سلسلة عوايد وفوايد: معاناة فتاة

[بنت الـ25]

واشراكم؟ صافا؟ :d

رح نكون صاحبة أول مشاركة في سلسلة عوايد وفوائد

​

وهكدا رح تاخدو فكرة على طريقة سير الموضوع وتديرونا مواضيع شابة

وتحكيونا قصص نستفادو منها:-r​

بون هاد القصة اللي رح نحكيها صرات مع وحدة نعرفها بيناتنا علاقة جوار وتاني صلة قرابة ​

بصح بعيدة شوية لا تمت بصلة للدم خخخ:p​

المهم هاد الطفلة كتر عليا بعام حبست قرايتها بكري وقعدت فالدار ،، طفيلة كي العسل ،،​

زين وأخلاق وعائلة محترمة وربة بيت ممتازة:up:​

من عامين خطبها واحد يقرب لزوج اختها في ولاية أخرى ،، هي قبلت قالت نحكم داري خير :-r​

وزيد تولي قريبة لاختها الوحيدة يونسو بعضاهم:d​

المهم،، دارو الخطبة وبدات توجد في حوايجها وشورتها وتفاهمو قبل العرس بسمانة يعقدو ...:-r​

لكن شاءت الأقدار يدير خطيبها حادث مرور خطير دخل على إثرو للمستشفى تع عنابة:-o​

وراحت عينو خلاص:-o،، ورجلو ركبولو فيها بروش ( ربي يعافينا)​

مي هي (ربي واحد) ما خلاتوش ،،، كل سمانة تروح تزورو هي وامها ،،

ومحسستو بلي كي بكري كي درك:love01:​

هو لأنو ابن أصل قالها: يا بنت الناس انا منيش حاب نظلمك معايا ،،
نعطيك حريتك وربي يرزقك بانسان صحيح ​

كان ردها انو كون هي اللي صرالها الحادث كان يخليها ؟ ​

وما حبتش تبطل زيادة على انها كانت تحبو بزاااااااف:love01:​

هو بقا يـpخوvوكي فيها باش تبطل وهي مصرة تكمل معاه حتى هو اللي قرر يبطل ​

وتفارقو بالمعروف ​

هنا ما كان عندها حتى حل غير انها ترضى بالأمر الواقع وقعدت فالدار تستنى مصيرها:$​

موراها جى خطبها واحد،، وباباها الملهوف (سامحوني على هاد الكلمة) قبل وأجبرها تقبل ​

بلا ما يسقسي على العريس و(قرعة أبوه منين) والـplus beau اللي تحبس المخ​

في سمانة فراو كلش : شوفة وخطبة وعقد مدني ​

وبدات المعاناة ​

هي من الأساس ماهيش راضية وكي حكات معاه زادت كونفيرمات بلي موحال تقدر تكمل معاه ​

مي خافت تقول نبطل تولي مطلقة قبل البناء :surrender01: وزيد الناس وش يقولو : ​

هادي اللي الراجل اللول بطل عليها والثاني طلقها سما هي لي ما تليقش مش هوما ​

(المجتمع ظالم وهكدا يفكر )​

كي العادة رضات بالأمر الواقع وقررت تعيش حياتها كيما جات تجي​

وجات القطرة التي أفاضت الكأس​

فهداك الوقت كانت ختها نافس هي راحت عندها تقيمها وطبعا قالتلو وهو ما اعترضش​

مي النهار اللي رجعت فيه للدار لقات اماليه سبقوها :-o،، ​

هي دخلت ما نفضتش غبار السفر وبداو يسبو فيها​

يا اللي متحشميش رحتي باش تشوفي خطيبك اللول ،، وكيفاش تروحي بلا ما تقوليلنا...؟؟​

قاتلهم اني قلت لراجلي هو يصرف فيا ​

قالولها نو لازم تقولينا احنا ،، احنا لي نحكمو مش هو​

وقذفوها في شرفها علانية ،، وخلصوها منتنة (كيما تقول ماما خخخخ)​

(ومش الراجل ظهر مترفل "مريض في عقلو"؟؟ ):scared01:​

هي ما حبتش تشكي بيهم بتهمة السب العلني والقذف (وإلا كانت توديهم في ستين داهية) ​

مي هوما رفعو عليها دعوى طلاق واتهمومها تهم باطلة ​

(عريضة افتتاح الدعوى طاحت في يدي صدفة وقريت التهم vrmnt يندى لها الجبين)​

ما كان عليها الا ان وكلت محامي دافعلها على حقوقها وتطلقت من هاد الرويجل:down:​

وحكمو عليها تردلو الشرط والخاتم...​

وصارت مطلقة قبل الزواج،، والناس تهدر عليها بنبرة الشفقة " شكون لي رح يديها درك...الخ"​

