لوكان نطبقو مبدأ الإبتسامة واااش يصرا؟؟

[nanoche]

خاوتي و اخواتاتي واش راكم
ان شاء الله تكونو بخيييير يا ناس اللمة
اليوم حبيت نحكي كيما العادة على حاجة صراتلي و حيرتني و نحب تشاركوني برايكم و صدقوني لما نحكي و تردو عليا نحس كي شغل راكم معايا :regards01:
نبدالكم باش ما نصمطتش عليكم :$
اليوم لما خرجت من الخدمة تلاقيت واحدة حبيبتي من أيام الليسي و عندي بزاف ما شفتهاش لأنها متزوجة في مدينة بعيدة و ما تجيش غير في العطل و قليل وين نقدر نشوفها بحكم خدمتي و الوقت مكاش و زادت غيرت رقم موبايلها و حتى أنا لظروف بدلتو يعني لمدة طويلة ماكانش كونطاكت بيناتنا
و انا نحكي معاها و نسقسي فيها على احوالها و طبعا كنت بزااف فرحانة كي شفتها :bravo01:.... كان مقابلني واحد في سيارته انا كنت نضحك معاها و هو قاعد يخزر فينا أنا ما اديتهاش فيه ما طولتش مع حبيبتي لأني ما نحبش وقفة الطريق و تبادلنا ارقام التيليفون و كل واحدة مشاات ... وانا نمشي حسيت بليك سيارة كانت تابعتني بصح ما قدرتش نشوف شكون و الله لحقنا في وقت عدنا نخافو ... كملت طريقي و باقية السيارة تمشي شوي و تحبس ... :-o ما عرفت ما ندير لقيت حانوت دخلت فيه و من الvيترينا طليت باش نتحقق شكون لقيتو !!!هاذاك السيد اللي كان مقابلني لما كنت نحكي مع حبيبتي استغربت قلت واقيلا عمباتلو كنت نضحك معاه و الحمد لله هاذاك الحانوت عنده خرجة من جهة اخرى خرجت و روحت للدار
الشي اللي حيرني علاش جا مورايا؟؟؟ و لما اي واحد يشوف بليك البنت راهي تمشي و مهبطة راسها يعني ماشي عينها فيه علاش يبقى يتبع فيها؟؟؟
وحاجة أخرى لوكان جينا نطبقو قول الرسول الكريم " ابتسامة في وجه أخيك صدقة" واش رايح يصرالنا؟؟؟ حبيت نعرف رايكم يا خاوتي في هاذ الناس و على بالي بليك كاين منهم بزاف و شكون في خواتاتي صرالها موقف كيما هاذا؟؟؟
و اسمحولي اذا طولت عليكم :bye01: في انظار ردودكم

​

 

[حفيد هواري بومدين]

موضوع جميل صح ... كون نطبقو مبدأ الابتسامة تصرا الكورات صح
لي يشوفك متبسمة يقولك اني نعجبها ... اي تشرلي ... اي حابة حاجة
... ويتبعك يولي يشوف روحو من حقو يتبعك انتي لي مديتيلو الضوء ... وماعلابالوش كاين ناس وبنات وجهم متبسم بعد ..
شعب سبحان الله ....

---
وافقت على الموضوع

 

[crǻzЎ ŴдFĀα]

مزية لقيتي خرجة وحدخا من الحانوت
تضحكي تندمي
كن تضحكي في وجة لراجل لوكان في الليسي يقول راهي تحوس عليا
وش نقولك انا مفهمتش
تمشي مهبطا راسك ولا تمشي ونتي زعفانة ولا ونتي تضحكي نتي وحيببتك لازم يلوحو كلمة يسمطوعليك الخرجة
الصراحة انا والفتهم عدت مانعطيلهمش قيمة
نمشي كلي مانيش نشوف فيهم ولا نسمع فيهم

 

[SOFIANE020]

كيما قادر نيتو مليحة كيما قادر العكس
مدام شفتيه 2فوا تقدري تعرفي نيتو من ملامح تاع وجهه
والفاهم يفهم:$:$:$
سلام

 

[nanoche]

موضوع جميل صح ... كون نطبقو مبدأ الابتسامة تصرا الكورات صح
لي يشوفك متبسمة يقولك اني نعجبها ... اي تشرلي ... اي حابة حاجة
... ويتبعك يولي يشوف روحو من حقو يتبعك انتي لي مديتيلو الضوء ... وماعلابالوش كاين ناس وبنات وجهم متبسم بعد ..
شعب سبحان الله ....

