واش هو الانطبآع تآعكم اللول ؟

[الورد الأحمر]

وآش رآكم أهل وآش رآك تهدر هذي مدة مآ دخلتش هنآ ...
وكي ندخل نطل برك ونخرج مي اليوم قررنآ بآش نديروآ موضوع
وآش تلفتلكم ؟ علآش نحكي بالجمـع ؟

درك الموضوع هذآ رآه شركة بين ​

ساندريلا زماني
Moon_light
Mïŋěţţe
ملكًة الاحسآس
ЯέКîά Яồมkà
றĭṩṤ❤Ṡoşσ
MĺŹǾ žĕĥÔŖ

علآبآلي الغآشي مي أو نحكيو بالدآلة هههه

( دآلتي أشوشو درك أنآ نزوّي وخلي رقية تدزني )​

أهآه يآ سيدي موضوعنآ هذآ المرة هذي رآه
من هنآ مآ نبعدوش بزآف { امم كيفآش يعني هذي

}
يعني ديمآ الموآضيع تآعنآ هنآ نديروهم من برآ من حيآتنآ
برآ وعلآش ولآ مرة درنآ موضوع من العآلم هذآ لي
اسمو لمة وحكينآ عليه ووآش صآري فيه ورآينآ فيه ​

( رقية بليز اعطسي بعيد أو دعينآلك بالشفآ مي خآيفة نتعدى هههه )​

نرجعوآ يآ سيدي هذآ فآصل برك مع طبيبتنآ
ادعيولهآ بالشفآء العآجــل ...​

اللمة خلآتنآ نعرفوآ نآس ونصآدفوآ نآس
بصح في اللول ولآ وآحد كآن يعرف الثآني
وهذي النقطـة لي نحتآجوهآ هنآ

اليوم رآيحين نحكيو على الانطبآعآت الأولى

في بعضنآ البـعض وكل وآحد رآيح يخير
عضو ويقوللنآ انطبآعو الأول فيه ويقوللنآ
إذآ الانطبآع هذآ كآن في محلّوآ ولا غآلط ​

( نبدلو لقرودة المرة الجآبة )
في موضوعي خذيت صآحبآت الموضوع
وكل وحدة منّآ تمد انطبآعهآ في لآليست
تآع الغوزآت لي الفوق :p:p

( لي مآ فهمتش معنى غوزآت تسقسي زهور ههه مي رآني نقصد الورديآت )​

ودرك نخليكم مع الاقتبآسآت هذي فيهآ​

انطبآعآتنآ في بعـض وبعدهآ نكملوآ

( رقيّة أفطني يآ بنتي من لي شربتي ديك الحبة تآع آكتيفآد وانتي دآيخة رآهي بدآت الانطبآعآت )
​

رآسلنآ السآندريلآ وكآن ردهـآ

Moon_light
أول انطباع عليها بقى هو هو متغيرش حتى لدرك
تشبهلي في حاجات بزاف حبيتها أمنت فيها وهيا تاني بئر أسراري بحكم صداقتنا لي كوناها من اللمة
وجهان لعملة واحدة
مالفت انتباهي اكثر قوة شخصيتها لي ،رقتها،دوقها الراقي
الأخت والصديقة الوفية حتى الآن.
موحال نفرط فيها
Mïŋěţţe
أول انطباع كان اعجاب بشخصيتها وكيفية تفكيرها من خلال الردود
لأني معرفتهاش عندي بزاف مي كي هدرت معاها لقيتها انسانة رايعة داخلها باهي بزاف
اجتماعية بزاف تحب تعاون الناس
وحبيتها من أول مرة حكيت فيها معاها
أختي وصديقتي هي أيضا نحبها ونموت عليها.
موحال نبدل انطباعي عليها .
ملكًة الاحسآس
أول انطباع كان ايجابي هي ملكة بمعنى الكلمة
ظريفة كلامها يتحط على الجرح يبرى
أكثر مايعجبني فيها ظرافتها هك كي تعود تحكي
منحبهاش تتوقف تالمون هي عسل وكلامها عسل
نجوتاميها بزاف أختي وصديقتي
جامي نبدل انطباعي عليها.
ЯέКîά Яồมkà
أول انطباع ديتو عليها أنها انسانة هادئة ورزينة
نحسها راقية فعلا في معاملاتها كلامها تصرفاتها كلشي
قلبها كبيـــر نحسها تحب الخير بزاف وجامي تبخل لي يقصدها
نجوتاميـــــــك برشا برشا أختي وصديقتي الطيوبة
جامي نبدل انطباعي عليك
وفرحتي تكمل نهار نشوفك طبيبة كبيــــرة :-r.
றĭṩṤ❤Ṡoşσ
سوسو ياسوسو مالغري منعرفهاش مليح كيما لبنات لوخرين
مي نحس روحي نعرفها عندي بزاف
نحسها ملاك أول انطباع ديتو عليها أنها ناضجة في تفكيرها
حريصة أثناء الكلام ماتقول كان الباهي والزين
اللي خلاها تدخل قلبي ونعتبرها من أغلى البنات هنا على قلبي في اللمة ،نلوvيك سوسو
وموحال نبدل أول انطباع ديتو عليك.
MĺŹǾ žĕĥÔŖ
زهور أول انطباع كان ايجابي من مباعد صرات بيناتنا هك مناوشة
خلاتني نبدل نظرتي فيها ومتأكدة بلي هي تاني صرالها واش صرالي
تفترت علاقتنا هك مدة قصيرة
بعدها رجعت المياه لمجاريها
بعد ماتأكدنا بلي محبتنا خالصة وماكان غير سوء تفاهم وفات
بالنسبة ليا تبدل انطباعي وعرفت بلي الانطباع لي كونتو عليها بالسلب ماهوش في محلو
وعاودت بدلت انطباعي للايجاب
فتاة طيبة ممكن عدم معرفتي بيها في الاول خلاتني منفهمهاش
ومنفهمش طريقة تعبيرها ولا هي معرفتش تفهمني كيفاه تخمم
مي بعد وقت فهمتها مليـــــح
وصارت من أعز البنات على قلبـــي في اللمة
نحبـــــك زهور وموحال نبدل انطباعي عليك.
علمتني اللمة حاجات :
أولا أنا كشخص نقدر نبدل انطباعي الأولي
لو لاحظت وفهمت الشخص هاداك أكثر وهادي مع الوقت تصرى.
-ممكن يتغير من السلب للإيجاب والعكس
لكني نقدر نتحكم فيه ونأكد على قولي متحكمش على غيرك حتى تفهم ظروفو ممكن حالتو في ديك اللحظة لي حكى فيها معاك ماكانتش مليحة وجيتي في طريقو خلاك تبدل رايك .
وكم من شخص كان عدوا لكنه صار أعز صديق.