وهي مسكينة من الهموم بدا شعرها ينصل ينصل حتى فرطست من مقدم شعرها تماما​

ولأنو أنا أريد وأنت تريد والله تعالى يريد ​

سمعت مؤخرا انو عرسها باقيلو شهر :up:،، وشكون رح يتزوجها؟:-o​

خطيبها اللول اللي دار اكسيدون ،، كي سمع بيها طلقت عاود طلبها من جديد ​

ودركا راهي في صراع مع والوقت باش توجد روحها وتنتقل لبيت زوجها ​

انا والله فرحتلها من كل قلبي :yahoo01:​

ونتوما قولولي وش العبر اللي استخلصتوها من هاد القصة؟

​

​

 

[أم راضية ~_]

السلام عليكم
فرحتلها مام انا
الفوائد هيا :
"الصابر ينال "
و "مول النية يغلب "
و ربي محال لا يخلي عبد لجأ ليه سبحانو ما أرحمه بنا
{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} ‏[‏الطلاق‏:‏ 2- 3‏]‏
سبحانك يا ربي ما أرحمك
فرحتلها بزااااااااااااف ربي يهنيها ان شاء الله ويرزقها الذرية الصالحة
​

 

[دزيري]

ياو ولله كون جات بنتي غي نفلي على لي جا يخطبها بيت بيت زنقة زنقة و نحمر فيه عليه لا يغلط ولا يحسب روحو في قهوة موح اشرب وروح ههههههه لخاطر طفلة مين يبطل لي خطبها واعرة و تعرفو مجتمع لسانو اطول من برج خليفة سيرتو اذا كانت عاقلة هههههه يوليو يدرو استوديو تحليل خاص بيها

مهم نصح بنات ما يتهوروش في هذي امور و يسقسو لخاطر راكي رايحة تعيشي معاه بقية حياتك و حابة تعيشي لابال في ماشي سركاجي

و في اخير يارب يرزقنا بنت لحلال ههههههه

 

[فتاة حساسة]

سبحان الله ولا حول ولا قوة الا بالله ..

والله فرحتلها من كل قلبي ربي يرزقها الدرية الصالحة ..
والله ماتدي غير اللي كتبلك ربي ...ومول اللنية ديما يربح...ربي يتملها ان شاء الله بالخير ...
صاحيتي مينو
​

 

[serinee]

شكرا لكي غاليتي على الموضوع
اولا كي قريت الموضوع لحم بدني قشعر من القصة
انا العبرة لي استخلصتها هو الصابر ينال
و مول النية الصافية هو لي يربح في الاخير
مهما المعانات و المشاكل ربي اعطالها سبب باش ترجع لخطيبها الاول يا صبحان الله ما تقولي ندير هدي و لا هدي شوفي ربي واش مكتبلك
و الله فرحتلها ربي يهنيها و تشوف السعد و الهنا معاه
​

 

[أمــ وليــد الجزائرية]

الحمد الله كي خرجت على خير

والله في هذا الوقت حتى الولدين يحطمو مستقبل ولادهم

و رانا نعيشو و نشوفو

و عليها الواحد يعرف يصبر ويعرف كيفاه يفوت في مثل هذي الضروف و يخرج منها على خير

ربي يهنيها و يكمل زواجها على خير ان شاء الله
​

 

[nanoche]

السلام عليكم و رحمة الله
و مبروووك ألف مبرووك ليها و يا ربي يرزقها الزوج و الذرية الصالحين و يعوضعا في كل شي (حتى شعر راسها اللي طاح)
و أكيد هاذ السيد كان مكتوبها بصح النهار كان مازال ما لحقش
{وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لا يَحْتَسِبُ}
و أكيد هاذ البنت كانت صابرة و تشكي لربي و الحمد لله هاو ناوللها اللي في بالها
وربي يهنيها و يسعدها اكتر و اكتر
​

