انا عندي الزهر مع الناس وانتومه ؟

[وصال]

السلام عليكم ورحمة الله تعالى وبركاته

جيت نشخلط شويا من الماضي ونخلطو مع الحاضر ومعلاباليش بالاك كاين ليجيه موضوعي معمر بالزوخ بصح انا حبيت نحكيلكم على الزهر مع الناس وباش تفهمو قصدي حبيت نحكيلكم عليا انا بويسك والله ديفوا ندوخ مع راسي هههه ومنلقاش الحل .
ياخاوتي انا انسانة عندي الزهر مع الناس معلاباليش علاه ملي كنت صغيرة مثلا الاساتذة في الابتدائي كانو يحبوني ، صح كنت ممتازة وانا الاولى ههههههههه :thumb_up02::thumb_up02::thumb_up02: في القسم ، وهذا الزهر مع الاساتذة قعد يمشي معايا ، يعني في المتوسط ، في الثانوي ويعجبك حتى في الجامعة ، ملgري الغاشي بزاف والمدرج معمر هكذاك وكان اسمي معروف ديفوا نحير نقول علاش هذا كل، ربما في القراية الاساتذة يبغوا القراي وقلنا هذا السبب ،لكن انا مام مع الناس بارا عندي الزهر كاين ناس منعرفهمش ويشكروني خطرة صراتلي مع واحدة في الجامعة فام دوميناج قاتلي بنتي تسمحيلي نسلم عليك ، انا دخت قلتها معليش يما نوغمال عنقتني بواحد القوة قاتلي اتهلاي في روحك وبالاك بالاك تتخلاي على حجابك ومتبدليش فيه ابدا ، صدقوني ديفوا نحس روحي منافقة ، ومام صحاباتي يقولولي عندك الزهر ، واش انتومه عندكم الزهر مع الناس ولا لالا .
نتمنى تفهموا موضوعي بلا نقص ههههههههههههه
​

 

[ماكانش]

اهلا بيك وصال
ماتحيريش خلاص لاخاطر نتي ناس ملاح وتقادري الناس هوما يقادروك
هاذ الفامدميناج باين كل ماتفوتي عليها تلقيلها السلام ولا حاجة كيما هكذا بخلاف المتكبرين هاذوك عليها حارت في اخلاقك ودخلتيلها لقلبها
ولوكان عندها ولدها راهي خطباتك ههههه
يعطيك الصحة على الموضوع الباهي
​

 

[Fįŋėŋėşs]

السلآم عليكم ..
اختي اولآ احمدي ربي و اشكريه هآذي تعتبر نعمة و الحمد لله ..
يآ اختي يقلكـ المحبوب محبوب من عند ربي و الخايب خايب ..
يمكن لانو تصرفاتك
مليحة و اخلآقك كيمآ يلزم على هاذيك حبوك ..
و الحمد لله انا ثآني كيفكـ :d ..
المهم اتهلاي في روحك و اتمسكي باخلاقك
+ عندك لآ يحسدوك ههههه

 

[NASRO DZ]

تقريبا كما انا انا شحال من واحد مانعرفوش نمشي في الطريق يقلي صح خويا واش راك لاباس بين راك انسان مليح
مش واحد شحال بزاف مانيش عارف منين
لقيت صح نمشي بنية وربما النية ديالي بانت على وجهي
نضن الانسان راه يبان غير على وجهو اذا كان انسان ناس ملاح ولالا

وانتي بين عليك ناس ملاح اختي غير تهلاي في حجابك وبقاي على هذا المنوال ديما
وربي يوفقك في مشورك

 

[!≈[سُِـِيٌــِـِفّ اٌڷِخً‘يٌـرُ]≈!]

