قمة في قلة الذوق و احترام الغير ........

[ام اسحاق]

وش احوالكم احبائي اعضاء اللمة كبير و صغير ..اعضاء و مشرفين
مسجلين و ضيوف ......

موضوعي هذا قلقني ياسر و خاصة كي راه يتعاود قدامي كل مرة ....و الي هو حاشاكم (خاطر متفقين فيه كامل انو خبائث)

هو التدخين ....راح تقوليلي وش دخلك ياخي صحتنا ..!!..

معليش راح نقوللكم ربي يسعد مسعود بالسيجارة !! بصح تاني ما تخلينيش نتكيفها معاك بالسيف

ديفوا تدخل لحانوت و لا سيبيرات باه تشري ...تلقى مولى المحل يبخبخ في الدخان
و الدنيا كاملة حالة و حويلة .....ايا قولولي تكمل تشري و لا تخرج ؟؟؟
و لا تروماركيلو و انت و زهرك يا تخرج بطريحة ولا فضيحة ....؟؟..........

في الحافلة ...طآمة كبرى ...وين كاين العجوز و كاين الصغار و كاين الحوامل ......تلقاه مسكين
مخبي السيجارة بين صوابعو باه ما يشوفوهش و مكمش عليها يديه و يجبد بالتخبية ......علاه وش لزك ؟؟؟
اهبط اجبد كيما حبيت و اطلع خفبف نظيف .........

لي حكيتو كامل كوم و الي صرى في لا كلينيك كوم ....ديت وليدي يدير الvاكسان ...
وكوم كانت ازمة و نقص فيه ...كان غاشي كبير ....
المهم كيم العالم الثالث .....ما حكمو العباد الصف و تنظمو قريب لثناش ... و خوك الفرملي يسركل بسيجارة في يدو و ينظم في الغاشي و اكمي يا سي الرضيع ......
تاع شهر و ثلاثة اشهر ........؟؟؟؟.....كي تهدر معاه يقولك والله هبلوني و يكمل يكمي
تحس السيجارة تاعو دخلت في قلبك


و حكاية الطيارة اذيك وحدها ....كي ركبنا وكانت الربعة تاع الصباح و ديكولات ...و طفاو الضو
و انا نشم في ريحة الدخان ...انا قلت سير نحلم ......
و هو و الله واحد من ليكيباج قاعد يتكيف في مؤخرة الطيارة ....هز و لا خلي ........

ماهيش قلة ذوق انو المدخن يفرض عليك سيجارتو ......؟؟؟!!.....​

 

[بنت الـ25]

باصيتينا أم إسحاق مع المدخنين تع اللمة
ههههههههههههههههههههههه
هادا الموضوع حكينا فيه شحال من مرة والأخ روح الخيال سبق ودار ميضوع مميز عليها
بعنوان: عآش معآها قصة فريدة من نوعهآ ،،
حكى فيه على سلبيات التدخين
المدخنين يا ام اسحاق للأسف مش دايما يحسبو حساب الناس لي راهم دايرين بيهم
وانا قريت مرة ارتيكيل بعنون التدخين السلبي يحكي على الناس اللي يستنشقو
الدخان تع سيجارة واحد مدخن قدامهم قالك مخار التدخين السلبي
اكثر من مخاطر التدخين على المدخن نفسه
بغض النظر عن قلة الذوق بالنسبة للجماعة اللي تتكيف قدام الناس
ويزيدو ينفخولهم الدخان في وجوههم:$

والمشكل كي تقوليلهم يتنشعو
أنا والله نهدر :d كاش نهار تسمعو بيا قتلوني ههههه :-h

المشكل دوكا كيما حكيتي ولاو يتكيفو في كل بلاصة : فالسبيطارات ، فالحوانيت .....
اما تع الطيارة هادي جديدة :-o ههههههههه شعب وحدو :d

