ياناس محتاجة نصائح

[ahlam02]

السلام عليكم اخواتي واخواني في اللمة
كل واحدة منا تحلم بشريك الحياة وكيما نقولوا فارس الاحلام انا لقيت راجل يحبني قلت خلاص هدا هو اللي نكمل معاه حياتي مانكدبش عليكم صح يحبني بصح كرهلي حياتي عندي عامين ونص متزوجة بيه ماهنانيش طبايعوواحد مايتحملهم وكل هدا انا نقول صغير ويتصلح مع الوقت وصابرة ونساعفو خاطر قلبه بيض بصح خلاص عييت منو دارلي مشاكل بزاف واخر مرة في الخدمة حلفتلو بلي المرة الجاية نروح لدارنا البارح سبني وقالي كلام جرحني بزاف فكرت الصباح نروح لدارنا ..كي نضت الصباح شفني وليدي كيفاش نبعدو على باباه ومن جهة راني محتارة كرهت مننو ومارانيش حابة نعيش معاه .............واش نحكيلكم مانقدرش نوصللكم واش راني نحس قولولي واش ندير انصحوني راني محتارة وزيد دارنا زعمة دايرين في بالهم راني مهنية مانحبش نقلقهم ياناس راح نهبل ماعندي الزهر في والووووووووو..................................مانكدبش عليكم انا قلبي راه يقولي ارجعي لداركم.

 

[بنت الـ25]

تم الاعتماد
لي عودة اختي
​

 

[اسطر عاشق]

اختي راكي كيما تشوفي مازالني صغيرة ومنعرفش الحوايج هادي

مي حسب رايي متروحيش لداركم درك زيدي اصبري عليه ولكان كثر عامليه بنفس الاسلوب يلي راهو يعاملك بيه ولكان مفهمش روحي لداركم ومنعرف ؟؟؟؟؟؟ ربي يكون معاك اختي

 

[السلطانة]

وعليكم السلام

أختي مازالكم في بداية الطريق
ولازمك تصبري
لوكان من اول مشكل تديري هك متفراش تطلقو غدوة بعيد الشر
مادامك حبيتيه وحبك علاه تخلي المشاكل توصل حد هك
المرة بيدك اختي ننصحك نصيحة أخت في الله
حاولي تعرفي نقطة ضعف زوجك
ومنها تقدري تتعاملي معاه بكل سهولة
بعدي على واش يقلقو
متنسايش ربي سبحانو قال لازم على الزوجة تطيع زوجها
مافيهاش هادي
انتي متعلمة ومثقفة متتصرفيش تصرفات تاع وحدة جاهلة
اي مشكل يتحل بالسياسة
هادي راهي حياتك
حاولي متخسريش راحتك وزوجك
وزيد وليدك ليمن يبقى ؟
الراجل يكره يروح يتزوج تجي غير فيك
ربي يسهلك اختي
صلي وادعي ربي وحاولي تبدلي سلبياتك
لايجابيات
وبشوي تقدري تعدلي زوجك
الحل بيدك انتي ماو بيد حتى واحد
وياريت متدخليش اطراف اخرى بيناتكم
تقبلي مروري
وبالتوفيق

​

 

[Ma$Ter]

عليكم السلاام ورحمة الله
اختى كاين الاف النساء اللى يعانو كيفك انتى
اصبرى وصلى وادعى ربى يصحلو حالو
واخر شئء تفكرى فيه توحى لداركم
راهى تزيد تكبر مشالكم
اكثر من الدعاء وربى يفرج عليك ويصلح زوجك
​

 

[imy_amani]

ماعليش اختي كبري خاطرك على جال ولدك
ادعيله ربي يصلح حاله
ومادامكي تعرفي انو قلبو ابيض
طولي بالك
ماتخليش الشيطان يدخل بيناتكم
وحاولي تقوليله مباشرة واش يزعجك
وشوفي واش رايح يقولك
اسفة اختي انا ماعنديش خبرة في الحياة الزوجية
اتمنى لكي من كل قلبي ان تحل مشاكلكي
ويعود بيتك سعيد وهاني
ربي يرزقك اختي بالهنا
تقبلي مروري
​

 

[زائــــــــرة حلوة]

وعليكم السلام ورحمة الله وبركاته

شوفي أختي هذي تاع ماعنديش الزهر مكانش منها كل واحد ومكتوبو يعني هذا هو مكتوبك ولازم ترضاي بيه وحكاية داركم مش حل غير تزيدي تعقدي الأمور
المهم كثري من الدعاء كي تتقلقي وربي عمرو مايرد الداعي خايب
وبخصوص الطلاق راهو الخاسر الوحيد هو ولدك و في مجتمعنا كلمة مطلّقة كلمة صعيبة
ربي يفرّج عليك أختي عااااجلا ويهديلك زوجك و يسمعنا عليك غير الخير إن شاء الله

