ارجوكم ارجوكم لي حضرت او دارت قهوة في خطبتها تعاوني ارجوكم

[ام رؤوف]

السلام عليكم
عندي ختي الخطبة تاعها نهار الجمعة 29 مارس وراح نديرو قهوة وحنا مالفين نديرو عشاء بصح المرة هادي قالت ختي ندير قهوة
واش يديرو فيها كل واحد واش يقول
حبينا نعقبوها وتكون مليحة
لي تعرف تنصحني وربي يجازيكم في اقرب وقت
ختي بغات الدير مع القازوز فالاول ليتاغتولات و قاطو طبقات واش رايكم ولا نزيدو قاطو ؟؟؟
من بعد مع القهوة قالت نديرو قريوش وبقلاوة ومقروط و3 قاطوات خرين وقالت ندير لحليب قلتلها مكان لاه نديرو لحليب واش رايكم؟؟؟؟؟؟؟
ومن بعد قالت ندير صلاد دو فخوي مع لاتاي و فلان ؟؟؟؟؟؟
ارجوكم واش رايكم لانو اول مرة راح نديرو قهوة متبخلوش عليا

 

[ندى الورود]

اهلا اختي
شوفي كل منطقة وعاداتها

احنا في الخطبة نحطو كيما قلتي عصير ومعاه 3 او 4 قاطوات أو اكثر حسب المقدرو
يمشيو مع العصير او القازوز هذا قبل ما تدخل العروسة
ومن بعدها ما تجي العروسة يلبسو الخواتم يديرو قهوة ويحطو معاها حلويات معسلة اللي تمشي مع القهوة كيما المقروض
4 انواع او خمسة او اكثر كل واحد و مقدوروه بصح لكان خطبة كبيرة ما تديرش الحليب
احنا نديرو الحليب مع القهوة كي تكون شوفة يعني نهار يتعارفو العائلتين وهذاك النهار يتفاهموا الرجال وحدهم على الشرط وكل شي
ونديرو قهوة برك في الخطبة الكبيرة يعني نهار تلبيس الخواتم وكاين اللي يدير تاي مع القهوة وكل واحد واش يحب يشرب
ومن بعدما يلبسوا خواتم ويشربو القهوة يحنو للعروسة وبعدها يجي وقت التحلية وخلاص


ومبروووووك لاختك ربي يهنيها
ينقل الموضوع الى ركن تجهيز العروس

​

 

[ام اسراءواسحاق]

السلام عليك
الف مبروك لاختك و ربي يهنيها
اولا ديري حاجة مالحة او دي تارتولات مع العصير ولا قازوز
و ديري 3 انواع حلوة مع القهوة متكونش معسلة
و ديري مقروض و حنيفيات مع شاي و زيدي مكسرات .

 

[ام رؤوف]

اهلا اختي
شوفي كل منطقة وعاداتها

احنا في الخطبة نحطو كيما قلتي عصير ومعاه 3 او 4 قاطوات أو اكثر حسب المقدرو
يمشيو مع العصير او القازوز هذا قبل ما تدخل العروسة
ومن بعدها ما تجي العروسة يلبسو الخواتم يديرو قهوة ويحطو معاها حلويات معسلة اللي تمشي مع القهوة كيما المقروض
4 انواع او خمسة او اكثر كل واحد و مقدوروه بصح لكان خطبة كبيرة ما تديرش الحليب
احنا نديرو الحليب مع القهوة كي تكون شوفة يعني نهار يتعارفو العائلتين وهذاك النهار يتفاهموا الرجال وحدهم على الشرط وكل شي
ونديرو قهوة برك في الخطبة الكبيرة يعني نهار تلبيس الخواتم وكاين اللي يدير تاي مع القهوة وكل واحد واش يحب يشرب
ومن بعدما يلبسوا خواتم ويشربو القهوة يحنو للعروسة وبعدها يجي وقت التحلية وخلاص


ومبروووووك لاختك ربي يهنيها
ينقل الموضوع الى ركن تجهيز العروس

​

ربي خليك اختي ويهنيك اولا على سرعة الرد وثانيا على الرد هنيتيني وعجبتني الفكرة تاعك بصح التحلية واش الديرو فيها

 

[ام رؤوف]

السلام عليك
الف مبروك لاختك و ربي يهنيها
اولا ديري حاجة مالحة او دي تارتولات مع العصير ولا قازوز
و ديري 3 انواع حلوة مع القهوة متكونش معسلة
و ديري مقروض و حنيفيات مع شاي و زيدي مكسرات .