يحكيلي ولد عمي قالي مرة انا نتكيف وشايخ وبالدرgـة على باباه
هو فرحان وآخر وناسة ويغدرو عمي (باباه) من وراه
حشم منو وملقاش كيفاش يخبيها راح لاحها فالجيب الصغير تع لقمجة
(مالفهامة بزاف الخارجة على ودنيه ههههه )
قالي قفلت فمي باه ميشمش فيا الريحة
مبعد ولينا نشمو في ريحة الحريق وتقعر الجيب وطاحت السيجارة
قالي ديت فيها تبهديلة كحلا وباباه دارلو نهار فيه زوج وملفوق تحرقت لقمجة
وقريب تحرق قلبو :-o خخخخخخخخخخخ
انا قتلو شه فيك تساهل :p

مميزة كالعادة ام اسحاق
​

 

[ام اسحاق]

باصيتينا أم إسحاق مع المدخنين تع اللمة
ههههههههههههههههههههههه
هادا الموضوع حكينا فيه شحال من مرة والأخ روح الخيال سبق ودار ميضوع مميز عليها
بعنوان: عآش معآها قصة فريدة من نوعهآ ،،
حكى فيه على سلبيات التدخين
المدخنين يا ام اسحاق للأسف مش دايما يحسبو حساب الناس لي راهم دايرين بيهم
وانا قريت مرة ارتيكيل بعنون التدخين السلبي يحكي على الناس اللي يستنشقو
الدخان تع سيجارة واحد مدخن قدامهم قالك مخار التدخين السلبي
اكثر من مخاطر التدخين على المدخن نفسه
بغض النظر عن قلة الذوق بالنسبة للجماعة اللي تتكيف قدام الناس
ويزيدو ينفخولهم الدخان في وجوههم:$

والمشكل كي تقوليلهم يتنشعو
أنا والله نهدر :d كاش نهار تسمعو بيا قتلوني ههههه :-h

المشكل دوكا كيما حكيتي ولاو يتكيفو في كل بلاصة : فالسبيطارات ، فالحوانيت .....
اما تع الطيارة هادي جديدة :-o ههههههههه شعب وحدو :d

يحكيلي ولد عمي قالي مرة انا نتكيف وشايخ وبالدرgـة على باباه
هو فرحان وآخر وناسة ويغدرو عمي (باباه) من وراه
حشم منو وملقاش كيفاش يخبيها راح لاحها فالجيب الصغير تع لقمجة
(مالفهامة بزاف الخارجة على ودنيه ههههه )
قالي قفلت فمي باه ميشمش فيا الريحة
مبعد ولينا نشمو في ريحة الحريق وتقعر الجيب وطاحت السيجارة
قالي ديت فيها تبهديلة كحلا وباباه دارلو نهار فيه زوج وملفوق تحرقت لقمجة
وقريب تحرق قلبو :-o خخخخخخخخخخخ
انا قتلو شه فيك تساهل :p

مميزة كالعادة ام اسحاق
​

اهلا مينوشتي ....معليش نحكيو و نزيدو نحكيو كاش ما المدخنين يخافو ربي في ارواحهم و فينا
تاع السبيطار و تاع الطيارة وحدهم صح ....بصح هاذي عينه تبينلك المجتمع كيفماه يخمم ....
ولد عمك مسكين ....كون جات السيجارة مرا نقولو ساحراتو ........:p
ربي يهديهم المدخنين و لا ما هداهمش يخافو ربي في الغاشي ......
سيرتو تاع السبيطار و الاماكن العمومية .

