أرز لذيييييييييذ و بطريقة جديدة من مطبخ ام نيفين

[أم نيفين]

السلام عليكم و رحمة الله و بركاته

هاذ الروز يجي بنيييين و مايتشبعش ...
أولا نحط الروز يفور انا نعتمد طريقة نينا الغالية فالتفوار ...جي الحبة مفرقة على ختها يهبل بارك الله فيك حبيبتي ...الكمية حسب أفراد العائلة

من جهة أخرى نحضر صوص بلونش = نحط طرف جاج يتقلى حتان يحمار شوية ثم نزيد البصلة مرحية و المعدنوس و الثوم و ملح و فلفل أسودو نخلطو ممممممم تخرج ريحة تهبل ههههه..... نخليو البصلة تتقلى مليح و نمرقو شوية برك حق مايتغطى الجاج و نلوحو الجلبانة و زيتون أخضر مقطع و نسكرو على الكوكوت حتان يطيب الجاج ....نخرجو الجاج و نفتوه و نجبدو الجلبانة و نحطوهم فوق الروز لي نكونو حطيناه في باسينة ...
من جهة اخرى نقليو طراف حوت نتي و واش عندك انا استعملت الفيلي و الكروفات نحمروهم بشوية زبدة و نلوحوهم مع الروز ثم نزيد الفرماج مربعات و نخلط غير بشوية
الصوص تاعنا نزيدولها علبة كرام فراش و نحطها تغلي شوية ثم نكبها مع الروز و نخلط ...فالاخير حطي الخليط تاعك في بلاطو و ذري الفرماج رابي من فوق و حطيه فالفرن و شعلي من فوق غير باش يذوب الفرماج ...و بالصحة و الهنا ...صدقوني جي روووووووعة غير جربوها ( ملاحظة: أنا ماكانش عندي الفرماج رابي)
الصور هنا توضح أكثر

إن شاء الله يكون عجبكم و تجربوه .....سلام :up:</B></I>

 

[nada242008]

يعطيك الصحة ام نيفين الصور كبيرة ياسر ماظهرتش كون غير صغرتيهم

 

[أم نيفين]

الله يسلمك حبيبتي فوفو ...استناي شوية برك ضرك يصغارو وحدهم

 

[ibtesem]

مشكورة ام نفين على الوصفة راكي عطتيني واش نطيب لعشا

 

[imane27]

امممممممممممم ام نفين طبق رايح ينطق باين يشهى

 

[روعة2005]

راه يبان يشهي ايمانو يعطيك الصحة حبوبة والله شكله يم يم يم +تقييم
ممكن تقوليلي طريقة التفوار تاع الروز

 

[nada242008]

راهم خرجو يعطيك الصحة والله الصور راهي تحكي وحدها اممممممممممم

 

[ام سيف]

تسلم الايادي
روعة يعطيك الصحة​

 

[prncess fifi]

يعطيك الصحة ام نفين لكن للاسف الصور ما بانوليش​

 

[كوثر الوهرانية]

هايلة الوصفة تسمى بايلا في الفرن ام اكيد لديدة الف شكر لكي

 

[نبض الحياة]

يعطيك الصحة طآطآآآ​

 

[om siraje]

teslam 2idek raw3a okhti​

 

[ندى الورود]

أمممممممم وصفة هايلة وتشهي
يعطيك الصحة يا ام نيفين
كيما قالتلك ام ندى الصور كبار بزاف وانا ما بانوليش
وخاصية تصغير الصور الأوتوماتيكي للمنتدى تاخد وقت طويل
كون غير تصغري شوي الصور
​

 

[MĺŹǾ žĕĥÔŖ]

أمممممممممممممممممممممم رووووووعة رووووووووعة يشهي هاد الرووووووز

تسلم ايديكي
​

 

[mimi53]

يعطيك الصحة ام نيفين ارز يشهي تسلم ايدك

 

[ميس مرام]

يعطيك الصحة اختي
كيفاه فورتي الروز؟

 

[hadda0425]

هايل ام نيفين يعطيك الصحة

 

[هبة الرحمان2]

يعطيك الصحة

 

[hadda0425]

يعطيك الصحة اختي
كيفاه فورتي الروز؟

نجاوبك في بلاصة ام نيفين بعد الاذن منها طبعا
انا تاني نعتمد طريقة التفوار لانها تخلي الروز حبات حبات
تدهني مقدار الروز تاعك بالزيت وتلوحيه في كسكاس بعدما تغلي البرمة وتحطي الكسكاس وتغلقي مليح فتحات التفوار
وكلمايتفور الروز ترشيه بالما فوق البرمة انا ما نحيش خلاص من فوق البرمة تم تم
يعني كلما يتفور ترشيه بالما هاك حتى تلقايه طاب وحكم روحو وما يتلصقش
ومن بعد تعملي به وش بغيتي
سلاطة ولا تعمليلو صوص
ان شاء الله تكوني فهمتي
​

 

[Djazaire-El-Ghalia]

روعة أم نيفين شكراً لك