ساعدوني في تحضير الشاي

[وردةباتنة]

السلام عليكم ورحمة الله تعالى وبركاته
نحن في عائلتنا لا نشرب الشاي كثيرا الا في بعض السهرات او عند مجيئ الضيوف احضره لكن لا اعرف اصول تحضيره جيدا مثل مدة غليه او الكمية المستعملة من الشاي والماء وايضا العلامة التجارية الجيدة ارجوكم انصحوني واخبروني عن كيفية تحضيركم للشاي فانا محتاجة لهذه النصائح خاصة ان خطيبي من عشاق الشاي ولا اريد ان اتبهدل امام عائلته بييييييييييييييييييييييز ساعدوني مهما كانت معلوماتكن وطرقكن فانا اريد معرفتها
وجزاكم الله خيرا
​

 

[ام اسراءواسحاق]

سلام اختي
انا شفت زوجة اخي مغربية تحضرو، جيب ابريق نتاع الشاي لي تقدري ديريه فوق النار تعمرو ماء سخون و تضيف ربطة مليحة نتاع نعناع و تزيد الشاي لي جي العلبة نتاعو خضراء نسيت اسمو و السكر و تخليه يغلي . و اذا حبيتي يدير هذيك الرغوة فرغي من البريق لكسرونة و العكس حتى تشوفيه عمل الرغوة و اشربيه بصحتك انتي و خطيبك ، و ربي يهنيك حنونة.

 

[Ma$Ter]

سلام اختي
انا شفت زوجة اخي مغربية تحضرو، جيب ابريق نتاع الشاي لي تقدري ديريه فوق النار تعمرو ماء سخون و تضيف ربطة مليحة نتاع نعناع و تزيد الشاي لي جي العلبة نتاعو خضراء نسيت اسمو و السكر و تخليه يغلي . و اذا حبيتي يدير هذيك الرغوة فرغي من البريق لكسرونة و العكس حتى تشوفيه عمل الرغوة و اشربيه بصحتك انتي و خطيبك ، و ربي يهنيك حنونة.

:d :زيدي معاه كوكاو او اللوز

 

[ام اسراءواسحاق]

لالا مازادت لا كوكاو لا لوز لانها طيباتو في الجزائر ، و في المغرب ؟؟؟؟؟؟؟؟؟؟؟

 

[mahwossat crochet]

وعليكم السلام ورحمة الله تعالى وبركاته
راح نقولك كيفية تحضير الشاي فمنذ ما كنت ادرس وانا صغيرة احضره:$
اشري الشاي الذي سعره غالي يتباع بالميزان مهما غلى لايتحول لونه لاحمر بل يبقى اصفر ذهبي
وخذي حوالي 1 ملعقة كبيرة ونصف شاي للتر ساخن من الماء + 5 ملاعق تقريبا من السكر وقومي بغليه على النار مع مراقبته لمدة نقول حوالي 10 دقائق كل ما غلى اعطى نتيجة افضل واذا عندك نعناع اغسليه وحطيه داخل الابريق حتى تفرغي عليه الشاي الجاهز
وايضا النعناع المجفف يعطي مذاق طبعا يضاف في الاخير فلا تغلي النعناع مع الشاي
وهناك من ينكهه بالعود القرنفل او عصير الليمون كقطرات في كاس لنفرغ عليه الشاي
وايضا هناك عشبة لا ادري كي تسموها انتم عشبة النابطة لها ازهار صغيرة تضاف كنكهة
قدمت لك بعض النكهات التي تضاف في الاخير اختاري ما يناسب ذوقك وذوق العائلة
سلامي لك اختاه
قومي بتجربة كل الاخوات واختاري الانسب
المهم يجب ان يكون الشاي جيد النوعية وسعره شوي مرتفع عن الشاي العادي

 

[رهف سعد]

ااحسن حاجة نديرها هو الشاي .تبعي خطواتي وما تندميش .اولا.حطي كسرونة فيها الماء وخليه يغلا ......وديري قيمة كاس صغير شاي ومبعد حطيه في البريق لنطيبو فيه الشاي ومبعد اغسليه وكي يغلى الماء صبيه في البريق ونقصي النار وخليه يطيب
حوالي 10د ومبعد صبيه في ابريق ثاني وديري السكر وخلطي مليح من البريق الا كاس ومن الكاس الا الابريق وديري النعناع وكان جاك ثقيل زيدي غلي الشاي يالي بقات في الابريق الاول بنفس الطريقة ..هدا شاي الصحراء .............ربي يوفقك

 

[وردةباتنة]

زيدو وصفاتكم يا لبنات علاه تقراو وتردوليش

 

[أطياف]