ربي ما يحرمني من خفة روحك يا مينوشة :up:
​

 

[مارينا]

السلام عليكم اختي ام اسحاق وربي يحفظلك وليدك
انا كون نلقى واحد يتكيف قدامي نتكلاطا يا اختي كيما قلتي اوموا يبعد ويتكيف في راحتو
لا يلصق في العبد ويبدى يدخن فرحان المغبون :d
انا كنت ما نهدرش مي مرة دخلت نشري من الحانوت ينعتلي في الحوايج وهداك الgارو حاكمو بنص فم جاتني السعلة خرجت روحي
من داك الوقت لي نلقاه قدامي ندير نروماركيلو يفهم روحو ولا ما فهمش نبدى نلازي ههه
انا عندي ولد خويا موالف يتكيف كل ما يدخل للدار ننشعو زعما يخرج يتكيف وكي يجي مولي للدار يشري شوينغوم ويبدى يمضغ على اساس انو تروح الريحة من فمو مثلا انا نجبدو وزيد هو يشري باكي ويخبيه وانا نروح نحوس حتى نلقاه وندقدقو :p
هبلتوا حتى حبس من هاد الهم
يعطيك الحة اختي على الموضوع الشباب وتقباي مروري عزيزتي

 

[ام اسحاق]

السلام عليكم اختي ام اسحاق وربي يحفظلك وليدك
انا كون نلقى واحد يتكيف قدامي نتكلاطا يا اختي كيما قلتي اوموا يبعد ويتكيف في راحتو
لا يلصق في العبد ويبدى يدخن فرحان المغبون :d
انا كنت ما نهدرش مي مرة دخلت نشري من الحانوت ينعتلي في الحوايج وهداك الgارو حاكمو بنص فم جاتني السعلة خرجت روحي
من داك الوقت لي نلقاه قدامي ندير نروماركيلو يفهم روحو ولا ما فهمش نبدى نلازي ههه
انا عندي ولد خويا موالف يتكيف كل ما يدخل للدار ننشعو زعما يخرج يتكيف وكي يجي مولي للدار يشري شوينغوم ويبدى يمضغ على اساس انو تروح الريحة من فمو مثلا انا نجبدو وزيد هو يشري باكي ويخبيه وانا نروح نحوس حتى نلقاه وندقدقو :p
هبلتوا حتى حبس من هاد الهم
يعطيك الحة اختي على الموضوع الشباب وتقباي مروري عزيزتي

اهلا مارينا شفتي حبوبتي ...هم تاع الصح ربي يعافي وليداتنا ...
و شبابنا ...شفتي ديك اللقطة كي يحكم السيجارة على جنب في فمو ...و يبقى يهدر كي popeye هههههههههه
هي حاجة برك ..ما لازمش نسكتو لازم نروماركيو ....لازم الايجابي لييفوز ماشي السلبي ........
صحيتي على المرور و ربي يحفظك حبوبة

​

 

[nanoche]

والله يا الحبيبة غير عندك الحق هوما يتكيفو و يرهجو في روحهم و رهجونا معاهم و المشكل انو احنا ننضرو اكتر منهم لأننا نستنشقو النيكوتين اللي هوما يسترجعوه
ومرة صرات و انا في المكتب ديالي نخدم والباب مفتوحة شوية و ريحة الدخان خنقتني
رجعت نفتش منين جاية هاد الريحة... حتى رديت بالي للباب بليك راهو مشقق و الريحة تدخل منه خرجت نلقى زوج بهايم حاشى سماواتكم قاعدين في الكولوار تقولشي شمينيات

تحسب فيهم قاعدين في قهوة ماشي في ادارة رغم انو كاين اكثر من لوحة معلقة تقول ممنوع التدخين .... يا ربي مكتوبة بالاحمر بالعربية و الفرنسية و الانجليزية و اللي ما يقراش مرسوم gارو و مشطب .... و تخيلو معايا زمان الشتا و كل شي مغلوق كيفاش تجي هاذيك الريحة القاطعة؟؟

ربي يهدي هاذ القوم هوما الله يسهل عليهم اللي حب يتكيف راهو يهلك في صحته و هو الوحيد الخاسر مي على الأقل الواحد يحترم غيره و يهلك روحه بلا ما يقيس الاخرين من باب الاحترام
و الله يا اختي لا راني حايرة علاش في كل حاجة متخلفين حتى ثقافة احترام الغير ما عادتش تgزيزتي؟؟؟؟

​

 

[ام اسحاق]

