فهموني

[سمسم السمسومة]

حابة نفهم حاجة علاه كاين بعض من الشباب تاعنا غايتوا الوحيدة أنو يدير أكبر عدد من الصاحبات........وحدة يحبها و لخرى يتوحشها و لخرى لازم ميرقدش حتى يسمع صوتها و لخرى يخفف عليها..........معليش اذا هو نيتوا يجمع أكبر عدد من النقاط علاه ميكونش راجل و يخبر كل وحدة بمكانتها عندوا.....أنا اليوم فاتت عليا هاذ الحكاية و حبيت نشاركهم فيها جاتني وحده نعرفها قاتلي أنا تعرفت على فلان و راه عاجبني ووووووو.....بصح عندوا مدة راه متبدل معايا........و أنا على بالي بلي سي فلان راهوا مع وحدة و على حسابي هذيك الوحدة هي لي راح تكون شريكة حياتوا..........والله مقدرت منقولها........و منكذبش عليكم معدتش قادرة في حياتي نستحمل هاذ التصرفات لي صرا معايا مؤخرا زادني تصميم بلي الصدق ثم الصدق و خلي تخلا....أنا قررت باه نقوللها الصراحة و لي نعرفوا و نقولها خليك منوا راه غير يلعب بيك و نتوما واش تقولوا........حسبي الله ونعم الوكيل في بشر ميساهلوش نقولوا عليهم بشر.......

 

[بنت الـ25]

اهلا سمسومة
وانا نقرا في موضوعك طرأت في بالي مقولة لطالما قرأتها على صفحات النت
" الاسد يمشي وحيدا اما الخروف فيمشي مع القطيع":d
والحديث قياس
بصراحة ظاهرة نفسية أكثر منها اجتماعية
والخلاصة انو هاد الكاليتي من الشباب غرضو الوحيد هو
إرضاء غروره بجمع أكبر عدد ممكن من المعجبات
يا حصراااااااا معلابالوش بلي كما تدين تدان
صحبتك هادي ربي يهديها ويصلحها​

 

[nesrine17]

موضوع بزاف شباب اختي هاد الرجال واعرين حاشا البعض حسبي الله ونعم الوكيل

 

[نريمان المسيلية]

مشكوورة حبيبتي
موضوع رائع
نعم معك حق في كل شيء
وانا ايضا مثلك قررت الا احب شخصا لا يستحقو تحمل اخطائه اكثر
حسبي الله ونعم الوكيل

 

[Ma$Ter]

عليكم السلام ورحمة الله وبركاته
كاين نوع من الرجال مراض كيما اللى تحكي عليهم
والمسؤولية تاع هاذ الحوايج تتحملها المراة اكثر من الراجل
وحطى فى بالك بلى 60 % من الرجال يعقبو فى الوقت فقط مع البنات
نشوف فى البورتابل تاع صاحبى فوق 500 طفلة وكامل هوما لى يعطولو


اما اللى عملتيه انتى معا الطفلة هاذى راهو صحيح
الصدق ثم الصدق وما تخافيش خلاص من النتائج
بارك الله فيكم
​

 

[amin.select]

حتى لبنات ما عندك ماتقولي فيهم



كامل كيف كيف لولاد ممكن كاين كيما قال لو تع تمسخير وميقدرش الاضرار وغضب الله سبحانه

والبنات تقوللك اذا ماشي هدا ممكن هدا وبهاد الطريقة تلقى روحها كيما يقول المثل الفرنسي

ان انت ركضت وراء ارنبين فلن تحضى باي منهما

ربي يجيب الخير ويهدي عبادو
​

 

[بنـ MaPa ـت]

مزية لي قلتيلها باش تبعد عليه وتولي للطريق
خير من تبقى معاه وهو يبقى يتمسخر بيها
للاسف رجل بالكلمة فقط الفعل ربي يجيب
هادي هي الميزة لي يتميز بيها الجيل تع دوك
على حسابهم لازم هكدا يفوتو شبابهم ويبروفيتو قبل لا يبنو حياتهم
نساو لي عندهم خياتهم وكما تدين تدان
الله يهدي ما خلق

تقبلي مروري اختي
​

 

[!≈[سُِـِيٌــِـِفّ اٌڷِخً‘يٌـرُ]≈!]