سلام حبيبتي
راح اعلمك كيفية عمل الشاي على طريقتنا بالسعوديه
اول شي تغلي الماء بالغلايه او على النار
ومن ثم تجيبي ابريق الشاي وتسكبي به الماء وتحطي نعناع تقريبا ورقتين او مراميه او زعتر يعني الي تحبيه تحطيه وتخليه يغلي ثواني ومن بعد تحطي مقدار ملعقه ونصف شاي افضل شاي (الربيع) .....وتحطي السكر بعلبه صغيره وتقدميه
بحيث تحطي مقدار السكر كيف ماتحبي ....هذي طريقتنا

 

[خيرة جانت]

ااحسن حاجة نديرها هو الشاي .تبعي خطواتي وما تندميش .اولا.حطي كسرونة فيها الماء وخليه يغلا ......وديري قيمة كاس صغير شاي ومبعد حطيه في البريق لنطيبو فيه الشاي ومبعد اغسليه وكي يغلى الماء صبيه في البريق ونقصي النار وخليه يطيب
حوالي 10د ومبعد صبيه في ابريق ثاني وديري السكر وخلطي مليح من البريق الا كاس ومن الكاس الا الابريق وديري النعناع وكان جاك ثقيل زيدي غلي الشاي يالي بقات في الابريق الاول بنفس الطريقة ..هدا شاي الصحراء .............ربي يوفقك

السلام عليكم :
أعجبني تدخلك أختي رهف سعد نهنيك ونقولك برافو:regards01: تقريبا راكي جاوبتي الأخت وردة باتنة برك حبيت نضيف بعض الملاحظات
وكيما قالت أختي مهووسة كروشي حاولي دائما أن تختاري النوعية الرفيعة من الشاي ولا كيما نقولوا أحنا أتاي الشعرة
شوفي أولا ضعي كمية من الماء تغلي في إبريق كبير كيما نقولوا حنايا غلاي ولا سخان
بعدها ضعي مقدار من كاس شاي صغير إلى مافوق على حساب الكمية الي راكي حابة طيبيها أو على حساب رغبتك في كون الشاي قاوي أي شديد المرارة{قاسح}أو خفيف
مثلا إبريق شاي متوسط ثلاث كيسان
نضعها في إبريق الشاي ونصب عليها كمية من الماء المغلي قيس كاس كبيرة نحرك جيدا ثم نرميو الماء هذاك ونزيدو نفس الكمية من الماء البارد ونشللو اوراق الشاي جيدا ونعاودوا نرميو هذاك الماء ثاني ثم نضيف الماء المغلى حتى يمتلئ الإبريق ونضعه على نار قليلة
وهنا تبدأ الرحلة ولازمك تصبري من 25 إلى 30 دقيقة باش يطيب لاتاي مليح لانو كل ماطاب مليح وعلى نار هادئة حصلتي على الطعم الرائع والنكهة {عليها حنايا نديروا الصنيوة ونقعدوا مجمعين نشايخوا حتى يطيب ونفوتو الوقت في الحكايات والوناسة خاصة وان مولات الدار راها بيناتنا قاعدة وماتفوتها حتى حكايةههههه}
نرجعو لاتاي تاعنا كي يفوت الوقت تاعنا نجيبو إبريق ثاني ونقوم بتصفية الشاي فيه بالمقابل نضع في كاس كبير ولا كيما نقولو حنا خلاط أتاي مقدار من السكر وهنا أحنا مانكثروش السكر لهذا الإبريق الأول فهو يمتاز بالمرارة
ثم نخلط الشاي بالسكر وباش ديري الكشكوشة هذيك لازمك تخلط بزاف وتحطي الكشكوشة في كؤوس التقديم الصغيرة امبعد تعاودي تسخني لاتاي دطبعا راني على هذا اللي صفيتية ودرتيلو السكر وخدمتي بيه الكشكوشة ولا الشاش كما يقول البعض} وتصبيه على الكيسان
{البراد الأول نحن لانضيف له النعناع}
ثم نعود إلى الإبريق الأول اللي غلينا فيه لاتاي ونضيف له مقدار من الماء المغلى ونغليوه وهنا المدة تنقص من 15 إلى 20 دقيقة بعدها نصفيوه في البراد ونضيف له السكر وهنايا حلي كيما تحبي وأضيفي النعناع الطازج وخلطي مليح وصبي{إذا كان النعناع اللي عندك يابس أضيفيه إلى الإبريق اللي فيه الورق تاع لاتاي طبعا في هذه المرحلة الثانية} وخليه يتغلا مع لاتاي
هنا هذا لاتاي يجي خفيف على الأول
كما يمكن إعادت نفس الخطوات لتحصلي على إبريق شاي ثالث في ظرف 15د أكثر حلاوة وخفيف الطعم واللون ومتميز بنكهة النعناع الطيبة
ومايحلاش غير مع المكسرات والحلوى