ساندريلا زماني
​

أمآ أنآ قلت فيمآ يخص الموضوع

​

​

ساندريلا زماني
في الأول مآكنتش نعرفهآ ولآ نعرف أي وآحد من اللمة وهي تآني
شخصية تعرفت عليهآ في اللمة وكآنت هي السبآقة في الخطـوة
بعتتلي مرة رسآلة ومنهآ بدآ الكونتآكت بينآتنآ كنت نحسهآ قريبة
بزآف مني ومن شخصيتي لأنو نتشآبهو في حآجآت بزآف ومن اللول
انطبآعي الأول كآن مليح وزآد في البهآوة مع الوقت :p
Moon_light
هذي لوكآن نبدآ نحكي عليهآ مآ نفضـش خلي نديرلهآ موضوع وحدهآ :p
Mïŋěţţe
اممم مينآ في الأول مآ كنت نعرفهآ تآني ونشـفى برك عليهآ بلي كآن
اسمهآ سندريلآ وشفتهآ لأول مرة بعد مآ بدلت شوشو اسمهآ وقلت زوج
سندريلآت في اللمة :-r بزآف هههه ومديت رآبط عضويتهآ لشوشو
قلتلهآ شوفي هذي تآني سندريلآ مي من اللول عرفتهآ بلي تحب تخلي
اللمسآت تآعهآ الخآصة في الردود والموآضيع وتحب الحصرية كآنت
منين ترد تدير فوآصل في ردودهآ بالفوطوشوب فيهم اسمهآ حسيتهآ
تشبهني ووقتهآ مآ كنتش نعرف للفوطوشوب بآش نعآند عليهآ :p
يخي سمعت بلي أنآ نحب نعآند :d يعني انطبآعي كآن مليح من اللول
وللآن :up::up:
ملكًة الاحسآس
ميسو من اللول نحسهآ رقيقة وبريئة ومن ردودهآ وحتى اسمهآ
تحسيهآ انسآنة طيبة بزآف ومآ غلطتش فعلآ كي تقربت منهآ
لقيتهآ روعة ومآ عجبنيش الحآل نهآر تنآزلت عالاشرآف والحمد
لله رجعت ليه والمرة هذي انضمت لينآ في نفس لبلآصة ونِعمَ
الصديقـة ... الخلآصة انطبآع مليح من أول يوم ’
ЯέКîά Яồมkà
مآ كنتش نشوفهآ الصرآحة وبآلآك لمحتهآ مرآت وكي طلعت مشرفة
تولهتلهآ وتولهت لردودهآ ولقيتهآ انسآنة طيبة ورغم عدم معرفتي بيهآ
كنت نحسهآ أونديغي تعرفني ههه ألوغ تقربت منهآ بالردود وحتى
انتقلنآ للفآيس بوك ودرك رآهي من العزيزآت على قلبي وانطبآعي
كآن مليح من الأول ’
றĭṩṤ❤Ṡoşσ
سوسو أول مرة حسبتهآ ذكر وكآنو يعجبوني موآضيعهآ ألوغ فتت
عليهم ورديت وكنت نقوللهآ أخي ولآ خويآ حتى نبهتلني بلي رآهي طفلة
وكآن اسمهآ مبدل مآجآنيش تآع طفلة هههه ... حتى بدلت الاسم هذا
خرج عليهآ روعة ... من اللول عجبتني خلآص على خآطر موآضيعهآ
الكل حصريين وأنآ نموووت على الحآجة لي يتعب عليهآ الانسآن ,,,
ألوغ ديت عليهآ انطبآع مليح من موآضيعهآ أولآ ومن مرآسلآتنآ ثآنيآ
نظن كنت أول وحدة ترآسلهآ في اللمة ومآزآل انطبآعي قآئم لليوم ’
MĺŹǾ žĕĥÔŖ
ميزو شآيفتهآ من بآآكري زعمة تآع من قديم الزمآن هههه نشفى كنت
نلقآهآ بزآف في منتدى محآربي الصحرآء في الأقسآم الريآضية كآنت تطل
بزآف تم ومن تم حفظت اسمهآ ونشفى نهآر طلعت للاشرآف كنت نرآسل
فيهآ ألوغ بعتلهآ رسآلة كآنت موف ومآ جآت ترجعلي لقيتهآ غوز ههه
فرحتلهآ وكآن انطبآعي من اللول مليح عليهآ مي بعدهآ صرآو بينآتنآ
مشآكل أو سوء تفآهم خلآوني نبدل انطبآعي ونتجنبهآ وندير بيهآ التبليغآت
ههههه {سآمحيني} ومن بعد رجعت الميآه إلى مجآريهآ والحمد لله رجع انطبآعي
تبدل ونشوفهآ انسآنة عندهآ ستآيل يميزهآ وعندهآ ذوق بآهي وربي
يحفظهآ رآهي كيمآ اختي الصغـيرة :up: ’