 

[بنت الـ25]

السلام عليكم
فرحتلها مام انا
الفوائد هيا :
"الصابر ينال "
و "مول النية يغلب "
و ربي محال لا يخلي عبد لجأ ليه سبحانو ما أرحمه بنا
{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} ‏[‏الطلاق‏:‏ 2- 3‏]‏
سبحانك يا ربي ما أرحمك
فرحتلها بزااااااااااااف ربي يهنيها ان شاء الله ويرزقها الذرية الصالحة
​

مشكورة حبيبتي على المداخلة
فعلا الصابر ينال
ومن يتق الله يجعل له مخرجا ويرزقه من حيث لا يحتسب
:regards01:
​

ياو ولله كون جات بنتي غي نفلي على لي جا يخطبها بيت بيت زنقة زنقة و نحمر فيه عليه لا يغلط ولا يحسب روحو في قهوة موح اشرب وروح ههههههه لخاطر طفلة مين يبطل لي خطبها واعرة و تعرفو مجتمع لسانو اطول من برج خليفة سيرتو اذا كانت عاقلة هههههه يوليو يدرو استوديو تحليل خاص بيها

مهم نصح بنات ما يتهوروش في هذي امور و يسقسو لخاطر راكي رايحة تعيشي معاه بقية حياتك و حابة تعيشي لابال في ماشي سركاجي

و في اخير يارب يرزقنا بنت لحلال ههههههه

أكثر ما اعجبني انك تولهت لنقطة غفلت عليها يلدز
مشكور على التفاعل :regards01:
​

سبحان الله ولا حول ولا قوة الا بالله ..

والله فرحتلها من كل قلبي ربي يرزقها الدرية الصالحة ..
والله ماتدي غير اللي كتبلك ربي ...ومول اللنية ديما يربح...ربي يتملها ان شاء الله بالخير ...
صاحيتي مينو
​

مشكورة نجلا
وهو كذلك حبيبتي ...الف تحية :regards01:
​

شكرا لكي غاليتي على الموضوع
اولا كي قريت الموضوع لحم بدني قشعر من القصة
انا العبرة لي استخلصتها هو الصابر ينال
و مول النية الصافية هو لي يربح في الاخير
مهما المعانات و المشاكل ربي اعطالها سبب باش ترجع لخطيبها الاول يا سبحان الله ما تقولي ندير هدي و لا هدي شوفي ربي واش مكتبلك
و الله فرحتلها ربي يهنيها و تشوف السعد و الهنا معاه
​

وفعلا لاكان ربي مكتبلك حاجة كون تفر تقيسك تقيسك
يقولو المكتوب على الجبين لازم تشوفو العين
مشكورة على التفاعل سيرين:up:
​

الحمد الله كي خرجت على خير

والله في هذا الوقت حتى الولدين يحطمو مستقبل ولادهم

و رانا نعيشو و نشوفو

و عليها الواحد يعرف يصبر ويعرف كيفاه يفوت في مثل هذي الضروف و يخرج منها على خير

ربي يهنيها و يكمل زواجها على خير ان شاء الله
​

نشكرك على الكلام الزين ملينا
:up:
ربي من عالي سماه إذا أراد أمر يقول له كن فيكون
تحياتي لك :regards01:
​

السلام عليكم و رحمة الله
و مبروووك ألف مبرووك ليها و يا ربي يرزقها الزوج و الذرية الصالحين و يعوضعا في كل شي (حتى شعر راسها اللي طاح)
و أكيد هاذ السيد كان مكتوبها بصح النهار كان مازال ما لحقش
{وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لا يَحْتَسِبُ}
و أكيد هاذ البنت كانت صابرة و تشكي لربي و الحمد لله هاو ناوللها اللي في بالها
وربي يهنيها و يسعدها اكتر و اكتر
​

ربي يبارك في عمرك ويكملك بعقلك ويهنيك نانوش:-r
فعلا مول النية لا ما ربحش يسلك على خير :up:
منورتني كالعادة حبوبة :regards01:
​

 

[stella.m]

