انا منعرفش نرجع الصرف ثم ثم وانتومه؟

[وصال]

السلام عليكم ورحمة الله تعالى وبركاته

واش الاحوال لاباس ، الصحة ، المورال كامل لاباس ايا اوكي الحمد لله اعطيوني شويا من وقتكم باش نتكلموا في واحد الميضوع .

انا ياخاوتي ما نعرفش نرجع الصرف كاين ديفوا تطيح مع ناس هدرتهم كامل بالمعاني والله غير تحير وتلقى عندهم الصرف غير ثم ، انا ماما تقولي خرجتوا ليا معندكمش الصرف ، يعني انسان يقولي كلام جارح ولا يتهمني منعرفش ندافع على نفسي وتغيضني عمري بزاف ونديرها غير على البكا والله منحبش واحد يطلع صوتوا فيا :cray02::cray02::cray02:، اما واحد يحرجني ثم وين قالت خر .
هو المثل يقول واحد صرفو في فمو وواحد صرفو في كمو وواحد صرفو عند امو، وانا صراحة حتى نروح للدار باش نبدى نريي في الكاسيطا ونقول علاش مقلتش هكذا وهكذا وهكذا ، يعني كيتطير الطيور تبقى الهامة تدور هههه

وانتومه ثاني عندكم هذا المشكل ، تحبوا الصراحة ما كانش كيما واحد يضرب الحديد وهو سخون وكاين ديفوا الانسان تقعد تحرق في قلبوا بصح في الاخير يقول الحمد لله لي مقلتش بويسك الانسان كيزعف كابابل يخسر بالكلام وهادي المقولة ماما ديما تقولهالي داوس غيرك وخلي مضرب الصلح .
وكينعاود نولي مع روحي نقول الحمد لله نتغالى مع روحي شويا ومنقولش كلام لي نندم عليه امبعد .
نتمنى المعنى وصلكم .
في انتظار تفاعلاتكم .
تقبلوا تحياتي :regards01::regards01:
​

 

[بنت الـ25]

سبحان الله تقول تحكي عليا وصال هههههههه
انا تاني هكا يا ختي وقت الصح نقعد نبهّم ومبعد كي تبرد الدعوة نولي نغلي وحدي
لازمنا نديرو ليكور باش نوليو نعرفو نردو الصرف والضربة سخونة هههههههه
​

 

[السلطانة]

وعليكم السلام
موضوع هايل
ههههه انا عكسك ياوصال
عندي الصرف بزاف
ونقولها تم بعد في لوجه
منخليهاش تبرد
تاع باه نخبيها في قلبي ونروح نبكي ونشكي
نونو
لي قاسني نفرغلو واش في قلبي
مي كي تفض راهي تفض صح بيناتنا
مثلا قتلو اخرج من حياتي راه يخرج صح
ماش هدرة برك
ولي نفاصيه من حياتي ميعولش يزيد يرجع
صحيتي على الموضوع الزين
تحياتي ​

 

[sahiko hamza]

ياو انا عندي الصرف مي ثقيل شويا
يعجبوني لي حاسبين رواحهم عندهم الصرف وكي تعود تحكي معاهم يعودو يضحكو
أفهميهم بلي مالقو وش يقولو راهم يضحكو واموماطون راهم يوجدو فالصرف

وكاين لي صح كلامهم كبير والكبير ربي سبحانوا
شكرا فعلا نقطة مليحة جبتيها وصال .
​

 

[دينا العنابية]

السلام عليكم حنونة
لازم تتعلميكيفاش تدافعي على روحك وترجعي الصرف لانوا اذا ماتعلمتيش لاهم ياكلوك حووووووووووووووووووووتة بسنسورها مايعيوش روحهم باه ينقوا
لانوا كاين ناس وجوهم صحاح يغلطوا ومن فوقها يgيسوك يالهدرة ...فلازم تتعلمي تجيبي حقك
انا نجيب حقي ومانخليهاش في قلبي نفلث البومبا لتم والي حاب يلعب نعلموا كيفاش يلعب مانخليش الكورة عندوا لا لازم نديها وندحلوا gوووووووووول في المرمى
كنت قبل كيفك مي كاين اوقات لازم تجبدي الموس وتبداي


شكرا على الموضوع حنونة
تهلاي في روحك
وتعلمي فوقتنا هذا ماكانش* ياما ارحميني* كما قال الله يرحموا //////الى الامام الى الامام.../////// ههههههه
سلام​

 

[ام اسحاق]

وصال ...ما تقلقي ما والو
ركزي كي يعود واحد يتكلم معاك باه تعرفي تجاوبي
و كي تحسي المعنى عليك ...ابتسمي و لا حتى اضحكي ...خاطر جنيرالمون لي يمعني عليك راو حاب يستفزك
الور ماتعطيشو الفرصة ........و دائما اطلبي منو يعاودلك وش قال ....
ضرك يفيق مع روحو و في هذه الاثناء انت فكري وش تجاوبي ....
وحاولي ما تفقديش اعصابك بش تعرفي تجاوبي سينو راح يغلبك
انا ما نخبيش عليك كنت قبل نحشم و ما نردش و لكن ضرك والو كي نتاكد بلي حاب يستفزني اكيد راح ندمو و لكن بالسياسة و الادب ............