باختصآر وفيمآ يخص مسألة الانطبآع كآن انطبآعي عليهم الكل مليح
مع زهور برك تتزعزع شوية مي ختم بالمليح والأعمآل بخوآتيمهآ كيمآ نقولوآ
الانطبآع الأول عندو دور مي يقدر يكون غآلط وأنآ ممكن نبدل انطبآعآتي
حسب الظروف تآع التعآمل وتتبدل مآ بين الايجآب والسلب ’

Moon_light​

​

أمونة تآني رآسلتهآ وكآن ردهآ كالآتـي

​

ساندريلا زماني
شرطية اللمة اممممم الصراحة الصراحة مع الاول كنت نزوغب منها
سيغتو نهار دخلت ولقيتها رجعت اسمها ساندريلا وانا كنت سندريلا :-o تشوكيت
قلت بيني وبين روحي أيواااااااااه زوج سندريلات فاللمة ما يركبوش
وهي بيان سيغ طالعة فالغراد نولي قدامها نقطة ايا نبدل اسمي :-r
اصلا اسم مينات هو الاسم لي يناسبني ولقيتها سبة برك خخخخخخخ
Moon_light
مون لايت أو نور لايت أو باغبي اللمة
والله انطباعي الأول كان لاباس بيه يعني كأي عضوة اخرى
مي كنت معجبة بزاف بمواضيعك ورودوك وشفتك عندك شعبية
وعمري ما حسيتك متكبرة كيما يقولو البعض :down:
تاني كنت نحب هداك الرابط العجيب بينك وبين شوشو :up:

ملكًة الاحسآس
بالنسبة لميسو
انا غبت مدة على اللمة مدة شوية طويلة تقريبا عام
وكي رجعت لقيت ميسو عضو شرفي مي مكنتش
نعرفها مليح حتى نهار نلقاها بعثتلي رسالة خاصة في يوم من الايام
من اول رسالة حسيت انو الطفلة هادي شحال ظلها خفيف
وتتحب فاسيلمو وتكسرت الحاجز بيننا من يومها

ЯέКîά Яồมkà
رقية رقية رقية...الطبيبة تاعنا :d
بصراحة حكيت معاها في شحال من موضوع
وخاصة في موضوع زيارة لكوسميتيك عضوة
كانت مسنية كونطرا لتم ههههههه
تعجبني بزاف ردودها (خفيف ظرف) وهدا خلاني نتابعها

றĭṩṤ❤Ṡoşσ
الطفيلة هادي تقدري تقولي كنت معاها مالبداية اللي سجلت فيها فاللمة
ملي كانت عضو لماوي رضيع ههههههه
كان اسمها Atp ولا Adn حاجة كيف هك ههههه:p
من اليوم اللي سجلت فيه في 2012
سوسو بدات بداية قوية خلات الجميع ينتبهولها
وقتلتنا بالحصريات والصراحة أضافت عاللمة روح جديدة والحق يقال
انا كنت ومازلت معجبة بمواضيعها وبتواضعها وكلما عرفتها أكثر حبيتها اكثر

MĺŹǾ žĕĥÔŖ
أم الزوز او ميزو
الطفيلة هادي من يوم اللي عرفتها فيه لفتني اسمها وطريقتها في كتابة المواضيع والردود
كنت نحب نحكي معاها فالردود تفاجي عالقلب :up:

آسكو كآن انطبآع بنظرة مليحة أو العكـس ؟
بصفة عامة كان انطباع مليح منقولش مليح بزاف خخخخ:p

وآسكو كآن صحيح ؟ يعني مآ غلطتيش في الحكم من الوهلة الأولى ؟
والله هك وهك
مثلا بالنسبة لشوشو برك اللي غلطت فالحكم مالـgري تقهرت مالاسم برك هههههه
اما بقية لبنات كان صحيح 100%

وآسكو تأمني بلي الانطبآع اللول عندو دور كبير في العلآقة ؟
الانطباع الاول عندو دور فالعلاقات مي مش كبير
بمعنى ميلزمش نحكم على شخص من جاست في بداية معرفتتي به
الاحتكاك والعشرة هي لي تخليك تعرفي هاد الانسان مليح وتم تقدري
تحكمي اسكو شخص مليح (بالنسبة ليك) ولا لالا

وفي رآيك إذآ كآن الانطبآع الأولي في شخص مآ مش مليح
يقدر يستدرك الانطبآع هذآ ومع الوقت يبدلك النظرة تآعك فيه ؟
وي يقدر
دوكا انتي كي تتعرفي على شخص وفي بداية معرفتك بيه يتشكل
انطباع سيء تجاهو
مثلا تلقاي فيه صفات وسلوكات مش مليحة
وتقوليلو عليها ولا هو روماركاها على روحو وحدو خاطر بالاك
مكانش منتبه ليها هنا يقدر يغير منها وتم تتبدل النظرة تاعك ليه
كيما علابالنا الانسان ميشوفش عيوبو كيما يشوفوها الناس فيه
(وهادي اللي قلت عليها انا تصرا فالحالات اللي كي تعرفي شخص وتشكلي انطباع سيء ما تجبديش عليه يعني يكون بينكم معاملة)

