ماذاآ ستطبخين اليوم " آنستي _سيدتي" الجزء °°30°°

[ام بسومة]

صباح الخير عليكم كامل
الله الله عليكم راكم فوووووووووور:up:
ام ندوووش حرام عليك على وليداتك مساكن هههههههه كرهتيلهم الحار
عشايا البارح




وهاذي بسبوووسة جات اممممممممممم

 

[ألاء الرحمـــن]

السلام عليكم وصباح الانوار عليكم
صراحة وبدون مجاملة أطباق تحفة وروعة جعت صبح ربي ههههههه
والاروع الكتاكيت ندوشة ورائد الي ديما يزرونا :p ربي يحفضهم من العين
بصحتكم واش طيبتو وصحا فطوركم

​

 

[samah06]

صباح الخير على بنات اللمة اكل بنات بسكرة منهن خاص
صباح الباطوط عند بسومة ومنعند فوفة اللي شوات ولادها
يعطيكم الصحة
وهاهو عشايا البارح ومعدرة معلباليش غلاه خرجولي هكا الصور بالاك حركت لبراي

 

[نور الرحمان]

نور يا نور تسلم ادياتك اختي
ربي يحفضك من كل شي

ربي يخليك اختي ابتسام :$

 

[نور الرحمان]

نور الرحمان كل شيء يشهي يعطيك الصحة
بصح فهمينا في هديك الخضرا والصفرا حسبتها l`equipe تاع jsk"ههههههههه`

ههههههههههههه
هديك لخضرا جلبانة مرحية
والصفرا سنارية مرحية

 

[imane27]

مسائكم عسل حر وشهد وينكم مطيبتوش لفطور
خيرة ايه دا كلو ولا بيتزا تقول عندك بكنيك يعطيك الصحة
ام بسومة اممممممممم بيتزا تشهى بصحتكم
نور الرحمان ليل كامل وانا نخمم على لخضر ولحمر مزية فهمتينا يعطيك الصحة تالمو عندك الوقت ولتى ترحى حتى لخضرة
لبارح شهاتى ندى بافريت اوملات قلت والله ما نخليها فى قلبي درتها لعشاء

 

[nada242008]

السلام عليكم .. صحا غداكم
خيرة يا عيني على اطباقك والله يالوردة الحمرا بالطماطم كي نشوفها نقول لس الدنيا بخير :p
الكبسة تشهي امممممممممممم والسلاطة نموت على الديكور تاعك والقواطيط اممممممممم والله يالنقاش ولبيتزا الكونجلي وكلو من ايديكي عسل
فيفي بصحتك الفريت والاسكالوب درتي حالة بالشياخة ههههههههه
نور الرحمان فكرتيني في ام خديجة الله يذكرها بالخير مرة دارت طبق بالجلبانة والسنارية ورحاتها جاتها هايلة ونتي ثاني شمعة فلة منورررررة :up: يعطيك الصحة
ياسمين الله يسلمك يالغالية وبصحتك واش فطرتي كيما تقولو نتوما :$
لويزة لبارح خليت خيالي يونسكم مادرتش تسجيل خروج ههه وبصحتك لوملات جاتك هاايلة مع السلاطة امممممممم نتي فحلة ماتخليش في قلبك غير لحوايج الساهلة :d
سماح عشاك يشهي سيرتو السلاطة امممممممم وعرجون البنان هههههه
ام بسومة بيتزا خفيفة وتشهي تسلم الايادي الشاطرة
علبالكم كي نقعد نعصر في مخي كل يوم باش نتفكر كل واحدة وطيابها هو في حد ذاتو تمرين للذاكرة ههههههههههههههه :d
انا درت فول مدمس وزينتو بلمسة فوفة المصرية :p وخبز فريدة الغالية وقليت صدر دجاج

​

 

[ibtesem]

صباح الخيرات ونرجس والياسمين هدي لينا احنى هههه
مساء الانوار والمسرات هدي ليكم خخخخ
بصحتكم ام بسومة البيتزا والبسبوسة تسلم الايادي
لويزة بصحتك الاملات امممم مع السلاطة الخضرا
فوفو متخافيش راح تشوفيني وتشوفي نتيجة تاع الباطزط والمحجوبة واش عملو فيا ههههههههههه
ام سيراج على سلامة
فيفي هههه راكي تشخري شوفتي لي يسهر واش يسرالو
زيزو بصحتك الغرتان
سومو وصلتي ولامزالكي في الكاشير هيهيهيهيهي
تحية ممزوجة البندق والفزدق للحلوين
غدانا ههههههه

لولاد كي شافو هدو عيطو قلتلهم متتخلعوش هدا ليا هيهيهي
سباقيتي بالدجاج عملتلهم
​

 

[imane27]

امممممممممممم ندى شهتينا بصحتكم ودى عايزة كلام لازم غير تاع 10 دقائق
خيرة ولا راكى قرعاجة هادى سبيسيال ليك

 

[ibtesem]

