دجاج محشى جبن من مطبخى وحصرى

[imane27]

السلام عليكم
بسم الله نبدا

صدر تاع دجاج مقطع شارائع وزدت رققتو وتبلتو بملح فلفل اسود زيت زيتون وانا عندى لزبيس مشرية سبسيال تاع دجاج ونتى ماشى شرط دريهم

وحطيت شريحة تاع دجاج فوق لوحة التقطيع وحشيتها فرماج شيدار او اي نوع تحبيه

وكملتهم كامل وحطيتهم يتشربو حوالى نصف ساعة

سخت مقلة مليح ودرت فيها زيت زيتزن وحمرت فيهم الدجاج من كامل جوايه
ونحيتهم وستفتهم فى بلا تاع الفور

فى نفس المقلة حطيت شوية زيت زيتون وثوم وملح وفلفل اسود وفلفل عكرى وطماطم مرحية وتاع علب وطيبت صوص تومات

وفرغت صوص تومات فوق الدجاج وغلقت بلا بالمنيوم ودخلتو للفور يكمل طياب حوالى نصف ساعة وبعد نحيت المنيوم وخليتو يتحمر وقبل ما طيفت الفور درت جبن تاع همبورقر وطفيت عليه وعاودت غلقتو بالمنيوم

وهاد شكلو بعد ماطاب وزينتو بمعدنوس

وهنا قدمتو مع سباقيتى
ونتى تقدرى تقدميه مع واش حبة لبورى روز .......

انشاء الله تعجبكم الطريقة​

 

[oumniati]

ya3tik saha louiza, bayna tchahi, njarrabha in cha allah:up:

 

[omarwa]

يعطيك الصحة لويزة جاتك هايلة
اعطيني التتبيلة نتاع الجاج باش نشريها الجاج نتاعك يجي محمر على الكيف ههههه

 

[iman88]

بارك الله فيك

رووووووووووووعة

 

[عفاف الجزائرية]

يعطيك الصحة اختي لويزة جاتك امممممممممم
بصحتكم

 

[hadda0425]

يعطيك الصحة لويزة وصفة هايلة وساهلة
​

 

[أم علاء الدين]

يعطيك الصحة جاتك هايلة

 

[Djazaire-El-Ghalia]

يعطيك الصحة لويزة دايماً مبدعة

 

[shahrazad]

ماشاء الله جاك يشهي
الله يسلم يديك
​

 

[لؤلؤة القلب]

يعطيك الصحة
طبق يشهي​

 

[somo_81]

ممممم ما شاء الله جاتك روعة لو تزيدي تنورينا و تعطينا توابل الدجاج يزيدك ربي بركة يا لوووووويزة

 

[ام بسومة]

يعطيك الصحة
طبق يشهي​

 

[زائــــــــرة حلوة]

امممممممممم جاك هاااايل , بوركتي إيمانو:up:

 

[ibtesem]

it's delicious lwiza
thanks

 

[imane27]

شكرا ليكم لبنات والله اخجلتونى ونورتونى يعطيكم الصحة
بالنسبة لى تتبيلة الدجاج رانى صورتها ونتوما خسو ولا تلقاوها

 

[om siraje]

bayen hayel webnin ya36ik esaha okhti imene​

 

[نور الحبوبة]

يعطيك الصحة طبق هايل واكيدبنين يصلح لضياف

 

[حاملـة المسك]

اممممم يا ايمان سال لعابي

يعطيك الصحة جاك هايل​

 

[prncess fifi]

اممممممممم يا ايمان راه يشهي بصحتكم​

 

[أم نيفين]

ممممممم الله يبارك تشهي ....انا ماتعشيتش و كي شفت ماكلتك جوعتيني ههههه
يعطيك الصحة