وانتِ كشخص تقدري تبدلي انطبآعك الأولي ولآ هذآك هو لي تبقآي
تحكمي بيه عالعبد ؟
شوفي نونو نحكيلك قصة صرات معايا فالجامعة وتقدري من خلالها تفهمي ردي عالسؤال:d
في أول سنة جامعية دخلت نقرا منعرف حتى واحد ولا وحدة
ممبعد اك تعرفي كي يتشكلو الكلايك (جميع كليكة خخخ) وانا كنت ضمن وحدة منهم:-r
كانت في كليكة اخرى طفلة تامني بربي من اول يوم دارت جاست مارق
من تم محملتهاش ووليت نتحاشى نحكي معاها
وكون نشوفها جاية من بعيد نبدل طريقي
يعني انطباعي الاول عليها كان سيء جدا لدرجة ما تتصوريهاش:down:
فالسنة الثانية بقات تقرا معايا في نفس الـgroupe وكوم اخيتك مينات شخص اجتماعي :d
ونحكي مع الناس الكل جمعتنا الصدفة انا وهي في كليكة وحدة
وحشمت ننسحب خاطر كنت مندمجة في وحد النقاش :-r
نلقاها سلمت عليا ووشحلت (تع وشراكي لاباس..)
وقعدت تحكي معانا وكي خلصنا التجمع نلقاها حكمتني من يدي
وقاتلي هيا نروحو لكلاصة ومشينا وبدات تحكي
تامني بربي تقول شخص وحد اخر غير اللي كنت ماخدة عليها فكرة
وتبدلت نظرتي ليها شيئا فشيئا وما جينا نوصلو للسنة الرابعة حتى صارت من أعز صديقاتي
ولحد الآن القراية خلاصت وصداقتنا مزالت
(نوجهلها تحية من على منبر اللمة نقلها نحبك منية)

نتمنى تكون توضحت وجة نظري
سلامووو نونوغ

Mïŋěţţe​

​

وبدورهآ ميسو ردتـ

​

ساندريلا زماني

هدي الطفيلة بالدآآآت حبيتهآآ من أول نظرة قبل مآنعرفهآآ
بويسكـ كنت نشوفهآآ قريبة من الكـل
كبير ولآ صغير وكل وآحد تعطيه على قد تخمآمه
يعني ماتنوي حتى وآحد وتآآع النآس الكل بالعآمية تآعنــآآ.
جآمي نندم على خآطر تقربت منهآ بويسكـ تآع الصح نعم الأخت
يعني قلبي الصغير حبهآآ ومن بكري خبآلهآآ بلآآصة فيـه .:$

Moon_light

اممم نونوغآآ ههه ، منكذبش مآحبيتهآ ماكرهتهآ فالأول :-r
كآنت تبآنلي جريئة وصريحة وهدي الحاجة الي عجبتني فيهآ
و االي مآيعرفهآش يقول متكبـرة، وأنآآ شخصيآآ كآنت تبآنلي متكبرة وحآسبة روحهآ
نشوف ردودهآ وهي تتمسخر مع شوشوي نقول يبآنو العكس كفآآه حتى تصآحبوو
( خخخخ شريرة مع طيوبـة )
وامبعد بالشوية بديت نبدل نظرتي عليهآ من الحسن الى الأحسن
ونهآر بعتتلي وبقآت تانسيسثي عليا بآش نولي من جديد فالاشرآف
تم ويــن تقربت أكثر منهآ ، ورجعنآآ صديقتين
هكدآآ حتى شدت بلآصتهآ في قلبي شط شوشو بعـد :$

Mïŋěţţe

منوووشـة ، خخخ اكتشآف متأخر هدي الطفلة :p
وين كآنت مخبية منعرف
حتى لقيت روحي نحبهآآ من البآب للطآقة هي وروكآ خخخ
مرحة وبكلآمهآآ تعرف كفآه تحبب بروحهآآ
يعني حتى لقيتهآآ تسيركلي في قلبي بلآآ ماتطبطب مآمبآآآ

ЯέКîά Яồมkà
تؤبريني يآروكآآ انتي ، هدي حبيت اسمهآآ أولآ كي بدلته بالمقلوب هكدآآ
كنت كل مآنشوفهآآ تدور بهدآكـ الاسم نبتسم ، حبيـــته
فيهآ حوآيج ملآآح بزآآف طيوووبة وعلى نيآتهآآ
خآطيهآآ وتآع روحهآآ
الي ينطق ليهآ تنطق ليه والي جآبد روحه عليهآآ ماتقدمش ليـه
حسيتهآآ رآيحة تكون قريبة مني وصح رجعت قريبة مني
لقآآت بلآصتهآ في قلبي ودخلت بلآآ هرآآج :-r

றĭṩṤ❤Ṡoşσ
امم سوسو المتألقـة
عندهآ شخصية متميزة وهدا الي يعكس موآضيعهآ وردودهآ الحصرية
نحسهآآ بريئة وتحب النآس كآمل ، مآتحب تغشش حتى وآحد منهآ
مآلgـري منعرفش عليهآ بزآآف حوآيج mais قدرت تحبب بروحهآ
وتخليني نحسبلهآآ بلآصة في قلبي :d

MĺŹǾ žĕĥÔŖ
ايييه الفلووغـــة
ماعنديش بزآآف من الي عرفتهآ
ومآلgـري منعرفهآش مليح كمآ البنآت لوخرين
بصح حبيتهآآ ، عندهآ طريقتهآ الخاصة الي تخليك تحبهآآ
- أول مرة تولهت ليه رديت في موضوعهآ
كي ردتلي قآتلي يآلعميرة أهآآه وكفآه ماتحبهآش أو تحبهآآ بالسيف ـ

البنآآت الأكيــد الأكيـد أني أحبكـــن
ربي يدوم معرفتنآآ ومحبتنآآ

* صحيح أنه الانطبآع الأول عنده دور في علآقآتنـآ
سوآء كآن بالايجآب ولآ بالسلب
mais قآدر يتبدل كمآ تبدلت نظرتي لنونوغآ
ورجعت من أعز صديقآتي
وكيف كيف كمآ قآدر يتبدل من السلب للايجآب ، يتبدل من الايجآب للسلب
وهدي على حسآب توآصلكـ ومعرفتكـ بالشخص يوم بعد يوم .