الحمد لله الي خرجت سلامات خفت تقولي مازالت تسنى
ربي يتمملها على خير ان شاء الله
الفايدة الصبر والنية المليحة يخرجوا على مولاهم
ولي خلق ما يضيع
عسى ان تكرهوا شيئا وهو خير لكم
لوكان رفضت الخطيب الثاني بلاك كان باباها زعف منها ولا تبرا حتى
مي كي قبلت ودارت بخاطرو بينتلو بلي السيد اصلا ما يستاهلهاش
صحيتِ مينو موضوعك باهي

:regards01:
​

 

[مايا الجزائرية]

القصة معبرة وحكيتتيها ما شاء الله بوركتـــــي
لي شد في ربي ما يضيعو ومول النية يغلب هادي هيا وربي يهنيها ان شاء الله

 

[hadda0425]

الحمد لله لي فرج عليها ربي
مشات بنيتها وحبت الانسان الاول من قلبها وصبرت وعطاها مولانا
متحنها ونجحت في الامتحان
ان الله مع الصابرين صبرت ونالت
جزاك الله خيرا مينات على الموضوع
​

 

[وصال]

شكرا لك مينات على هذه الافتتاحية المعبقة بالمسك والعبر اتمنى من كل قلبي ان ترقى الى المطلوب .
لنعد الى القصة ، هذه القصة تحصل في كثير من المرات والعبر المستنتجة هي :
1- لا تقنط من رحمة الله : وهادي خاصة بهذاك الشاب لي عمل حادث وبطل خطيبتو على جال حاجة ربي كتبهالو .
2- الصابر ينال : هادي خاصة بالبنت على صبرها وتحملها ، وعلى رضاها بما كتب الله ووقوفها عند رغبة خطيبها الاول ، لي بينتلوا بلي قابلة تتقاسم معاه المليح والدوني .
3- امشي بالنية اذا ماربحت تسلك على خير: وهادي ثاني للبنت ، ربي جازاها على حساب قلبها وسلكها من انسان كانت راح تدمر حياتها معاه .
4- حبل الكذب قصير : هادي للخطيب الثاني لي خدعها ، وماقالهاش بلي مريض في عقلوا ، وعايلتو لي تقذف في بنات الناس الحمد لله ربي نجاها .
5- العروسة ركبت والله اعلم لمن كتبت : هادي للبنات باش ميغلطوش ويقولو صايي ضمنا ، متضمنيش في حاجة بيد ربي سبحانو ودايما الانسان يمشي بطريقة لي ترضي ضميرو وتخلي ربي راضي عليه
النتيجة : لي مكتوب في الجبين لازم تشوفو العين .

شكرا مينات موفقة ان شاء الله .

 

[ملكًة الاحسآس]

وعليكم السلآم
منوش البآرح قريت موضوعكـ والله غير شوكتني روحي
ومت بالسعآدة فالأخير كي قريت بلي رجعت لخطيبهآ الأول
الحمد لله كآتبين لبعضهم ، بركـ الدنيآ كي تلعب لعبتهآ
خطيبهآ الأول نيته من الاول صآفية وثالمون يحبلهآ الخير حبس معهآ
بوهآ من جهة غلط كي مد بنته ومن جهة اخرى مش غآلط بويسك خآف على بنته
تبقى في سعده على خآطرسبق وتخطبت والمجتمع تآعنآ مآيرحمش
وفي هآد النقطة فهمكـ كفآية
من لخر الوآحد الآ مكتبله ربي حآجة يطلع للسمآ ولآ يهبط هي هي
الي يمشي بنيته والله مآرده ربي يآخي انمآ الأعمآل بالنيآت
الي يصبر صح ينآل ، والحمد لله صبرو للزوج ونآلو
ميرسي منوش على الموضوع والحكآية
ومليحة كي دشنتيهآ انتي بآش نفهمو مليح كفآه يكون الطرح :d


​

 

[أم أمين23]

اكيد الصابر ديما ينال والي يدير ربي في قلبو ما يخليهش
وشيء ثاني هو انو لازم الاهل ديما يصقصو وركز في من جا يخطب وماشي الي يدق الباب نقولو عليه وي خاصة انو هناك فكرة الي تخطبت قبل يقلو طلابها وبالتالي الاهل يقبلو بأول واحد وللاسف ما تخسر غير الطفلة

 

[سمسم السمسومة]

لي كاتبة اذا محبيتش انا و لا هو نهار يحب ربي واحد ميبعدوا عليا...........و هاذا لي صرا معاها.....هي حباتوا صح و مالغري واش صرا بيه حابة تكون معاه-فكرتني بواحد الطفلة نعرفها-و كانة ماشية بنيتها و في اللخر ربي عطاها بعد صبرها......