والله يا الحبيبة غير عندك الحق هوما يتكيفو و يرهجو في روحهم و رهجونا معاهم و المشكل انو احنا ننضرو اكتر منهم لأننا نستنشقو النيكوتين اللي هوما يسترجعوه
ومرة صرات و انا في المكتب ديالي نخدم والباب مفتوحة شوية و ريحة الدخان خنقتني
رجعت نفتش منين جاية هاد الريحة... حتى رديت بالي للباب بليك راهو مشقق و الريحة تدخل منه خرجت نلقى زوج بهايم حاشى سماواتكم قاعدين في الكولوار تقولشي شمينيات

تحسب فيهم قاعدين في قهوة ماشي في ادارة رغم انو كاين اكثر من لوحة معلقة تقول ممنوع التدخين .... يا ربي مكتوبة بالاحمر بالعربية و الفرنسية و الانجليزية و اللي ما يقراش مرسوم gارو و مشطب .... و تخيلو معايا زمان الشتا و كل شي مغلوق كيفاش تجي هاذيك الريحة القاطعة؟؟

ربي يهدي هاذ القوم هوما الله يسهل عليهم اللي حب يتكيف راهو يهلك في صحته و هو الوحيد الخاسر مي على الأقل الواحد يحترم غيره و يهلك روحه بلا ما يقيس الاخرين من باب الاحترام
و الله يا اختي لا راني حايرة علاش في كل حاجة متخلفين حتى ثقافة احترام الغير ما عادتش تgزيزتي؟؟؟؟

​

ننوشة ...اهلااااااا ....
واش أالحبيبة حابة لي بديتو انا تكمليه انت ....و يحاوزونا من منتدى وش راك تهدر ؟؟؟
ونديرو المشاكل لمينات .....
حاشى كل مدخن ...هوم احرار في ارواحهم برك ما تخليوش النشوة تاع الدخان تنسيك انوكاين مريض ما يحملش ريحة الدخان و كاين ناس ما يحبوش يشمو ريحتو .....ز
ربي يهديهم ....
انا عندي اقتراح يعود الواحد كي يخرج يدي معاه هاذي ...​

 

[أم راضية ~_]

السلام عليكم
انا نفهم حاجة كي نشوف واحد يتكيف
1/ يا إما حابس لدرجة ولا يتبع برك (ادا كان يتكيف ماشي من قلبو معاندة وخلاص)
2/ يا إما جاهل جهل أسود (زعمة ماهوش عارف اضرارو و حكمو فالدين تاعنا )
3/ يا إما مستغني على حياتو و هنا يتسمى عندي راهو ينتحر (على خاطر التدخين = موت بطيء )
انا هكدا نشوفها ونفهمها ونفسرها في بالي انسان يتكيف = شخص ضعيف ماهوش قادر يحكم في روحو
مع كل احتراماتي ليهم على خاطر كاين ناس ما شاء الله لو يبعدو على هداك المورصو تاع الشرّ
والحمد لله ما عندناش في دارنا الي يتكيفو ألف الحمد لله​

 

[ام انس الحبيب]

اهلا حبوبة الا لقيتي اكثر من قلة الذوق في التعبير غير قوليها
والله التدخين مرض وخسارة في الجيب
ربي يتوب على شي ناس في خاطري و يكرهو الدخان
هذاك النهار الزين
بورك فيك و في مواضيعك القيمة ام اسحاق
مشكوووووووووووووووووورة:$

​

 

[ام اسحاق]

السلام عليكم
انا نفهم حاجة كي نشوف واحد يتكيف
1/ يا إما حابس لدرجة ولا يتبع برك (ادا كان يتكيف ماشي من قلبو معاندة وخلاص)
2/ يا إما جاهل جهل أسود (زعمة ماهوش عارف اضرارو و حكمو فالدين تاعنا )
3/ يا إما مستغني على حياتو و هنا يتسمى عندي راهو ينتحر (على خاطر التدخين = موت بطيء )
انا هكدا نشوفها ونفهمها ونفسرها في بالي انسان يتكيف = شخص ضعيف ماهوش قادر يحكم في روحو
مع كل احتراماتي ليهم على خاطر كاين ناس ما شاء الله لو يبعدو على هداك المورصو تاع الشرّ
والحمد لله ما عندناش في دارنا الي يتكيفو ألف الحمد لله​

