بينيي ايطاليان

[maram dider]

وصفة البيني هادي نديرها خصوصا فالصيف مليحة للخجات فالغابة وللبحر و قعدات على الاتاي هههه

المكونات:
500غ فرينةبيضة
3 ملاعق كبار سكر
شوية ملح
75 غ زبدة لافاني
ملعقة كبيرة خميرة فورية
الحليب دافئ قيس متتلم العجينة
نديرو قاع المكونات الجافة نخلطوهم في رحبة بعدين نضيف الزبدة نخلطها مليح بعدين نضيف الحبة تاع البيض و بعدين نلم بالحليب حتى تتكون عجينة طرية تلصق فاليد لكن ماشي بزاف و نرمدوها بالفرينة و نخلوها تخمر
و لما يضاعف حجمها نحلوهم و بالطابع مدور نطبع و نخليهم يزيدو يخمرو و كي يخمرو نقلوهم فالزيت و كل منقلي حبة نقيس الزيت من فوق كيما نديرو مع المسمن باش الحبة تتنتفخ و نخلوهم يقطرو كي يبردو ندو الحبة نفتحوها مالوسط و نعمروها بالكونفيتير و نغلقوها و نرمدوها فالسكر و بالهنا و الشفا اتمنى تنال اعجابكم
P.Sملاحظة: لازم دايما نرمدو بالفرينة لنو عجينة البيني طرية و تلصق كيما تشوفو فالصورة في كل المراحل درت الفرينة باش متغبنيش كي نرفد الحبة
​

 

[iman88]

امممممممممممممممممممم يمي

يعطيك الصحة على الطريقة هايلين

تسلمين .. . .بارك الله فيك

 

[ام اسراءواسحاق]

واااااااااااااااااو ما شاء الله
ربي يخليك و يحفظلك هبة .قولي امين .

 

[maram dider]

الله يسلمك ايمان ربي يخليك حبيبة و شكرا على الرد الي اسعد قلبي

 

[maram dider]

ام اسحاق ربي يخليك امين يا رب و يخليلك وليداتك و تفرحي بيهم ان شاءلله

 

[om siraje]

allah allah ya sha6ra kharjolek tohfa ya36ik esaha hanona​

 

[TeNtOuNa]

سلمت أناملك على الوصفة الفريدة
دمت محبة للحلويات :d
​

 

[samah06]

يسخفو والله
نوعدك راح نجربهم

 

[somo_81]

يعطيك الصحة ممم يشهو راني نجرب فيهم المشكل معلاباليش إذا ندير الزيت سخون و لا نقص عليه النار استر يا ستار راني نحط صورهم كي يطيبو

 

[barca.moha]

شآطرة من لكبآاار

​

 

[maram dider]

شكرا على المرور اخواني...اتمنى ان ينال اعجابكم

 

[maram dider]

يعطيك الصحة ممم يشهو راني نجرب فيهم المشكل معلاباليش إذا ندير الزيت سخون و لا نقص عليه النار استر يا ستار راني نحط صورهم كي يطيبو

يا حبيبتي النار لازم اولا تكون حامية مثل الي نقلو فيها البطاطا بعدين نقصي النار باش يطيبلك مليح مالداخل

 

[somo_81]

تعيشي حنونة و قبل مانقرا الرد تاعك درت هكذاك و خرجو روعة يحمرو الوجه يعطيك الصحة و قتلك كي يطيبو نحطهم لتيت شوية برك هام ليك كيفاه خرجولي

 

[fleur du jour]

 

[alisare]

مشكورة اختي بارك الله فيك

 

[serinee]

لي بيني جاك يشهي
يسلمو على الوصفة
​

 

[n@tcho]

وصفة البيني هادي نديرها خصوصا فالصيف مليحة للخجات فالغابة وللبحر و قعدات على الاتاي هههه

المكونات:
500غ فرينةبيضة
3 ملاعق كبار سكر
شوية ملح
75 غ زبدة لافاني
ملعقة كبيرة خميرة فورية
الحليب دافئ قيس متتلم العجينة
نديرو قاع المكونات الجافة نخلطوهم في رحبة بعدين نضيف الزبدة نخلطها مليح بعدين نضيف الحبة تاع البيض و بعدين نلم بالحليب حتى تتكون عجينة طرية تلصق فاليد لكن ماشي بزاف و نرمدوها بالفرينة و نخلوها تخمر
و لما يضاعف حجمها نحلوهم و بالطابع مدور نطبع و نخليهم يزيدو يخمرو و كي يخمرو نقلوهم فالزيت و كل منقلي حبة نقيس الزيت من فوق كيما نديرو مع المسمن باش الحبة تتنتفخ و نخلوهم يقطرو كي يبردو ندو الحبة نفتحوها مالوسط و نعمروها بالكونفيتير و نغلقوها و نرمدوها فالسكر و بالهنا و الشفا اتمنى تنال اعجابكم
P.Sملاحظة: لازم دايما نرمدو بالفرينة لنو عجينة البيني طرية و تلصق كيما تشوفو فالصورة في كل المراحل درت الفرينة باش متغبنيش كي نرفد الحبة
​

rani ndir fihem inchallah ysolho
merciiiii​

i

 

[n@tcho]

merciiiiiiii hbiba hmd jawni hayliinnnnnnnnnnneee