اللحم المفور

[نوال التلمسانية]

ممكن طريقة اللحم المفور اللي يجي في الكوكوتة

الاجابة :

تحضير لحم مفور

اللحم المفور والمحمر

في الكسكساس ضعي طبق بصل ضعي ديالك والملح ارشخي اللحم بالثوم والتبخة والبصل وحشيشة واتركيهم يفورو عندما يفورو اضيفي بطاطا و زيتون اخضر ولما تطيب انزعيه وحمريه في الفرن ( الكوشة ) fi kaskass diri tabka dial bssal+diri lham dialek+sel +lham ila habiti arachkih bel toum+tabka bssal+hchich+kamoun ou...

www.4algeria.com

المزيد حول طريقة التحضير :

شوفي اختي
اولا لازم تنقي لحم تع خروف هاك باه يطيبلك لانو المفور يطول شوية
مرة عملتو في لاكوكوط لكن طبعا النار حتكون قاوية ولحم لمفور يطيب بدون ماء حتشلفك النار وتحرقلك الكوكوط مالا احسن طريقة هي البخار
تحكمي اللحم تاعك تبليه بتتبيلة انا نعطيك طريقتي
بصل +ثوم +عصير الليمون +فلفل اسود +بابريكا معدنوس او دبشة + مغرفة موطارد شويييييية عسل خاثر ملح وشوية زيت لانو اللحم طبعا فيه الدهون وفلفل اخضر يضفي نكهة واذا تحبي اي تتبيلة تع لحم تضيفيها انت وذوقك ترحيهم في ميكسور وتعملي شغل صوص وتبلي بيهم اللحم تاعك وتخليه في الثلاجة حولي ساعتين او 3 او تعمليه بنهار قبل هاك جيك اسهل
تحطي البرمة تاعك طبعا الماء لازم يكون بزاف
احكمي اللحم المتبل غلفيه في الومنيوم وباحكام وحطيه في الكسكاس وغطي الكسكاس بغطاء من زجاج او اي غطاء مغلق
وخليه يطيب مدة 3 او 4 ساعات انت ونوعية اللحم كيما قتلك من الاحسن لحم الخروف سريع الطياب
وما تنسايش تفقدي البرمة تاعك من الماء
واذا ما فهمتيش حنا هنا

 

[nada242008]

مافهمتش واش تقصدي بالضبط مفور على البخار ولا طايب في لا كوكوط ؟

 

[نوال التلمسانية]

اللحم اللي نقصده يطيب في كوكوتة فيها الكسكاس نحب نعرف التتبيلة ديالو قالولي البصل الملح الابزار و الكمون بغيت نتاكد اختي العزيزة و صحيتي على الاهتمام .

 

[nada242008]

انا عمري ما طيبت في الكسكاس تاع الكوكوطة اما التتبيلة ديري نتي وذوقك في التوابل يعني واش تحب عايلتك
انا في الروطي تاع اللحم ندير الثوم والموطارد وملح وفلفل اكحل برك
​

 

[nada242008]

نسيت الرند تنساه الموت :d
​

 

[hadda0425]

بعد ما كتبت رد راح الترستي لكن مش مشكل نحن في الخدمة
شوفي اختي
اولا لازم تنقي لحم تع خروف هاك باه يطيبلك لانو المفور يطول شوية
مرة عملتو في لاكوكوط لكن طبعا النار حتكون قاوية ولحم لمفور يطيب بدون ماء حتشلفك النار وتحرقلك الكوكوط مالا احسن طريقة هي البخار
تحكمي اللحم تاعك تبليه بتتبيلة انا نعطيك طريقتي
بصل +ثوم +عصير الليمون +فلفل اسود +بابريكا معدنوس او دبشة + مغرفة موطارد شويييييية عسل خاثر ملح وشوية زيت لانو اللحم طبعا فيه الدهون وفلفل اخضر يضفي نكهة واذا تحبي اي تتبيلة تع لحم تضيفيها انت وذوقك ترحيهم في ميكسور وتعملي شغل صوص وتبلي بيهم اللحم تاعك وتخليه في الثلاجة حولي ساعتين او 3 او تعمليه بنهار قبل هاك جيك اسهل
تحطي البرمة تاعك طبعا الماء لازم يكون بزاف
احكمي اللحم المتبل غلفيه في الومنيوم وباحكام وحطيه في الكسكاس وغطي الكسكاس بغطاء من زجاج او اي غطاء مغلق
وخليه يطيب مدة 3 او 4 ساعات انت ونوعية اللحم كيما قتلك من الاحسن لحم الخروف سريع الطياب
وما تنسايش تفقدي البرمة تاعك من الماء
واذا ما فهمتيش حنا هنا
​

 

[hadda0425]

وتقدري تاني تحطيه في الكوشة
نفس الطريقة فقط دخليه في الكوشة وتخليه يطيب يجيك تاني هايل
بعد ما يطيب تحلي الامنيوم وتعملي معاه فلفل اخضر وبطاطا وتعاودي تغلفيه وترجعيه حتى طيب البطاطا جيك اشهى
​

 

[Djazaire-El-Ghalia]

ya3tik essaha Hadoude

 

[نوال التلمسانية]

الله يحفظكم يا خواتاتي على الاهتمام

 

[امونة الشاوية]

نفس طريقتي لاكني لما نغطيه بالالمنيوم نجيب طرف سارد بزاف ومعصور ونغطيه ونزيد فوق الكسكاس غطاء والطرف يدير الرطوبة ومرات على مرات قلبيه

 

[açil]

http://4algeria.com/forum/threads/371087/

 

[açil]

http://4algeria.com/forum/threads/370947/

 

[ام رحاب]

شوفي اختي انا نعمل اللحم المفور بعدة طرق بس طريقة الكوكوط نعملها بدون كسكاس نحطوا وحدا ديراكت فيها مع نص كاس ماء + الرند شوية توابل مشكلة واياكي ان تضيفي الملح راح يملح روحوا

اليكي الصورة

واي استفسار راني هنا

http://im18.gulfup.com/30712.jpg