كيف يمكننا ان نساعد في تزويج اولادنا

[أم أمين23]

السلام عليكم ورحمة الله وبركاته
​

بدون مقدمات كثيرة اريد ان ادخل في الموضوع مباشرة وهو عن ضاهرة قديمة ولكنها متجددة وهو عدم الرغبة في الزواج والدخول في ما يسمى بالعنوسة
وقد وجدت احصائية لعام 2011 تقول :

حيث سجلت الاحصائيات الرسمية (الصادرة عن الديوان الجزائري للإحصائيات) ان نسبة العنوسة بلغت 30% في المجتمع اي ان 9 ملايين جزائري من الجنسين هم عزاب منهم 5 ملايين أعزب (32.5%) من الرجال، و4 ملايين امرأة عزباء (27% فوق سن الـ15 سنة).

مايعني ان عدد الشباب العازب يفوق عدد الفتياة في حين اني كنت اعتقد ان السبب في الظاهرة هو قلة عدد الرجال مقارنة بالنساء ولكن بالنهاية اتضح ان العدد متكافئ وهناك فائض
ما جعلني افكر فيما هو السبب الحقيقي للظاهرة؟؟؟
الكثيرون يقولون ان السبب هو غلاء المهور كما ان هناك من يرى السبب في ان الشباب اغلبهم بطال ولا يمكنه ان يفكر في الزواج على الاقل حاليا زد على دلك ازمة السكن وغلاء الايجار وارتفاع الاسعار في كل القطاعات الاكل الدواء الملابس

هنا طرحت على نفسي سؤالا اخر كيف يمكننا ان نقلل من العنوسة ونرفع نسبة الزواج؟؟
هل هناك طرق من الممكن ان نقترحها نحن ونعالج بها الامر؟؟

هنا ارجع وطرح نقطة اخرى قد تكون ايضا سبب في ارتفاع عدد الغير متزوجات رغم انهن تعدين سن 35 واحيانا اصبحت حتى التي فاقت ال30 تعد ممن لا يرغب في الزواج منها او فلنقل يقل طلب الزواج منها

وهنا اذهب الي الشباب واقول لماد الشاب الدي فاق ال35 او وصل حتى سن الاربعين ادا قرر الزواج تبحث له امه عن فتاة اقل من 30 سنة او هو يشترط ان لا تفوق الثلاثين؟؟

اليس هدا اجحافا من الامهات لمادا لا تفكر الام التي تطلب لابنها الدي تعدى 35 فتاة اقل من 30 في حين ان الاولى خطبة البنات ما بين 30 الى 35 والغريب في الامر انه قد يكون لها بنات في تلك السن ولكنها عندما تخطب لا تفكر في بناتها بقدر ما تفكر فيما تراه افضل لابنها؟؟
لمادا نحن كاخوة او اهل لهدا الشباب لا ننصح بخطبة البنات الاكبر سن ؟؟؟

صراحة اسئلة كثيرة وافكار متداخلة في رأسي طرحت البعض منها واتمنى ان نجد حلولا نخرج بها من دائرة ارى اننا نحن من اغلقها ولم يستطع ان يجد لها مخرجا
فلكم الحرية في الخوض بالموضوع وابداء الرأي من اجل ايجاد طرق لحل هاته المشكلة التي لا يكاد بيت من بيوت الجزائريين لا يعاني منها

 

[روز]

موضوع مهم جدا لي عودة إن شاءلله

يتعمد طبعا ​

 

[أم أمين23]

مشكورة على الاعتماد وبانتضار الاراء الظاهر اني غالطة وازمة الزواج تحلت في بلادنا وانا راني روطار:d:d

 

[!≈[سُِـِيٌــِـِفّ اٌڷِخً‘يٌـرُ]≈!]

