بغرير(غرايف)..رووووووعة خفيف و مغذي ...حصريا من مطبخي

[ام اسحاق]

السلام عليكم ورحمة الله و بركاته
رحم الله جداتنا كي خلاولنا وصفة البغرير لي يسموها كذلك الغرايف و لكني انا حبيت نزيد لها بعض المقادير بش تصبح اكثر مغذية و خفيفة و هذا حصري من مطبخي و صدقوني باذن الله ناجحة 100با100
نبدا بسم الله
نضع في الجفنة

3كيلات سميد ممتاز +1كيلة فرينة +3مغارف زيت عادي +3مغارف سكر عادي +2بيضات +3مغارف قهوة ملح +2مغارف كبار خميرة الخبز
نفرك كل المقادير براحتي اليد حتى تتداخل ثم نضيف كاس حليب دافئ ونخلط بحركة دائرية مع اضافة 2لتر من الماء دافئ
شوي شوي مع مواصلة الحركة الدائرية
مهم جداااااااااااا ما تعجنيش


ثم نصفي الخليط في كسكاس و نتركه يختمر 1ساعة كاملة
مع التحريك كل ربع ساعة من فوق الى تحت



ثم تبدي تطيبي في مقلاة تيفال ما تلصقش
شوفي كيفاش تجيك ..ما شاء الله تبارك الله ..الصحة و الهناء


ملاحظة ..انا الكيلة لي كيلت بيها تهز نصف باطة لابال
تقدري تستعملي الخلاط الكهربائي
​

 

[amira94]

الله الله على هذوك لغرايف جاوك هايلين

مشكورة أختي على الوصفة
​

 

[mahwossat crochet]

يعطيك الصحة
اني من عشاق البغرير ان شاء الله نجرب طريقتك اختاه
الى ذلك الحين تقبلي سلامي:regards01:

 

[iman88]

ما شاء الله بغرير هو


يعطيك الصحة على الطريقة

 

[SAMIRA25]

يعطيك الصحة اختي و بارك الله فيك

 

[أم عبد الله]

بارك الله فيك سيدتي ع الوصفة ان شاء الله نجربها ونردلك بالخبر

بصراحة البغرير ما ينثقبليش ماعلاباليش علاه خخخخخخ

نسيي طريقتك وان شاء الله ينجحلي

شكرا لا بل بارك الله فيك ع الوصفة
سلامي​

 

[العاشقة لبلدها]

يعيطيك الف عافية يا الغالية
​

 

[ام انس الحبيب]

تبارك الله ما شاء الله
غرايف هي ربي يخليك لينا باش نتعلمو منك
هكا الوحدة ما عندها حتى حجة
باش تقول ما نعرفش
تبارك الله عليك و على عضوات اللمة ما خلاولنا والو
ربي يطيب عشرتنا و ينفعنا ببعضنا
​

 

[om siraje]

nshallah njarab 6are9tek bayna hayla ya36ik esaha​

 

[ام اسحاق]

nshallah njarab 6are9tek bayna hayla ya36ik esaha​

الله يسلمك ...راني ننتظر تطبيقك

 

[ام اسحاق]

بارك الله فيك سيدتي ع الوصفة ان شاء الله نجربها ونردلك بالخبر

بصراحة البغرير ما ينثقبليش ماعلاباليش علاه خخخخخخ

نسيي طريقتك وان شاء الله ينجحلي

شكرا لا بل بارك الله فيك ع الوصفة
سلامي​

وفيك بارك الله ...جربيه ...راني نستنى وش يخرجلك ,,,,راكي فحلة
يخرجلك رووعة ان شاء الله

 

[ام اسحاق]

الله الله على هذوك لغرايف جاوك هايلين

مشكورة أختي على الوصفة
​

لا شكر على واجب ....بارك الله فيك على المرور

 

[ام اسحاق]

يعطيك الصحة
اني من عشاق البغرير ان شاء الله نجرب طريقتك اختاه
الى ذلك الحين تقبلي سلامي:regards01:

الله يسلمك ....ارواحي عندي مرحبا بيك يا عاشقة البغرير ,,,ههههههههههه
راني نستنى كي تجربيه

 

[ام اسحاق]

ما شاء الله بغرير هو


يعطيك الصحة على الطريقة

الله يسلمك و يبارك فيك

 

[ام اسحاق]

يعطيك الصحة اختي و بارك الله فيك

الله يسلمك ويبارك فيك

 

[ام اسحاق]

يعيطيك الف عافية يا الغالية
​

و يعطيك الف الف صحة و فرحة يا العاشقة لبلدها

 

[ام اسحاق]

تبارك الله ما شاء الله
غرايف هي ربي يخليك لينا باش نتعلمو منك
هكا الوحدة ما عندها حتى حجة
باش تقول ما نعرفش
تبارك الله عليك و على عضوات اللمة ما خلاولنا والو
ربي يطيب عشرتنا و ينفعنا ببعضنا
​

ما شاء الله عليك انت يا اختى ام انس و على تطبيقاتك
امين يا ربي اللهم انفعنا و انفع بنا

 

[ام انس الحبيب]

اللهم امين
في انتظار جديدك يا الحرة
​

 

[ام راقية]

الله يبارك جاو هايلين والله أصبحتي مدرستنا يا أم إسحاق خاصة في العجائن ومشتقاتها أتمنى لكي المزيد من التألق.

 

[ام انس الحبيب]

الله يبارك جاو هايلين والله أصبحتي مدرستنا يا أم إسحاق خاصة في العجائن ومشتقاتها أتمنى لكي المزيد من التألق.

شفتي القلب الحار واش ايدير
بمولاه
هههههههههههه
​