حكاية صديقتك مؤثرة بزاف
الانسان يقبل القسوة من البرانية ويقبلها مام من الأب انما من الأم نبع الرحمة والحنان ميقدرش ينقبلها
خاصة كي تكون الفتاة في مرحلة مراهقة يلزمها شخص واعي يستوعبها ويحتويها ويتحمل تمردها
والأم هي هاد الحضن اللي يعمل هاد الشي اضافة الى انها من المفروض توجهها للطريق الصحيح بدلا من انها تبعدها عليها وهنا الطفلة تلجأ لمن يمكن يبعدوها على الطريق
انا حرت فهاد الأم مكانتش فتاة في يوم من الايام ؟
احنا كامل فوتنا هاد المرحلة وكنا نتراسلو فالقسم مع لبنات بالورق
وانا ياما حكمت ماما وريقات بعثتهالي صحبتي فيها كوارث
تحكمني ديرلي درس ونخلصوها فرحانين
المهم صديقتك قوليلها إياها ثم اياها تخمم فالهربة من الدار
أكبر غلط
لاكان هربت من قسوة الأم الخايفة على ابنتها متقدرش تواجه قسوة الشارع اللي ميرحمش
ما عليها إلا الصبر والدعاء
ربي يقول وإن جاهداك على ان تشركا بي شيئا فلا تطعهما وصاحبهما في الدنيا معروفا
وربي يصلح الحال
