حادث مرور تتسبب فيه الشرطة

[Mr Brahim]

السلام عليكم و رحمة الله
جمعة مباركة للجميع
واش نقلكم خاوتي ... ندخلوا في الموضوع direct اليوم و انا رايح نقضي صوالح نلقى accident و تخيلوا واش شفت سيارة شرطة مكسرة و سيارة مواطن ايا حبست l'auto تاعي و رحت نجري نشوف واش كاين غاشي بزاااف - الناس تحب التقرعيج - المهم الشرطة كاين بزاااف ساقسيت واحد واش خويا غير الخير قالي كيما راك تشوف الشرطة كانوا يمشوا في الاتجاه المعاكس للطريق دخلوا في السيد حتان هنا قلتا نورمال فجأة جا واحد وقف مع واحد الشيخ - بابات السيد - قالوا وينوا فلان قالوا في السبيطار بعدما صرا الحادث الشرطة هبطلوا و طاحوا عليه بالضرب و راه في حالة :-o و انا حالي تبدل
ايا واش تقولوا ؟؟؟
و سامحوني اني نكتب و منرفي على بالي راني هلكتها في الكتابة :down:
​

 

[بنت الـ25]

اهلا اخي ابراهيم
متقلقش الموضوع مفهوم العنوان برك لاكان تبدلو :-r
وزبد رانا كامل نفناو عالتقرعيج وين نلقاو غاشي نروحو نطلو ههه
----
لا حول ولا قوة إلا بالله
الشرطة في خدمة الشعب:down: نورمالمو يكتبو قدامها (ههههههههه)
هادي اللي قالك ضربني وبكى plus tot ضربني وزاد دخلني للسبيطار
ماينة والله رانا نشوفو في مظاهر كارثية
المشكل ماعندك لمن تشكي
القضاء صعب ينصفك ... مي كاين ربي
ربي يستر هاد لبلاد
(ينقل للمنتدى المناسب)
​

 

[ماكانش]

يرجى تعريب العناوين

يجب ان تكون عناوين المواضيع مفهومة و ذات معنى لائق .
​

 

[Yacine333]

مآو آلشرطة تحب دير كلش في آلشعب !!!


ربي يجيب آلشفآء للسيد

هذه دولتنآ صديقي معندك مآرآح دير

​

 

[EL General]

مآعندي مآنقول غير : رآنآ عآيشين مع شرطة يعملوآ في آلآنتآردي
​

 

[amin.select]

هناك ما يندى له الجبين مع هاذ الشرطة

 

[Mr Brahim]

عندما تكون تصرفات الشرطة هكذا و التي تمثل الانضباط و النظام فماذا عن سواها ؟؟؟ المشكل انهم ظالمون و ضربوه فماذا لو كان هو الظالم ؟؟؟
نحن لسنا في غابة بل في دولة و ذلك يعني دستور و قوانين . حقوق . واجبات . . .
​

 

[ماكانش]

ربما كانو الشرطة مزروبين ولا في مهمة خاصة وهاذ= المواطن لعبها واعر وقفللهم الطريق

 

[Mr Brahim]

ربما كانو الشرطة مزروبين ولا في مهمة خاصة وهاذ= المواطن لعبها واعر وقفللهم الطريق

يا اخي راني نقلك كانوا يمشوا عكس الطريق و السيد كان ماشي في امان الله
معليش نروح معاك لبعيد حتى و لو كانوا مزروبين و و و علاش يضربوه بعد الحادث ؟؟؟ من المفروض كاين اجراءات في حالات كيما هذي صح ولا لا ؟؟؟
​

 

[amin.select]

حتى لو كانو مزروبين او ف مهمة مكانش حاجة ف قانون المرور تعطيهم اولوية حرق الاتجاه الممنوع

 

[ماكانش]

يا اخي راني نقلك كانوا يمشوا عكس الطريق و السيد كان ماشي في امان الله
معليش نروح معاك لبعيد حتى و لو كانوا مزروبين و و و علاش يضربوه بعد الحادث ؟؟؟ من المفروض كاين اجراءات في حالات كيما هذي صح ولا لا ؟؟؟
​

ياخويا لعزيز كانو مزروبين ولا راح يحكمو سراق ولا قتال هل تقلهم ماتحرقوش الطريق ولازم تكبرو الدورا وتروحو من الطريق هاذيك وتزيدو ادورو ؟؟؟؟؟
اكيد لازم يحرقو الطريق
اما ضربوه
قتلك بلاك صوناو عليه ولا ضربوه بالكود فار وهوا مازال مبلوكيلهم الطريق
يعني حاب نقلك لازم نعرفو أسباب الحادث وملابساتو كامل باه نحكمو
لنو غير منطقي يكونو حارقين الطريق ويقيسو مواطن ويزيدو يضربوه
تبالي تبالي شوي ماتصراش ومانعرف

 

[Mr Brahim]

ياخويا لعزيز كانو مزروبين ولا راح يحكمو سراق ولا قتال هل تقلهم ماتحرقوش الطريق ولازم تكبرو الدورا وتروحو من الطريق هاذيك وتزيدو ادورو ؟؟؟؟؟
اكيد لازم يحرقو الطريق
اما ضربوه
قتلك بلاك صوناو عليه ولا ضربوه بالكود فار وهوا مازال مبلوكيلهم الطريق
يعني حاب نقلك لازم نعرفو أسباب الحادث وملابساتو كامل باه نحكمو
لنو غير منطقي يكونو حارقين الطريق ويقيسو مواطن ويزيدو يضربوه
تبالي تبالي شوي ماتصراش ومانعرف

قد اوافق في كل ما قلت لكن ان يضربوه غير مقبول مهما كانت الاسباب
كل شهود العيان اكدوا انهم ظلموه + ظاهرة السير عكس الطريق و حرقة السطوب ولات ظاهرة نورمال بلاشي سبب يعني
​