---
وافقت على الموضوع

شكرا على الموافقة على الموضوع ربي يخليك

 

[أم راضية ~_]

السلام عليكم
هههههههههههههههههههههههههههههههههه
والله ما فهمنا على خاطر قادر مام تشنفي يتبعوك و يقولك وعلاش راكي مشنفة
كاين عباد فضوليين و لازم يعرفو كلش مام حاجة خاطيتهم ههههههههههههه
---
اواه لالا حنا ما لازمش نبتسمو في الزنقة , ديجا نورمالمون الخزرة ومانشوفوش فيهم
على خاطر يقولك تبدا بنظرة
وادا ابتسمت راكي ديجا سبقتي بمرحلة يعني تباني مستعجلة على اتمام باقي المراحل
ربي يهدينا و شكرا على الموضوع الجميل ^^​

 

[Ma$Ter]

اختى حديث الرسول راهو صحيح وثابت وفيه خير
والرسول ما قالش اضحكى فى وجه واحد اجنبى عليك
مثال البنت تضحك فى وجه البنت او وجع محارمها او بنات عماتها او خالاتها وصديقاتها
اما كى تعممى الحديث على الحالات مثل ما صرالك انتى راهو خطا
حالتك راهى حاجة خاصة

المشكل فى هاذ الوقت كثرو الفتن وانا ننصح البنات يبقو فى ديارهم احسن من العمل ومن كل شئ
ربى يوفقك
​

 

[فتاة حساسة]

اختى حديث الرسول راهو صحيح وثابت وفيه خير
والرسول ما قالش اضحكى فى وجه واحد اجنبى عليك
مثال البنت تضحك فى وجه البنت او وجع محارمها او بنات عماتها او خالاتها وصديقاتها
اما كى تعممى الحديث على الحالات مثل ما صرالك انتى راهو خطا
حالتك راهى حاجة خاصة

المشكل فى هاذ الوقت كثرو الفتن وانا ننصح البنات يبقو فى ديارهم احسن من العمل ومن كل شئ
ربى يوفقك
​

اه ياخي ونقعدو فالدار لاقرايا لا خدمة ...!!! هايماجاياش ...

 

[NAHLA SOUF 39]

hna hakda namcho mchanfin wdanya rahi mroubla ..nn dok li yadhak wala mm ibayan ghi santah ikoulo rahi tayha fya ....!!!!!..oui c ça le sourire est consideré comme une signe de takhalag aux nos jours ..malheuresement harmouna mm bech nado lajr nta3 ibtissama fi wjouh ness ..

 

[فتاة حساسة]

واللله ياختي موضوع رايع تبارك الله ..

بون بو موا انا ديما نضحك ونبتسم في وجوه الالبنات اما الدكور...تبتسميلو يحسبها حاجا اخرى ...
ايمالا ادي الاجر تاع البنات برك هههه
ديري كيما انا ...
مرسي عليك على الموضوع ..تقبلي مروري​

 

[بنت الـ25]

قالك
نظرة فابتسامة فموعد فلقاء.... فكارثة
ايمالا امشي وعينيك فاللرض و"بوزك شبرين" خخخ (مشنفة يعني) ومعرف تسلكي ولا لا
وصلنا لوقت صعيب عاد الواحد فينا يخاف من خيالو
​

 

[nanoche]

اختى حديث الرسول راهو صحيح وثابت وفيه خير
والرسول ما قالش اضحكى فى وجه واحد اجنبى عليك
مثال البنت تضحك فى وجه البنت او وجع محارمها او بنات عماتها او خالاتها وصديقاتها
اما كى تعممى الحديث على الحالات مثل ما صرالك انتى راهو خطا
حالتك راهى حاجة خاصة

المشكل فى هاذ الوقت كثرو الفتن وانا ننصح البنات يبقو فى ديارهم احسن من العمل ومن كل شئ
ربى يوفقك
​

مشكور اخي على الرد و لكن نحب نقولك ان حديث الرسول صلى الله عليه وسلم كي قال ابتسامة في وجه أخيك صدقة ما كانش يقصد الأقارب كيما راك تقول و انما قصد الإخوة في الله اللي ما عندناش معاهم صلة قرابة و ذلك من باب العمل على بناء أمة متحابة في بعضاها
وانا ضحكت مع صديقتي ماشي معاه برك كي رفدت عيني طاحت في عينه بدون قصد و حتى اني ما كررتهاش لان الرسول صلى الله عليه و سلم قال : " يَا عَلِيُّ لا تُتْبِعْ النَّظْرَةَ النَّظْرَةَ فَإِنَّ لَكَ الأُولَى وَلَيْسَتْ لَكَ الآخِرَةُ رواه الترمذي وهو في صحيح الجامع
اما عن الخروج للعمل فهاذيك امور شخصية كل واحدة ادرى بظروفها و الحمد لله مارانيش دايرة العمل باش نتباهى بليك راني خدامة
​

 

[Ma$Ter]

