معاناتي

  • كاتب الموضوع كاتب الموضوع KAW238
  • تاريخ النشر تاريخ النشر
K

KAW238

:: عضو مُشارك ::
السلام عليكم و رحمة الله وبركاته
ان شاء الله تكونو كامل ملاح ومهنيين bon
راني حايرة باش نبدا ماما الله يرحمها عندها شهر و نص
كي توفاة وغير ربي اللي راه عالم الvide اللي
خلاتو في قلبي psq ماكانتش ماما برك كانت ختي وصحبتي..........
عندها 45 سنة مع بابا ربي يطول في عمرو
وهادا هو le malheur انو ماقدرش يصبر حتى نشفاو من الجرح اللي خلاتو ماما
الله يرحمها
وراه باغي يتتتتتتتتتتزوج يا ناس في الشهر الجاي
وen+ خويا مديسيدي الشهر ماي يتزوج كيما بغات ماميتي حنونتي الله يرحمها
انا impossible نعيش مع مرت بابا كيندير يرحم الوالدين gولولي
سمحولي طولت عليكم
وفي الاخير الى كل من قرا كلماتي ادعو لامي الحبيبة بالجنة
ااااامين
 
السلام عليكم اختي
أولا حاجة نقولك ربي يرحم يماك ويتغمد روحها بواسع رحمته ويرزقها الجنة
ويلهمكم الصبر والسلوان
وثانيا يا ختي لعزيزة
باباك من حقو انو يتزوج لأن في الأخير انتوما ولادو رايحين تتفرقو عليه
وتشوفو حياتكم وهو يلزمو مرأة تتهلى فيه في كبرو
الغلط اللي دارو انو تسرع فقط كان مالمفروض يستنى تمر فترة لا بأس بها من وفاة والدتك
عالأقل مراعاة للعشرة اللي بينهم ولمشاعركم
أخوك تاني ما غلطش كي حب يتزوج
وانت على حسب ما نشوف مخطوبة وإلا ما يجي نهار وتتزوجي وتعيشي وتكوني أسرة
ليكي الصبر يا ختي وادعي لامك بالرحمة وربي معاك
(ينقل لمنتدى اهنا فرغ وش كاين في قلبك)
​
 
إن لله وإن إليه راجعون

اللهم ان في ذمتك وحبل جوارك فقه من فتنه القبر وعذاب النار فأغفر لها وارحمها إنك أنت الغفور الرحيم

اللهم اغفر لها وارحمها .. وعافها واعف عنها .. وأكرم نٌزلـها ... ووسع مٌدخلها ..

واغسلـها بالماء والثلج والبَرَد .. ونقـها من الخطايا كما نقيـت الثوب الأبيـض من الدنـس ..

وأبدلـها داراً خيراً من دارها .. وأهلاً خيراً من أهلها .. وزوجاً خيراً من زوجـها ..

وأدخلها الجنة .. وأعذهٌ من عذاب القبر أو من عذاب النـار

اللهم اغفر لحيّنا وميّتنا ..وصغيرنا وكبيرنا .. وذَكرنا وأنثانـا ..وشاهِدنا وغائبنا ..

اللهم من أحييته منـا فأحيـه على الإسلام .. ومن توفيتـه منا فتوفّـه على الإيمان ..

اللهم لا تحرمنا أجره .. ولا تفتنّا بعده

اللهم عبدك وابن عبدك .. وابن أمتك .. يشهد أن لا إله إلا أنت وحدك ...

لا شريـك لك .. ويشهد أن محمداً عبدك ورسولك .. أصبح فقيراً إلى رحمـتك ..

وأصبحت غنياً عن عذابـه ..تخلّـى من الدنيـا وأهلهـا .. إن كان زاكيـاً فزكّـه ..

وإن كـان مخطئاً فاغفر لها .. اللهم لاتحرمنا أجره .. ولا تضلنا بعده

آمين يارب العالمين

ــــــــــــــ

ربي يهدي باباك أولا

ثاني

نطلب من ربي إيجيبلك ولد لحلال


​
 
شكرا ختي العزيزة مام حنا رانا فاهمين
بلي لازم يتزوج بصح على الاقل تمر فترة مليحة
الله يهدينا كامل
وشكرا على المرور العطر
 
أمك ربي يرحمها يا رب.......باباك راح يتزوج اليوم و لا غدوا بلاك تسرع شويا مي حاولي تتفهميه و متخليش هاذ الحكاية تخليك تبعدي عليه......و خوك تاني خيه يدير العرس وعلاه يزيد يطول ربي يهنيه........حنا البنات تخماننا زي و ديما العاطفة لي تمشي فينا و عارفة بلي راها واعرة عليك...ربي يكون معاك و يرزقك بوليد الحلال يا رب...و حنا رانا هنا كشما حتجتي.....
 