 

[aya2009]

ادا حبيتي تروحي لداركم باش تهدا نفسيتك ماعليش واش فيها ، حتى هو يعرف يرد بالو و تصرفاتو معاك
قوليلو رايحة لدار والديا ، و نفسيتي تعبت شوي ، بصح استني الرد تاعو ،
ادا كان ما دا بيه ..، ماتروحيش
وادا كان متألم و زاد تعصب من جديد ، هدا راهو يبغيك لازمك انتي فقط مع الوقت و الخبرة تدراي بنقطة ضعفو و دخلي لو منها و شوفي كيف راه يولي كي الطفل الصغير وكلشي بالعقل
و ايييييياك تروحي لداركم فقط باش تهربي منو و من لي عمل فيك لان النتايج بعد دلك لي اهم
فكري في اسوء النتايج و لي سلكك ساعتها عمليه
و ربي يفرج عليك اختي و يهدي سركم انتي و زوجك
​

 

[Mr Brahim]

منحبش ندخل روحي في امور كيما هذي و لكن اختي الفاضلة حطي حاجة في بالك العصبية و التهور عمرهم ما يجيبو نتيجة حاولي تبحثي على اصل المشكل و ان شاء الله تلقاي الحل
​

 

[هدوء المطر]

و عليكم السلام و رحمة الله
يا ختي أنا مازالني صغيرة باش ندخل روحي في هذي الأمور على كل حال، و لكن حبيت برك نقلك بلي خمي بعقلك مآشي بقلبك كما راكي تقولي، و خمي على ولدك اللي رايحة تقلبيه يتيم و باباه حي، أنا في رايي إذا ضاقت بيك بزاف و حبيتي تروحي لداركم قوليلو راني رايحة لدارنا مي ما تقوليهالوش و نتيا مقلقة حاولي كيفاش تهدي روحك واهدري معاه، علاخاطر لوكان تهدري معاه بنرفزة ممكن رايح يسمعك كلام يجرحك و يدخل الشيطان بيناتكم و لا قدر الله يقلك راكي مطلقة، و ديري في بالك بلي هذي الكلمة واعرة بزاف، و المجتمع نتاعنا ما يرحمش و تولي الناس تشوف ليك بنظرة واحدوخرا،
نصيحتي ليك كأخت: أصبري و ما تخربيش دارك على جال أمور تافهة، و ديري في بالك بلي بين كل زوج و زوجة كاينين مشاكل هذي أكيييد، و نتي ما عندكش خبرة في الحياة الزوجية، donc ضرك تعرفي عقليتو مليح و تعرفي كيفاش تتعاملي معاه، و إن شاء الله ربي يهنيك ختي.
سلآمو.​

 

[شاعرة المستقبل]

ماشي بالساهلة تتطلقي







خممي في بنك ساعفيه اشكبي لوالديه شوفي حل

 

[ذوق حساس]

السلام عليكم اختي
لايوجد بيت لا يخلو من المشاكل ولا زوجين كذلك.كما انها سنة الحياة
استعيني بالله .انت حاولي ان ان تشرحي له الاشياء التي تزعجك من طرفه . كما قلت انتي " وكل هدا انا نقول صغير ويتصلح مع الوقت" حاولي بطريقة او باخرئ نقاش اي موضوع بينكم بحب وبعفوية خصوصا انه يحبك. لازلتي في اول الطريق والمرأة الذكية هي من تذير الامور بطريقة صحيحة .انسي امر مغادرة بيتك وصبري كيما يقولوا والدينا " ما تنفعك غير دارك"
واتنمى لك كل التوفيق والسعادة اختي العزيزة

 

[همس الوُرود]

ربي يكون معاك أختي وأنا ننصحك تصلي صلاة استخارة
وتدعي ربي يصلحو تاني
​

 

[ام اسحاق]

السلام عليكم
اختي احلام ...انا ممكن اكبر منك و مجربة ...السنوات الاولى من الزواج
تكون مليئة بالمشاكل و هذا بعد الشهور الاولى تماما..حيث كل طرف تبان طبيعتو على حقيقتها و يبدا الصراع بين الزوج و الزوج
و الانثى الي في الزوجة و الذكر الي في الزوج ....
ننصحك ما دام راجلك يحبك و قلبو ابيض حاولي كيفاش تكسبيه ....اقراي في التنمية البشرية و حاولي تكوني متسامحة وودودة خاصة و حنونة ....
راح يولي ما يستغناش عليك و راح يحاول يغير في طباعو
ربي يسعدك و يهنيك
​

