الى اختي بنت الجسور المعلقة

[ميساء 21]

اختي كيف حالك

لوسمحتي حطي طريقة تاع جردنيارو لازانيا جزاكي الله كل خير

 

[ميساء 21]

اين انتي اختي

 

[ندى الورود]

انتظري الأخت بنت الجسور المعلقة وإن شاء الله ستفيدك بالطريقة
​

 

[رضوان40]

ان لم تاتهي سنراسلها ان كان الامر ضروري
​

 

[بنت الجسور المعلقة]

جاردينيار
قطع متوسطة لحم دند +حبة بصلة +3 سنينات ثوم +فلفل لكحل +فلفل أحمر ومكعب جومبو + زيت وكصبر بودرة + شويا راس الحانوت
الخضر ديري الجلبانة وبسباس وزروديا وطماطم حب وتقدري ديري البطاطا باش تخثرلك لاصوص لخطراك فيها النشاء
أول شي نجيب طنجرة نقلي فيها البصل والثوم مع مكعب الجومبو والزيت نغسل الزروديا والطماطم نقطعهم مكعبات ونقلي مع البصل والثوم ونرمي الجلبانة كي نشوفو خضرتنا طابت نص طياب يعني تقلات شويا في دوا هداك نتاع البصل والثوم والتوابل نمرقو ونديرو فلفلة حارة ومغرف كبيرة طماطم نغطيو الطنجرة ونخليو الخضراطيب كي تطيب وتتلبى لاصوص نقدموها

درك نزيد نلحقلك الازاينا

 

[بنت الجسور المعلقة]

12 شريحة من ورق لازانيا
درت 400 غرام لحم مرحي حمرتو في شويا فلفل لكحل وملح وزيت وبصل مفروم وزدتلو طماطم معصورة
والفطر معلب نشفتو من الماء تاعو في مقلة وداويتو كيما اللحم مرحي
وخلطت كلشي مع بعضاه
وزدت معاها صوص واحد أخرى قليت ماتبقى من البصل والثوم شويا فلفل لكحل وزعتر وطماطم مرابية + نص مغرف طماطم معلبة وملح كي تغلى وتخثار نطفي عليها
نجيبو صينية ندهنوها بزيت نديرو طبقة من لاصوص ونديرو طبقة الأولى من الازانيا وفوقها لاصوص واللحم مفروم والفطر تكرر العملية 4 مرات ثم تغطى آخر طبقة بلاصوص نتاع طماطم وفوقها جبن أحمر مرابي نغطيها بلأمنويم وندخلها للفرن مدة 45دقيقة
ومنبعد يرفع الألمنيوم 10 دقائق لمنح الجبنة سطح ذهبي مقرمش وتقدم

 

[SAMIRA25]

يعطيك الصحة يا الفلحة ربي يجازيك كل خير​

 

[ميساء 21]

شكرا كثير

 

[ندى الورود]

تمت المساعدة
للغلق /
​