 

[أم راضية ~_]

السلام عليكم
لو مالور يا وصال نعرف نرجع بصح ارواحي نتي وانطقي واش في راسي
هيا مليح وماشي مليح او مام تو على خاطر كي ترجعي راكي تحبطي لواحد النيفوو تاع المعاير و وو
وكي ترجعي الصرف رح تحطيهم في بلايصهم
مي تبقى دايما على حساب الناس والحالات الي صرات فيها الحكاية
بيناتنا احفظي الامتال تاوعنا تسلكي راسك بيهم كيما انا ههههههه​

 

[Ma$Ter]

عليكم السلاام ورحمة الله
عندى ديبلوم فى انواع الكلام والصرف
لكن وجدت ان الصمت احسن شئء

​

 

[lee yong]

اختي وصال عندنا نفس المشكل انا نزعف ومنبعد نسكت ونوكل عليهم ربي
يعطيك الصحة:up:

 

[بنـ MaPa ـت]

وعليكم السلآم

كيفي كيفك يا ختي
خاطيني لمعاني والدواس
ومن الاحسن الانسان يشد فمو احسن من يقول حاجة يندم عليها قيما قلتي

مشكورة على الموضوع حبوبة

سلآم
​

 

[منايا الجنة]

و الله يا اختي حالتي كي حالتك حسباتلي غير انا ف االدنيا اللي هكدا و زيدي طحت مع الناس ماينجمش قاع تسكتيلهم لوكان تسكتي يزيدو يطلعو فوق راسك كي تهدري وتحطيهم في بلاصتهم خييير ..صح ابن ادم يسكت باش مايقولش حاجة يندم عليها ياو معاهم ماتندميش هوما يحبو يتبلاو
بارك الله فيك على الموضوع

 

[•мϊѕŝ Šрέсǐάł•]

والله يا اختي غير كااين عبااد لي يستهاالو صرف اكبر منهم في الطول هههههه
وانا طبيعتي انو الواحد اذا هدر معايا بالمعااني نقلبهالو بالمعاني ,,
وانا مانحبش نبدا نهدر بالمعاني يعني نخرجها كيما راهي ,, بصح كاين لي يلوحو ليباري برك هههههههه
ومايهمهمش الى خلطو في الغوسطو تاع لي راهم يهدرو معاه ولالا ,, الووور لازملهم وااحد يحبسهم عند حددهم
والحل الوحييد هو الصرف هههههه واذا مافيهاش الصرف اقتلي بالباارد هههههههههه المهم ديريلهم اباادة باي شكل من الاشكاال
خاطر لوكان تحليلهم العين يوليو حاطينك ماتفهميلهمش واش راهم يقولو ويوليو يتمسخرو بيك ..
تقبلييي مرووووووري اختيي ,, ونقولك حاجة اذا بداو الناس يتعاملو معاك قبل ماتبداي انت كملي تعاملي معاهم بالمثل ,, ,اذا انت لي بديتي , تعاملي معااهم على حقييقتك درك هوما يفهمو رواحهم !!!! ​

 

[!≈[سُِـِيٌــِـِفّ اٌڷِخً‘يٌـرُ]≈!]

حاجة مليحة اختي

ما عندو ما داك لكلام هذا

السكوت عن الاحمق جوابه

لكن ما لازمش تكبريها في مخك هذا مكان

دئما ارفدي معاك الممحاة راهي فيها حكمة كبيرة وين تسمعي كلام امحيه يكون سلاحك عندك

ربي يقدرلك الخير ليك ولناس لي كيما انتي لانو هذي تكون غير عند الناس الطيبين

تقبلي مروري
​

 

["YASMINE"]

نقلك حاجة هادي تدخل فالشخصية تاع كل واحد كاين لي عندو صرف و كاين لي معندوش ...وانتي قتليهم بالبارد و مترديش خير.
انا ما نقدرش نسكت لي يقيسني نرد

 

[*RAHMA]

اقتليهم باالقدر ختيتو

 

