من فضلكم

[رهف سعد]

ربي يحفظك حنوني درك نجربها هدي نتاع الاولى وكي تكوني قاعد زيديني الاخرى .راني ندلل عليك ولله حسباتك كيما اختي

 

[رهف سعد]

دريها رقيقة والا.خشين .وشيكولاطة ندير شوية ولا نطليها قاع .....

 

[ام اسراءواسحاق]

التارت كيفكيف 1 و 2 غير الديكور مختلف
العجينة ما تكون رقيقة ما تكون خشينة تقريبا نص سم
و الشكلاطة ترابيها من الفوق برك ولازم التارت تكون باردة و من الاحسن كي تحبي تقدميها
و الكريم باتسري ضفيلها لفاني
واي سؤال راني هنا.

 

[رهف سعد]

ربي يخليك ولله راكي دايرا فيا مزية كبيرة ..............ولله كان راني تعلمت منك حوايج بزاف .............وين ماتكون عندك وصفة ولا طياب وتكوني قاعدة تفكرينا ..............الله يجازيك الفردوس الاعلى

 

[رهف سعد]

راني ديما نتبع واش تكتبي ولله اطباقك وحلوياتك في قمة الروعة .............الطمينة تهبل طالع في الصورة ...كيفاش درتيها .............كان انت الوحيدة الي ديما تجاوبيني ........الله يخليك

 

[ام اسراءواسحاق]

ربي يخليك اختي
و قتلك اي سؤال راني هنا الحاجة لي نعرفها عمري ما نبخل عليك بيها .
و التارت كي ديري الكرام باتسري ما تعاوديش دخليها للفرن .
سلامي.

 

[ام اسراءواسحاق]

شكرا اختي
الطمينة حمصت الدقيق خشين و من بعد حطيت الزبدة و العسل في كسرونة و خليهم يسخنو ثم ضيفي الدقيق المحمص و القرفة و خلطي حتى تتشرب مليح ثم قدميها و زينيها بالشي لي عندك.
و العسل ما لازمش يكون ثقيل بزاف لانه يخلي الطمينة يابسة، اذا كان ثقيل زيديلو شوية ماء .

 

[رهف سعد]

الله عليك مازال كاين ناس بطيبة هدي ..............يافرحت راجلك واولادك بيكي

 

[ام اسراءواسحاق]

الله يسلمك حنونة
و حتى انا فرحانة بيك و بالصراحة نتاعك .

 

[samah06]

اختي رهف اعطيك قاطو وثاني بسبوسة ومتخافيش في زوج ناجحين ودايرتهم اكثر من100مرة
اولا القاطو 250غ زبدة + علبة حلوة الترك تاع 100غ + 2 مغارف اكل ماء زهر وشيحي بالفرينة
اعملي حربوش طويل قطعيهم معينات او مقروضات وطيبي وبعد الطياب اغمسيهم في ماء الزهر غيرر يتبلو حاولي مايشربوش ماء الزهرثم رمديهم في السكر لرطب
وبالهناء والشفاء
الثاني اللي هو بسبوسة تاع النوادكوكو
2بيض + كاس سكر +كاس حليب + كاس نواد كوكو + 1خميرة حلوى +1فاني + كاس حرشة تاع السميد
ادهني الول بالزبدة وغبريه بالشابلير وفرغيها وطيبي
ومن بعد اسقيها بالعسل
ولكان عندك ضياف راح يهبلو عليهم
القاطو راهو يدوب في الفم

 

[رهف سعد]

يعطيك الصحة وربي خليك .....................مرة مرة تفكرينا بالي عندك

 

[ام اسراءواسحاق]

واش يا رهف واش طيبتي اليوم ؟

 

[رهف سعد]

اهلا حنونتي .........جاءت لعندي يما وراهي تسلم عليك وقالتلك بارك الله فيك ...............وطياب درنا الطمينة والبطاطا والمقرون وكلش جاء هايل .ربي خليك

 

[ام اسراءواسحاق]

الله يسلمك حنونة سلميلي على يماك و قوليلها ادعيلي ليما بالشفاء.
و بصحتك واش طيبتي.

 

[رهف سعد]

يارب يشفيها ويخليهالك .باش مريضة الله يشفيها

 

[ام اسراءواسحاق]

سلام رهف
واش فطورك اليوم ؟
امي عندها السكر و قالها الطبيب لازم ديري عملية على المرارة راني خايفة عليها ، و زاد راني بعيدة منقدرش حتى نشوفها .
ربي يشفيها و يشفي جميع المؤمنين .

 

[رهف سعد]

يما راحت غير انا والولاد درنا عدس ...............يارب يشفيها وعافيها اما علا العملية نتاع المرارة يقول ساهل خلاص ماتخفيش خلاص عليها اما السكر الحمد الله احون من امراض اخرى وانشاء الله ترتاح وتجي هي لعندك ................واش طيبتي

 

[ام اسراءواسحاق]

الله يبارك فيك اختي رهف
و بصحتك العدس ، انا طيبت شطيطحة جاج و زايدتلي الحريرة و الحلو نتاع البارح و الحمد لله.

 

[رهف سعد]

هكدا راني غرت منك .........وبعد ادنك الحريرة كيفاه

 

[ام اسراءواسحاق]

اختي رهف و الله دخلتي قلبي معرفتش علاه ، شاركي بزاف باش نقدر نراسلك على الخاص و نحكو مليح .