شرطو انو تكون البنت " عقلية برا"...!!!

[وردة رمال الصحرا]

السلام عليكم ورحمة الله وبركاته
كـــــــــيفكــم؟؟....إن شاء الله الكـــــــــل بخيـــــــر وعافيـــــــــة​

:up:

الموضوع لي حا نطرحو اليوم سمعتو غي من جديد وتعجبت فيه الصراحة!!!
هذا واحد من الجزائر الحبيبة حاب يتزوج.... هذي مافيهاش مشكلة...بس العجيب انو شارط انو شريكة حياتو تكون جزايرية بس بعقلية تع برا!!؟؟؟
العقلية تع برا= عايشة برا +عقليتها غير على البنات لي في الجزائر!!!!
المهم هو لقى لي يحوس عليها ..وبصحتو الأخ...وبصحتها صحبتي( لإنها هي الطرف الثاني)
درك انا مافهمتش... هي العقلية تتبدل بتغير المكان؟؟.... وإذا تبدلت دايما تتبدل للأحسن ولا كيفاه؟؟؟
ممكن كاين شباب بزاف يخمموا بهذي الطريقة.... وربما كاين بنات يخممو هكا....لكــــــن التساؤل هو : ليــــــش.... نريد توضيحا؟؟؟​

حبيت نعرف آرائكم...لأنكم جزايريين ومنكم شباب وبنات، ومنكم متزوجين وعزاب، ومنكم لي عايشين داخل الجزائر ومنكم لي عايش برا.
تحياتي إخوتي​

:regards01:

 

[بنت الـ25]

السلام عليكم اختي
عقلية برا معناها متفتحة ؟ هكا
كون من اللول يحوس على عقلية برا يروح يجيبها من برا
ولا ما طالتهاش يدو:down: ؟ سيغ :d
قلو الجزائريات بعقلية برا (على قفا مين يشيل)
وانها تكون جزائرية بعقلية بكري مش معناه انها مش متفتحة
ولاكان تطيرلك جزائرية أصيلة (ومتفتحة) بوس يدك وجه وظهر
ربي يهدينا هدا ما نقول
ناس تخدم على آخرتها وناس غرتها الدنيا الفانية
​

 

[وردة رمال الصحرا]

السلام عليكم اختي
كون من اللول يحوس على عقلية برا يروح يجيبها من برا
ولا ما طالتهاش يدو:down: ؟ سيغ :d
قلو الجزائريات بعقلية برا (على قفا مين يشيل)
ولاكان تطيرلك جزائرية أصيلة بوس يدك وجه وظهر
ربي يهدينا هدا ما نقول
ناس تخدم على آخرتها وناس غرتها الدنيا الفانية
​

وعليكم السلام ورحمة الله وبركاته
راه جابها من برا
على حساب ردك ...فهمتي انو حاب هذا الشي لمصالحو الدنيوية...لكن على حساب ما فهم بيه السيد صاحبتي...انو هذا شرطو...قالك لأنو لي عايشين داخل الجزاير عقلياتهم ماتناسبش تكوين الأسرة المثالية ...
شكرا على الاعتماد وشكرا على المشاركة ​

 

[الطيب الجزائري84]

المشكل ليس في مكان التواجد ..المهم تكون امراة صالحة وحريصة على دينها ..وبارك الله فيكم

 

[بنت الـ25]

آسفة ختي قريت الموضوع بسرعة ودوكا وين تولهت للنقطة تاعك
أوكي نجاوبك
هي العقلية تتبدل بتغير المكان؟؟
طبعا العقلية تتبدل بتغير المكان
لاخاطر التنشئة الاجتماعية تختلف من مجتمع لآخر

.... وإذا تبدلت دايما تتبدل للأحسن ولا كيفاه؟؟؟
مش شرط؟ في كل بلاصة كاين لمليح والحاير

ممكن كاين شباب بزاف يخمموا بهذي الطريقة.... وربما كاين بنات يخممو هكا....
ممكن جداااااا

لكــــــن التساؤل هو : ليــــــش.... نريد توضيحا؟؟؟
دوكا ترسخت فكرة لدى الشباب تعنا انو العقلية تع هنا قديمة وتعيي
ألوغ يحوسو في اعتقادهم على وحدة متقولكش وين رايح ومنين جيت
ووحدة ميكونش الذهب أول وآخر متطلباتها
باختصار يفتش على راة البال (طبعا في اعتقادو)
وهاد الشي نسبي مش مطلق بمعنى انو كيما قلت لفوقفي كل بلاصة كاين لمليح والحاير
وقادر يطيح في وحدة تع برا يشوف معاها النجوم في وضح النهار