عندك يحسدوك :regards01:

حاجة مليحة يكون لواحد عندو الزهر

بيني وبين الزهر علاقة غير جيدة

في يوم من الايام بعد انتظار طويل تلقيت بيه و حكيت معاه تفاهمنا على كلش

مازال غير نمضيو انا نسيت ما رفدتش معايا قلم زعف وراح من نهار هذا ما شفتوش



والحمد لله
​

 

[3ish.tchof]

بصحتك


انا عندي نحس مع ناس مكانش واحد نقدر نتفاهم معاه كل ما ننهم على حاجة ولا نحوس نبعدهم

على طير لفساد يجبدوا عليا



على كل حال كل واحد و زهروا


​

 

[nawal 88]

اه يا زينة gستيني فالصميم
:d​

 

[nina usma]

يقولو لي يقول معنديش الزهر ميدورش بيه 60 يوم هه

مي بين() الزهر معى الناس خاطيني بويسك انا منخالطش و ........... :$

مي حتى الاساتدة و ماكانش معاهم الزهر

الله غالب​

 

[nawal 88]

يقولو لي يقول معنديش الزهر ميدورش بيه 60 يوم هه

مي بين() الزهر معى الناس خاطيني بويسك انا منخالطش و ........... :$

مي حتى الاساتدة و ماكانش معاهم الزهر

الله غالب​

ممممم انا كل دقيقة وكل يوم نقولها مالا مابدورش ليا الزهر طول العام هههههههههههههه​

 

[mohgladiator]

و إن دل
فهو يدل على اخلاااااااااااااقك الراقية
.
ربي ينورلك طرييييقك
​

 

[بنت الـ25]

اهلا وصال
حكمني الفضول مالعنوان :d
قلت هادي وحدة عندها الزهر :up: وانا زهري نضل نجري موراه
ههههههههههههههههههه
مي الحمدلله كي راكي تحكي حسيت شبه كبير بيناتنا
مام انا نفس المشوار لي حكيتي عليه
والحمد لله على كل حال
يقولو الله إذا أحب عبدا يرزقه حب عباده
هادي نعمة من عند ربي وواصلي الدعاء دوما
اللهم ارزقني حبك وحب من يحبك وحب كل عمل يقربني إلى حبك
بجاه نبيك محمد

سلامي
​

 

[־●ـ‗غمــــوض ــالــورد_ـ●־]

ربي يدوموا عليك انشاء الله
نحكيلك انا حكايتي مع الزهر هههههه مافهمتتش اسكوا مزهرة مع الناس ولا هوما لي مزهرين معايا ههههههه

يعني انا الناس يحبوني ويعاملوني مليح باسكوا انا حنينة منقيسش الناس مام قاسوني لي ظلمني ننسى ونسامحوا المهم بلا منحكي على روحي بالاك تحطوني مغرورة وتكرهوني ههههههه

مي المشكلة تاعي انوا مع الناس لي نعرفهم مليح يعني جيراني ولاصحاباتي ولا مافامي كارتة كارتة كارتة كي نكون معاهم راني مزهرة في بزاف حوايج

مي انا نغيب كمية صايي عليا لامايفريها الهدرة الزايدة يديروا حكايات واساطير يعني كي نكون بعيدة معنديش الزهر سيرتوا فالوقت هدا

ههههه مي مع لي بروف عندي الزهر بزاف يحبوني باسكوا نقرا وتاني جريئة نحب نحكي معاهم نتمصخر وكل شيء مام لي قريت عندهم فالبريمار وفي السيام مازالوا يسقسيوا عليا وكي يلقاوني يحكيوا معايا ويوصوني عاللقرايا ينصحوني كل شيء

وتاني انا الزهر عندي مع الناس لي متعرفنيش مليح متلا كي نديبلاصي ونتعرف على ناس ولا جيران وصحاب مي فامي لي في ولايات خلاف ونروح عندهم ولا لي نتعرف عليهم بار نت ههههههه مزهرة بزاف معاهم ابار صا راني نحطوا استغلال مش زهرباسكوا يحبوني كيعاد مليحة برك هههههههههههه

​

 

[zagane]

el salam alaycom

zehar yekassar el7ejar

li 7abo rabi ye7aboh elnasse

 

[mamouu]

سبحان الله حسيت راكي تهدري عليا.
أنا عندي و الحمد لله الزهر تقدري تقولي واش حكيتي صرا معايا سبحان الله.
لكن اعلمي أنوا القراب منك حيحسدوووووووووووووووووووووووك
أنا صاحبتي شافت بلي عندي الزهر سيات تحفرلي حفرة لقات الغاشي قااااااااااااااااااااااااااااااااااع معايا أو واحد ياربي ما وقف معاها.................
نشاء الله ربي يددومها علينا محبة....................آمين

