اريد هده الوصفة

[mina-]

السلام عليكم و رحمت الله و بركاته انا من ولاية بصح ساكن في ولاية اخرى و راني هابطة لولاية عين تموشنت وين تسكن ختنتي -عجوزتي- و هي تحب حلوى بوسو لا تمسو قاتلي جيبيهولي معاك و انا في حياتي مسمعتش بيه ساعدوني ربي يحفطكم

 

[ليـــال]

السلام عليكم و رحمت الله و بركاته انا من ولاية بصح ساكن في ولاية اخرى و راني هابطة لولاية عين تموشنت وين تسكن ختنتي -عجوزتي- و هي تحب حلوى بوسو لا تمسو قاتلي جيبيهولي معاك و انا في حياتي مسمعتش بيه ساعدوني ربي يحفطكم

السلام عليكم
راني حوست على وصفة بوسو لا تمسو لأخت مشكورة جدا و جزاها الله منا كل خير
و اليك الوصفة و انشاء الله تنجحلك كما استسمح الأخت أني أستعملت الوصفة بدون إذن
المقادير :
250 غ مارغرين لابال طرية
2 فلان نوارة ذوق فاني

2 صفار بيض
حبة بيض كاملة
1 خميرة كيميائية
لفاني
لكستري نتاع القارص ( اختياري)
فرينة
طريقة التحضير
خلطي المارغرين بكف يدك مليح ثم أضيفي صفار البيض و خلطي ثم حبة البيض كاملة و خلطي مليح ثم أضيفي الخميرة و الفلان و خلطي مليح و أخيرا لفاني و الفرينة حتى تولي عجينة طرية كيما نتاع لي صابلي
نشكل حربوش و نقطع مقروطات شوية صغار

نضعه في صينين غير مدهونة و ندخله الفرن درجته 160 لمدة 7 دائق إلى ثمانية دقائق
كي يتشقق من فوق نعرفوه طاب
كي يبرد نغطس في ماء الزهر

نرمد في سكر ناعم

عند وضعه في ساشي فيها سكر ناعم نتركه لمدة 15 دقائق مع التحريك من حين لاخر


ثم امسحي بساشي فوق الحبة شوية باش يطيح الزايد
و هذا جاهز

و ها عن قرب



و هذه من الداخل

ملاحظة:
لازم تبعو طريقة وضع المقادير كيما راني كاتبة
لأن الخميرة هي نصف باكي عند خلطها في الأخير مع الفرينة و باكي عند خلطها في البداية
الخميرة عند خلطها في البداية مع السوائل يكون مفعولها 50%
و عند خلطها مع الفرينة يكون مفعولها 100 %
جربوه لأنه فعلا رائع يذوب في الفم
شهية طيبة​

 

[mina-]

شكرا حبيبتي ربي يحفضك و اسفة على الازعاج نتمنى نقدر نديرها خاطرش ماعنديش بزاف من لي ولدة و ختنتي هاي عندي نجرب نوقف و نعملهالها

 

[oum rahil]

اختى لقتلك وصفة السيدة بو حامد 4كيلات فرينة 2 كيلات زبدة ذائبة م/ك سكر رطب حليب + ماء الزهرة الشاربات كاس و نصف ماء +نصف كاس سكر

الطريقة

نخلط الجميع و نشكلها على شكل مقروطات بعد الطهى نغمسها في الشاربات ثم في سكر الرطب


اتمنى اننى فدتك

 

[حكيك]

ينقل الى
ركن الإستفسارات والطلبات المطبخية
دوك يعاونك البنات

 

[mina-]

شكرا حبيييباتيي عل ى المساعدة

 

[نوال التلمسانية]

هايلة الوصفة

 

[حورية الجزائر]

يعطي الصحة الاخت على الوصفة وتقدري تضيفي الجلجلان يجيك ممممممممممممممممم رووووعة يعطيكم الصحة

 

[والدة فاروق]

تفضلي بوسو لا تمسو على طريقتي

 

[mina-]

شكرا اخواتييييي

 

[أم ياسين الزهراء]

اختي ننصحك وانا موالفة نديرو الطريقة كيما اللي عطتهالك الاخت الاولى بصح ديري شاربات بالقارص راهي تجي هايلة وطعمة القارص هايلة والطريقة هي نص كاس عصير قارص مع 2 كاس سكر و3كاس ماء يغلي 10د وطفي عليه وكيبرد القاطو انتاعك غمسي في هديك الشاربات ورمدي في سكر قلاصي وتشوفي البنة خاصة كيطول:up::up:

 

[warde elful]

اول مرة نلقى كيما هذا كنت نديرو بالزيت مش بالزبدة و 5 بيض و 1خميرة و كاس حليب و فرينة و كاس سكر و مبعد نقطع مقروضات ثم نغمس في العصير اليمون وماء الزهر م سكر غلاصي و هو ساخن

 

[mina-]

شكرا حبيبتي جاري التطبيق ام ياسين