 

[־●ـ‗غمــــوض ــالــورد_ـ●־]

الحمــــــــــــــد لله كي خرجت سلامات..
والله مع الول كنت نقرا فليستوار وقلبي يتقطع على حالة الطفلة مسكيــــــــنة..
وش راه صاري فيــــــــها تخلص من حاجة تلقى حاجة اصعب منها ...وش صبرت لمسكينة..
للعبر لي عرفتهم من هدي لحكاية انوا:
لي يصبر ويحط ربي بين عينيه ماراحش يضيع..
ومول النية الصافيـــــــــــة مهما كانت ظروفوا قاسيــــــة راح يجي يوم وتفرج عليـــــــــه..
وللواحد لازم يدير في بالوا لي كتبهولوا ربي مالول راح يكون ليه..
يعني مالزمش لواحد يضمن في حاجة ويقول صايي هادي راح تكون كيما هك،
باسكوا غير ربي لي يعرف وش راح يكون مبعـــــــــد...
ولي ناوي يخبي حوايج ويخدع خوه راح يجي يكوم ويكشفوا ربي على حقيقتوا كيما دار مع خطيبها التاني...
والله فرحتلها بزاف ربي يكمللها انشاءالله ويهنيــــها ويعوضلها لي خسراتوا وتعدبت فيه كامل..
مي لبروبلام لي يبقى ديما انوا كايــــــــن والدين خرين يضيعوا حياة ولادهـــــــم...
بلا مايعرفوا les resultas مبعد زيماه راح تكون لي يجي الول يخطب يمدولوا بلا مايشوفوا راي الطفلة...
مي انا اب هاد الطفلة نحطوا في cas speciale ...
باسكوا من ناحية غلط كي تسرع بلا مايعرف حوايج على خطيب بنتوا التاني،
ومن ناحيــــــــة تانية بالاك كان خايف على بنتوا مش راح يجيها خطيب واحد خلاف..
باسكوا المجتمع والناس ميرحموش يحوسوا غير يحكموا preuve صغيرة على واحداويبداو فلي سيناريوا تاعهم...
مي ملزمش واحد ييأس من رحمة ربي ويخلي نيتوا صافية وقلبوا ابيض راح يصيب مبعد لي يحوس عليــــه.....
مشكــــــــــــــورة اختـــــــــــــــي لعزيـــــــزة على الموضوع

​

 

[بنت الـ25]

الحمد لله الي خرجت سلامات خفت تقولي مازالت تسنى
ربي يتمملها على خير ان شاء الله
الفايدة الصبر والنية المليحة يخرجوا على مولاهم
ولي خلق ما يضيع
عسى ان تكرهوا شيئا وهو خير لكم
لوكان رفضت الخطيب الثاني بلاك كان باباها زعف منها ولا تبرا حتى
مي كي قبلت ودارت بخاطرو بينتلو بلي السيد اصلا ما يستاهلهاش
صحيتِ مينو موضوعك باهي

:regards01:
​

اهلا نعنوعة
تصدقي قبيل تلاقيتها وجهها منور وفرحانة قاتلي رايحة نقضي
مزالو يخصوني حوايج
تحسي قلبك يشطح لداخل
سبحان الله الكريم:-r
منورة حبيبتي :regards01:
​

القصة معبرة وحكيتتيها ما شاء الله بوركتـــــي
لي شد في ربي ما يضيعو ومول النية يغلب هادي هيا وربي يهنيها ان شاء الله

ان شاء الله ميوش
مشكورة على المداخلة :regards01:
​

الحمد لله لي فرج عليها ربي
مشات بنيتها وحبت الانسان الاول من قلبها وصبرت وعطاها مولانا
متحنها ونجحت في الامتحان
ان الله مع الصابرين صبرت ونالت
جزاك الله خيرا مينات على الموضوع
​

اهلا حدودة ،، منورة حبوبة
ايه والله يقلك ان الله اذا احب عبدا ابتلاه
وهي نجحت فالاختبار:up:
ربي يهنيها
​