لي عودة ان شاء لله
​

 

[رضوة الجزائرية]

بسم الله جا الموضوع لراهو ضارني بزاف اختي الفاضلة مشكورة على الموضوع المطروح
يقولو المشكل بالنسا راهم يتشروطو والله ربي يشهد وراني بشحال من موضوع راني نقولها وربي يشهد انا راني 35تقدم لي الصغير بالعمر امه رفضت ومع انه خواتو اكبر مني وقالت ليه يماه ايه بناتي يتزوجو الصغير بصح انت ما تتزوجش لكبيرة واش يقولو عليا الناس تاخف من الناس وزيد تقدمو ليا لكبار بالعمر بالاربعينات مين يسئلوني عن عمري يقول لي نحب وحدة صغيرة باش تعيشني لافي
وزيد يطلب واش شايب ويقول لي حابك مرا تخدمني راني مريض
مافهمتش المجتمع نتاعنا وين راهو تكافؤ نتاعو وعلا ش هدا الاختلاف بالعقليات مع انه لبنات راهم يكبرو حاسبنين لبنت رايحة تصغار بصح يوم يطلق يجي يبحث على ملات الثلاثينيات باش تتحمل مسؤولية ولادو لانه يخاف من تجربة خايبة
انا عن نفسي سهلت بالمهر والدهب والسكن وطلبت الزوج الصالح بصح كانو يتشروطو عليا كاين لطلب مني السيارة ولا السكن والعرس وربي يهديهم تقول انا الرجل واشرايك ياختي وزيد الرجل يكدب وينافق ويوعد وكاين ليحلف بالله وكلهم يخلفو بكلامهم هدي رجلة هدي برايك هدا تبني معاه اسرة عن النفاق
ويقولو رانا مكثرين بالمهر ونزيد نقول ليك كاين لي قالي مانتزوجش وحدة سمرا وكاين لقالي انت قصيرة وكاين وكاين
واش نحكي واش نزيد الان انا امتنعت عن الزواج حتى ربي يقول كن فيكون لانو رجال درك سمحيلي غير بالسروال
مشكورة فرغت قلبي لانو الناس ظالميني بلاما يعرفو السبب
دعيلي ربي يهدينا ويهديهم


​

 

[أم أمين23]

بسم الله جا الموضوع لراهو ضارني بزاف اختي الفاضلة مشكورة على الموضوع المطروح
العفو اخيتي والموضوع راه ماس شريحة كبيرة من النساء ربي اكون في عونهم ليس انت فقط
يقولو المشكل بالنسا راهم يتشروطو والله ربي يشهد وراني بشحال من موضوع راني نقولها وربي يشهد
صحيح انا معك اعرف الكثيرات لا يطلبن الا الزوج الصالح وللاسف لا يطرق بابهن
انا راني 35تقدم لي الصغير بالعمر امه رفضت ومع انه خواتو اكبر مني وقالت ليه يماه ايه بناتي يتزوجو الصغير بصح انت ما تتزوجش لكبيرة واش يقولو عليا الناس تاخف من الناس
اكيد كيما تظلم في بنات الناس حتى بناتها للاسف راهم قاعدين يظلمو
وزيد تقدمو ليا لكبار بالعمر بالاربعينات مين يسئلوني عن عمري يقول لي نحب وحدة صغيرة باش تعيشني لافي
عقليات تافهة تعيشو لافي الصغيرة راهي تخرجو من عقلو ماشي تعيشو لافي
وزيد يطلب واش شايب ويقول لي حابك مرا تخدمني راني مريض
مافهمتش المجتمع نتاعنا وين راهو تكافؤ نتاعو وعلا ش هدا الاختلاف بالعقليات مع انه لبنات راهم يكبرو حاسبنين لبنت رايحة تصغار بصح يوم يطلق يجي يبحث على ملات الثلاثينيات باش تتحمل مسؤولية ولادو لانه يخاف من تجربة خايبة
بالظبط هنا المشكل يدوها صغيرة وتكثر المشاكل وبالاخير تولي عندنا اولاد مساكن ضايعين
انا عن نفسي سهلت بالمهر والدهب والسكن وطلبت الزوج الصالح بصح كانو يتشروطو عليا كاين لطلب مني السيارة ولا السكن والعرس وربي يهديهم تقول انا الرجل واشرايك ياختي
اكيد ان مثل هؤلاء لا يؤتمنون فالمرأة تبحث عن رجل ليكون هو المعيل لا ان تكون هي معيلته وهاد الشاكلة اكيد غرضها الطمع وليس الزواج ولن تستمر ابدا مثل هاته العلاقات في اغلب الحالات
وزيد الرجل يكدب وينافق ويوعد وكاين ليحلف بالله وكلهم يخلفو بكلامهم هدي رجلة هدي برايك هدا تبني معاه اسرة عن النفاق
ويقولو رانا مكثرين بالمهر ونزيد نقول ليك كاين لي قالي مانتزوجش وحدة سمرا وكاين لقالي انت قصيرة وكاين وكاين
واضح انهم فقط يختلقون الاعذار لكي لا يتممون ما وعدو به لا غير
واش نحكي واش نزيد الان انا امتنعت عن الزواج حتى ربي يقول كن فيكون لانو رجال درك سمحيلي غير بالسروال
احتسبي عند الله وادعي وربي يجيبلك وليد الحلال الي ترضايه ان شاء الله
مشكورة فرغت قلبي لانو الناس ظالميني بلاما يعرفو السبب
دعيلي ربي يهدينا ويهديهم
​