في لهوى سوى

ربي يهدينا و خلاص

مي ماشي كامل اختي

لكن ديري في بالك الطيبون لطيبات

هذا هو الجواب على سؤالك
​

 

[lamine7]

نقص الوازع الديني هو سبب هذا الإنحلال الأخلاقي

يا جماعة هل توجد علاقة صداقة في الإسلام


أي نحن من ديننا الحنيف ،اللهم أرنا الحق حقاً وأرزقنا تباعه وأرنا الباطل باطلا ً ورزقنا إجتنابه
​

 

[محمد إبن الصحراء]

قصتك مسلية :-r

أنا أوأيد دلك الشاب نوعآ ما وفي حالة واحدة وهي :
إدا كانت كل فتاة يصادقها تخونه فما عليه إلا أن يصادق أكثر من فتاتين ويجعلهن صديقات في نفس الدرجة والوقت

لان هناك بعض الفتيات يرتكبنا الخيانة ثم يدعينا أن الرجال هم السبب

ويقول نزار قباني

إذا قالت امرأةٌ إنها ستُحبُّكَ حتى الأبدْ..

وإنكَ زَيْنُ الرجالِ فلا كانَ أحدْ قبلكَ

ولا بعدَك.سوفَ يكونُ أحدْ.

فلا تطمئنَّ كثيراً إليها، .... ....لأنَّ الدقيقةَ عند النساء أبد

******أحترماتنا الكاملة لكل فتاة صادقة صدوقة *********

 

[magique]

عندك الحق حبيبتي هدي ظاهرة كثرت وقد مانهدرو
مانوفيوش المسالة حقها ربي يجيب
لي فيه الخير وخلاص
​

 

[fugi]

كاين من الرجال الي تلقاه يمشي مع ياسر مدامات بويسك قلبو كبير يحبها هي ويحب صحاباتها معاها :p:sوكاين مدامات دايرين الرجال بلاليست :s

هو يقول انا ندير اكثر من وحدة باش كون تخوني وحدة منهم نورمال مانتقاسش ياسر

وهي تقول ندير اكثر من واحد باش نجرب ونتعلم كيفاش نتعامل وتاني باش زعما تضمن بلي 1 منهم على الاقل تصيدو وتطيحو ويجي يخطبها

 

[سمسم السمسومة]

اقتباس

اهلا سمسومة
وانا نقرا في موضوعك طرأت في بالي مقولة لطالما قرأتها على صفحات النت
" الاسد يمشي وحيدا اما الخروف فيمشي مع القطيع":d
والحديث قياس
بصراحة ظاهرة نفسية أكثر منها اجتماعية
والخلاصة انو هاد الكاليتي من الشباب غرضو الوحيد هو
إرضاء غروره بجمع أكبر عدد ممكن من المعجبات
يا حصراااااااا معلابالوش بلي كما تدين تدان
صحبتك هادي ربي يهديها ويصلحها​

[/QU

ربي يهدينا جميعا يا رب.........مشكورة حبيتي و لكن الى متى ارضاء الذات على حساب مشاعر الأخرين...

 

[سمسم السمسومة]

اقتباس

موضوع بزاف شباب اختي هاد الرجال واعرين حاشا البعض حسبي الله ونعم الوكيل

أصبحت ظاهرة اللعب بالقلوب هواية من بعض شبابنا و لكن .........كيما قالتها مينات_كما تدين تدان_

 

[سمسم السمسومة]

اقتباس

مشكوورة حبيبتي
موضوع رائع
نعم معك حق في كل شيء
وانا ايضا مثلك قررت الا احب شخصا لا يستحقو تحمل اخطائه اكثر
حسبي الله ونعم الوكيل

نورت بالمرورر أختي نريمان........ربي وكيلهم ناس كيما هاذوا........