مشكور اخي على الرد و لكن نحب نقولك ان حديث الرسول صلى الله عليه وسلم كي قال ابتسامة في وجه أخيك صدقة ما كانش يقصد الأقارب كيما راك تقول و انما قصد الإخوة في الله اللي ما عندناش معاهم صلة قرابة و ذلك من باب العمل على بناء أمة متحابة في بعضاها
وانا ضحكت مع صديقتي ماشي معاه برك كي رفدت عيني طاحت في عينه بدون قصد و حتى اني ما كررتهاش لان الرسول صلى الله عليه و سلم قال : " يَا عَلِيُّ لا تُتْبِعْ النَّظْرَةَ النَّظْرَةَ فَإِنَّ لَكَ الأُولَى وَلَيْسَتْ لَكَ الآخِرَةُ رواه الترمذي وهو في صحيح الجامع
اما عن الخروج للعمل فهاذيك امور شخصية كل واحدة ادرى بظروفها و الحمد لله مارانيش دايرة العمل باش نتباهى بليك راني خدامة
​

اخى بخصوص كلامى على خروج البنات
لم يكن موجه لكى هو كلام عام للتذكير والتنبيه
بالتوفيق اختى
​

 

[nanoche]

قالك
نظرة فابتسامة فموعد فلقاء.... فكارثة
ايمالا امشي وعينيك فاللرض و"بوزك شبرين" خخخ (مشنفة يعني) ومعرف تسلكي ولا لا
وصلنا لوقت صعيب عاد الواحد فينا يخاف من خيالو
​

هههههههه تعرفي اختي كي نمشي مشنفة واش يقولولي ؟؟؟
تبسسسسم يروح السسسممم :d ... و اذا حطيت راسي في الارض و مشيت يقولولي واش كاش ما تبحرلك :-o........ و اذا رفعت راسي و ما قيمت حتى واحد يقولولي اللي راهو شاد السماء يطلقها تطيح :s
والله ما عرفنا كيفاش نديرو اللي عرف يقولي :surrender01:

 

[بنت الـ25]

هههههههه تعرفي اختي كي نمشي مشنفة واش يقولولي ؟؟؟
تبسسسسم يروح السسسممم :d ... و اذا حطيت راسي في الارض و مشيت يقولولي واش كاش ما تبحرلك :-o........ و اذا رفعت راسي و ما قيمت حتى واحد يقولولي اللي راهو شاد السماء يطلقها تطيح :s
والله ما عرفنا كيفاش نديرو اللي عرف يقولي :surrender01:

إرضاء الناس غاية لا تدرك
المهم انتي ديري الشي لي قانعة بيه
وما تقيمي حتى واحد
​

 

[nanoche]

إرضاء الناس غاية لا تدرك
المهم انتي ديري الشي لي قانعة بيه
وما تقيمي حتى واحد
​

ربي يحفظك أختي ومن هاذ الناحية الحمد لله عمري ما اعطيت لارضاء الناس أهمية
​

 

[nanoche]

واللله ياختي موضوع رايع تبارك الله ..

بون بو موا انا ديما نضحك ونبتسم في وجوه الالبنات اما الدكور...تبتسميلو يحسبها حاجا اخرى ...
ايمالا ادي الاجر تاع البنات برك هههه
ديري كيما انا ...
مرسي عليك على الموضوع ..تقبلي مروري​

ربي يخليك اختي ههههههههههه و الله عندك الصح و مرحبا بيك قراءتك لموضوعي راها تفرحني و ردك يزيدني فرحة
​

:thumb_up02:

 

[منايا الجنة]

ابتسامة في وجه أخيك صدقة نديرها بزاف مع اللي يخدمو معايا مرة واحد حكلوش ليقتو خزر فيا تبسمتلو من داك نهار بدا صباح الخير ويسقسي على احوال لافامي و مرة حوس ولا عندي بورتابل باش يدي نيميرو قلتلو لالا :d من تم وليت ما نتبسملوش حتى طاح في واحدة تخدم معانا ولا يحبها يمووت عليها و بكا حتى عليهاو قالها ماتخلينيش مع العلم انه متزوج

 

[مايا الجزائرية]

سلام اختي ما نكذبش عليك فهمت محتوى موضوعك من عنوانو عندك الحق واش يصرا لو كان جينا نبتسمو انا مزيرة وجهي على العام تلقايهم يقول لصاحبو واش الشبابا علاش راه مزير وجهو يا سبحان الله ربي يهدي ما خلق

 

[SETIF étudiant]

الابتسامة والنظرة للبنات ما راهي غير خطوة من خطوات الشيطان

نبتسم للناس على حساب حالتي النفسية وانا ديزولي عندي بزاف ما ابتسمتش
هى ظروف الحياه مرة نضحك واخرى ...........
اذا ما ابتسمت لنفسي ،، فلن تكون ابتسامتي لغيري صادقه ههههههههه

دركا في الجزائر
تبتسم... فذلك يخلي الناس تتساءل عما تفكر فيه ههههههه

أبتسم عندما يبتسم القدر وعندما يعبس القدر فأمر المؤمن كله خير

ربما لن أبتسم قبل أن أرى بلدي الجزائر والامة الاسلامية بالف خير