براحتك اخيتي وانا اشكرك على رحابة صدرك وعلى انك شاركتينا بخصوصياتك وللاسف اننا لا نستطيع ان نفهم كيف ممكن ان يكون الرجل رجلا مسلما ويتصرف مثل هاته التصرفات وكما قلتي للاسف الكثيرون يحملون صفة الذكورة وليس الرجولة
​

 

[رضوة الجزائرية]

مشكورة ياختي على ردك وقبول اجابتي​

 

[أم أمين23]

مشكورة ياختي على ردك وقبول اجابتي​

بكل سرور اخيتي ادا لما وضعت المواضيع اليس من اجل المشاركة والكلام وابداء الرأي
بانتضار باقي المشاركات

 

[Ma$Ter]

السلااام عليكم ورحمة الله وبركاته

موضوع مميز اختى ام امين

لكن الاسباب راهى تختلف من منطقة لاخرى

كيما عندنا هنا كاين حاجة اسمها غلاء المهور + عندنا عادات وتقاليد ربطونا بيها

باه تعرس على الاقل لازم +120 مليون
وكاين اسباب اخرى


رضوة الجزائرية
اختى اصبرى وصلى وادعى وما تقنطيش من رحمة ربى
الحاجة اللى كتبهالك ربى توصلك
ربى يفرج عليك اختى ويرزقك بالرجل الصالح
​

 

[أم أمين23]

السلااام عليكم ورحمة الله وبركاته
وعليكم السلام ورحمة الله وبركاته
موضوع مميز اختى ام امين
مرورك المميز دائما اخي
لكن الاسباب راهى تختلف من منطقة لاخرى

كيما عندنا هنا كاين حاجة اسمها غلاء المهور + عندنا عادات وتقاليد ربطونا بيها
ولكن اخي الا يمكننا ان نغير من هاته العادات التي تقيدنا ولا يمكننا ان نتزوج من فتياة من ولايات اخرى أليس هدا حل قد يجعلنا نشارك في القضاء على العنوسة فكلنا ابناء الجزائر ومسلمون ولا ضير في ان نبحث في غير ولايتنا مادام في ولايتنا ما يقيدنا
باه تعرس على الاقل لازم +120 مليون
اكيد عندما نريد ان نضخم في كل شيء ابتداءا من المهور الى بهرجة الاعراس
وكاين اسباب اخرى
لا حبدا لو ذكرتها لنا كونك تمثل الرجل يعني الطرف الاخر وربما تعطينا امور نغفل عنها نحن النساء تساهم في حل المشكل

رضوة الجزائرية
اختى اصبرى وصلى وادعى وما تقنطيش من رحمة ربى
الحاجة اللى كتبهالك ربى توصلك
ربى يفرج عليك اختى ويرزقك بالرجل الصالح
​

 

[Ma$Ter]

السلااام عليكم ورحمة الله وبركاته
وعليكم السلام ورحمة الله وبركاته
موضوع مميز اختى ام امين
مرورك المميز دائما اخي
لكن الاسباب راهى تختلف من منطقة لاخرى

