قوآآرب البطآطآ (الخآص بالتوريييطة )

[بوح المشاعر]

ألسلام عليكم
موضوع سأدرج فيه طبق قوارب البطآطآ
الطبق طبعآ اللي حضرته في الورطة خخخخخخ
قوآرب البطآطآ
(الوصفة هزيتهآ من النت مع اضافة بعض اللماسات )
المكونآت :
بطآطآ حسب افراد العائلة
للحشو : صدر الدجآج او افخآض تٌنزع منهآ العظآم
بدنجآن مقطع قطع صغيرة + كآشير + زيتون اسود
ولٌب البطآطآ لي نزعتيه منهآ
بيض مغلي + مكعبآت الجبن
فرمآج رآآبي
طريقة التحضير
نقشر البطآطآ و نغسلهآ مليح ومن بعد ننزع منهآ الجزء
العلوي و نفرغ اللب تآعهآ بطريقة سلسلة حتى لا تتكسر
ونكونوا تحصلنآ على شكل قآرب ونتركهآ بجهة
من جهة نكون قشرت البدنجآن و قطعتو قطع صغيرة
ونحطو يتقلى
وفي طنجرة نقلي البصل مع شوي زيت او زبدة وملح وفلفل اسود
ومن بعد نضيفلو قطع الدجآج ونمرق بشوي مآء قد ماتغلى الدجآج
ويشد روحه من بعد
ننزع البدنجآن من الزيت ميحمآرش بزاف يبقى ابيض شوي باه نقدر نمرسو
في نفس الزيت نلوح القوارب تاع البطآطآ لي حضرتهآ ونخليها تأخذ اللون الذهبي
نرجع للحشو طبعآ بعد ما يطيب الجآج
في صحن نمرس البدنجآن و نضيف الجآج مفتت ونخلط
ونزيد نضيف مكونآت الحشو السابقة ونخلط
هكآ يكون الحشو تحضر ونبدآ نحشي في القوارب تاوعي
كي نكمل نستفهم في بلى تاع الكوشة ولما ننتهي
نضرب حبآت بيض مع شوي ملح وفلفل اسود ونصب عليهم
من لفوق انا درت شوي مايونيز وفرمآج رآآبي
(ملاحظة : انا درت واحد بالبيض ووحدة بصوص طومآآط و هريسة )
الصورة توضح اكثر الطريقة

مكونآآت الحشو

هنآ بديت في الحشو راني جيت نصور القارب
صورت يدي تقريبآ المهم بان شوي
مع حفظ حقوق اليد والاصآبع لمولاتهم ام ندوووش

اعتذر الصورة ليست واضحة لانهآ من قلب الحدث

هذآ بصوص طومآط وهريسة

و بالصحة و الهنآآآء
ان شاء الله نكون وٌفقت في الشرح

​

 

[هبة الرحمان2]

يعطيك صحه.

 

[لؤلؤة قسنطينة]

وصفة راائعة تسلم الايادي

 

[راجية المغفرة]

يعطيك الصــــــــــــــــــــــــــــــــــــــــــــــــــــــــــــــــــــــــــــحة

 

[زائــــــــرة حلوة]

شهادتي في تميزك مجرووووحة بحبوحتي شيكولتي ......تسلم الأيادي العسلللل:up:
\\ هههههههه عضة لهذيك اليد الزينة :$\\
أحلى تقيييييييييييييييم
​

 

[بوح المشاعر]

يعطيك صحه.

اهلا نورتي اختي هبة
تسلمي حبوبة شرفتيني بحضورك الحلو
بارك الله فيك
​

وصفة راائعة تسلم الايادي

اهلا باللؤلؤة الغالية
انتي الرآآئعة حبوبة بمرورك و طلتك الباهية
الله يسلمك ويسلم عقلك يارب
صحيتي حبوبة على الرورو
​

يعطيك الصــــــــــــــــــــــــــــــــــــــــــــــــــــــــــــــــــــــــــــحة

اهلا برآآجية المغفرة نورتي
ويعيطك الصحة نتي تاني على المرور شرفتيني يالغالية
تحياتي لكِ وسلامي
​

 

[بوح المشاعر]

شهادتي في تميزك مجرووووحة بحبوحتي شيكولتي ......تسلم الأيادي العسلللل:up:
\\ هههههههه عضة لهذيك اليد الزينة :$\\
أحلى تقيييييييييييييييم
​

الزينة راني هنآآآ وانا نقول واش بيها الصفحة شابة
واتاريها الحلوة راهي محليتهآآ بطلتهآ وكلامهآ الزين
شفتي شفتي تلفتيلي الهدرة بكلامك العسل ياحبيبتي
والله نفتخر بشهادتك ونقلدها وسام على صدري حبوبتي
مام نتي فحلة ونص و75 وشاطرة حبوبتي
الله يسلمك ويبارك فيك وفي عمرك يارب
انتي الزينة الحلوة فراولة كل الكلمات ماتكفيكش ياحلوتي
واحلى تقيييم لعيووونك الشابين
ربي يخليك نورتي بحضورك الباهي
​

 

[mimi53]

يعطيك الصحة وتسلم ايدك بحبوحتي
الف شكر على الشرح والطريقة وتسلم ايدك
يالغالية

 

[nada242008]

خرجولك هايلين بحبوحة
مالا حقوق الحفظ تاع الصباع وليدين هههههههههههه يا ريتها هذيك اليد الزينة يدي :d
الله يسلم ويحفظ الانامل الذهبية
​

 

[السلطانة]

يممممم يعطيك الصحة
كون غير تعودي كل يوم في ورطة
باه ندوقو اشهى الأطباق

​

 

[مطبخ الأحلام]

آلسلآم عليكم

يآلله شو حلو ولزيز

يعطيك الصحة ختيتي بوحة

كيما قتلك راكي قدها ست بيت

الله يبارك ويزيد في دوك اليدين ^^
​

 

[ندى الورود]

يعطيك الصحة يا بوحة البحبوحة
على الوصفة الجميلة
سخفتيني يا طفلة


​

 

[ام اية الرحمان]

تسلم ايادي

 

[كوثر الوهرانية]

وصفة زينة يا الزينة الله يعطيك الصحة اختي بحبوحة تسلم اديكي الحلوة

 

[sihem_b]

ya3ték saha .........

 

[FATIMA 19]

امممممممممممممم روعة .

 

[hadil2044]

يعطيك الصحة يسلمو حنونة
​