 

[MĭŠš Čhŏů]

انا الناس كامل يحبوني حتى لافامي تعنا يسقسيو عليا من بين 3 خواتي
ههههههه
والناس كامل نعجبهم
ورح نقلك السر
خاطر انا ندخل روحي نحكي مع العباد ونعرف كيفاش نتعامل معاهم ونضحك ياااسر ونهدر يااااسر
هذا هو السر
​

 

[tistissa dj-tissou]

سلام

دبرتيها عندك الزهر ..حاجة مليحة

بالنسبة ليا cvمعليش ساعات كاين وساعات ماكش

مرسي عليك حنونة

ربي يهنيك
​

 

[بنـ MaPa ـت]

وعليكم السلآآم

يا بختك حنونة نعمة من عند الله
حاجة مليحة واد يكون مزهر وين مايروح ينفتحولو البيبان
يا ختي انا واش نقول وواش نخلي
لا زهر لا ميمون لا قسام الزين كيما يقول خساني
لي نحب نديرها تتلف مانعرف قاع وين
في الناس واحد ماعلابالو بيا لا طحت ولا نضت

الزهر هادا عندي بروبلام معاه ولا واش كاشما درتلو مافهمتش
شاتية مرة وحدة تتسقملي الطريق يا بن عمي
مي هكدا ونقولو الحمد لله
​

 

[youcef.as.dz]

السلام عليكم ورحمة الله تعالى وبركاته

جيت نشخلط شويا من الماضي ونخلطو مع الحاضر ومعلاباليش بالاك كاين ليجيه موضوعي معمر بالزوخ بصح انا حبيت نحكيلكم على الزهر مع الناس وباش تفهمو قصدي حبيت نحكيلكم عليا انا بويسك والله ديفوا ندوخ مع راسي هههه ومنلقاش الحل .
ياخاوتي انا انسانة عندي الزهر مع الناس معلاباليش علاه ملي كنت صغيرة مثلا الاساتذة في الابتدائي كانو يحبوني ، صح كنت ممتازة وانا الاولى ههههههههه :thumb_up02::thumb_up02::thumb_up02: في القسم ، وهذا الزهر مع الاساتذة قعد يمشي معايا ، يعني في المتوسط ، في الثانوي ويعجبك حتى في الجامعة ، ملgري الغاشي بزاف والمدرج معمر هكذاك وكان اسمي معروف ديفوا نحير نقول علاش هذا كل، ربما في القراية الاساتذة يبغوا القراي وقلنا هذا السبب ،لكن انا مام مع الناس بارا عندي الزهر كاين ناس منعرفهمش ويشكروني خطرة صراتلي مع واحدة في الجامعة فام دوميناج قاتلي بنتي تسمحيلي نسلم عليك ، انا دخت قلتها معليش يما نوغمال عنقتني بواحد القوة قاتلي اتهلاي في روحك وبالاك بالاك تتخلاي على حجابك ومتبدليش فيه ابدا ، صدقوني ديفوا نحس روحي منافقة ، ومام صحاباتي يقولولي عندك الزهر ، واش انتومه عندكم الزهر مع الناس ولا لالا .
نتمنى تفهموا موضوعي بلا نقص ههههههههههههه
​

ربي بارك .اللهم لا حسد. ابعثينا شوية
ان شاء الله ربي يكتبلي وحدة عندها الزهر على الاقل تنقص عليا شوي
لخطراه الزهر في جيهة وانا في جهة ميعرفش عنواني طولي حتى اسمي

 

[مايا الجزائرية]

سلام اختي
الاخلاق هي الي تخلي الواحد مرغوب ومتميز
كل واحد كيفاش انا عندي ايه مي دي فوا ما عندييييييش
هاكدا دايرة
:dسلامي

 

[Yayan]

ايييييييي .. انا والزهر أعداء .. إلا الزهر برك ما تحكيليش علييه .. انا ماعنديش الزهر مبصح نحمد ربي كي عاد ما صراتليش حتى حاجة .. مثلا اكسيدون ولا حاجة من هدا القبيل
المهم نشكرك ع الموضوع وربي يكملك