فكرتيني في نكتة
قالك أيها الشاب الجزائري
تزوج قاورية ودخلها للإسلام وما تتزوجش جزائرية تكفرك

طبعا مجرد نكتة منقدروش نعمموها هههههه
​

 

[وردة رمال الصحرا]

المشكل ليس في مكان التواجد ..المهم تكون امراة صالحة وحريصة على دينها ..وبارك الله فيكم

كلام صائب ، الصلاح والحرص على الدين أهم شروط القبول بالنسبة للشاب وبالنسبة للبنت
لكـــــــن موضوعي يتكلم عن هذا التفكير المحدد بالذات
شكــــــــرا جزيلا​

 

[وردة رمال الصحرا]

آسفة ختي قريت الموضوع بسرعة ودوكا وين تولهت للنقطة تاعك
أوكي نجاوبك
هي العقلية تتبدل بتغير المكان؟؟
طبعا العقلية تتبدل بتغير المكان
لاخاطر التنشئة الاجتماعية تختلف من مجتمع لآخر

.... وإذا تبدلت دايما تتبدل للأحسن ولا كيفاه؟؟؟
مش شرط؟ في كل بلاصة كاين لمليح والحاير

ممكن كاين شباب بزاف يخمموا بهذي الطريقة.... وربما كاين بنات يخممو هكا....
ممكن جداااااا

لكــــــن التساؤل هو : ليــــــش.... نريد توضيحا؟؟؟
دوكا ترسخت فكرة لدى الشباب تعنا انو العقلية تع هنا قديمة وتعيي
ألوغ يحوسو في اعتقادهم على وحدة متقولكش وين رايح ومنين جيت
ووحدة ميكونش الذهب أول وآخر متطلباتها
باختصار يفتش على راة البال (طبعا في اعتقادو)
وهاد الشي نسبي مش مطلق بمعنى انو كيما قلت لفوقفي كل بلاصة كاين لمليح والحاير
وقادر يطيح في وحدة تع برا يشوف معاها النجوم في وضح النهار

فكرتيني في نكتة
قالك أيها الشاب الجزائري
تزوج قاورية ودخلها للإسلام وما تتزوجش جزائرية تكفرك

طبعا مجرد نكتة منقدروش نعمموها هههههه
​

هههه ايه والله كان باين ردك الأول عصبي
يلا الحمد لله انك خففت شوي منها وأتحفتينا بكلام منطقي كيما تع درك
انا معاك ف انو العقلية تتغير وانا معاك في السبب لي ذكرتيه ...بصح لدرجة انو تكون تعمل فارق بين عقلية داخل وبرا ...بزاف هكا!!!
انا نشوف بلي العقلية تع البنت الجزايرية داخل الجزائر تبدلت على بكري...وخاصة البنات تع درك...يعني تقدري تقولي كاين قع الأشكال والألوان في العقليات
هههههههههه النكتة لي ذكرتيها تأكد كلام السيد لي حكيت عليه ف موضوعي...والكثير من لي يشبهوه في التفكير
شكرا مرة أخرى ​

 

[الطيب الجزائري84]

عقلية برا تقصدي ..العولمة يعني عقلية المستوردة ان صح التعبير ..فانا قصدي عقلية برا ..هي عقلية القرويين اي الريفيين ..
اما فيما يخص العقلية المستوردة فهذه بعيدة عنا نسال الله العافية

 

[EL General]

مممم كي شغل هو يحوس على طفلة تكون متفتحة ، تكون عقلية آوفآر هههه

ميضوع top
​

 

[فتاة حساسة]

واش من عقليا..او خليك ..يحياو بنات بلادي

 

[وردة رمال الصحرا]

عقلية برا تقصدي ..العولمة يعني عقلية المستوردة ان صح التعبير ..فانا قصدي عقلية برا ..هي عقلية القرويين اي الريفيين ..
اما فيما يخص العقلية المستوردة فهذه بعيدة عنا نسال الله العافية

مش كيما وصفتها اخي...هي جزايرية لكن متأثرة بمجتمعات غير المجمع الجزائري، ومش لازم تكون مجتمعات غربية، قد تكون عربية .​

:regards01:

 

[وردة رمال الصحرا]

مممم كي شغل هو يحوس على طفلة تكون متفتحة ، تكون عقلية آوفآر هههه

ميضوع top
​

ايوووه بالضبط...برافو عليك
لكن نظن انو الأوفار راه ولى عندنا داخل الجزائر وبزااااااااف....ولا شو قلت؟؟
ردك هو ال توب​