يبارك فيك اختي
هي بغات ليتارتولات وحاجة مالحة كيف يعني
والمقروط يعني منحطوش مع القهوة نحطو مع التاي وفي اي وقت يعني ولا كلش مع بعض

ربي خليك على الرد وعلى دخولك صفحتي

 

[stella.m]

الف مبروك لختيتك
حبيت برك نقولك بلي القهوة ما يتحطش معاها الحاجة الي تكون معسلة
حنا المقروط ولا شبايهو يعني الحوايج المعسلة نحطوهم مع التاي
وكل واحد واش يدير
ربي يهنيها
​

 

[بلقيس لينا]

مع العصير حطي حاجة حلوة وحاجة مالحة انا درت ميني بيتزا مع ليكوفري تقدري تزيدي بيسكوي غولي سهل التحضير
ومع القهوة مقروط اللوز _ مخبز _ عرياش
وحاجة عجين خفاف _ معارك
gâTeaux secs فيه موضوع لاختنا زهور انا درت حلوة بجاية مع شاراك
مع لتاي ديري مقروط معسل وبقلاوة او مشكلة مع قريوش او كنافة​

 

[ندى الورود]

اختي انا كي قلت حلويات معسلة مع القهوة لاني شفتك قلتي نحطو القهوة الاخوات قالوا ما يحطوش الحلويات المعسلة
كاين اللي ما يحطوش التاي يعني هنا كون ما يحضرش التاي ما يتحطش المقروض ولا اي حلوة معسلة طبعا كاين حلويات احنا نحطوها مع التاي ضرك نرتبوا انفسنا على حسب واش راييبحين نقدموا ونزيدلك اختي ماشي شرط نتبعوا الحلويات العاصمية كيما العرايش ومقروط اللوز والمخبز باش نقدموهم مع القهوة انا من الشرق واصحاب الشرق مشهورين بمقروض الكوشة لازم يحضر يحضر في الصينية صح احنا في دارنا ما صارتش خطوبة عندنا حتى لاخواني 2الذكور درناها بسيطة يعني بحضور العائلتين برك وانا البنت الوحيدة في العائلة ومازالت بصح حضرت خطوبات وشفت واعراس والله قدموا التاي والقهوة مع بعضهم يعني اللي يحب يشرب قهوة واللي يحب يشرب تاي وقدموا معاهم حلويات معسلة وحلويات عادية
وصح كاين اللي يحطو لي صالي مع العصير او تارتولات يعني تختلف من عائلة لاخرى وحسب المقدور
المهم اختي شوفي واش يخرج عليكم وديروه وصقصي في جهتكم واش يديرو
وكل شي يفوت كيما يقولو المهم الصلاح والهنا و الباقي شكليات برك

​

 

[ام رؤوف]

NAIMA.M شكرا اختي على ردك واكتسبت معلومة حول القاطوالمعسل يتحط مع التاي والقاطو العادي مع القهوة
لكن كيما قاتلك ندى الورود حنا من الشرق وما نديروش تاي وحدو والقهوة وحدها لانو كاين لي ميشربش القهوة نعطيوه التاي والعكس
بلقيس لينا ربي خليك اختي ويجازيك على ردك والف تحية ليك
ندى الورود شكرا ليك اختي على التوضيح ونتوما كيما حنا وربي يعطيكم ما تتمناو
بقات التحلية او السماط كيما يسميوه في بعض المناطق واش الديرو فيه؟؟؟؟
اسمحولي كثرت عليكم

 

[hiba14]

شوفي اختي ادا جاو بكري شوي ديرو salade de fruits et les boissons من بعد قهوة مع تارت و بسبوسة و لاا كاش حاجة و يليق تاني حاجة تقليدية كيما الرفيس ولا البغرير و القهوة و لا تاي حنا في تيارت نديرو هكا

 

[mimika03]

مبروك اختي احنا الشاوية نحطو المشروبات و الفواكه موز تفاح و برتقال او اكثر و قاكو بارد سون كويسون مع تارتيلات و مبعد ما تلبس العروس الخاتم نحطو قهوة و حليب خاطر كاين اللي ما يشربش القهوة و القطو مقروط و بقلاوة و 4 او 5 انواع اخرين
انشاء الله ربي يكمل

 

[*دموع القمر*]

السلام عليكماختي شوفي احنا كيفاش يديرو قبل لما يدخلو
يحطولهم قهوة مع قاطو 4 انواع ولا 5 المهم مايكونش معسل واذاكانو ماشي بزاف الغاشي ديرو الحليب لانوكاين لي ماتشربش القهوة الكحلة احنا سواءبزاف ولا شوي الناس ديما قهوةحليب وقهوة كحلة بعد لماتجي لعروسة نحطوو مشروبات و والبياس مونتي لي راح تقطعها العروسة هي وزوجها ويلبسو الخاتم ...... بعدها نهزو هذيك الماكولات ونحطووو مقروط وقريوشات ولاتاي ومكسرات كوكاو ولوز وجوز وانتي وحسب طاقتك وصايي هاكذاااا احناا والوقت لي يكونوحاطين الكوكاو والتاي والقاطو المعسل يحنيوو للعروسة وتقدرو تضيفوو من بعد اذ اهم طولو السهرة بزاف ديرولهم سلات دوفغوي
​

 

[السلطانة]