​

حبوبتي يلدز ............
الامر ماهوش ساهل بالدرجة الي نتصوروها .............
في جل الاحيان تبدا الحكاية مزاح و تجربة ...........و تلصق السيجارة في مولاها و ما تخطاشو ...
و انا نظن ظن اكيد انو السيجارة تاع زمان ماهيش نفسها تاع اليوم و نظن انهم يحطو فيها ماة مخدرة باه تخلي المدخن مدمن ...وهذي المعلومة شبه اكيدة .........
الحمد للهانوما عندكمش مدخن والي عندو ربي يفرج عليه ......
​

 

[ام اسحاق]

اهلا حبوبة الا لقيتي اكثر من قلة الذوق في التعبير غير قوليها
والله التدخين مرض وخسارة في الجيب
ربي يتوب على شي ناس في خاطري و يكرهو الدخان
هذاك النهار الزين
بورك فيك و في مواضيعك القيمة ام اسحاق
مشكوووووووووووووووووورة:$

​

مساكين ربي يهديهم ...هاداك المورصو ما خلاهمش يشوفو الناس المتضررة
و كيفاش يشوف و هو روحو ما شافهاش .........
ربي يهدي الي في خاطري والي في خاطرك ....
و فيك بارك الله يا حبوبة يا مولات العين الزرقا......:p
(نحكي على الكوميك في التوقيع والصورة الرمزية)ههههههههه
​

 

[أم راضية ~_]

حبوبتي يلدز ............
الامر ماهوش ساهل بالدرجة الي نتصوروها .............
في جل الاحيان تبدا الحكاية مزاح و تجربة ...........و تلصق السيجارة في مولاها و ما تخطاشو ...
و انا نظن ظن اكيد انو السيجارة تاع زمان ماهيش نفسها تاع اليوم و نظن انهم يحطو فيها ماة مخدرة باه تخلي المدخن مدمن ...وهذي المعلومة شبه اكيدة .........
الحمد للهانوما عندكمش مدخن والي عندو ربي يفرج عليه ......
[/CENTER]

ممكن يكون غلطة و فضول ومن باب المزاح والمعاندة
بصح الشي راني متأكدة منو هو الإرادة
الي يحكم في روحو و عارف حكم الدخان و يخاف ربي و عندو الإرادة ما يسناش يوم زيادة
وكاين امتلة حية على ناس حبسوه بعد ادمان كبيييير

​

 

[ام اسحاق]

ممكن يكون غلطة و فضول ومن باب المزاح والمعاندة
بصح الشي راني متأكدة منو هو الإرادة
الي يحكم في روحو و عارف حكم الدخان و يخاف ربي و عندو الإرادة ما يسناش يوم زيادة
وكاين امتلة حية على ناس حبسوه بعد ادمان كبيييير

​

عندك الحق و الي قلتيه لا يختلف فيه اثنان ......
الارادة هي كلش من اجل ارضاء الله و من اجل صحتو .....
الله يقوي ارادتهم و يفرج عليهم .......
​

 

[ام انس الحبيب]

مساكين ربي يهديهم ...هاداك المورصو ما خلاهمش يشوفو الناس المتضررة
و كيفاش يشوف و هو روحو ما شافهاش .........
ربي يهدي الي في خاطري والي في خاطرك ....
و فيك بارك الله يا حبوبة يا مولات العين الزرقا......:p
(نحكي على الكوميك في التوقيع والصورة الرمزية)ههههههههه
​

هههههههههههه
الله ايجازيك ضحكتيني
انا كي قريت اخر التعليق تخلعت :-o ومن بعد كي كملت
ريحت او مت بالضحك على روحي
​

 