كيما عندنا هنا كاين حاجة اسمها غلاء المهور + عندنا عادات وتقاليد ربطونا بيها
ولكن اخي الا يمكننا ان نغير من هاته العادات التي تقيدنا ولا يمكننا ان نتزوج من فتياة من ولايات اخرى أليس هدا حل قد يجعلنا نشارك في القضاء على العنوسة فكلنا ابناء الجزائر ومسلمون ولا ضير في ان نبحث في غير ولايتنا مادام في ولايتنا ما يقيدنا
باه تعرس على الاقل لازم +120 مليون
اكيد عندما نريد ان نضخم في كل شيء ابتداءا من المهور الى بهرجة الاعراس
وكاين اسباب اخرى
لا حبدا لو ذكرتها لنا كونك تمثل الرجل يعني الطرف الاخر وربما تعطينا امور نغفل عنها نحن النساء تساهم في حل المشكل

رضوة الجزائرية
اختى اصبرى وصلى وادعى وما تقنطيش من رحمة ربى
الحاجة اللى كتبهالك ربى توصلك
ربى يفرج عليك اختى ويرزقك بالرجل الصالح
​

هنا شعب مريض يرضى بنتو تبور فى الدار وما يغيرش العادات :d
ايه ممكن يكون حل انك تجيب زوجة من ولاية اخرى
لكن كيما انا ما نقدرش نزوج طفلة ما نعرفهاش وما نعرف والو على ماضيها

اما بخصوص الاسباب الاخرى كيما السكن والعمل
الشباب راهو بطال والمناصب كامل دوها البنات :down:
​

 

[أم أمين23]

هنا شعب مريض يرضى بنتو تبور فى الدار وما يغيرش العادات :d
ونهار تبور يقول يا ريت ربي يهدي برك
ايه ممكن يكون حل انك تجيب زوجة من ولاية اخرى
لكن كيما انا ما نقدرش نزوج طفلة ما نعرفهاش وما نعرف والو على ماضيها
علاش وكي تروح لولاية اخرى ما تقدرش تصقصي عليها ههه راني نشجع فيك يلا برك الا واجد توكل على ربي ما اديريش المسببات فكت تلقى بنات الحلال :d:d:d
اما بخصوص الاسباب الاخرى كيما السكن والعمل
الشباب راهو بطال والمناصب كامل دوها البنات :down:
​

اكيد في حالة البطالة لا يوجد للاسف حل فقليلا ما نرضى ان نزوج بناتنا لعاطل لان المشكال ستكون بعد الزواج اكبر ولكن كل واحد رزقه عند الله وعمله ايضا يعد من الارزاق فمن سعى سيجد وليست بالضرورة النساء هن من اخذن مناصبهم
اما السكن فكثيرات يقبلن بالسكن مع الاهل وهنا يجب ان تتعاون الفتاة لتسهل الامور حتى يعطيها الله بيتا في الارض وفي الجنة
مشكور للعودة والرد
​

 

[رضوة الجزائرية]

هنا شعب مريض يرضى بنتو تبور فى الدار وما يغيرش العادات :d
ايه ممكن يكون حل انك تجيب زوجة من ولاية اخرى
لكن كيما انا ما نقدرش نزوج طفلة ما نعرفهاش وما نعرف والو على ماضيها

اما بخصوص الاسباب الاخرى كيما السكن والعمل
الشباب راهو بطال والمناصب كامل دوها البنات :down:
​

شوف خويا تقدر تتعرف على اي بنت وترتبط بيها ممكن باي بلد اي مكتوب ربي كما هنا في بشار عندنا ولادنا 70بالمئة يتزوجو من الشمال البلاد اي ما يعرفها ولا يسمها يتزوجها وعمرهم ماهمهم بنت بلادهم حتى هنا عندنا تقريبا 85بالمئة من بنات بشار بدون زواج وكاين لمن مواليد 1959 صح تقول لي مكتوب راني معاك بصح علاش مين يجوهم من الشمال يطردوهم والله هدا لراهو صاير عندنا لو ولد من الشمال يحب يخطب صحراوية ممكن يتعرض لضرب بصح العكس بنات الشمال كلهم تقريبا راهم عندنا نسمها انانية و لفهامة وزيد يطلقو اشاعات على بناتهم وهد لكلام بشاهدتهم وكلامهم شحال من مرة نسمع ولادنا يقولو لكلام على بناتهم
ادا ياخي ممكن هد البنت تكون بنت عمكوتعرف اصلها وفصلها وتخرج ليك شي تاني وممكن هديك لمن ولاية بعيدة هي لتبقى ليك الزوجة الصالحة بالاخير الخير فيما اختاره الله وحسبنا الله ونعم الوكيل ​