انا درت فول مدمس وزينتو بلمسة فوفة المصرية :p وخبز فريدة الغالية وقليت صدر دجاج
:::::::::::::
بصحتكم ندى الفول المدمس امممم

سموحة بصحتك واش طيبتي

 

[nada242008]

ابتسام بصحتك السباقيتي بالكوكياج ههههههه علاه لونتيها بلحمر ؟ مافهمتش

 

[زائــــــــرة حلوة]

صباح الخيرات ونرجس والياسمين هدي لينا احنى هههه
مساء الانوار والمسرات هدي ليكم خخخخ

زيزو بصحتك الغرتان

تحية ممزوجة البندق والفزدق للحلوين

​

أهلين ابتيسو والعجاجن:p
أواااااااه عدتي تعرفي تغازلي يالعزيزة بديت نخاف على بلاصتي ههههه:$

==
إيمانوو وأم ندوش و ابتيسو بصحتكم السفرات امممممم :up: للأسف مازلت مابديتش نغازل اليوم هههههههه من 3 وإدي لهيه :-h

==
أم سيراج لحقو جاماتك ونتي مازال ...نورتي الكوزينة أختي الطيوبة:$

و صح غداواتكم كااااااامل
​

 

[ام شيماء]

السلام عليكم كيراكم يا لبنات صح فطوركم فطوري كان طاجين بالجلبان وسلاطة البيطراف وتفاح

 

[NaNouS]

السلام عليكم البنات
بصحتكم يا البنات كامل واش طيبتو
لويزيتا بصحتكم فريت اوملات وسلاطة
---
عفافيتا بصحتكم الدجاج والمدمس
---
بسوميتا امممم بصحتكم سباقيتي بلي موول
---
انا درت مقرونة

وعاودت تارتة انتاع الفريز

 

[imane27]

زيزو بصحتكم القرتان طيبتيه ولا بدلتى رايك جارتى متخليش فى قلبك
نانوسيتا من قبيل وانا ندير روفراش وجامتك محبوش يحبسو راهم يهطلو عليا غير مزال ملحقتي بنيسيو كبير
بسومة بصحتك سباقيتى كون غير عيطتى ل ع............... يكل معاك يموت عليه هاك

 

[imane27]

الحمد الله لى كار قسنطينة وصلك بصحتكم مقرونة وطارت رهى 4444444444444 على قولة ام قصي

 

[زائــــــــرة حلوة]

زيزو بصحتكم القرتان طيبتيه ولا بدلتى رايك جارتى متخليش فى قلبك

الله يسلمك إيمانو , ودي عايزة كلام والله طيبتو مش خسارة في كرشي:d وجا هااااايل غير جربوه بشهادة كرشي وكروش العائلة:-h
حمرتيلي وجهي روعة الله يحمرهالك ههههه:$ \\ راني نجيبلك في les clients\\
==
نانوس شكرا على الجامات أختي وبصحتك الغدا راهو اممممممممم:up:
​

 

[بوح المشاعر]