ملكًة الاحسآس​

​

أمآ رقية لي برآت بين ليلة ونهآر والحمد لله قآلت

​

ساندريلا زماني
اسمهآ تعبير عن شخصيتهآ، اختآرت سآندريلآ لنفسهآ فاحببتهآ كاميرة بيننآ سيرتو كي شفتهآ محبوبة عند الكل قلت اكيد انهآ طيوبة

Moon_light

نور الحبوبة، دآئمآ معجبة بلمسآتهآ وشخصيتهآ خصوصآ ابدآعآتهآ في التصميم :up:

Mïŋěţţe

من خلآل مشآركآتهآ ومسآعدآتهآ ايقنت انهآ مثآل للطيبة، وصورة للاخلآص

ملكًة الاحسآس

ميسوو :d مآ ننسآش نهآر قآتلنآ ايوآ حآبين نغلقوا هههه مي من يوم مآ عرفتهآ تاكدت انهآ حنيـــــنة بزآآآف واكيد حبيتهآ اكثر

றĭṩṤ❤Ṡoşσ

سوسو غآليتي وحبيبتي، في البدآية مآ كنتش نعرفهآ لكن من يوم مآ بدآت ترآسلني وتتقرب مني كسبت مكآنة في قلبي

MĺŹǾ žĕĥÔŖ

زهووور من يوم مآ شفتهآ دور في اللمة تاكدت انهآ رآيحة تنثر عبيرهآ في كآفة الارجآء، دآئمآ اعطيهآ اسم الشآآآآآف
آسكو كآن انطبآع بنظرة مليحة أو العكـس ؟

انطبآعي كآن مليح نحو كآفة لبنآت، اكيد اللمة لن تحتوي من طبآعه تدفعنآ لتوقع العكس
وآسكو كآن صحيح ؟ يعني مآ غلطتيش في الحكم من الوهلة الأولى ؟

لالا مآ غلطتش في الحكم، ولله الحمـــــد، بل كآن في محله واكـــــثر، اكتشفت الكثير بعد مصآدقتهن ( غير المليح مآ تخآفوش:p)
وآسكو تأمني بلي الانطبآع اللول عندو دور كبير في العلآقة ؟

نعم اومن بذلك، بآسكو اذا كآن الانطبآع مليح يخليك تتقربي من الشخص او تبتعدي عنه واحيآنآ البدآيآت تكون سيئة يعني الوآحد يخلي النآس يدوا عليه نظرة مآشي مليحة، مآلآ هنآ ينفروا منه وممكن هو من الدآخل العكس
وفي رآيك إذآ كآن الانطبآع الأولي في شخص مآ مش مليح
يقدر يستدرك الانطبآع هذآ ومع الوقت يبدلك النظرة تآعك فيه ؟
نعم احتمآل كبير يتبدل ، لانو الحيآة مليئة بالموآقف ، ممكن مع مرور الوقت تتغير نظرتي ليه ويصير احسن ولمآ لآ كيمآ نقولوا العشرة فتآشة :up:

وانتِ كشخص تقدري تبدلي انطبآعك الأولي ولآ هذآك هو لي تبقآي
تحكمي بيه عالعبد ؟
اكيد اذا اكتشفت انو دآك الشخص غلطت في الحكم عليه، نظرتي رآيحة تتبدل اكيـــــــد، حتى الحكم النهآئي على شخص من اول تصرف او اول نظرة مآشي مليح لآزم الوآحد يعآشر ويتنآسق مع دآك الشخص وفي لآفآن يحكم عليه :-h

ЯέКîά Яồมkà​

​

ننتقلوآ لسوسو لي كآن ردهآ يقول

​

ساندريلا زماني
شوشو من بداية تسجيلي في المنتدى أراقب تصرفاتها في المنتدى أحسها الاخت الكبيرةوالمسؤولة
ماشاء الله أخت عليها إنطباع ولازل ذلك الإنطاع قآئم ( ربي يخليكي ديما هآكك أختي شوشو )
Moon_light
الأخت نونو أول وحدة تعرفت عليهى بالمنتدى وعجبني أسلوبهآ وأفكآرهآ أول وحدة أراسلهآ مآشآء الله دمهآ خفيف
وهي أيضا أخدت عليها إنطباع حسن وبعد التعرف عليها أكثر زآد الانطباع الحسن في نظري أكثر فأكثر
Mïŋěţţe
مممممممم الأخت مينآت دردشت معها في مايخص الدراسة وتعرفنا من خلالها أحسهآ جدّية نوعا لا ندردش كثيرآ مع بعض لكن البنت حبابة جدى وأيضا تدخل فالخآطر
ملكًة الاحسآس
ميسوئه أحسها طفلت المنتدى كلآمها عسل لآ نتراسل كثيرا لكن بكلامها المرموق تخلي الواحد ياخد انطباع حسن عليها
ЯέКîά Яồมkà
رقياتي هي أكثر وحدة أحسها قريبة مني تعرفنا كان من بعيد في ايامي الآولى لكن في الآونه الأخيرة أصبحت صديقتي المرشده
MĺŹǾ žĕĥÔŖ
كانت ثاني وحدة عرفتها بالمنتدى باول الايام كانت علاقتنا جد متماسكة وصداقة كبيرة الى حد لا يوصف .. لكن مع الوقت احسست ان انطباعنا تغير نوعا ما يمكن لسبب ان شخصيتنا متغايرة أو انا لست من ستايلها او هي ليست من ستايلي على العموم هي أخت لي من الأخوات ..

