ماذاآ ستطبخين اليوم " آنستي _سيدتي" الجزء °°30°°

[ibtesem]

انوس الله ابارك هدا شئ وحدك مخليتي والو في قلبك بصحة عليك
تسلم الايادي
شريفتي الله الله على شاي المنعمع تليقلو افففففت يتشرب بالصوت باش يتبنن اكثر
نعرفها ثنية هههه
سمرمر يا مرحب
سارة كوين مشاء الله كل شء هايل اعطيني مقروضة برك
تحية مسائية للكل

 

[كوثر الوهرانية]

مبروك علينا العتبة الجديدة ان شاء الله عامرة باطباقنا الشهية
رغودة ليك وحشة كبيرة سخفتيني في التاي المنعنع
سارة كوين كروكي هايل و مقرود اممم عشقي الوحيد و البيتزا ميميم تسخف بصحتكم و نقولك عودي اكتبي اسمك في الصور باش ميسرقوهملكش
ام منصف واش هو هداك الطبق قلتي كرم بصح معرفنش كيفاش خدمتيه و بصحتك المنعنع
انيسة يا انيسة طال غيابك يا غزالي جيتي و جبتي الخيرات معاك بالصحة و الهناء على قلبك
ندى الورود اطباق هايلة و الروزمفرز كل حبة وحدها الله يعطيك الصحة
سلامي و تحياتي للجميع
العشاء درت تشكشوكة و باقيلي اجنحة من البارح

 

[ميس مرام]

الله يبارك كلشئ يشهي بصحتكم
أختي سارة ممكن وصفة الخبز تعيشي

 

[ام منصف]

الله يسلمكم
**
فريدة هذاك كرمب في الفرن ساهل وبنين
كمية من الكرمب قطعيه صغير اغسليه وفوريه
ملحيه وزيديلو شوية بهارات حسب الرغبة + فرماج عادي + بيضة
ادهني لي مول نتاعك بشوية زبدة ورشي عليهم الشابلير وحطي طبقة من خليط الكرمب وطبقة من اللحم المفروم الطايب او دجاج او داند حسب الموجود وغطي بطبقة اخرى من خليط الكرمب
وديريهم في الفرن حتى يتحمر وقدميهم مع صوص بيضاء
مايبانش خلاص بلي كرمب حتى اللي ما يحبوش ياكلو ههه :d​

 

[ibtesem]

امممممممممم ام منصف تبان بنينة الوصفة تسلم الايادي

 

[ندى الورود]

أم منصف اني وليت نشاركم بأطباقي ماشي كل يوم بصح ساعة ساعة نرمي حاجة
أطباقي حطيتهم اليوم في الجزء اللي قبل هذا وكانت غدانا تاع اليوم
وبصحتكم الكرمب في الفرن مع الدجاج يبان بنين
ابتسام درتي فينا مزية بهذيك الوصفة تاع زبدة الكاوكاو وتبان مشرية يعطيك الصحة
أم كوثر بصحتكم الشكشوكة والأجنحة للعشا مسبقا

​

 

[ام شيماء]

سلالالام يا لبنات كلش يشهي وماشاء الله ربي يقوي الخير فطوري كان بركوكس اما العشا راني دايرا طاجين بالجلبان وقرنوع وسلاطة

 

[imane27]

لبنات مبارك الجزء 30
درتلهم لفطور محاجب

 

[روعة2005]

الله يبارك لبنات
انيسة الله يبارك كلش يسخف والله انا كي ميكونش راجلي نتفنين كثر من هك عادي نصووووم خخخخخخخخ
مديلي وصفة الجلبانة بالبيض عجبتني
شريفة الكرمب هايل ممم بالجاج والتااااي مخلاش تاع الصح شهااااني
فريدة بصحتكم الشكشوكة
سارة الزينة المقروض هايل نفس الطابع شراتو امي ممكن وصفتكم تاع المقروض ووصفة الخبز باين هااايل والكروكي والبيتزا وكلش:up:
لويزة مم بصحتكم المحاجب حبوبة يشهو
بسومة بارك الله فيك ع الوصفة جاري الاطلاع
العشاء بقات بربوشة زدت فيضتلها لحليب وخلطتها بالمرقة يموتو فيها اولادي ومام انا مممممم وراجلي درتلو فريت اوملات سبانيول وسلاطة وجاب الخبز

 

[ibtesem]

اممم لويزة تغديتي بكري اليوم سمى راح تخمي في لعشا هههه
فوفو بصحتكم
ام شيماء بصحتك اختي

 

[كوثر الوهرانية]

مشكورة شريفة على الوصفة غير يحضر الكرم راني نجربها باينة بنينة مرسي يا اختي
روعتي بصحت عشاكم بصح جاتني بيزاغ بربوشة المرقة و الحليب عمري ما كليتها بصحته المسيوا لوملات
لويزتي امممممممممممم على هدوك المحاجب راهم يشهوا رومبلاسيتي ندوشة اليوم فيهم
ام شيماء بصحتكم بركوكي و مرقة الجلبان

 

[hadda0425]

