حكايتنا مع كلمة SAVA ...

[kiops]

السلام عليكم واش راكم SAVA ؟

شفتوا مزال عاد ما بديت و راني طحت في الفخ . . . ما فهمتوش ؟! صبرو برك شويا و تفهمو . . . أنا حبيت نقولكم .. حاولو تجوزو نهار واحد بلا ما تقولو كلمة "SAVA " ولا كلمة " لباس" يعني شقيقتها في العربية . . . . واش تقولو ؟ . . . . . تقولو " Mais c'est pas possible " ( مستحيل ) . . . . . OK ..OK راني فهمتكم . على كل حال أنا حاولت و ما قدرتش ...

- واش راكي نسرين SAVA ؟
- كيف حالك عمي سعيد ؟ لباس ؟
- سهيلة , SAVA ؟
- صحيت خويا كمال , SAVA ؟​

شفتو . . . . شحال عزيزة علينا كلمة SAVA ! أنا يبان لي بلي هي الكلمة اللي نعاودها بزاف في نهار واحد

دوك فهمتو واش راني حاب نقول .. ولا راكم تقولو واش راه يهدر !


سمعوني رايكم ...

 

[algeria]

شكرااا لك اخي العزيز على الموضوع الجيد
لكن اود ان اعطيك معلومه ممكن انك لا تعرفها ان نحن في الصحراء لا نستعمل الفرنسيه كثير
ممكن تقول 95/100 معربين وهذا نتج من عدم دخول ابائنا المدارس الفرنسيه التدريس عندنا كان في الزوي
وانا امامك لا اجيد الفرنسيه اتقن الانجليزيه احسن من الفرنسيه ام بنسب لكلمة لباس كما كتبتها انت هي تكتب لا بائس وتختصر بالباس معنها لا..... بائس والبائس يعني شر يعني لا شر وهي عربيه


وشكرااااا لك اخي ​

 

[kiops]

الله يعطيك الصحة خويا algeria ... و شكرا على المعلومات ... في النهاية ما نحن الا في مدرسة هي " الحياة " كل يوم نتعلمو شيئ جديد

تحياتي أخي ... أسعدت كثيرا بتعقيبك

 

[نينا الجزائرية]

صح كيما قال انا كيما الجيغيان حنا في الصحرا كلش عربي صافا تعلتها كي جيت للرق احنا نقولو الحمد لله

 

[kiops]

معليش ختي نينا ... دوك عرفت بلي كي نجي ان شاء الله لصحرى نتاعنا الجميلة ما لازمش نقول ولا راكم Sava ولا لباس بصح نقولكم ولا راكم لحمد لله ... هكذا ختي ... بصح وقتاش تعرضينا نزوركم

تحياتي نينا

 

[نينا الجزائرية]

هههههههههههههههههه انا في التل رحلنا من الصحرا هههههههههههههههههههه

 

[زنوبة dz]

اولا مرسي رانا sava هههههههههههه
والله يا اخي صحيح اننا لا نستطيع ان نصبر على هدا الكلام خاصة انا كل كلامي هكا ميتبدلش فربما لا استطيغ ان اغير لانها اصبحت عادتي وانا حتى اصبحت في مادة اللغة العربية اترجم الكلام للفرنسي باش نفهمو

 

[Nadir]

أنا مرة تاني قلت علاه نقول sava بزاف حتى مرة قلت il faut نبدلها mais domage مقديتش , c bon الفرنسية تخلطت مع الدرجة حتى في التلفزيون تفرجو أي حصة أو فلم ورايحين تشوفو بلي اللغة الشكشوكة كثرت و البورتابل (المحمول)
و ال sms و الأنترنت رايح يزيد يصنع كلمات جديدة لن نعرف حتى أصلها عربي ولا فرنسي ,

كلمة flexy مثلا هي djezy ولكن تم تغيير كل حر ف بلي معاه فالمحمول شاهدو f و d
و تاني Lو j وأيضا x و z
و
اصبحنا نستعمل كلمة فلاكسيلي 100 دج
ولكن يمكن كل واحد يجرب يتكلم كل الفرنسية مع لي يتكلم بالفرنسية و يتكلم بالعربية مع لي يتكلم بالعربية , تبقى الارادة هي الحل .

 

[DADY]

والله كلامكم كلّه صحيح فقد تغلبت اللغة الفرنسية على لهجتنا الدزيرية ولا أقول لغتنا العربية لأننا أصلا لا نتكلم اللغة العربية كل كلامنا كما قال أخي ندير شكشوكة ..
فمثلا أراد عزيزي algeria أن يصحح خطأ Kiops في كلمة لباس بـ: لابائس فزاد الخطأ خطأ والأصح أن نقول لا بأس...
ولعلني أنا أيضاً أخطأت .. فهذا كله راجع لثقافتنا المشكشكة..!!

