مساعدة بليز على السريع

[ام ريهام]

مساء الخير حبيباتي اريد منكن مساعدة ...

غدا عندي عرضة 6 اشخاص اريد منكن مساعدتي بواش نقدر ندير راني محتارة الدجاج راني وجدتو باش نحمرو مع شربة فريك لكن ماذا اقدم مع الدجا واطباق اخرى ارجو منكن التفاعل بافكاركن وشكرا مسبقا
:s:s:s:s

 

[ام اسراءواسحاق]

سلام اختي
يمكن توجدي الروز نتاع السلطة اليوم ، و مع الدجاج حضري خبيزات البطاطا رابي .
و ممكن تعملي بوراك مع الشربة او كوكا او ميني بيتزا ، و اذا تعملي طاجين الحلو ممكن طيبيه اليوم باش متتعبيش غدوة ان شاء الله.اذا تفكرت حاجة نقولك.
و صدقة مقبولة ربي يجازيك اختي .

 

[عفاف الجزائرية]

واش حنقول لاختي
كاين حوايج تقدري تحضريهم ليوم باه غدوا تجيك تحضير نهائي برك
كيما السلاطة ماسيدوان تقدري تخدميها ليوم تفوري الروز والخضر وتحطيهم غدوا تخليطهم مع المايوناز برك وتديكوري
تاني اذا عندك طاجين حلو تقدري ترقديه ليوم تخدمي لاصوص وتلوحي حبات الطاجين والبرقوقة وغدوا تشعلي عليهم النار برك يغليو شوي
تحبي تديري فيلي نتاع اللحم والجاج محشي بالفرماج وتقدميه مع صوص بلونش بالزيتون ولا بالفطر
ديري فلفل حميص تاني اشوي الفلفل وقطعيه مربعات صغار وحمصي الطماطم وخليية حطيه مع شوي ملح وثوم وكبي عليه شوي زيت زيتونة مع كمشة طون من الفوق
الخبز تحبي تشريه من لبرا خبزا لسميد ولا خبز الزيتون ولا تديري خبز الدار اني حاطاتو كموضوع خفيف وساهل وما يديش وقت بزاف ويحمر الوجة
التحليات ديري جينواز اعمليها رولي قدميها مع العصير وديري سلطة فواكة
وديري لاتاي مع مكسرات واذا عندك كاس حلوى معسلة حطيها تاني
اي استفسار نحن في الخدمة
ربي يهنيك حبيبة ويوفقك

 

[ام ريهام]

شكرا لكن وربي يعطيكم ما تتمناو

 

[samah06]

هيا ام ريهام راهم عاونوك لبنات
لكن حطي الصور تاع الاطباق هكا لكان وحدة عندها عرضة تستفاد

 

[عفاف الجزائرية]

نتمنى اختي ما ريهام نكونو افدناك ولو بالقليل
يغلق الموضوع في انتظار مائدة العرضة نتاعك
موفقة حبيبتي