سلامآت سلآمآت
مآشآء الله عليكم كآآآمل كآآمل
يانحلآآت يازينآآت
نبدآ من اختي ام بسوومة اهلين بيك خيتي واطبآقكِ
روعة وسيرتو الطعآآم و الجلبآنة امم
شوفي حبوبة ابعثيلي غير سلاطة بزاف عليآ
وعشآآك لبآرح فور لبيتزآ جاتك هايلة و لبسبوسة
هايلولة هايلوووولة بصحتكم يازينة
حلوتي اه واش درتي فينآ بالباطوط راكي قيمتي الحالة
النآس الكل بطبطت ههههههه يازينة واش حوالك ليوم
بالعقل على مخك الزين متعصريش بزااف حنونتي
كليمة برك تسوى الدنيآ ومآفيهآ بصحتك واش تغذيتي اليوم
نور الرحمآن حبوبة ذيك السنيوة تاع لتآي الصحروآآوي
امممم يادلالي على لتآي و النعنآع الريحة منعنعة الحالة
ولا لعشآآء اممممم يسخف تسلم الايآدي المبدعة وبصحتكم
ندى الورود يازينة الله يسلمك من كل سوء يارب
وبصحتك واش تغذيتي اليومآ
سموحة حبيبتي واش حوالك امممم عشآآك يشهي بصحتكم يازينة
ام ندى اه واش درتي في لولاد مسآكن شلفطتيهم بالحرارة
ياعمري عليهم ربي يحفظهم ويصونهم ويحميهم يارب
انتي معليش اضربي الحآر بصح هومآ علاه
امممم يالباطوط امممم داير سكسي كبير هنآيآ
ذيييك المغرف قصدك ليآآآ امممم كثرتي لحآآر لسآني شعل
غذآآك ليوم يشهي فول مدمس ياعيني ياعيني
الصورة عبرت بمآ فيه الكفآية ولخبز هآآيل هآآيل
بلا مانحكي على صدر الجآج هآيلين
بصحتكم و بصحتهم لولاد الحرور
ابتسآآم حبوبتي صبآآحكِ فرآولة يالغالية
اه مام نتي بطبطتي نستعرف بيك يازينة القصعة يالقصعة
دالتي عقلي نجي نربع و نهجم
السبآآقيتي رآآآهي تحفة غذآئية رآآئعة بصحتكم يالفحلة كل شيء
شهورتي الغالية مسآء الفل يافٌلة انتي
ربي يخليك انتي الوردة وبصحتك واش تغذيتي
خيرة الزوييينة الله الله توحشنآآك يالالة و توحشنآ كلام الباهي
اممم واش نقول الكوطة تشهي اطبآآق في القمة مالقيت مانخير
الخبز خرجلك فوورر
هههههههه هذيك لمجآعة نتاع الصومآآل تشهي
رااهي حكمتني لمجآآعة انا دوكآ مالا افريها نتي يازينة
جيبي واش عندك وافليكسيلي هههه
اممم السلاطة تحفة فن وديكور ولبورآآك يازين هايل
كل شيء تحفة تحفة تحفة ربي يبارك في ذوك ليدين الزينين وبصحتكم
لقآآطو هآآيل منعلقش عليه راني غضيت بصري بويسك ريجيم
حآملة المسك حبوبة مسآئكِ يآسمسن شامي
ان شاء الله تكوني بخير حبوبة وبصحتك واش تغذيتي
كل شيء من يديك يشهي وفور
ميميتآ حبيبتي ربي يعيشك يالفحلة ان شاء الله احوالك
بخير يازينة بصحتك الخرجة نتي ولميمة الغالية
وربي يدومهآ يارب بصحتكم لغذآآء الشآورمآ ولبيتزآ يشهو
بصحتكم مطرح مايسري يمري
صومو يالغالية ربي يشآفيك حبوبة ان شاء الله ماتشوفي شر
ريحي بغرضك يازينة ونحن هآهنآ قابعين بإنتظآر مراسلاتك
القيمة من قلب الحدث فلا تتأخري علينآ
مرآسلتنآ الجميلة منآ لكِ الف تحية ودعوآتنآ لك بالشفآء
بنت الجسور المعلقة حنونتي واش خبآرك مع لقرآية
ربي يوفقك يازينة صحا غذآآكم
ايمآن حنونة الله الله على الاوملات تشهي بشكل يومي نكلها
ومنشبعش منهآ ههههههه وين نشووفهآ تركبني السخفة
يادلالي معشووقتي يمي يمي تشهي بصحتكم والسلاطة اكيد تحفة
برنسآس فيفي يالغالية مسآكِ منور يلوردة صحآ غذآك
تاع اليوم اما لبآرح لبطآطآ راهي تشهي بصحتك المقآآلي
روعتي يازينة مسآآئكِ مٌعطر بعبير الورد الجوري
امم مالقيتيش واش ديري لفطوور الله غالب الكوزينة شيبتنآ
و التخمآم هلكنآ نخمموا في لغذآء كي نعمر لكرش يحكمنآ تخمآم
لعشآء اه من هذا لكريشة مبغاتش قآع تستسلم وتتنازل شوي
حلووتي عطآتك تخمآمهآ جاري وخبز الدار
الأء الرحمن حبوبة الله يسلمك يازينة وانتي زادا بصحتك
واش طيبتي
ام شيمآء حبوبة بصحتك طآآجين الجلبآنة اكيد الذوق فوور
مطرح مايسري يمري
ننوسة اختي الغالية الله على لمقروون تسخف
ولاتآرت تاع الفراولة راهي تشهي
============
اليوم حنآ تآني بطبطنآ حلوتي دارت نش كبير بالباطوط
ايا قلت لمآمآ ديرنآ بآطوط لغذآآء كي جيت لقيتهآ بطبطت
لغذآآآء و هوما بطبطوا وانا بطبطت وحدي
بصحتكم كآآمل كامل
​

 

[كوثر الوهرانية]

مساء الخيرات و اليمن و البركات على احلى و اجمل لماويات
مشاء الله عليكم بصحتكم كامل كامل واش طيبتوا الله يقوي خيركم
ام ندى علاش علاش شلفطتي وليداتك مساكين والله غير غاضوني حتى رائيدوا مطلقتيش كدايرة نحكمك نجيفك عليهم مساكين متعاوديهاش
انا البارح جيت مع المغرب دخلت جميتكم كامل بصح من كترت التعب الي كنت و مزالني فيه مقدرتش نعلق
من بعد نجيبلكم الصور اللي صورتها كوثر بنتي خطرش انا يديا ديما مشغولين

 

[SAMIRA25]

الله يبارك عليكم كل شيء يشهي و رائع
و ما شاء الله جبتوها تجري راكم قريب تغلو الكوزينة هدي
ربي يدو النعمة و يحفظها من الزوال

وهدي لازانيا تاع البارح دخلت في بعضاها :d

و هدي للقهوة:p

​