​

 

[وردة رمال الصحرا]

واش من عقليا..او خليك ..يحياو بنات بلادي

اييييييه شحال متحمسة لبنات بلادك ...ما شاء الله عليك​

:up:

مشكـــــــــــــورة​

 

[وصال]

هادي عقلية بارا ضحكتني بكل صراحة ، علاش الدزيريات ماشي متفتحين خموس علينا بنات عيلة ثقافة ودين والحمد لله .
اختي نقولك حاجة هذا باين واحد حابس في مخوا لي يشوفها خضرا حسباتلوا كامل حشيش ، ولا يتاثر بالمظهر بويسك الماجوريتي يشوفو السيفيليزي ثقافة ,وعقلية برا هاذي اذا كانت ماوراء البحار لا يحلون لنا ولا نحل لهم .
اما المكان يبدل الانسان : انا نقولك جامي لي معدنه ذهب لا يحول ولا يزول ولا يؤثر فيه اي شئ ، ولي نحاس بالطبع الريح اللي يجي يديه .
شكرا على الموضوع.

 

[وردة رمال الصحرا]

هادي عقلية بارا ضحكتني بكل صراحة ، علاش الدزيريات ماشي متفتحين خموس علينا بنات عيلة ثقافة ودين والحمد لله .
اختي نقولك حاجة هذا باين واحد حابس في مخوا لي يشوفها خضرا حسباتلوا كامل حشيش ، ولا يتاثر بالمظهر بويسك الماجوريتي يشوفو السيفيليزي ثقافة ,وعقلية برا هاذي اذا كانت ماوراء البحار لا يحلون لنا ولا نحل لهم .
اما المكان يبدل الانسان : انا نقولك جامي لي معدنه ذهب لا يحول ولا يزول ولا يؤثر فيه اي شئ ، ولي نحاس بالطبع الريح اللي يجي يديه .
شكرا على الموضوع.

اهلين اختي
وانا عجبتني "خموس علينا"
المهم انا كتبت هذا الموضوع لأنو كيما سبق وقلت كاين بزاف لي يحممو هكا.... ممكن تكون عندهم وجهة نظر.... غير لي قلتيه ...مثل هذا الولد حاب ثقافة البنت لي تكون مسؤولة _على حد تعبيرو_
شكرا خيتو​

​

 

[la_safa]

السلآم عليكم ،

صرآحة اختي كون وضحتي وش يقصد بعقلية برآ !
آسكو متفتحة و لآ عقلية تآع الشوآرع !

المهم ربي يكملو ان شآء الله ، ~
​

 

[وردة رمال الصحرا]

السلآم عليكم ،

صرآحة اختي كون وضحتي وش يقصد بعقلية برآ !
آسكو متفتحة و لآ عقلية تآع الشوآرع !

المهم ربي يكملو ان شآء الله ، ~
​

وعليكم السلام ورحمة الله
لا المقصود...عقلية متفتحة وماهيش كيما عقليات البنات لي عايشين داخل الجزائر
ولوكان جا يحوس على عقلية شوارع.....هذيك ساهلة
شكرا
​

​

 

[تبسية مقطرررررة]

ههههههههههههههههههه هاذا ضحكنييييييييييييييييييييي ياسر ربي يعااااونو باين فيه ما عاشش في صغرو و جاي ضركاا يتشرط قولي ليه يرووح يرقد خيير ختراكش هو حااب عقلية تع براا تو يقعد ااخر عياد ربي هاذي ما يرضاهاش العبد كيفااه يرضااها ربي المهم هاذا راجل مسكيين حاابة يرووح لفرنساا و ما لقاااااش هههههههه:d قالك خليني ندي وحدة بعقلية فرنسااا ريييحتها و لا قريحتها كيما يقول المثال التبسي :p المهم النصيحة تاعي انو الاخلاق و الرزانة و الديين اهم حااجة في المرااا كووون يجيبلي ايدووو خضراا ما نواافقوش على الراي و مرسيي على الموضووع و ااااسفة على الاطاالة

 

[سمسم السمسومة]

الكلمة غنية عن التعريف_عقلية برااااااااااااا_و قولوا علاه لي عقليتها هكاك راح تقبل بيك...............ياخي يقولوا ما يتزاوجوا حتى يتشابهوا........كيفاه عقلية هنا و لهيه راح يتفاهموا......

 

[βǻŋǾừŧά ₡ǖŦё]

Vivè lès àlGèrinnès:d
​