بريـــوش عبــاد الشمس بالغرس لفطور الصباح من مطبخي

[عفاف الجزائرية]

السلام عليكم ورحمة الله وتعالى وبركاته
ان شالله تكونو بخير اخواتي الطيبات
امس شفت وصفة بريوش في النت عجبتني طريقت تقديمها حبيت نجربها وقلت اذا جات مليحة ننزلوها موضوع للاخوات باه نستفادو كامل منها
ما تاخذش وقت بزاف ومليحة للاولاد لفطور الصباح

المقادير :
600 غ فرينة
100 غ سكر
25 غ خميرة الخبز
2 بيضات
قرصة ملح
100 ملل زيت
وتقريبا 250 ملل حليب دافئ للعجن
انا اضفتلو مغرفة ماء الزهر
و2 مغارفة لحظة

طريقة التحضير :
نخلطو النواشف كامل مع بعضهم مليح بعد ذلك نحطو البيض والزيت وماء الزهر ونعجنو بالحليب الدافئ
نحطوه بجنب ونخلوه يخمر مدة نصف ساعة
بعد ما تخمر ننزلولو الخميرة نتاعو ونقصوه قرصات بجنب
نعجنو الغرس نتاعنا مليح ونخلوه شوي مرخوف
نفتحو القرصة نعجنوها شوي نحطو الغرس في الوسط ونعاودو نغلقو عليها ونخلوها تعاود تخمر
بعد ربع ساعة نقرصوها ونقصوها على الجناب وباقي الصور توضح كامل المراحل اللي بالاك ما قدرتش نشرحهم

بعد ما نشقلبوهم كامل هكذا ندهنوهم بصفار البيض مخفف بشوي ماء ونرشو عليهم الجنجلان

هاذا هو وهاذي هي
تهلاو في رواحكم خياتي ونتلاقاو في كاش حاجة مليحة خلاف
ملاحظة برك: شفتوني حطيت بيضة وكل شي نص اني قلت نجرب برك واذا صلحلي نعاود المقادير الكاملة وصلحلي وليوم عاودتهولهم لقهوة لعشيا
تهلاو في رواحكم ..
​

 

[عفاف الجزائرية]

حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏عفاف الجزائرية, ‏زائــــــــرة حلوة+

تشييييييييييييييز مع الحلوة نتاعي
جات تهبل :d

 

[زائــــــــرة حلوة]

ياااااو شهادتي فيك مجروحة في الحلو والمالح ووووو ....يسلمو الأيادي الزينة :up:|| ديما انا العسّاسة الأولى هههه:d||
​

 

[ام بسومة]

امممممممممممم الله يبارك
جاك تحفة

 

[prncess fifi]

اممممممممممم خرجتلك روعة ان شاء الله ربي يعطيك ما تتمناي ويجازيك بالخير على واش راكي تقدمينا
بصحتكم حنونة​

 

[محبة الحياة19]

جاهايل يعطيك الصحة اختي وبارك الله فيك

 

[نبض الحياة]

خرجتلك تـــــــحفة
يعطيك الصحة حبووووووبة
​

 

[ام منصف]

توحشنا مواضيعك عفوفة
يعطيك الصحة بريوش هايل واليد المبطبطة اللي راهي تخدم فيه الله يبارك
تسلم الايادي يا الزينة
​

 

[بوح المشاعر]

مساء الفل يآفٌلة
امم جآك تٌحفة يالغالية يعطيك الصحة
ربي يبارك فيك و يعطيك على قد قلبك الطيب واكثر
​

 

[imane27]

اممممممممممممم جاك هايل يعطيك الصحة

 

[hadda0425]

جاك هيلولة عفوفة بصحتكم
ويعطيك الصحة
​

 

[ibtesem]

امممممممممممم عليك فوفتي جاتك روعة روعة
تسلم الايادي الحلوى

 

[ميس مرام]

متألقة بمواضيعك بارك الله فيك

 

[ŚσÚмĨÁ.Ďz]

يعطيك الصحة يَ الفحلة
خرجلكــ روووعةةً ~
بوركتي
​

 

[أم نيفين]

الله يبارك ماشاء الله فوفو جاك البريوش 10/10 يعطيك الصحة ...و بصحتكم

 

[أم نيفين]

حالياً الأعضاء النشيطين الذين يشاهدون هذا الموضوع : 11 (1 عضو و 10 ضيف)
الله يبارك فوفو عندك الضياف خير ربي ههههههه قومي بيهم

 

[somo_81]

ما شاء الله جاتك تهبل و أي حاجة فيها الغرس نحبها امالا لازم نجربها تسلم الايادي

 

[nada242008]

اممممممممممم عباد الشمس من عند القمرة عفوفة :d
والله جاك هاااايل وكلش من يديك هايل عفوفتي .. تسلم الايادي المبدعة
​

 

[somo_81]

عفوفة باش عجنتي الغرس باش قلتي خليه شوية مرخوف ؟

 

[somo_81]

يا عفاف ردي عليا ردت عليك العافية ان شاء الله راح تفسدلي