اختي انا كي قلت حلويات معسلة مع القهوة لاني شفتك قلتي نحطو القهوة الاخوات قالوا ما يحطوش الحلويات المعسلة
كاين اللي ما يحطوش التاي يعني هنا كون ما يحضرش التاي ما يتحطش المقروض ولا اي حلوة معسلة طبعا كاين حلويات احنا نحطوها مع التاي ضرك نرتبوا انفسنا على حسب واش راييبحين نقدموا ونزيدلك اختي ماشي شرط نتبعوا الحلويات العاصمية كيما العرايش ومقروط اللوز والمخبز باش نقدموهم مع القهوة انا من الشرق واصحاب الشرق مشهورين بمقروض الكوشة لازم يحضر يحضر في الصينية صح احنا في دارنا ما صارتش خطوبة عندنا حتى لاخواني 2الذكور درناها بسيطة يعني بحضور العائلتين برك وانا البنت الوحيدة في العائلة ومازالت بصح حضرت خطوبات وشفت واعراس والله قدموا التاي والقهوة مع بعضهم يعني اللي يحب يشرب قهوة واللي يحب يشرب تاي وقدموا معاهم حلويات معسلة وحلويات عادية
وصح كاين اللي يحطو لي صالي مع العصير او تارتولات يعني تختلف من عائلة لاخرى وحسب المقدور
المهم اختي شوفي واش يخرج عليكم وديروه وصقصي في جهتكم واش يديرو
وكل شي يفوت كيما يقولو المهم الصلاح والهنا و الباقي شكليات برك

​

كيما حنا منحطوش التاي جامي
نشربو بقاطو مع عصير
بعدها القاطوات لوخرين ومعاهم المقروض معسل مع حليب وقهوة
وبعدها الرفيس مع اللبن
ربي يهنيك اختي
ان شاء الله يفيدوك الاخوات

 

[السلطانة]

السلام عليكماختي شوفي احنا كيفاش يديرو قبل لما يدخلو
يحطولهم قهوة مع قاطو 4 انواع ولا 5 المهم مايكونش معسل واذاكانو ماشي بزاف الغاشي ديرو الحليب لانوكاين لي ماتشربش القهوة الكحلة احنا سواءبزاف ولا شوي الناس ديما قهوةحليب وقهوة كحلة بعد لماتجي لعروسة نحطوو مشروبات و والبياس مونتي لي راح تقطعها العروسة هي وزوجها ويلبسو الخاتم ...... بعدها نهزو هذيك الماكولات ونحطووو مقروط وقريوشات ولاتاي ومكسرات كوكاو ولوز وجوز وانتي وحسب طاقتك وصايي هاكذاااا احناا والوقت لي يكونوحاطين الكوكاو والتاي والقاطو المعسل يحنيوو للعروسة وتقدرو تضيفوو من بعد اذ اهم طولو السهرة بزاف ديرولهم سلات دوفغوي
​

انتوم تحنيو للعروسة نهار الفاتحة ؟

 

[*دموع القمر*]

انتوم تحنيو للعروسة نهار الفاتحة ؟

على حساب المسافة اذا كانت بعيدة يجو اول مرة يخطبو لانو الزوج يكون جا قبل وشاف العروسة

بعدها يرجعو يديرو الفاتحة والحنة في وقت واحد بعدها بفترة سواءبعيدة ولا قريبة يحدوو الزواج
اما اذا كانتقريبة
يديرة الخطبة وبعدها قبل العرس بليلة يديرو الحنة وللغدوة العرس يجو يدوها بالنسبة للفاتحة كاين لي يديروها نهار الخطبة وكاين لي يديروها يوم الحنة اي بليلة قبل العرس

 

[السلطانة]

على حساب المسافة اذا كانت بعيدة يجو اول مرة يخطبو لانو الزوج يكون جا قبل وشاف العروسة

بعدها يرجعو يديرو الفاتحة والحنة في وقت واحد بعدها بفترة سواءبعيدة ولا قريبة يحدوو الزواج
اما اذا كانتقريبة
يديرة الخطبة وبعدها قبل العرس بليلة يديرو الحنة وللغدوة العرس يجو يدوها بالنسبة للفاتحة كاين لي يديروها نهار الخطبة وكاين لي يديروها يوم الحنة اي بليلة قبل العرس

اه اوكي
فهمت
باسكو حنا الحنة وحدها نهار لعطية يجيو مالين لعريس يحنيو للعروسة

​

 

[*دموع القمر*]

اه اوكي
فهمت
باسكو حنا الحنة وحدها نهار لعطية يجيو مالين لعريس يحنيو للعروسة

وشنو لعطية؟؟؟؟؟؟؟؟؟؟
​

 

[السلطانة]

وشنو لعطية؟؟؟؟؟؟؟؟؟؟
​

بالشدة على الياء
لعطية عندنا تتشرط مع الشرط لي هيا الحنة تاع لعروس وتكون غدا ولا عشا ومعاه قهوة
وفيها دار لعريس يجيبو للعروس لبسة وحاجات هك
ويجيبولها حاجة دهب كيما المقياس
يحنيولها عليه
ويدخل راجلها يلبسلها خاتم ولاسنسلة الشي لي يقدر عليه
ويقصو لاpياس مونتي

 

[hayota]

كل منطقة وعاداتها انت اختي ديري عاداتكم انتوما احسن

 

[ام رؤوف]

شكرا لكم جميعا وربي يجازيكم كل خير
​