ـ بشكون يفكركـ هدآكـ العصفور الأصفر منوووش :d ـ
وآش ركــم يآنآس وآش رآكـ تهدر
بلآ مآتقولولي الحآلة عآل العآل ، وهذآ بآين من الموآضيع
ـ منوش أقرآي سورة الفلق على قولت نونو العين حق :p ـ
اليوم حلآتلي ندور في هآد القسم ، سوغثو مع الموآضيع المميزة
ربي يدومهآآ ويكثرهــآ ان شآء الله
بوون جيتكم اليوم موضوع رآه يتدآول بكثرة هدي مدة بين الجزآئريين
وعند النسآآآ بالدرجة الأولى
ـ بويسك موسوسين علبآلنآآ :-h ـ
وهو الفطــر الهندي
هدي مدة جآت تحكيلي مآمآ ، وقآتلي فالخدمة هدرو بلي كآين وحد الفطر
جآبوه من الهند يشفي من كل الأمرآض
كي بدآت تحكيلي تبعتهآ ، بصح كي لحقت ليشفي كل الأمرآض
وقفت مآروكو بين عينيآ :d
وتهدر متحمسة ، تقولي تُشفي من مرض الكبد ، الكلية ، السرطآن ...الخ
ضربت عليهآ النح ومآزدتش معهآ فالsujet جآني كي شغل خرطي
هيآآ أيآمآت رحنآ لدآر عمي ، فالليل حنآ سآهرين
نلقى مرت عمي جآبت وحد لآبوآث معلبآليش تآع وآش
فيهآ كي شغل الرآيب ، قآلت هذآ يسموه الفطر الهندي
بدآت تصفي فيه بآش تشربه
وعآودت وآش قآلت عليه مآمآ ، وكملت تشرحلنآ كفآه تستعملو
قآلك ملآزموش يقيسو الحديد ، يعني مكلآه تحطه في حآجة تاع الحديد
وكي تصفيه مآيتصفآش بصفآية تآع الحديد ، يعني الحديد مآيقيسوش
ولآزم الي يديه بعد 17 يوم وآقيلآ يزيد يمده بويسك يتضآعف حجمه
يعني لآزملو طقوس وحدهآ
وعلى قولت وحده كي قآلولهآ الآ نمدولكـ منه قآلتلهم مآبقآلي غير همه
هذا كمآ البيبي الصغير لآزم دآيمآ نعسه وخدمته خدمة ، يكفيني البيبي الي فالدآر :d
وهذآ الي خلآني نحوس على الفوآئد تآعه ، وعلآش النآس طآيحين عليه هكدكـ
حوست فالنت ولقيت صح عنده فوآئد علآجية كمآ رآهم يقولو
بصح لفتني وحد لآغتيكل قآلكـ هآد الفطر أنوآع ومنهم الفطر السآم
والشخص العآدي ميقدرش يفرق بين الفطر السام والفطر الغير السآم
وقآدر يكون من سبب للعلآج من مرض السرطآن الى الاصآبة بهذآ المرض
والصرآحة معلبآلنآش أصلآ شكون جآبو لهنآ لدزآير ، يعني بلكـ مش كونفيونص
وحتى الأطبآء كي سقسآوهم بقآو يحذرو من الأخطآر تآعه
وقآلو علآش مايسقسيوش روآحهم علآش مآنستعملوهش في علآج مرضآنآ
alors بعد مآقريته موضوعي
حبيتكم تعطوني رأيكم فالفطر الهندي هذآآ ، وكل وآحد وآش سمع عليه
ويحكيلنآ آسكو كآين نآس يعرفهم يشربوه ولآ يآكلوه
المهم يتحط فالفم ويهبط للمعدة :p
خلصت موضوعي ، نتلقآو في موآضيع اخرى ان شآء الله
وان شاء الله يكون موضوعي خفيف بخفة مولآته ـ حوحو :$ ـ
آخر تعديل بواسطة المشرف:
