ماذاآ ستطبخين اليوم " آنستي _سيدتي" الجزء °°30°°

[ibtesem]

نانوس بصحتكم المقارون امممم مع الفرماج
بوح المشاعر ههههههههه لحقتك العدوة تاع تبطبيط انت تاني نستعرف بيك مخلتيهش في قلبك
كوكو على السلامك
سميرة بصحاكم لابيري والدجاج والكيكة تسلم الايادي

 

[زائــــــــرة حلوة]

حلوتي اه واش درتي فينآ بالباطوط راكي قيمتي الحالة
النآس الكل بطبطت ههههههه يازينة واش حوالك ليوم
بالعقل على مخك الزين متعصريش بزااف حنونتي
كليمة برك تسوى الدنيآ ومآفيهآ بصحتك واش تغذيتي اليوم
==
حلووتي عطآتك تخمآمهآ جاري وخبز الدار
​

تسلميلي بحبوحتي شيكولتي ... كي نشوفو تقريرك واش تحبي نعودو:$
\\ راني جاية ندير عندك سطاج\\
اممممممممم مالا راكم من جماعة البطابيط نستعرف بالجماعة اللي ماتخلي في قلبها والو واصلووو ولا تفاصلووو :p
جاك هاااايل وصحتين على قلبك شيكولتي :up:
ويالفحلة لا لا بدلت الvيستا مادرتش جاري شهاني غراتان روعة :-o وطبعا عاند ولا تحاسد:-h
==
كوصر خانم هلّ هلالك البطوط جابك:p نعرفك فحلة يالااااا حتي نتي
​

 

[nada242008]

نانوسيتا مقرونة تشهي اممممممم والتارت هايلة والفراز مستف كيما الدومينو ممممممممممم بصحتكم
فريدة اهلا بيك توحشناك ههههههه هاتي انور نشلفطو معاهم حتان يعودو يخرجو في النار من فامهم كالتينين هههههههههههه
بحبوحة بصحتك البطوط مالا حتى نتوما تعرفوه :d حسبتو معروف غير في بسكرة جاكم هااااااااايل مزية نحيت السخفة
سميرة دجاجة محمرة تشهي امممممممم واللزانيا باينة بنينة والتحلية رائعة بصحتكم
​

 

[prncess fifi]

السلام عليكم بصحتكم كامل و اش طيبتو الله يبارك عليكم راني جاميتكم كامل :-r
بسومتي البارح سهرت كنت نطيب لوحدة نافسة من 6 تاع لعشية وانا في الكوزينة عملت بركوكس شربة حمرا طاجين الزيتون بخلطة الشيفلور تاع ميمي يعطيها الصحة وعملت جاج محمر والرفيس التونسي
والصباح نوضت بكري حمرت الجاج وقسمت ىالرفيس وبلاصيت كل شيء في الكونتينرز ووجدت ولادي لمسيد تاع العربية
واداهم راجلي في تريقو لمراة تسكن في تريق لمسيد
هادي هي لحكاية علاش سهرت ههههههههه​

 

[امونة الشاوية]

السلام البنات راني رجعت واش نقولكم راكم شهيتوني بالاكلات تاعكم يعطيكم الصحة وحدة وحدة و ربي يباركلكم و يدومها نعمة لم اريد ان اعمل اقتباس باش ما نطولش الحالة راني جاميتكم اكل و بالصحة انا هاهو غدايا

كسرة خميرة ونديرها صغيرة باش نتحكمو واش ناكلو كل واحد خبزة صغيرة

هاذو لان راجلي ما يحبش بزاف طبق البذنجان زدتهملو

شكشوكة بطاطا مقلية و بالطماطم امممممم بدات ماكلة السخانة

مرقة باذنجان

 

[ibtesem]

جزاك الله كل خير فيفي في ميزان حسناتك
:::::::::::::
امونة الشاوية مرحبا بيك امممممممم على الاطباق تبان من الصورة بنينة
تسلم الايادي لي طبخت خخخخ يعني انت

 

[امونة الشاوية]

السلام عليكم البنات
بصحتكم يا البنات كامل واش طيبتو
لويزيتا بصحتكم فريت اوملات وسلاطة
---
عفافيتا بصحتكم الدجاج والمدمس
---
بسوميتا امممم بصحتكم سباقيتي بلي موول
---
انا درت مقرونة