مبروك الجزء 30 الله يبارك
ميمي يعطيك الصحة بصح بدتيها بالمخللات لعابي يسيلو هههههههههه
اهلا بالحامل والمحمول ياخي غائبة لظروف صحية ولا عطاك قدور التصريح هههههههه يا درا عرفتي روحك ولا لا بصحتك كل شي يهبل
راك درتي تقرير مفصل يا قنونة هههههههههه توحشتك
سارو كوين من القهيوة للحلويات للبيتزا تحفة وعجبوني لي تارموس هههههه نموت على لماعن شريفة تاي في فنجان تع البوادي جهة الخليج نشربو بالدالة ههههه
وسلطة الفواكه راهي بردتلي قلبي
ابتسام بصحتك الزبدة البنية ههههه
لويزة محاجب مدايرين الصف داخلين يقراو هههه قصدي داخلين للاكل بصحتكم

ام شيماء بصحتكم
​

 

[روعة2005]

فريدو مممممممم هذه اكلة جدي ربي يرحمه وبابا ثاني يموت فيها هي في الاصل تفيضي الحليب وتخدمي مرقة بوخفيف باكابويا والفول اليابس او الاخضر والبطاطا ومديريش طماطم مصبرة ديري غير مرحية وكي تفور البربوشة تخلطي الحليب مع المرق ممممممم ياسلام مع البصل الاخضر ولا احلى خسارة كليناها ولا راني صورتلك

 

[samah06]

السلام عليكم ورحمة الله
مبروك البيت لجديد ان شاء الله تربح علينا ميمي فيه
يعطيكم الصحة لبنات على واش طيبتو كل وحدة واسمها والصحن نتاعها
ابتسام انتي اشربي التاي وانا خليلي زبدة الكاوكاو
روعة واخيرا لقيت وحدة تخلط لحليب مع المرقةو مثلي وانا نضن بلي في الشرق الا السطايفية يديروها واليوم لقيت شاوية واديرها
انا كي تزوجت في الايام الاولى وجاوني اهل زوجي لداري درتهالهم قالولي متجيش مليحة وكي حطيتها ضربو حتى غلبو

 

[روعة2005]

سماح شفتي واش بنينة ذيك البربوشة ممممممممم والله بزاف يهابوها ويوليو يموتو فيها
على فكرة انا مش شاوية:d

 

[ibtesem]

سماح شفتي واش بنينة ذيك البربوشة ممممممممم والله بزاف يهابوها ويوليو يموتو فيها
على فكرة انا مش شاوية:d

احنا تاني نعملوها بربوشة لحليب
عدنا ليها زوج وصفات
تاع جداتي الله يرحمها
تعمل الgرعة تاع بسكرة ماشي جريوات هههه والفول اليابس والبصل تطيبهم في الماء غير قليل والملح راس حانوت توم
كي طيبو تصب عليهم الحليب لي مفيض وتقطع الدبشة وتصقي البربوشة

اما تاع امي هدي طريقتها
في الماء غير شوية نعمل بصل كي يذبل نزيدو الطماطم والفلفل اخضر وتوم من بعد تصب الحليب الفايض كي تعود راح تصقي تقطع الدبشة امممممممم ماتتشبعش ههه

شهية طيبة

 

[كوثر الوهرانية]

اممممممممممممممممممم يا روعيتا املا راكي علمتيني اكلة جديدة مرسي ما شيغي

 

[كوثر الوهرانية]

هدا عشيا تاع اليوم
تشكشوكة و جوانح الجاج بقاولي من البارح و عجنت خبز جا امممممممممممممممممممممممممم

[/url][/IMG]

[/url][/IMG]

 

[M3TaZ eLLMa]

, ‏serinee, ‏ندى الأيام, ‏كوثر الوهرانية, ‏rafiness, ‏nono_02, ‏sarah11, ‏ibtesem, ‏ام اسراءواسحاق, ‏melissa lola, ‏samah06, ‏ام شيماء, ‏imane27, ‏prncess fifi, ‏SaRa QuEeN

السلام عليكم

أهلين بخوتنا الطيبين حبيت نرحب بيكم ونروح

راكم فووور والله فووور يا طيبين

أكلتي لليلة ماهيش بعيدة على ليلة أمس

قليااان فلافل حار وحلو وزوج عظام خلطهم مع بعضهم وتعشيت

وليلتكم سعيدة يا طيبين

ربي يخليكم للمة يارب ​

 

[إحســاس بــراءة]

, ‏serinee, ‏ندى الأيام, ‏كوثر الوهرانية, ‏rafiness, ‏nono_02, ‏sarah11, ‏ibtesem, ‏ام اسراءواسحاق, ‏melissa lola, ‏samah06, ‏ام شيماء, ‏imane27, ‏prncess fifi, ‏SaRa QuEeN

السلام عليكم

أهلين بخوتنا الطيبين حبيت نرحب بيكم ونروح

راكم فووور والله فووور يا طيبين

أكلتي لليلة ماهيش بعيدة على ليلة أمس

قليااان فلافل حار وحلو وزوج عظام خلطهم مع بعضهم وتعشيت

وليلتكم سعيدة يا طيبين

ربي يخليكم للمة يارب ​

بصحتك خويا كمال
ماتكثرش الزيت والقليان بزاف راهم يضروك ياو ​