றĭṩṤ❤Ṡoşσ ​

​

وزآدت شآف اللمة لي تحولت للأعمآل اليدوية غير البآرح
​

قآلتلنآ فيمآ يخـص الموضوع

ساندريلا زماني
اوك نبداو بشوشيتاتي الطيوبة صاحبة القلب الكبيرة والحنونة
انطباعي فالاول صراحة كان قاسي لاني ما مديتش فرصة للتعرف اكتر عليها يعني انا توجور مقلقة ونحكم من الوهلة الاولى مي ليام بينتلي بزاف حوايج انو ربي سبحانو خلقنا باش نتحابو ونكونو اخوة بدون حقد و غل وحاجة ما دوم غير لكلماىالكيبة والله والحمد لله شوشيتاىاليوما معزتها كبيرة وهادي في خاطر الانطباع الخاطئ في حقها
Moon_light
الحساسة
الراقية
صاحبة القلب الكبير
المغرورة في بعض الأحيان :p
انطباعي عنها في أول نظرة كان صحيح مي مكانش مايح والصراحة ما كنتش نحب نحكي معاها وكنت مشوفها ديما مغرورة حتى الرسائل ما كناش نحكيو يعني من الاول واحناا بعاد ع بعضانا
بصاح لياام ويا لياااااام
كيما تقربناا من بعض وفهمتا بعضياتنا مليح تغير كلش للأحس الحمد لله
بقيت نششوفها نوغ هاديك المتواضعة والطيبة ماشاء الله
واي وحدة تتردد في التعرف عليها نقلهاا صرااتلي قبلك مي نوغ مكانش كيفهااااااااااااا:d:d
اما ما نصدقش الانطباع من اول نظرة قلتلك هاد الانسان ممكن يكون طيب وحنون وماش حاقد مي بالاك ظروف الي تتعرف عليه فيها تخليك تدير انطباع ماشي مليح
لهادا الانسان يحتاج وقت باش يحكم ع الناس مليح
لانو كابن ناس تتقدر بالذهب صراحة:p
Mïŋěţţe
منوتة
خفيفة الظل
الهادئة
الرائعة
الطيبة
صراحة مينوتة مازال ما نتعرف بيها مليح
وكيما قلت ما نحكمش ع الانسان وانا ما نعرفوش
مي تبانلي طيوبة من كلامهااا و التواضع ديااااالها
الإنسان المتواااااااااااصع قمة فالأخلاق:up:
إن شاء الله نبقى ديما نشوفها هاكدا ونظرة الخير ما نحبهاش تتبدل
ربي يخليك عزيزتي
ملكًة الاحسآس
ملوكة
الفلوغة هيهيهيهي
غاليتي
الجميلة
المتواضعة
الحنونة
من اول ما حكيت معاها حبيبتهااا ومن بكري وانا نحبهاا لاني عمري ما بدلت نظرتي ليهااا
كانت ديما نشوف منهاا كل شيئ طيب وجميل
ربي يحفظك حبيبتي
ЯέКîά Яồมkà
رقياتي
ولا على قولت شوشو رقروقة :d
الكلمات تعجز عن التعبير ليكي
يا لعميرا
اكتر وحدة كانت قريبة لياااا
انطباعي من اول نظرة تاني انا ما كنت نحكي حتى مع بنات لهناا ديما جابدة وحدي باسكو نخاف من العقليات وهاكدا باش ما نخسر حتى مع وحدة مي رقياتي ما ندمت لحد الآن بمعرفتهااا حتى تسأل اختي وتطمن عليا لهادا فصداقتكي ركياتي كنز يا حبيبة قلبي:p
ربي يخليك ويدوم محبتنااا
றĭṩṤ❤Ṡoşσ
سوسو
سوسيتا
المبدعة
الصديقة
الوفية
هادا كان انطباعي فالنظرة الاولى
ونتمنى من ليام الجاية تكون مليحة
معرفة شخص مليح تحتاج وقت كبيرة ماشي نهار ولا شهر
مي باش نخسروا انسان بكلمة بارك او تغلط فالحكم عليه
لهادا الحكم على الانسان من اول مغرفة لا يعني انك ديت الانطباع الكامل عليه
لازم كل واحد حتى وادا شاف شيء مش مليح من انسان آخر مي الأيام اكيد رح تغير شيئ من هادا :up:
ايبا لازم ديما نمدوا فرصة للناس وما نحكموش ع الانسن من اول نظرة بالاك يكون الانطباع ديالناا ماشي صحيح ايبا نكونوا غلطنا في حقو وبالاك نخسروه بلا سبب
يقدر هاد الشخص وين يدير معاك جاست بالاك يخليك انت تصحح انطباعك فيه ولهنا تكون رح تغير النظرة ديالك تجاهو

وانا شخصيااا ما نحكمش ع الانسان من تصرفاتو لاني متاكدة انو رح تتغير الاحوال في يوم من الايام

MĺŹǾ žĕĥÔŖ​

​

ألوغ نوغمآلمون تكونو فهمتو وآش حبينآ نقولوآ بموضوعنآ

حبينآ نقولولكم بلي الانطبآعآت الأولى لي نحكموآ بيهآ
على الأشخآص تقدر تكون غآلطـة مرّآت ونقدروآ
نكونوآ كوّنآهآ على شخـص مآكآنش في يومو في النهآر
لي تصآدف معآنآ هذآ مآكآن ...

يعني مآلآزمش نسبقوآ ونحكموآ على شخص مآ بلآ نعرفوه
ونعرفوآ ظروفوآ لي خلآتنآ نكونوآ الانطبآع هذآك

المهم نخليلكم الخط تقدروآ تمدوآ انطبآعآتكم في الليست
لي الفوق

وتقدروآ تمدوآ انطبآعآتكم في أعضآء أخرين
غلطتوآ في الحكـم عليهم ومع الوقت تبدل الحكم

هذآ طبعآ بلآ ننسآو أنو شرط عدم التجريح قآئـم
سي نو

وإلى هنآ نكونوآ كملنآ الموضوع تآعنآ واتفضلوآ بردودكم
ونخلّيوكم في آمآن الله ...