[nanoche]

ننوشة ...اهلااااااا ....
واش أالحبيبة حابة لي بديتو انا تكمليه انت ....و يحاوزونا من منتدى وش راك تهدر ؟؟؟
ونديرو المشاكل لمينات .....
حاشى كل مدخن ...هوم احرار في ارواحهم برك ما تخليوش النشوة تاع الدخان تنسيك انوكاين مريض ما يحملش ريحة الدخان و كاين ناس ما يحبوش يشمو ريحتو .....ز
ربي يهديهم ....
انا عندي اقتراح يعود الواحد كي يخرج يدي معاه هاذي ...مشاهدة المرفق 40874​

ههههههه لالا ماشي حابة المشاكل يا الحبيبة

دا انا غلبااانة

ههههههه
برك حبيت نوصل رسالة لكل مدخن هو الله يسهل عليه مي على الاقل يحترم الناس اللي ما تدخنش
انا واحد ما يدخن في الدار و ما نحملش ريحته و نظل عقابهم في الخدمة (يا خو طفي دخانك.... يا خو روح برا كمل دخانك و رجع ....)
و الله من المفروض ما نلحقوش وين حتى نقولولهم ... من باب الاحترام كاين اماكن مخصصة للتدخين وين ما يقلق حتى واحد
مع احترامي لكل المدخنين اللي هنا في اللمة

​

 

[tarek ess]

اسمحيلي عمري شفت واحد يدخن في الحافلة
اما باقي الموضوع عندك الحق
رغم اني مدخن

 

[SETIF étudiant]

السلام عليكم مرحبا بيا عندك ...موضووووعك جميل مهما احاول واحاول فلن املك قلما كقلمك :regards01:

الدخان رجع عادة ..... وشي لي بلوكالي مخي ها اختي خطرة شفت بعيني طفلة تكمي في دخان ههههه (انا ما نكميهش اصلا) قالي صاحبي واش راح تدير قتلو نورمال نزيد نشعلها قارو ثاني ههههههههههههههههههههههههههههه وقتلو ونت واش تعمل
ردلي صاحبي قالي انا نقصدها ديراكت نقولها ختي اعطيني قارو ههههههههه......... لانو هو يتكيف دخان اصلا هههه
ولي بيه حساسية يقوله طفي دخان نووووووووووووووووووورمال وقوليلو الا ما تخافش على حياتك خاف على حياة الرضيع عادي

 

[ام اسحاق]

اسمحيلي عمري شفت واحد يدخن في الحافلة
اما باقي الموضوع عندك الحق
رغم اني مدخن

اهلا باخي طارق .....
كاين يا اخي المدخنين في الحافلة ربي يهديهم ....

و ربي يفرج عليك من التدخين ..يا رب انت و المومنين الكل
​

 

[ام اسحاق]

السلام عليكم مرحبا بيا عندك ...موضووووعك جميل مهما احاول واحاول فلن املك قلما كقلمك :regards01:

الدخان رجع عادة ..... وشي لي بلوكالي مخي ها اختي خطرة شفت بعيني طفلة تكمي في دخان ههههه (انا ما نكميهش اصلا) قالي صاحبي واش راح تدير قتلو نورمال نزيد نشعلها قارو ثاني ههههههههههههههههههههههههههههه وقتلو ونت واش تعمل
ردلي صاحبي قالي انا نقصدها ديراكت نقولها ختي اعطيني قارو ههههههههه......... لانو هو يتكيف دخان اصلا هههه
ولي بيه حساسية يقوله طفي دخان نووووووووووووووووووورمال وقوليلو الا ما تخافش على حياتك خاف على حياة الرضيع عادي

اهلااا اخي السطايفي ...
و مرحبا بك ....شكرا لانك مدحت قلمي .....:regards01:

المشكلة ..حتى النساء اصبحوا يدخنوا ..لا حول و لا قوة الا بالله العلي العظيم
ربي يهدي و خلاص .....
و ربي يفرج على كل مدخن
​