 

[*RAHMA]

rabi ykoun m3ek khti

 

[رضوة الجزائرية]

هي دائما السنين الاولي لزواج يقع فيها المشاكل والهم يكثر بالاخص مين يجي الاولاد لازمك الصبر وساعفي قدر ما تستطيعي كما قالت يما الصبر مع الرجل فكلامو بصح بصحتي ويضربني اهلي اولي بالاخص ادا هو ضالمك فقط صبري مازالك صغيرى ولما تصبري رايح يعرف قيمتك اكيد ويندم على لعملو فيك شكرا تقبلي مروري​

 

[المهندس عبد الوهاب]

اولا الحكم على طرف واحد في غيابه ليس بعدل ابدا ولذلك اود التكلم في حالتين

حالة الزوج المخطئ الذي لا يُطاق الذي يتعدى على زوجته بالضرب والسب واللشتم فأقول:



الصبر من غير توضيح لبعض الامور لن يجلب الا التمادي عموما مع عقلية الكثير من هذا الصنف

قد كرهنا من كثير من تصرفات الاباء الذين لم يزدهم صبر الانثى الا طغيانا

فلذلك انصحك أختي ان تجلسي معه جلسة تفاهم واضحة تضعين فيها النقاط على الحروف خاصة وانكم في بداية الطريق وان رأيتِ طريقة حكيمة بادخال اهله من غير شعور منه اذا كان لاهله تأثير عليه وإلا فلا

كوني حكيمة جدا واوصلي رسالتك له وان الامر لا يطاق وانه ينبغي عليه ان يكون زوجا حقيقيا متخلقا وانصحيه واجعلي قدوتك في ذلك صلى الله عليه وسلم وبيني له كيفية تعامله من زوجاته وخلقه معهن ولا تملي التذكير والجلوس بتلك الصفة الحالية المبنية على وضع النقط ع الحروف

الاولاد نعم عائق في ذلك في كثير من الامر وبصراحة تامة سكوتك واعتمادك دوما على هذه النقطة سيزيد في معاناتك مع مرور الوقت فلا بد من التبيين الان واظهار ما يمكن اظهاره من النصح والتوجيه وبيان كره الافعال وغيرها مما قد بينته

الحالة الثانية ان فيك تقصيرا او اهمالا وهنا شيء اخر

لا بد من النظر جليا في هذه المسألة فلربما فيك عيوب لم تريها وهي قادحة او منقصة لقيمتك كأنثى يتمناها الرجل

انتبهي الى الدقائق من نظافة الجسم وحسن الكلام والمعاشرة الحسنة

الرجل ينتبه الى دقائق الامور في هذا الباب ولهذا انصح كل انثى ان لا يسمع زوجها منها الا خيرا ولا يشم فيها الا طيبا ولا يرى منها الا كل حسن وهي وصية نساء السلف لمن ارادت التزوج

فالبعض منكن بصراحة تهمل زوجها ونفسها بعد الولادة مما يجعل الزوج ينفر دوما ومتقلب المزاج مستحيا اظهار الكلام في هكذا مسائل لزوجته ولكنه سرعان ما ينقلب ويظهر ذلك في سوء تصرفه

فعكس ذلك يولد التنافر والبغض والتصرف بالغلظة والكراهية وعدم العدل

فالاسباب في هذا متشعبة

فلهذا فإني ارى ان هذه المسألة يجب ان تبين بتفاصيلها سواء في الحالة الاولى او الثانية وان يكون المخطئ ملتزما باصلاح نفسه مبديا الهمة والتطبيق معا

والله من وراء القصد


احترامي

 

[FATIMA 19]

السلام عليكم
الاحصاءات الأخيرة كشفت بلي %12 نتاع زواج تتحول لطلاق في العام
وهذا السبب نتاعو عدم تحمل المشاكل وعدم تفهم البعض
وانا نقولك صبرا وان شاء الله تتوافقو وتتفاهمو مي كوني رزينة وما تخربيش دارك بيدك
لوكان تروحي لدارك ممكن تزيد تتفاقم المشاكل اكثر واكثر ولازم تشوفي للعواقب وواش راح يصرا

وان شاء الله تتحل مشاكلكم في أقرب الآجال

 

[ahlam02]