 

[kiops]

يبان لي بلي مرانيش وحدي الي ' روماركا ' شحال كلمة Sava هي لاصقة في لساننا ههههههههه وحبيت برك نقول حتى كلمة ' Sava ' كيما رانا نكتبوها ما تلقاهاش في حتى Dictionnaire ( قاموس) فهي يمكن نقولو راههي كلمة 100 % دزيرية .... ولينا دوك نبدعو .... يا سلام . بصح معليش راني نشوف بلي راهي حاجة نورمال ... يخي هكا ؟
نزيد حاجة برك 'روماركيتها ' (لاحضتها) ثاني هي ولينا نصرفو ( on conjugue ) الأفعال الفرانساوية بلهجتنا كيما : remarquer نقولو روماركيتها , روماركي , روماركاو ....و راكم روماركيتو بلي راني ستخدمتها ههههههههههه

معليش يخي رانا نتفاهمو بيناتنا كي نهدرو ... وهذا هو المهم

تحياتي زينب , نينا , Nadir , DADY

 

[نينا الجزائرية]

رانا دزيرية نديروا العجب هههههههههههههههههههههه

 

[algeria]

اخي انت تفتكر ان sava فقط هي اللتي لصيقه او الكلمه وحيدها التي ننطقها لا هنك الكثير والكثير
ونعطيك نكة صغيره واقعيه ان شخص من معرفي راح لطبيبه ولم باقت تفسر لها فالمرض انتعو تحكي بالفرنسيه لم يفهم منها ولا كلمه طلب منها انها تحكي بالعربي قالت اسفه ورجعت تفسر لو بالعربيه لكن تخكي بالفرنسيه وتقلو بالعربيه فهمت ؟؟؟ يعني فهمت هي الكلمه الوحيه للي بالعربي
هدي واحده
واش تقول في كلمة جمعا حبو يفوت عطله واش يقول رايحن نبسطو شوي واش رائيك في هذه الكلمه
عربيه ولا فرنسيه ؟؟؟


اما اخي من قال لا بائس فهيا تكتب مثل ما كتبتها انا وتنطق مثل ما كتبتها انت وشكرررر
وكلامي خطاء يستحمل الصواب وكلامك صواب تستحمل الخطاء ​

 

[lejoueur1]

ما عليش ندخل روحي ... ياخي ما كاش مشكل .. اوكي .
قولولي يرحم الشوابين هادا موضوع يهدرو عليه الناس .
ياخي حالة قاله SAVA ايا ومن بعد SAVA WELLA SAVA PAS !! .

 

[البوسعادي]

أنا مرة تاني قلت علاه نقول sava بزاف حتى مرة قلت il faut نبدلها mais domage مقديتش , c bon الفرنسية تخلطت مع الدرجة حتى في التلفزيون تفرجو أي حصة أو فلم ورايحين تشوفو بلي اللغة الشكشوكة كثرت و البورتابل (المحمول)
و ال sms و الأنترنت رايح يزيد يصنع كلمات جديدة لن نعرف حتى أصلها عربي ولا فرنسي ,

كلمة flexy مثلا هي djezy ولكن تم تغيير كل حر ف بلي معاه فالمحمول شاهدو f و d
و تاني Lو j وأيضا x و z
و
اصبحنا نستعمل كلمة فلاكسيلي 100 دج
ولكن يمكن كل واحد يجرب يتكلم كل الفرنسية مع لي يتكلم بالفرنسية و يتكلم بالعربية مع لي يتكلم بالعربية , تبقى الارادة هي الحل .

ماذابينا تكون عندنا لغة خاصة بينا نسموها لغة الشكشوكة :rolleyes:

 

[البوسعادي]

أنا مرة تاني قلت علاه نقول sava بزاف حتى مرة قلت il faut نبدلها mais domage مقديتش , c bon الفرنسية تخلطت مع الدرجة حتى في التلفزيون تفرجو أي حصة أو فلم ورايحين تشوفو بلي اللغة الشكشوكة كثرت و البورتابل (المحمول)
و ال sms و الأنترنت رايح يزيد يصنع كلمات جديدة لن نعرف حتى أصلها عربي ولا فرنسي ,

كلمة flexy مثلا هي djezy ولكن تم تغيير كل حر ف بلي معاه فالمحمول شاهدو f و d
و تاني Lو j وأيضا x و z
و
اصبحنا نستعمل كلمة فلاكسيلي 100 دج
ولكن يمكن كل واحد يجرب يتكلم كل الفرنسية مع لي يتكلم بالفرنسية و يتكلم بالعربية مع لي يتكلم بالعربية , تبقى الارادة هي الحل .