rabi yerham mamak khtitou w yseberkoum
ma3andich wech ne9der ngoul
rabi yahafdhek
 
الله يرحم الوالدة ويرحم الوالدات كامل ....
والله يا ختي راح نقلك اعرفي كيفاه تبقاي حاكمة باباك حتى ولو يتزوج
يعني ماتخليش مرتو الدوزيام تنسيه في اولادو
التانية مرتو هادا الى تزوج مي حاولي ماتخليهش ينسى بلي راكي بنتو وبلي راكم اولادو وعندكم حقوق عليه ..

ربي يجيب الخير
​
 
الله يرحم امك ..

ادعي ربي يهدي ابوك ..وربي يفرج عليك اختي​
 
توقيع فتاة حساسة
الله يرحم امك و يدخلها فسيح جناته يارب
اختي اصبري وخلاص الراجل يلا دار حاجة في بالو يديرها يديرها
معليش الله يهديه و يهنيه
انتي تبانلي مخطوبة قولي لخطيبك يعجل بالزواج حتى ماتعيشيش مع زوجة الاب
وربي يهنيك و يصبرك​
 
اولا نحب نقلك ان لله وانا اليه راجعون واسكنها الله فسيح جناته
وباباك الله يهديه مي حاولي تطلبي من ناس تديري فيهم الكونفيونس باه يهدروا معاه
ان شاء الله ربي يفرج همك يا اختي
 
ربي يرحمها ان شاء الله يماك و يجعل مثواها الجنة يآ رب
ربي يجيبلك ان شاء الله وليد لحلال اللي يهنيك و ما تضطريش تعيشي مع مرت باباك
أما من جهة تاع زواج باباك سيي أهدري مع كاش وحد كبير ياخدلوا باباك الراي
باش يقنعوا يستنا شوية
ربي يكون فعونك ختيتوا و الله غير راني حاسة بيك
ادا كاشما احتجت رانا هنا
ربي يكون فعونك و يصبرك ان شاء الله​
 
السلام عليكم

أولا نحب نعزيك في الوالدة رحمة الله عليها يارب

وربي يدخلها الجنة يارب وأن يغفرلها ذنوبها يا أرحم الراحمين

ندخل في الموضوع :

والله شيء محير صح أنو الوالد يزوج في هذا الظرف الزمني على الاقل بعد ستة اشهر عام لكن ان يتزوج بعد شهرين شوية صعيبة على الاقل مراعات للعشرة الطويلة التي كانت بينهم الوالد راه غالط في حسابوا 100/100 لكن ما عندك ما تعملي يا طيبة لازم تتقبلي الامر الواقع راه والدك وما تقدريش تعرضيه نهائيا .
لهذا حبيت نقلك اصبري برك راه لي ضيع الام راه ضيع الجنة من بين إيديه وأما بخصوص أخوك تقدري تهدري معاه لأنها أموا ولازم يستنى شوي ولازم تحكي معاه في أمر كيما هذا وحولي تقنعيه لأنو هي رغبة الام لكن كي كانت حية لكن كي توفت رحمة الله عليها هنا يتغير الامر .

هذا واش حبيت نقول لأختي وربي يوفقك ويصبرك ويعطيك ما تتمني يارب

ورنا معاك وقلوبنا معاك يا طيبة

أخوك في الله
​
 
توقيع M3TaZ eLLMa
وعليكم السلام

الله يرحم الوالدة ويسكنها فسيح جناته يارب
ربي يرزقك بالزوج الصالح يارب
حاولي تتقبلي فكرة زواج باباك
حتى ولو العين تبكي والقلب مقيوس
يبقى باباك
ربي معاك اختي
كثري من الصلاة والدعاء
​
 
توقيع السلطانة
شكرا لكل من مر على صفحتي
الله يعطيكم كا تتمناو
انا ليا الصبر
 
ربي يرحمها ويوسع عليها وربي يصبرك على فراقها مي على مرت باباك ماتخفيش مشي مرت الباباة كيفكيف بالاك يتيحو ربي في وحدا تهتم بيكم وتلمكم كيولادها نشاله
 
ان شاء الله صحيتو خاوتي ربي يخليكم ليا نشالله
 
ربي يرحم الوالدة حنونة

و ربي يعطيكم الصبر


وباباك هادي حقو مالقري خلط نورمالمو حتى ينشف ترابها

معليش ختي

ربي معاك​
 


أكتب ردك هنا...
العودة
Top Bottom