وعليكم السلام

أختي مازالكم في بداية الطريق
ولازمك تصبري
لوكان من اول مشكل تديري هك متفراش تطلقو غدوة بعيد الشر
مادامك حبيتيه وحبك علاه تخلي المشاكل توصل حد هك
المرة بيدك اختي ننصحك نصيحة أخت في الله
حاولي تعرفي نقطة ضعف زوجك
ومنها تقدري تتعاملي معاه بكل سهولة
بعدي على واش يقلقو
متنسايش ربي سبحانو قال لازم على الزوجة تطيع زوجها
مافيهاش هادي
انتي متعلمة ومثقفة متتصرفيش تصرفات تاع وحدة جاهلة
اي مشكل يتحل بالسياسة
هادي راهي حياتك
حاولي متخسريش راحتك وزوجك
وزيد وليدك ليمن يبقى ؟
الراجل يكره يروح يتزوج تجي غير فيك
ربي يسهلك اختي
صلي وادعي ربي وحاولي تبدلي سلبياتك
لايجابيات
وبشوي تقدري تعدلي زوجك
الحل بيدك انتي ماو بيد حتى واحد
وياريت متدخليش اطراف اخرى بيناتكم
تقبلي مروري
وبالتوفيق

​

ربي يحفظك اختي عندك الحق في واش هدرتي بصح مرات نجهل نكره كي نتقلقي ... شكرا على المرور.

 

[ahlam02]

اولا الحكم على طرف واحد في غيابه ليس بعدل ابدا ولذلك اود التكلم في حالتين

حالة الزوج المخطئ الذي لا يُطاق الذي يتعدى على زوجته بالضرب والسب واللشتم فأقول:



الصبر من غير توضيح لبعض الامور لن يجلب الا التمادي عموما مع عقلية الكثير من هذا الصنف

قد كرهنا من كثير من تصرفات الاباء الذين لم يزدهم صبر الانثى الا طغيانا

فلذلك انصحك أختي ان تجلسي معه جلسة تفاهم واضحة تضعين فيها النقاط على الحروف خاصة وانكم في بداية الطريق وان رأيتِ طريقة حكيمة بادخال اهله من غير شعور منه اذا كان لاهله تأثير عليه وإلا فلا

كوني حكيمة جدا واوصلي رسالتك له وان الامر لا يطاق وانه ينبغي عليه ان يكون زوجا حقيقيا متخلقا وانصحيه واجعلي قدوتك في ذلك صلى الله عليه وسلم وبيني له كيفية تعامله من زوجاته وخلقه معهن ولا تملي التذكير والجلوس بتلك الصفة الحالية المبنية على وضع النقط ع الحروف

الاولاد نعم عائق في ذلك في كثير من الامر وبصراحة تامة سكوتك واعتمادك دوما على هذه النقطة سيزيد في معاناتك مع مرور الوقت فلا بد من التبيين الان واظهار ما يمكن اظهاره من النصح والتوجيه وبيان كره الافعال وغيرها مما قد بينته

الحالة الثانية ان فيك تقصيرا او اهمالا وهنا شيء اخر

لا بد من النظر جليا في هذه المسألة فلربما فيك عيوب لم تريها وهي قادحة او منقصة لقيمتك كأنثى يتمناها الرجل

انتبهي الى الدقائق من نظافة الجسم وحسن الكلام والمعاشرة الحسنة

الرجل ينتبه الى دقائق الامور في هذا الباب ولهذا انصح كل انثى ان لا يسمع زوجها منها الا خيرا ولا يشم فيها الا طيبا ولا يرى منها الا كل حسن وهي وصية نساء السلف لمن ارادت التزوج

فالبعض منكن بصراحة تهمل زوجها ونفسها بعد الولادة مما يجعل الزوج ينفر دوما ومتقلب المزاج مستحيا اظهار الكلام في هكذا مسائل لزوجته ولكنه سرعان ما ينقلب ويظهر ذلك في سوء تصرفه

فعكس ذلك يولد التنافر والبغض والتصرف بالغلظة والكراهية وعدم العدل

فالاسباب في هذا متشعبة

فلهذا فإني ارى ان هذه المسألة يجب ان تبين بتفاصيلها سواء في الحالة الاولى او الثانية وان يكون المخطئ ملتزما باصلاح نفسه مبديا الهمة والتطبيق معا

والله من وراء القصد


احترامي

راني معاك في واش قلت المشكلة انو انسان متدين ويعرف مليح امور الدين بصح كي يزعف يخسر بزااااااف هدا الشي قلقني خاطر وربي اعلم انا نعمل معاه غير المليح عندي ديفو واحد مين داك نكون عيانة مانحملش نسهر ولا نحكي ولا....بصح نورمالمو يعدرني...شكرا