ماذابينا تكون عندنا لغة خاصة بينا نسموها لغة الشكشوكة :: :rolleyes:

 

[kiops]

اخي انت تفتكر ان sava فقط هي اللتي لصيقه او الكلمه وحيدها التي ننطقها لا هنك الكثير والكثير
ونعطيك نكة صغيره واقعيه ان شخص من معرفي راح لطبيبه ولم باقت تفسر لها فالمرض انتعو تحكي بالفرنسيه لم يفهم منها ولا كلمه طلب منها انها تحكي بالعربي قالت اسفه ورجعت تفسر لو بالعربيه لكن تخكي بالفرنسيه وتقلو بالعربيه فهمت ؟؟؟ يعني فهمت هي الكلمه الوحيه للي بالعربي
هدي واحده
واش تقول في كلمة جمعا حبو يفوت عطله واش يقول رايحن نبسطو شوي واش رائيك في هذه الكلمه
عربيه ولا فرنسيه ؟؟؟


اما اخي من قال لا بائس فهيا تكتب مثل ما كتبتها انا وتنطق مثل ما كتبتها انت وشكرررر
وكلامي خطاء يستحمل الصواب وكلامك صواب تستحمل الخطاء ​

لا كلامك صحيح أخي algeria ... وأنا ركزت كثيرا على 'sava' لأنها تبان لي الأكثر استعمالا لا أكثر ولا أقل وفعلا الأمثلة لا تعد ولا تحصى .... تحياتي

 

[kiops]

ما عليش ندخل روحي ... ياخي ما كاش مشكل .. اوكي .
قولولي يرحم الشوابين هادا موضوع يهدرو عليه الناس .
ياخي حالة قاله SAVA ايا ومن بعد SAVA WELLA SAVA PAS !! .

و الله مكانش حتى مشكل أخي ... يا ريت قاع يعطو رايهم ... بصح مفهمتش خويا وعلاش راك تزعف في روحك ... راهي حاجة لاحضناها وحبينا برك نعلقو عليها شويا

ويخي ديجا راني قلتها ونعاودها : " معليش يخي رانا نتفاهمو بيناتنا كي نهدرو ... وهذا هو المهم "

صحيت خويا

 

[lejoueur1]

صحا البوسعادي راك باين vraiment gentil و الله ...
بصح كاين واحد يفهمني مليييييح وهو ولد بوهالي . وهو يعرف مليح بلي انا jamais نتقلق و الله .
المهم حبيت برك نفمك بلي ماشي انا المتقلق .. ياو انتوما اللي قلقتكم كلمة sava .
c pour sa انا راني هدرت .
لوكان ماكانتش كلمة sava واش كنت تقول ... الحمد لله ؟؟
ماشي مشكل نقولوها بصح قلي كي يقلك صاحبك ... واش السروال مليح ؟؟ تقله انتايا .. الحمد لله
ما جاتش و الله ما تجي
المهم باغي تقلك شوفلنا كاش موضوع هاككا زهواني parceque رمضان وانتايا هاكا بزاااااااااف

 

[algeria]

صحا البوسعادي راك باين vraiment gentil و الله ...
بصح كاين واحد يفهمني مليييييح وهو ولد بوهالي . وهو يعرف مليح بلي انا jamais نتقلق و الله .
المهم حبيت برك نفمك بلي ماشي انا المتقلق .. ياو انتوما اللي قلقتكم كلمة sava .
c pour sa انا راني هدرت .
لوكان ماكانتش كلمة sava واش كنت تقول ... الحمد لله ؟؟
ماشي مشكل نقولوها بصح قلي كي يقلك صاحبك ... واش السروال مليح ؟؟ تقله انتايا .. الحمد لله
ما جاتش و الله ما تجي
المهم باغي تقلك شوفلنا كاش موضوع هاككا زهواني parceque رمضان وانتايا هاكا بزاااااااااف

اخي العزيز لو لم تكن كلمة sava انتعك هدي كانت الدني تفنا خلاص ومنعرفوش نهدرو ويا ولدي عمي اللغه العربيه بحر ومهم غصت لا تصل الى العمق وثاني شيء على المثال اللي قلتو كي تشري سروال اه فهمتني كي تشري سروال ويسالوك واش السروال مليح لا تقول لهم الحمد الله ولا sava في ثنين خطاء لان الحمد الله تقال في مكانها وsa va تقال في مكانها تقدر تقول مليح بلهجتنا حبا يقعر بوبنا


الموضوع لك انت خاصة لاني ملاحض انك تدافع عن الفرنسيه & thank u dont speak french is very bed for me ​

 

[mca406]

و الله صح اخي العزيز

لكن كل بلد و له لهجاته الخاصة
يعني ما شي عيب نتكلمو بيها
و شكرا لك على الموضوع الشيق
و كل عام و انتم بخير