتى شي غير التمر والكسرة
ودرك مازالنا احنا كل ما يلحق وقتها نعملوه
في الحقيقة يتكل غير بالمطلوع سخون يكفي ويوفي
وزيادة على هذا فيه فوائد بزاف
حبيت نفيد بيه الاخوات اللي ما يعرفولوش ولا ما يسمعوش بيه
لازم نوع خاص نما لتمر احنا نقولولو القربــاعي يجي يابس من لبرا ولداخل شوي طري
على هذا مقاديره ماش متطلبة
تمر
وزبدة عربية اي زبدة حرة
تبعوني بالصور تفهمو الطريقة
نجيبو التمر نتاعنا نغسلوه ونحطوه يقطر
بعد ذلك نفرغوه في اناء يكون كبير وغامق باه نعمرو عليه الماء
نغموه بالماء ونحطوه على النار ونغطو عليه
ما تكونش قاوية بزاف وماش ناقصة بزاف نار متوسطة
بعد ما يغلي مدة ساعتين هكذاك نشوفوه نشف منو الماء بقى الربع برك نصفوه
وبعد ذلك نعصرو التمر باه تهبط العصارة
هنا هاذا اللي بقالنا واللي نحتاجوه
نرجعوه علىا لنار يغلي
نعجنو خبيزة صغيرة ونلوحوها في العصارة اللي اتسخرجناها والماء اللي صفيناه باه تعقدلنا مليح
بعد ذلك نخلوه يغلي مليح حتان نشوفوه نقص في الحجم وعقد مليح
بعدها نخلوه يبرد شوي ونضيفولوا لزبدة تكون مذوبة وباردة
نخلطو مليح ونقدموه
وهذا هو شكلو النهائي
نتمنى انه عجبكم
موفقات حبيباتي