 

[سمسم السمسومة]

اقتباس

عليكم السلام ورحمة الله وبركاته
كاين نوع من الرجال مراض كيما اللى تحكي عليهم
والمسؤولية تاع هاذ الحوايج تتحملها المراة اكثر من الراجل
وحطى فى بالك بلى 60 % من الرجال يعقبو فى الوقت فقط مع البنات
نشوف فى البورتابل تاع صاحبى فوق 500 طفلة وكامل هوما لى يعطولو


اما اللى عملتيه انتى معا الطفلة هاذى راهو صحيح
الصدق ثم الصدق وما تخافيش خلاص من النتائج
بارك الله فيكم
​

أنا منيش نحمل أي شاب فالمسؤولية و نعفي لبنات لالا...مي الطفلة لي جاتني مزالها في سن المراهقة و هاذ الانسان راه ناضج يعني هنا نقدر نحمل كامل المسؤولية و لا واش رايك أخي _الماستر_و على روحي نقوللها الصح اذا قبلاتوا معليش و اذا مقبلاتوش رايحة تقول عليا منيش حابتلها الصلاح...المهم ربي يهدينا يا رب

 

[سمسم السمسومة]

اقتباس

حتى لبنات ما عندك ماتقولي فيهم



كامل كيف كيف لولاد ممكن كاين كيما قال لو تع تمسخير وميقدرش الاضرار وغضب الله سبحانه

والبنات تقوللك اذا ماشي هدا ممكن هدا وبهاد الطريقة تلقى روحها كيما يقول المثل الفرنسي

ان انت ركضت وراء ارنبين فلن تحضى باي منهما

ربي يجيب الخير ويهدي عبادو
​

أخي الغالي الموضوع تاعي ماشي الغاية منوا اني نقول أنو الغلط فالشباب...لا لا مي في بالي كاين فرق كي نحاسبو انسانة و انسان ناضج على تصرفاتهم و نخليوهم يتحملوا واش داروا....مي كي يكون انسان و نقولوا عليه راه ناضج في عقلوا و نلقاوهم يلعب بعقول بنات مزالهم في سن المراهة و الطفلة لي راني نحكي عليها راها في سن 16....راها في سن حساس و منقدرش نقعدها قدامي و نقولي مديريش و مديريش.....مشكور على مرورك و ربي يهدينا يا رب

 

[سمسم السمسومة]

اقتباس

مزية لي قلتيلها باش تبعد عليه وتولي للطريق
خير من تبقى معاه وهو يبقى يتمسخر بيها
للاسف رجل بالكلمة فقط الفعل ربي يجيب
هادي هي الميزة لي يتميز بيها الجيل تع دوك
على حسابهم لازم هكدا يفوتو شبابهم ويبروفيتو قبل لا يبنو حياتهم
نساو لي عندهم خياتهم وكما تدين تدان
الله يهدي ما خلق

تقبلي مروري اختي
​

انا قلتلها مي عارفة بلي مهيش مقتنعة بلي قلتهولها و راحا دير واش في بالها......راني نشوف فيها صح مزالها شوي صغيرة على خاطر راني نقارن فيها بهاذ الشاب لي راني نحكي عليه.....صح رجعت الناس تبروفيتي بقلوب الناس شغل مهومش بشر.....ربي يهدينا يا رب

 

[سمسم السمسومة]

اقتباس

في لهوى سوى

ربي يهدينا و خلاص

مي ماشي كامل اختي

لكن ديري في بالك الطيبون لطيبات

هذا هو الجواب على سؤالك
​

خويا لعزيز انا في موضوعي معممتش و عارفة بلي كاين شباب مازال فيه الخير.... انسان عندوا 30 سنة يلعب بقلب طفلة عندها 16 سنة في بالي حرام عليه....مشكور على المرور أخي الغالي....ربي يهدينا يا رب

 

[سمسم السمسومة]

اقتباس

نقص الوازع الديني هو سبب هذا الإنحلال الأخلاقي

يا جماعة هل توجد علاقة صداقة في الإسلام


أي نحن من ديننا الحنيف ،اللهم أرنا الحق حقاً وأرزقنا تباعه وأرنا الباطل باطلا ً ورزقنا إجتنابه
​

أمين يا رب...........ربي يهدينا و سؤالك حقا في محله..........