[وصال]

سبحان الله تقول تحكي عليا وصال هههههههه
انا تاني هكا يا ختي وقت الصح نقعد نبهّم ومبعد كي تبرد الدعوة نولي نغلي وحدي
لازمنا نديرو ليكور باش نوليو نعرفو نردو الصرف والضربة سخونة هههههههه
​

هههههههههههه والله متخرج علينا لازمنا دراهم كبار رانا Gراف ياختي ، صحيتي ميناتو على المرور بصفحتي والحمد لله المصيبة اذا عمت خفت راكي ونستيني هههه

 

[وصال]

وعليكم السلام
موضوع هايل
ههههه انا عكسك ياوصال
عندي الصرف بزاف
ونقولها تم بعد في لوجه
منخليهاش تبرد
تاع باه نخبيها في قلبي ونروح نبكي ونشكي
نونو
لي قاسني نفرغلو واش في قلبي
مي كي تفض راهي تفض صح بيناتنا
مثلا قتلو اخرج من حياتي راه يخرج صح
ماش هدرة برك
ولي نفاصيه من حياتي ميعولش يزيد يرجع
صحيتي على الموضوع الزين
تحياتي ​

اه صافي لقينا لي يديرنا ليكور ايا اختي نبداو من غدوا ههههه متنسايش راهم عندك زوج طلبة لحد الان وصال ومينات ههههههههههه
صحيتي اختي على المشاركة في موضوعي .

 

[وصال]

ياو انا عندي الصرف مي ثقيل شويا
يعجبوني لي حاسبين رواحهم عندهم الصرف وكي تعود تحكي معاهم يعودو يضحكو
أفهميهم بلي مالقو وش يقولو راهم يضحكو واموماطون راهم يوجدو فالصرف

وكاين لي صح كلامهم كبير والكبير ربي سبحانوا
شكرا فعلا نقطة مليحة جبتيها وصال .
​

شكرا جزيلا اخي حمزة انت على الاقل بالثقيل تجيب حقك انا والله ونقعد يوم مع هذاك الانسان مرحش نعرف نوجد الصرف هههه تحياتي ليك اخي الكريم .

 

[وصال]

السلام عليكم حنونة
لازم تتعلميكيفاش تدافعي على روحك وترجعي الصرف لانوا اذا ماتعلمتيش لاهم ياكلوك حووووووووووووووووووووتة بسنسورها مايعيوش روحهم باه ينقوا
لانوا كاين ناس وجوهم صحاح يغلطوا ومن فوقها يgيسوك يالهدرة ...فلازم تتعلمي تجيبي حقك
انا نجيب حقي ومانخليهاش في قلبي نفلث البومبا لتم والي حاب يلعب نعلموا كيفاش يلعب مانخليش الكورة عندوا لا لازم نديها وندحلوا gوووووووووول في المرمى
كنت قبل كيفك مي كاين اوقات لازم تجبدي الموس وتبداي


شكرا على الموضوع حنونة
تهلاي في روحك
وتعلمي فوقتنا هذا ماكانش* ياما ارحميني* كما قال الله يرحموا //////الى الامام الى الامام.../////// ههههههه
سلام​

والله صح كيما قلتي كاين ناس صح وجهم صحيح ونحس بلي نهار يجي يحكي معاك راه موجد روحو باش يجرحك انا صدقيني ماليش في هذا الشئ ، ومالGري ديفوا الكلام يكون جارح هكذاك تسبقني الدمعة دايما وفمي يتبكم .
صحيتي لعزيزة على الرد الرائع هيا الى الامام الى الامام ، مي انا لازم نقول مرحى الى القتال هههه.

 

[وصال]

وصال ...ما تقلقي ما والو
ركزي كي يعود واحد يتكلم معاك باه تعرفي تجاوبي
و كي تحسي المعنى عليك ...ابتسمي و لا حتى اضحكي ...خاطر جنيرالمون لي يمعني عليك راو حاب يستفزك
الور ماتعطيشو الفرصة ........و دائما اطلبي منو يعاودلك وش قال ....
ضرك يفيق مع روحو و في هذه الاثناء انت فكري وش تجاوبي ....
وحاولي ما تفقديش اعصابك بش تعرفي تجاوبي سينو راح يغلبك
انا ما نخبيش عليك كنت قبل نحشم و ما نردش و لكن ضرك والو كي نتاكد بلي حاب يستفزني اكيد راح ندمو و لكن بالسياسة و الادب ............

شكرا اختي ام اسحاق على الرد في موضوعي والله نحاول على الاقل ننفض الغبار على روحي كيما يقولو مشكورة .