 

[الورد الأحمر]

مغسي مينوشة على الاعتمآد :p:p:p:p ’
​

 

[الورد الأحمر]

أنآ لي عجبتني مينآت كي تغزلت من اسم السآندريلآ هههه
وميسآء لي تحسبني مغرورة وميزو لي شآفتني حآطة روحي
هههه والله ضحكت من انطبآعآتكم يآ لحلوّآت ...
أكيد رآني نرجع نطل ’
​

 

[السلطانة]

وأخيرا تم اصدار الموضوع :d
ان شاء الله ينال اعجاب الأعضاء
ويدخلو يمدولنا الآراء
ومواقف صرات في اللمة
من الانطباع الأولي
لي عودة للتعقيب
:p​

 

[الورد الأحمر]

حالياً الأعضاء النشيطين الذين يشاهدون هذا الموضوع : 4 (2 عضو و 2 ضيف) ‏Moon_light, ‏ساندريلا زماني+

أهلآ شوشو جيتي وجبتي الضيآف ’
​

 

[Ma$Ter]

:d
عليكم السلام ورحمة الله
موضوع مميز '5 نجوم '
لازمو اسبوع من التخطيط :-o
ربى يدوم العشرة بيناتكم


​

 

[الورد الأحمر]

مغسي مآستر كآرد خخخ :p نتمسخر برك
نورت الموضوع ...
ابقى فآكر ... سلآمي ’
​

 

[بنت الـ25]

صحيتي يا نونو :-h هاد المرة تفوت مي لمرة لجاية بليمينوط هههههههع
(غاضني خاطر 5 ايام وهو يتخدم فالكواليس)
وأخيرا خرج الموضوع للنور
روعة درتيه خرج هااااااااايل
تعرفي أنو (( ترقرقت العبرات في عيناي وانا نقرا في انطباعات لبنات))
الحمدلله ..الحمدلله .. الحمدلله وكفى
انتوما لعميرات وانتوما لكبيدات
الانطباع الاول يلعب دور والحمدلله ما خاب ظني في حتى وحدة فيكم
عجبوني ردودكن
خفة دمكن وصراحتكن
شوشو منيش مغزلة منك وحق ربي هههههههههههه

يستاهل ختم التميز عن جدارة
​

 

[الورد الأحمر]

صحيتي يا نونو :-h هاد المرة تفوت مي لمرة لجاية بليمينوط هههههههع
(غاضني خاطر 5 ايام وهو يتخدم فالكواليس)
وأخيرا خرج الموضوع للنور
روعة درتيه خرج هااااااااايل
تعرفي أنو (( ترقرقت العبرات في عيناي وانا نقرا في انطباعات لبنات))
الحمدلله ..الحمدلله .. الحمدلله وكفى
انتوما لعميرات وانتوما لكبيدات
الانطباع الاول يلعب دور والحمدلله ما خاب ظني في حتى وحدة فيكم
عجبوني ردودكن
خفة دمكن وصراحتكن
شوشو منيش مغزلة منك وحق ربي هههههههههههه

يستاهل ختم التميز عن جدارة
​

هه أهلآ مينآ مآ تسيزينيش برك :p:p:p
أو انتي معرفة نعرفك مليح علآبيهآ صدمت هك
أو شكرتك على الاعتمآد خخخ ...
وحتى ردك عجبني سيغ تو تاع الاسم قتلتيني ههه
روعة كل وحدة فيكم تهبّل :-r
سلآمي ’
​

 

[السلطانة]

راني رجعت للتعقيب
مالغري قريت الموضوع وعاودتو مي كي نعاود نقراه درك يكون بشارم خلاف
مشاعر رقراقة حكمتني وانا نقرى
نحبكم ياموصيبات
كل وحدة كان لي عليها انطباع
والحمد لله في اللخر كامل كان باهي
وعجبني راي كل وحدة فيكم
ومينات هههه والله متولهت قبل بلي قلقك الاسم
لوكان مبدلتوش وانا فقت غير بعد مابدلتو بلي كاينة سندريلا
أمورة نهار رديتيه مينات قلت شكون هادي ههه معرفتكش حتى قاتلي نور اي سندريلا وبعدها تعارفنا ورجعنا صحابات
كون بقيتي سندريلا بلاك منتصاحبوش ههه
ربي يحفظكم كامل
مينا نونو ميسو رقروقة وميزو لي عرفتها مؤخرا
نِعم الأخوات
​

 

[بنت الـ25]

هه أهلآ مينآ مآ تسيزينيش برك :p:p:p
أو انتي معرفة نعرفك مليح علآبيهآ صدمت هك
أو شكرتك على الاعتمآد خخخ ...
وحتى ردك عجبني سيغ تو تاع الاسم قتلتيني ههه
روعة كل وحدة فيكم تهبّل :-r
سلآمي ’
​

منسيزيكش متخافيش وجهك ماهوش تح حباس
هههههههههههه
والله انتي لي تهبلي وموضوعك يهبل ولبنات يهبلو واللي رايحين يردو تاني يهلو
شكرااااااااا :regards01:
​

 

[الورد الأحمر]

هههه عجبتني تآع كون بقيتي سآندريلآ بآلآك مآ نتعآرفوش
خخخخخ تهــبلي يآ شوشو اهئ ائه ائه ’
​

 

[بنت الـ25]