شكرا لك مينات على هذه الافتتاحية المعبقة بالمسك والعبر اتمنى من كل قلبي ان ترقى الى المطلوب .
لنعد الى القصة ، هذه القصة تحصل في كثير من المرات والعبر المستنتجة هي :
1- لا تقنط من رحمة الله : وهادي خاصة بهذاك الشاب لي عمل حادث وبطل خطيبتو على جال حاجة ربي كتبهالو .
2- الصابر ينال : هادي خاصة بالبنت على صبرها وتحملها ، وعلى رضاها بما كتب الله ووقوفها عند رغبة خطيبها الاول ، لي بينتلوا بلي قابلة تتقاسم معاه المليح والدوني .
3- امشي بالنية اذا ماربحت تسلك على خير: وهادي ثاني للبنت ، ربي جازاها على حساب قلبها وسلكها من انسان كانت راح تدمر حياتها معاه .
4- حبل الكذب قصير : هادي للخطيب الثاني لي خدعها ، وماقالهاش بلي مريض في عقلوا ، وعايلتو لي تقذف في بنات الناس الحمد لله ربي نجاها .
5- العروسة ركبت والله اعلم لمن كتبت : هادي للبنات باش ميغلطوش ويقولو صايي ضمنا ، متضمنيش في حاجة بيد ربي سبحانو ودايما الانسان يمشي بطريقة لي ترضي ضميرو وتخلي ربي راضي عليه
النتيجة : لي مكتوب في الجبين لازم تشوفو العين .

شكرا مينات موفقة ان شاء الله .

الله الله على هاد المداخلة الرائعة
تحليل دقيق ونتيجة 10/10
ألف ألف شكر حبيبتي
ربي ما يحرمنا من تواجدك الروعة :regards01:
​

وعليكم السلآم
منوش البآرح قريت موضوعكـ والله غير شوكتني روحي
ومت بالسعآدة فالأخير كي قريت بلي رجعت لخطيبهآ الأول
الحمد لله كآتبين لبعضهم ، بركـ الدنيآ كي تلعب لعبتهآ
خطيبهآ الأول نيته من الاول صآفية وثالمون يحبلهآ الخير حبس معهآ
بوهآ من جهة غلط كي مد بنته ومن جهة اخرى مش غآلط بويسك خآف على بنته
تبقى في سعده على خآطرسبق وتخطبت والمجتمع تآعنآ مآيرحمش
وفي هآد النقطة فهمكـ كفآية
من لخر الوآحد الآ مكتبله ربي حآجة يطلع للسمآ ولآ يهبط هي هي
الي يمشي بنيته والله مآرده ربي يآخي انمآ الأعمآل بالنيآت
الي يصبر صح ينآل ، والحمد لله صبرو للزوج ونآلو
ميرسي منوش على الموضوع والحكآية
ومليحة كي دشنتيهآ انتي بآش نفهمو مليح كفآه يكون الطرح :d


​

وي ميسو وجهة نظر معقولة
الوالدين دوكا ولاو يشوفو البنت عالة ولاكان تاخر مكتوبها ديرلهم الغمة
وكي تشوفي من حقهم هاد الشي يقلك نتهنى عليها قبل ما تتغمض عيني
بصح انت كي تحب تتهنى عليها اوموا مع انسان مليح
مش ترميها رمية كلاب ومبعد ما تتهناش ططول حياتك ويبقى ذنبها في رقبتك
وهي تبقى حياتها الكل تلوم في باباها تقول هو سبابي؟
ربي يهدينا برك
مشكووورة الحووووووب على التفاعل
:regards01:
مزال ماطابش الخوخ ؟ :p
​

اكيد الصابر ديما ينال والي يدير ربي في قلبو ما يخليهش
وشيء ثاني هو انو لازم الاهل ديما يصقصو وركز في من جا يخطب وماشي الي يدق الباب نقولو عليه وي خاصة انو هناك فكرة الي تخطبت قبل يقلو طلابها وبالتالي الاهل يقبلو بأول واحد وللاسف ما تخسر غير الطفلة

أكيد ام امين
وراني قلت وفرغت قلبي فالمداخلة لفوق على ميسو
علاه ما يخلوهاش الرضا والرفض في يدها باش هكا تموت بيدها
خير من يجبروها وتبقى خطيتها تبعهم للممات؟
بيغ كواشون مارك ؟
​

لي كاتبة اذا محبيتش انا و لا هو نهار يحب ربي واحد ميبعدوا عليا...........و هاذا لي صرا معاها.....هي حباتوا صح و مالغري واش صرا بيه حابة تكون معاه-فكرتني بواحد الطفلة نعرفها-و كانة ماشية بنيتها و في اللخر ربي عطاها بعد صبرها......