وكيما قتلك أختي الكريمة أو أخواتي الكريمات كلما كانت كمية أوراق الشاي أقل يكون الطعم أخف
أي طيبيه على حساب قصتوك وكاين اللي يضيفلو نكهات أخرى كيما الهيل والزعتر وغيرها
كما أد أن أضيف ملحوظة صغيرة أحنايا السنيوة تاع لاتاي تغسل وحدها ولا تخلط بباقي الأواني كما أننا نخصص إبريق واحد لغلي الشاي أما الثلاثة الأخري فلتصفية الشاي وخلطه وتقديمه كما يستحسن غسلها بالقليل من الصابون ماتكثريش باش ماتقعدش رحتو وتبان كي تغلي لاتاي ونزيدك الزيت عدو الشاي خطش مايخليهش يدير الشاش أو الكشكوشة عليها مانغسلوش أواني الشاي والصنيوة مع لاماعن
أن شاء الله تبيضيها حبيبتي
وأتمنى أن أكون فدتك شوي
تحيااااااااااااااتي
​

 

[نور الرحمان]

اهلا بيك اختي خيرة راكي صعبتي عليها شوي لانهم مايشربوش تاي على ثلاث مرات كما احنا يشربوه مروةوحدة برك ونظن طريقة رهف سعد تساعدهل اكثر

 

[نور الحبوبة]

مساء الخير طريقتي في تحضير الشاي انا نكيل زوج كيسان ماء كبار بملعقة شاي نغلي الماء ونحط على الشاي بعد ماغسلناه من التراب والمرارة الي فيه وتخليه قد ما تقدري بعد ماتفيتي النار وكي يتحط اديري السكر حسب المذاق وتخدميهه مليح يعني تفرغي من اناء للاناء اخري حتى ادير الرغوة وتحطيه في ابريق وتحطي معاه النعناع لاان اقولو الشاي الي مايطيبش اكون مداق احسن ملي اطيب والله اعلم ربي اوفقك واهنيك ويعجب الشاي الخطيبك

 

[خيرة جانت]

اهلا بيك اختي خيرة راكي صعبتي عليها شوي لانهم مايشربوش تاي على ثلاث مرات كما احنا يشربوه مروةوحدة برك ونظن طريقة رهف سعد تساعدهل اكثر

السلام عليكم أختي الكريمة:
بعدها ضعي مقدار من كاس شاي صغير إلى مافوق على حساب الكمية الي راكي حابة طيبيها أو على حساب رغبتك في كون الشاي قاوي أي شديد المرارة{قاسح}أو خفيف

ممكن أنت ماقريتيش تدخلي بتأني عليها أنا قلت الكمية والنوعية أنت تتحكمي فيها بمعنى إلا حبيتي أتاي خفيف ديري شوية برك من أوراق الشاي قيس كاس ولا نص كاس صغير في إبريق معمر ماء هكذا يخرجلك أتاي خفيف من المرة الأولى وتحليه بالسكر كيما تحبي وتزيديلوا النعناع ويلا حبيتي
نورتيني بمرورك حبيبتي وأكيد بملاحظتك
تحيااااااااااااااااتي
​

 

[رهف سعد]

هادا هو لا تاي الصح يا اخت خيرة جانت حتى انا حاكة نديرو ولكن حبيت نسهلو عليها ونتمنا من الاخت تجرب وتقولنا

 

[خيرة جانت]

هادا هو لا تاي الصح يا اخت خيرة جانت حتى انا حاكة نديرو ولكن حبيت نسهلو عليها ونتمنا من الاخت تجرب وتقولنا

إن شاء الله تعم الفايدة لكل من يتساءل وهو هدفنا السامي
بوركتي حبيبتي رهف سعدئ
​

 

[hayota]

غلي الما و فرغيه فوق النعناع اليابس و الشاي و خليه يتنقع احسن

 

[الميزان]

السلام عليكم

احنا لاتاي صباح وعشية وفليل وفي كل الاوقات

نقولك طريقتنا

نديرو الماء يغلي مليح
اديري في براد حشيش لاتاي وتشلليه بالماء الساخن وتفرغي
ومن بعد تزيدي الماء الكمية الي توالمك وتخليه يغلي على نار عادية كي يطبخ مليح شوفي اللون
ومن بعد ديريه مع السكر والنعناع ولا الشيبة ولا لحبق
اما نوعية الشاي كاين بزاف وملاح مي على حساب اختي قالتلي فالشرق ماكانش نوعيات ملاح