اين نحن اليوم حـآل الامـة اليوم ~ وائل ابن الجزائر مع ARM-07

[وائل ابن الجزائر]

الحرام ولآ ساهل ..و على الدين استغناو و بالظلم

استقواو و على الضمير تخلاو.. و عاد"الداب" راكب

مولاه و اصحاب المنكر و الحيلة غواو ..الوالدين يتقاسو

في ديار العجزة و القتل عاد عادة واش باقي

نستناو..النسا مشمرة و الرجالة متدمرة و ثقافة الغرب

استحلاو..الجوامع مسكرة و الحانات معمرة و على حافة

الطرقات العشاق يتلقاو..الرشوة ولات "نشوة" و بالربى

باعو واشراو..و السرقة ولات في "الزنقة" و على رزقك

و شرفك يتعداو..و الحشمة دارت "شمة" و داخت و

عليها الناس استغناو..و الأمة اللي زعمة مسلمة نسات

"أول محرم" و في عيد المسيح احتفلوا وازهاو..و اللي تهدر

معاه يرجع و ليد يماه و يعود شيخ و "مشيخ" و خير ملي

راحو و ملي جاو..يا ربي ألطف بينا و لا تاخذنا على هاذ

الناس اللي عصاو..رد أمة محمد نبينا الى ديننا و اغفر

للموتى و الحيين و نجي اللي ابقاو..أرفع عنا الغبنة و الفتنة

و اجعلنا من الصالحين عسى ليك نتهداو..

اتمنى لبلآدي الاشراق والوعي الفكري والنفسي فحـآلنا اليوم اسكت افوآهنـآ

الفكرة كـآنت مبتكرة من الاخ وصديقي ARM-07
​

 

[ميس مرام]

بارك الله فيك أخي، كلام موزون ويعكس الواقع المر
انا كي ننصح طفلة على الحجاب تقولي يخي المهم انت لبستيه خلاص
اللي يصبرني انو رسولنا عليه الصلاة والسلام قال :« يأتي على الناس زمان القابض على دينه كالقابض على الجمر » رواه الترمذي
ربي يهدينا ويصلحنا

 

[::أبرار::]

يا ربي ألطف بينا و لا تاخذنا على هاذ

الناس اللي عصاو..رد أمة محمد نبينا الى ديننا و اغفر

للموتى و الحيين و نجي اللي ابقاو..أرفع عنا الغبنة و الفتنة

و اجعلنا من الصالحين عسى ليك نتهداو..

اللهم آمين يا رب العالمين
كلمات رائعة من واقعنا اخي الكريم

الله يهدينا و يهدي ما خلق

بوركت اخي على الموضوع​

 

[♥ .. اِســـرآء .. ♥]

كلام موزون يعطيكم الصحة
نتمناو الدنيا و هاذ البلاد تتصلح ان شاء الله
و منها يتصلح المجتمع ..
صحيتوو

 

[Hafssa]

موضوع غاية في الاهمية

الله يهدينا لطريق الصواب

يعطيك الصحة وائل​

 

[islem.t]

من واقعنا

اللهم آمين يا رب العالمين
​

 

[حفيد هواري بومدين]

ونبقاو دائما فالعلالي مهما صار

 

[!≈[سُِـِيٌــِـِفّ اٌڷِخً‘يٌـرُ]≈!]

شكرااا لكم على المور الطيب خاوتي

ــــــــــــــــــــــــــــــ

خويا عبدو واش من علالي

ياو فيق لماء راه تحتك قريب يجي نهار لي يرفدك و تقول صح و لله كاينة
​

 

[هبة الرحمان2]

موضوع فورررررررر بزاااف.

 

[!≈[سُِـِيٌــِـِفّ اٌڷِخً‘يٌـرُ]≈!]

موضوع فورررررررر بزاااف.

يعيشك اختي
​

 

[ĂÝǾΰb]

ولا اروع
كفيت و وفيت
متخافش خويا الخير في أمة محمد لقيام الساعة

​

 

[!≈[سُِـِيٌــِـِفّ اٌڷِخً‘يٌـرُ]≈!]

ولا اروع
كفيت و وفيت
متخافش خويا الخير في أمة محمد لقيام الساعة

​

شكرااا لك اخي

طبعا الحمد لله على كل حال

لله يحفظك

مشكور على المرور
​

 

[وائل ابن الجزائر]

انرتم موضوعنـــآ فشكرآ لكم
​