آآ وي هديك هي
قل لن يصيبنا إلا ما كتب الله لنا
مشكورة سمسومة على التفاعل :regards01:
​

الحمــــــــــــــد لله كي خرجت سلامات..
والله مع الول كنت نقرا فليستوار وقلبي يتقطع على حالة الطفلة مسكيــــــــنة..
وش راه صاري فيــــــــها تخلص من حاجة تلقى حاجة اصعب منها ...وش صبرت لمسكينة..
للعبر لي عرفتهم من هدي لحكاية انوا:
لي يصبر ويحط ربي بين عينيه ماراحش يضيع..
ومول النية الصافيـــــــــــة مهما كانت ظروفوا قاسيــــــة راح يجي يوم وتفرج عليـــــــــه..
وللواحد لازم يدير في بالوا لي كتبهولوا ربي مالول راح يكون ليه..
يعني مالزمش لواحد يضمن في حاجة ويقول صايي هادي راح تكون كيما هك،
باسكوا غير ربي لي يعرف وش راح يكون مبعـــــــــد...
ولي ناوي يخبي حوايج ويخدع خوه راح يجي يكوم ويكشفوا ربي على حقيقتوا كيما دار مع خطيبها التاني...
والله فرحتلها بزاف ربي يكمللها انشاءالله ويهنيــــها ويعوضلها لي خسراتوا وتعدبت فيه كامل..
مي لبروبلام لي يبقى ديما انوا كايــــــــن والدين خرين يضيعوا حياة ولادهـــــــم...
بلا مايعرفوا les resultas مبعد زيماه راح تكون لي يجي الول يخطب يمدولوا بلا مايشوفوا راي الطفلة...
مي انا اب هاد الطفلة نحطوا في cas speciale ...
باسكوا من ناحية غلط كي تسرع بلا مايعرف حوايج على خطيب بنتوا التاني،
ومن ناحيــــــــة تانية بالاك كان خايف على بنتوا مش راح يجيها خطيب واحد خلاف..
باسكوا المجتمع والناس ميرحموش يحوسوا غير يحكموا preuve صغيرة على واحداويبداو فلي سيناريوا تاعهم...
مي ملزمش واحد ييأس من رحمة ربي ويخلي نيتوا صافية وقلبوا ابيض راح يصيب مبعد لي يحوس عليــــه.....
مشكــــــــــــــورة اختـــــــــــــــي لعزيـــــــزة على الموضوع

​

لطالما عجبتني ردودك اماني :up:
تعطيها حقها وتبردي القلب خخخخخخ:d
الدنيا صح مكاتيب مي ربي تاني عطانا عقل نخمو بيه وفم نسقسيو بيه:-r
وقلب نحسو بيه؟
وهنا انا لي بقاتلي حيرة باباها كيفاش هانت عليه كبدتو يمدها لراجل مهبول؟
وهي الزينة الرزينة الفحلة ؟ تقولشي مستغني
يقطعهم برك لوالدين لي زي هك

مشكوووورة حبوبة مروروك اسعدني

​

 

[iline nono]

القصة معبرة وحكيتتيها ما شاء الله بوركتـــــي
لي شد في ربي ما يضيعو ومول النية يغلب هادي هيا وربي يهنيها ان شاء الله

شكراا على الموضوع قصتك شاااابة ومعبرة

 

[همس الوُرود]

السلام عليكم ورحمة الله وبركاته
العبرة من القصة
الصبر مفتاح الفرج
كما أن الله تعالى أوصى بالصبر فمن صبر على محنته و همومه نال رضى الله تعالى وفاز فوزا عظيما
لقوله تعالى ( وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾
وربي يهنيها ان شاء الله
سلام :d
​

 

[NICHA03]

هادا او رب

ي سبحانو و الله ميحبش لعبدو لهلاك و زاد خرج فييهم
​