واش راكم يا معجون قلبي .... ان شاء الله تكونو بخير و ديمة ملمومين
اليوم جيتكم بواحد ال sujet ان شاء الله يعجبكم
نحكيلكم الحكاية après نتمنى نعرف رايكم
الخميس اللي فات روحت لعرس في البليدة عند لافامي
العريس مغترب يعني دارو عرس واحد أهل العروسة و أهل العريس كانوا كلهم ملمومين
في الصباح نضت بكري باش نوجد روحي راكم تعرفو حفافة و حوايج أخرين كل النسا يهتمو بيهم
المهم ... نزلنا للبليدة و روحنا للصالة directement ماكانش عندنا وقت بزاف
و كي دخلنا لقينا يمات العروسة قاعدة قدام الباب تستقبل في الضيوف و قاعدة معاها واحدة عمباتلي في début واحدة gاورية ههههه على حساب الحطة ديالها
مشات معانا يمات العروسة في الكولوار و قالتلنا اقعدو من هاذيك الجيهة لأن أهل العريس يقعدو من هاذ الجيهة ياك رانا رايحين نديرو فيونصاي و عرس en même temps أنا جاتني عادي كاين بزاف اللي يواسيوهم بين زوج في مرة
حكمنا بلايص شوية بعاد .... مانحبش نبان في الكاميرا
و بعد وقت قصير سمعنا الزرنة يعني جات العروسة
و هنا كانت المفاجأة !!!!
أنا حضرت أعراس فيهم الفيونصاي و العرس في نهار بصح بعد ما تكمل التصديرة ديالها يدخل العريس يلبسلها الخاتم
و المفاجأة الأكبر أن أهل العريس دخلو كلهم نساء و رجال يعني العرس ميييييييييييكست
بدات السخانة تطلعلي
خرجت الملاية من الكابة و لبستها و لبست الخمار ديالي و استنيت برك العروسة قعدت في الكرسي ديالها بعد ما شبعت شطيح مع عريسها
و انا نغلي و نقوللها في قلبي اقعدي يعطيك غمة
روحت باركتلها و اعطيتها الكادو ديالها و قلت ليما امشي بلاصتنا ماشي هنا يا ميمتي
بدات يمات العروسة علاش اقعدو مازال الحال مازال العرس ما بداش و تعنق فيا علاش يا بنتي اقعدي اديري الحنة مع أختك
اضطريت نألف قصة باش نخرج و لوكان عرفت هاكذاك ما نروحش خلاص
و على بالي يقولو غارت .... خليهم يحكيو ما يهمنيش
هاذي هي الحكاية يا حبابي في ميزكم واش قالو عليا ؟؟؟ مغندفة يااك
هههههههههه
و انتوما شكون صراله كيفي؟؟؟ وواش رايكم في النسا اللي يحضرو لعراس ميكست و هن كاسيات عاريات قدام رجال برانيين عليهم؟؟؟؟
أنا ضد ..... أندد...... أحتج..... لاااااا أقبل ههههههه
آخر تعديل بواسطة المشرف:
