كاين بزاف من الناس الي يسمعو براي الي يقول المرأة مواظبة فعملها اكثر من الرجل
و الدليل انها اثبتت وجودها في مجال الشغل و احتكارها اغلب مناصب العمل
اوكي رانا موافقينكم في هاذ الكلمات و الرأي بصح بغيت نقلكم بلي ماشي ديمن المرأة قادرة على انها تكون فالمستوى المطلوب و عاملة مميزة باتم معنى الكلمة
المهم انا نقول لامانع كي تخدم المرأة بصح نشوف نهار تتزوج تصبح امراة مهملة و الدليل كي نروحو لأي مؤسسة و نقعدو نعملو مقارنة فعمل المراة قبل زواجها و بعد زواجها نلقاو تغير ملحوظ و فارق كبير
قبل تكون نشيطةو تكمل خدمتها في وقت محدد / مدركة لشغلها ولكامل خطوات العمل /منظبطة في مواعيد العمل تدخل و تخرج مع الوقت / متلقاش عندها لسية طويلة تاع غيابات وعطل مرضية و غيرها ...........
بصح بعد الزواج تلقاها تتاخر على موعد دخولها للعمل / متقومش بعملها باتم معنى الكلمة/ يكثر عليها النسيان لبعض الوثائق الي لازم تمررها للمسؤولين/ خروجها المبكر قبل موعد انتهاء العمل / كثرة العطل المرضية/ و كثرة الغيبات / اختلاق الاعذار للمدير و المسؤول عن سبب تهاونها و كثرة غيابها......
واش رايكم
نهار نقول انا مع عمل المرأة قبل زواجها
لكن ضد استمرارها فالعمل بعد زواجها خاصة اذا فقدت قدرتها الي تميزت بيها فالاول عن العمل
معايا و لا ضدي