 

[Ma$Ter]

شوف خويا تقدر تتعرف على اي بنت وترتبط بيها ممكن باي بلد اي مكتوب ربي كما هنا في بشار عندنا ولادنا 70بالمئة يتزوجو من الشمال البلاد اي ما يعرفها ولا يسمها يتزوجها وعمرهم ماهمهم بنت بلادهم حتى هنا عندنا تقريبا 85بالمئة من بنات بشار بدون زواج وكاين لمن مواليد 1959 صح تقول لي مكتوب راني معاك بصح علاش مين يجوهم من الشمال يطردوهم والله هدا لراهو صاير عندنا لو ولد من الشمال يحب يخطب صحراوية ممكن يتعرض لضرب بصح العكس بنات الشمال كلهم تقريبا راهم عندنا نسمها انانية و لفهامة وزيد يطلقو اشاعات على بناتهم وهد لكلام بشاهدتهم وكلامهم شحال من مرة نسمع ولادنا يقولو لكلام على بناتهم
ادا ياخي ممكن هد البنت تكون بنت عمكوتعرف اصلها وفصلها وتخرج ليك شي تاني وممكن هديك لمن ولاية بعيدة هي لتبقى ليك الزوجة الصالحة بالاخير الخير فيما اختاره الله وحسبنا الله ونعم الوكيل ​

اختى انا عندى حسابات خاصة بيا
هذا علاه ما نجيبش مراة من ولاية اخرى .
مشكل البنات تاع الجنوب لازم يزوجو ثما فى ولاياتكم لانو
الشباب تاع الشمال ماكانش احتكاك وتعامل بينهم وبين البنات تاع الجنوب
عكس الشباب تاعكم يقدر يروح للشمال ويتعرف على بنت ويتزوجها

-وهذا المشكل تاع البنات والزواج راهو فى الولايات كامل ماهوش غير عندكم
ربى يوفقك ودايما نقلك صلى وادعى وربى يفرج عليك اختى
​

 

[رضوة الجزائرية]

اختى انا عندى حسابات خاصة بيا
هذا علاه ما نجيبش مراة من ولاية اخرى .
مشكل البنات تاع الجنوب لازم يزوجو ثما فى ولاياتكم لانو
الشباب تاع الشمال ماكانش احتكاك وتعامل بينهم وبين البنات تاع الجنوب
عكس الشباب تاعكم يقدر يروح للشمال ويتعرف على بنت ويتزوجها

-وهذا المشكل تاع البنات والزواج راهو فى الولايات كامل ماهوش غير عندكم
ربى يوفقك ودايما نقلك صلى وادعى وربى يفرج عليك اختى
​

عندك الحق خويا امالي مين ولادنا يطلعو لشمال يقدر يتعرف يتزوج وولاد الشمال اصلا مارهمش يجونا باش يتعرفو عليها ماعليش يبقو لبنات الصحرا يطلبو ربي ربي يفرج عليهن يارب ان شاء الله​

 

[imy_amani]

السلام عليكم ورحمة الله وبركاته
اشكرك اختي اولا على طرحك للموضوع

انا نشوف انو اللي زاد العنوسة في عدة اسباب
كاين ناس اللي تحوس على شروطها وعلى اللي تتمناه
وزاد ماعادتش الثقة كيما قبل
وكاين اللي يحوس على العايلة الشريفة العفيفة
وكاين اللي يحوس على المال والجاه
وكاين اللي يحوس على الزين

كل واحد وعلى واش يحوس


​

 

[ماكانش]

