السلام عليكم في الجامعة و السبيطار كاين وحد الڨطوط يعانو من السمنة الزائدة ولا فيهم الكولستيرول. لا فرق بين ڨط الجامعة وڨط السبيطار سمعت مرة ان مرا ولدت طفل في سبيطار فيه الاهمال ولو انهم كل سبيطاراتنا فيهم الاهمال خاصة قسم الولادة املا سمعت بلي هديك المرا بعد ما ولدت ومن شدة التعب نامت وجا وحد الڨط كبير كي النمر واخطف ليها ولدها وكلاه . كاين حتى الڨط لي تلقاه راڨد في الكولوارعلى جنبه و عرض .. تسوطي فوقو وتفوت والله ما يتحرك وكاين وحد الڨطوط يعانو من السمنة الزائدة ولا فيهم الكولستيرول هده الضاهرة شفتها كدلك في الجامعة امام المطعم حنا دايرين لاشان في جيهة وهوما دايرين لاشان في جيهة اخري ما نيش عارف ادا كان هوما فاني الروبا (Repas) ب 24 دورو للبلا(Pour un plat) حتا مع الفيران والطوبات متطايبين دايرين مصالحة وطنية تقول ما كانتش حرب بيناتهم ايام توم وجيري . وحد لاطاي عندهم تقول نمر ولا فهد مرات تفوت عليهم فالجامعة ولا في السبيطار تلقاهم كارهين حياتهم ويخمو تقول رافد الدنيا فوق ضهرو في يوم من الايام سنجد ان عدد القطط في لجامعة اكثر من عدد الطلبة و عدد القطط في المستشفيات اكثر من عدد المرضى لان القطط ما عندهمش العنوسة والزواج ساهل عندهم والقطة تولد حتى 10 قطط في المره الواحدة. وما عندهم لا مهر لا دهب .مشي كيما حنا العنوسة دايرة حالة المهور غالية. ولا يديرو ليك راديو يخرج فيه ڨط كان متخبي ولا تتبرع بدمك لواحد يقولو ليك عاود تبرع هداك الدم الاول شربو ڨط هههههههه دراڨيلا المهم في السبيطارات مازال راني نشوف في الڨطوط والجامعة الله اعلم عندي مدة ملى ما رجعتش ليها السؤال : 1- لمادا قطط السبيطار والجامعة سمان بزاف 2- الا يوجد حل لهده الظاهرة 3- المرضى والطلبة كيفاش يريحو وهما ياكلو اكل طاب في مطبخ ملان قطط 4- علاش كي ترمي ڨط بعيد على الدار ب 100 كم يرجع ويعرف اللطريق ويولي عندك ويقولك هنا يموت قاسي .