راني رجعت للتعقيب
مالغري قريت الموضوع وعاودتو مي كي نعاود نقراه درك يكون بشارم خلاف
مشاعر رقراقة حكمتني وانا نقرى
نحبكم ياموصيبات
كل وحدة كان لي عليها انطباع
والحمد لله في اللخر كامل كان باهي
وعجبني راي كل وحدة فيكم
ومينات هههه والله متولهت قبل بلي قلقك الاسم
لوكان مبدلتوش وانا فقت غير بعد مابدلتو بلي كاينة سندريلا
أمورة نهار رديتيه مينات قلت شكون هادي ههه معرفتكش حتى قاتلي نور اي سندريلا وبعدها تعارفنا ورجعنا صحابات
كون بقيتي سندريلا بلاك منتصاحبوش ههه
ربي يحفظكم كامل
مينا نونو ميسو رقروقة وميزو لي عرفتها مؤخرا
نِعم الأخوات
​

هكداك صراتلي شوشو وترتقرقت العبرات
تعرفي فليت الموضوع وحرثت انطباعات لبنات آلي غوتوغ :p
اني نقجم برك على الاسم مستحيل ثم مستحيل نهز عليك في قلبي :love01:
قبل كي كنت سندريلا كنت طافية ونعرف كعبات برك
مي بمينات تفتحت بواب الرزق :d
خخخخخخخخخخخ
ربي يخليك ليا شوشيتا
نحبك والله
​

 

[السلطانة]

:d

عليكم السلام ورحمة الله
موضوع مميز '5 نجوم '
لازمو اسبوع من التخطيط :-o
ربى يدوم العشرة بيناتكم ​

ان شاء الله
وربي يحفظ اللمة لي جمعت الجميع
​

 

[Moha le sage]

سلام ختي نور و خاوتي الغوزات

هوما غوزات ولا غوجات
:s :d

ياي انا جيت passagé لقيتك هاذ الموضوع تاع الانطباع


اي مفهمتش حاجة ..نمد انطباعي عليكم و لا انطباعي على انطباعكم على بعضاكم هههههه

هيا المهم ربي يخلي المحبة ديما في القلوب


عندي و حد الانطباع بلي la souris تاعي وصلتها لسدري و نا نهبط باش نلقى اخر الموضوع :d

و عندي انطباع في لخر بلي نتي و شوشو اساميكم نورمال و الباقي اساميهم فيها تخربيش و توجور je me pose la question stupide : كيفاش راهم يكتبو فيهم هكذا و يكونيكتيو بيهم psk انا ما يخرجوليش في الكلافي هاذ الحروف :-r


خيكم موح


​

 

[سلفي والحمد لله]

اللهم يا رب كما جمعتهم في الدنيا على حبك فاجمعهم في الجنة مع صحبة نبيك

 

[بنت الـ25]

سلام ختي نور و خاوتي الغوزات

هوما غوزات ولا غوجات
:s :d


​

اهلا موح
ياو غوزات نسبة إلى الغوز الوردي يعني ههههههه

ياي انا جيت passagé لقيتك هاذ الموضوع تاع الانطباع


اي مفهمتش حاجة ..نمد انطباعي عليكم و لا انطباعي على انطباعكم على بعضاكم هههههه



​

كيما تحب
تحب تمد انطباعك على الغوزات ولا انطباعهم على بعضاهم
ولا تخير اي عضو ماللمة
وتقول انطباعك الاول عليه وهل هدا الانطباع كان صحيح ...الخ

هيا المهم ربي يخلي المحبة ديما في القلوب


​

آميــــن :-r

عندي و حد الانطباع بلي la souris تاعي وصلتها لسدري و نا نهبط باش نلقى اخر الموضوع :d


​

هههههههههههههههههههه
مليحة هادي

و عندي انطباع في لخر بلي نتي و شوشو اساميكم نورمال و الباقي اساميهم فيها تخربيش و توجور je me pose la question stupide : كيفاش راهم يكتبو فيهم هكذا و يكونيكتيو بيهم psk انا ما يخرجوليش في الكلافي هاذ الحروف :-r


خيكم موح


​

هدا يقولول سير الميهنة هههههه
(تلقاهم فالوورد insertion <<symbole )
ياو المشكل وين؟ كي نجي ندير تسجيل دخول تم نحصل
نولي عقاب كوبي كولي :$
ههههههههههههههههه

منور الموضوع موح وارجع احكينا انطباعاتك
:regards01:
​

 

[بنت الـ25]

اللهم يا رب كما جمعتهم في الدنيا على حبك فاجمعهم في الجنة مع صحبة نبيك

آمين يا رب العالمين :-r
​

 

[فتاة حساسة]

هههههههههههههههههههههههههه موضوع قمة ماشاء الله


اول ا ربي يدوم المحبة بيناتكم

انا بزااف مرات صراتلي هادي تاع انطباع الاول كيما مينات كونت حسابلي فيها حاسبا روحا وكانت جيني متكبرة وشغل هاك متقيمش مي مبعد عرفتها وبانتلي ناس ملاح


مون لايت من الاول يناتلي ناس ملاح اما شرطية اللمة ففكاهية ومتفاءلة دائما

ههه تقبلو مروري البنات ..سلام​

 

[بنت الـ25]

هههههههههههههههههههههههههه موضوع قمة ماشاء الله


اول ا ربي يدوم المحبة بيناتكم

انا بزااف مرات صراتلي هادي تاع انطباع الاول كيما مينات كونت حسابلي فيها حاسبا روحا وكانت جيني متكبرة وشغل هاك متقيمش مي مبعد عرفتها وبانتلي ناس ملاح


مون لايت من الاول يناتلي ناس ملاح اما شرطية اللمة ففكاهية ومتفاءلة دائما

ههه تقبلو مروري البنات ..سلام​

ربي يخليك نجلو :regards01:
ايييييييييه قلبك كان معمر :-o
زيدي اجبدي ما عندك :d
هههههههههههههههههههههه
شكرا لعميرة وانت انطباعي عليك ماللول كان
هاد الطفلة مرحة تدخل للقلب فاسيلمو
تحب تزها ومدامها صحبة عبير سير كيفها
وحساسة صححححححح :up:
​