أهلا ام أمين
يعطيك الصحة على موضوعك الرائع
من خلال الواقع المعاش والمشاهد رأيت أن أغلب بل كل من بلغ سن 40 سنة ولم يتزوج يصاب بعض الجنون الطفييييييييييييييف
يعني مايوليش عادي
وكل من بلغ 40 سنة ولم يتزوج فلن يتزوج اطلاقا
​

 

[noussa m]

حنا راهم يغلو في المهر ماشي حاجة الزين ولا هادي اولى
الزين خلي عندي خالي قالك انا منزوجش غير من فرنسا
وكي حوس يخطب قالك تكون باهية ياسينو تقعد في دارهم
تبا تبا عقلية متخلفة
نصف البنات يستناو
+++
راين نشوف في ظاهرة غريبة
راهم دراري لي عمرهم 18 و 19 يقولولي رانا باغيين نزوجوا هههه انا والله نضت نضحك هبال وش راه يصرا لكبير مبغاش وصغير قالك نزوج
ربي يهدينا
+++
اختي روضة الجزائرية
اصبري اختي والله يجيك وتهزي راسك فيه وتقولي هدا هو ولا خلي
شكرا على الموضوع

 

[رضوة الجزائرية]

أهلا ام أمين
يعطيك الصحة على موضوعك الرائع
من خلال الواقع المعاش والمشاهد رأيت أن أغلب بل كل من بلغ سن 40 سنة ولم يتزوج يصاب بعض الجنون الطفييييييييييييييف
يعني مايوليش عادي
وكل من بلغ 40 سنة ولم يتزوج فلن يتزوج اطلاقا
​

ماشي يصابو بالجنون رايحة نقول لك ممكن راك تشوفو بالعينك لمرا مين ما تتزوج واش يصير ليها فالدار كيفاش يصير يعاملها الاخ ومرتو و جونبي بصراحة والله نعرف بنات فاتو الربيعين يعاملهم كما الخادمات ادا خدامة يخليها تصرف وهو بدارهمو يوحس بمرتو صح ولا لا وادا ماشي خدامة دروها تربي الاطفال والله راهم يعاملهم كما لعبيد ادا شوف مليح واش راهم عاملين لخوت بخواتهم عاد قول تصاب بجنون طفيف تقول اللهم نعيش تحت راجل ولا تحت خويا يدل فيا وتجيب وليد على الاقل يعطيها الما في كبرها اه اهاه المجتمع الكل يحمل لمرا مسؤولية لمتفعلها حسبنا الله فقط نقول ليك حاجة انا ادا ما تزوجتش بسن الاربعين رايحة نسكن وحدي اكيد لانه غير ربي ليعلم واش رايح يصير ليا واش راهو صاير ما تحكمش وتقول بالجنون يحسن العون فهد النسا كبرو ماتهنو صغارو ماتهنو قال الرسول استوصيكم بالنساء خير كيلي ماواصاش واغلب صحباتي ساكنات وحدهم بسبب لخوت ونساهم وكاين لطردهم من دار باباهم بسبب رايحة نقولو بقصة الناس 3 تابعو​

بين قوسين حكيت على الناس لاني امراة

 

[رضوة الجزائرية]

حنا راهم يغلو في المهر ماشي حاجة الزين ولا هادي اولى
الزين خلي عندي خالي قالك انا منزوجش غير من فرنسا
وكي حوس يخطب قالك تكون باهية ياسينو تقعد في دارهم
تبا تبا عقلية متخلفة
نصف البنات يستناو
+++
راين نشوف في ظاهرة غريبة
راهم دراري لي عمرهم 18 و 19 يقولولي رانا باغيين نزوجوا هههه انا والله نضت نضحك هبال وش راه يصرا لكبير مبغاش وصغير قالك نزوج
ربي يهدينا
+++
اختي روضة الجزائرية
اصبري اختي والله يجيك وتهزي راسك فيه وتقولي هدا هو ولا خلي
شكرا على الموضوع

مشكورة با اختي انا عندي وحد القول ديما نقولو مين يقولو لي روك تتزوجي ماهمنيش الزواج بصح هامني يكون راجل كانقول ادا راجل ان شاء الله ياربي ادا راجل وهو مرا انا اصلا مرا وبكلمة الرجال مانستحقوش مشكورة وكثري الدعاء​