وعاودت تارتة انتاع الفريز

بصحتك نانو المقرونة و لاطارط يا خي قتلك اعطيني كيفاش درتي لفراز باش جا يبرق المرة اللي فاتت

 

[بوح المشاعر]

اختي فريدة اهلا بعودتكِ سآلمة توحشنآآك يازينة
سميرة حبوبة الله الله على الدجآجة المتصدرة محمرة بالبيآ
و اللزآنيآ فووور بصحتكم كل شيء
ابتسآآم يالغلا الله يسلمك ايييه بطبطنآ حتى حنآ ومخليناهش في قلوبنا
ههههههههه انفلونزا الباطوط راهي اجتاحتنآ اجتيآآح عارم
بصحتنآ الباطوط
حلوتي يامسكووتة انتي اه حشمتيني بكلامك اللي يقطر عسل
هههههههه وحنا نستعرفوا بيك على النش لكبير يازينة
اييه راانا واصبييين وين راح نفاصلو مكانش الفواصل
وين راح نgـــآريووا ههههههه ربي يخليك يالحلوة
ايا بصحتك لغرتآآن يازينة كل شيء من يدك فوور وحلو
بصحتكم مطرح مايسري يمري
ام ندى حبوبة الله يسلمك اه وي نعرفوا لباطوط حنا تاني
من جماعتوا هههههههه خويا لكبير يظل ياكل فيه في الخدمة
وكي يجي يقتلنآ غير كليت باطوط حار وحامض واش نقولك
ههههههههه رانا نعرفوا نعرفوا ايييه
راكي بردت فيه قلبك لبارح
وحرحرتي لولاد مساكن بصحتكم
برنسآس فيفي يعيطك الصحة يالفحة وربي يجعلهم
في ميزآآن حسنآآتك يارب والله يرزقك
كل الخير يافحلة
امونة الشاوية الله الله على الاطبآآق الرائعة
كل شيء يشهي بصحتكم يالزينة
​

 

[امونة الشاوية]

يعطيك الصحة فيفي ربي يجازيك كل خير النافسة تكون محتاجة تغذية و انت كفيتي ووفيتي

 

[hadda0425]

مساء الخير عليكم
راني هميتكم كامل ههههه قصدي جاميتكم كااااااااامل
بلي طبخت بلي شايخت ههههههههههه
خيرة راك كي هلال العيد طلي نهار بخيوراتك الله يبارك وتروحي عام هههههه
يسقسي عليك الخير ميمة انا جيت ما كنتش في الدار كنت ندور في السونادور :p
راكم جايبينها مع الباطوط مسكين عذبتوه ولا هو لي عذبكم وتعذبو في ولادكم
قالك الحديث عليا والمعنى على جاري هههههه:p يا بتاع 10
بصحتكم
​

 

[narjes81]

السلام عليكم هاني عدت مرة اخرى بصحتكم كامل كامل واش طيبتو راني نجاميكم والله غالب اليوم لهيت بزاف مع الخدمة

تفضلو اطباق الايام لي فاتت

وهذا لي محبي السكينة والهدوء جمال بلادي

ههههه الصورة هبلتني ماحبتش تتحمل وانا لازم نروح

غدوة باذن الله نحطها سلااااااااااااااااااااااام

 

[anissa 13]

ياااااااااي كلشي هااايل شهيتوني
قلبي الصغير لايتحمل هههههه
بصحتكم كلشي اللي طيبتو
نعرفكم فحلات :regards01:
​

 

[NaNouS]

بصحتك نانو المقرونة و لاطارط يا خي قتلك اعطيني كيفاش درتي لفراز باش جا يبرق المرة اللي فاتت

سامحيني يا لحبيبة هدا وين شفت كلامك
سيرو درتو بالناPAج شريتو كيما العسل وهو بيض شفاف سخنتو شوية ورميت فيه الفريز وحطيتو لكان مفهمتيش اي حاجة راني هنا اختي لعزيزة

 

[روعة2005]

تباااااااااااااااااااارك الله لبنات كلش يشهي
بعد اذنكم راح نغلقو بيتنا هذه ونسافرو لبيت اوسسسسسسسسسسسع واحلى بطياباتكم وتعليفاتكم طبعااااا
http://4algeria.com/forum/threads/367951/#post4691626

 

[angel]

صومو حبيبتي ربي يجيبلك الشفا

بديت من اللخر وجيت ماعلاباليش واش صرالك حتان بديت نقدم


المرة الجاية خيري بلاصة مليحة في الياشير



​