سلسلة عوايد وفوائد :ما تدير الامان في الناس و اذا درت الامان بات عساس

[همس الوُرود]

باسم الله الرحمان الرحيم
السلام عليكم ورحمة الله وبركاته


سمعت على سلسلة عوايد و فوايد
عجبني مضمونها
قلت نكتبلكم حكاية سمعتها
صرات لوحدة جارة خوالي

نتمنى تاخدو منها العبرة الي حابتكم توصلو ليها

كانت كاينة عايلة عايشة متكونة من أب أم و بنتهم صغيرة عمرها 4 سنين
مع رضيع صغير

عايلة مليحة ديك التربية وديك الأخلاق الي عندهم ما شاء الله
وكانت ساكنة وحدة جارتهم لاصقة حداهم
كانو صافيين مع بعضاهم
يبانو أفضل الجيران
كي تشوفهم مع بعضاهم تفرح بلي كاين ناس ما شاء الله
قريب عايشين مع بعضاهم وحد المحبة بيناتهم ما شاء الله
مي وحد المرة قالت الجارة لهاديك المرأة
علابالك كاين فالبلاصة الفلانية يبيعو وحد الماكلة صحية خاصة للأطفال تروووووع
جربتها لبنتي هايلة لاكان تدي بنتك تروح مع بنتي ويروحو يشريو معبعض
هاديك بنتها في عمرها 8 سنين يعني تعرف الطريق مي بنت المرأة الطيبة هاديك عمرها 4 سنين مازالها صغيرة
قالتلها ايه ماعليش ماداممفيدة وصحية كيما راكي تقولي يروحو
المهم بعتوهم راحو في 2 ومبعد شوي جات بنت الجارة الي كبيرة مي الطفلة الصغيرة ماكانش
خرجت المرأة الطيبة هاديك قالتلها وين راهي سميرة؟؟ (بنتها الصغيرة)
قالتلها الطفلة أو لقينا الحانوت مقفول ودوك شوي يحل خليتها تما تستنى مي أنا تسحقني ماما
مسكينة هاديك المرأة قريب صراتلها سكتة قلبية
مالقات كيفاه تدير ولبلاصة الي راحولها خالية مافيهاش بزاف الناس
والكارثة أنها القايلة( وقت الظهر) وهوما بعتوهم فالصباح
زوجها ماكانش فالدار مالقات كيفاه تدير تخلي بنها الرضيع وتروح تحوس على بنتها وين راهي ؟؟؟
خطفوها ؟؟ تساؤلات بزاف جاو في راسها .....؟؟
مي علابالكم بقلب الأم سييييير تروح تحوس على بنتها ماتخليهاش
راحت المرأة تحوس على بنتها
ماشافت والو
الدنيا خالية
الناس ماكانش
كانت خايفة على روحا وعلى الطفلة
ماشايفة والو
تصوروا الموقف هدا واعر بزااااااااف
أنا هي حكاتهالي والله صعيبة بزاف
وهي فهاداك الخوف قالتلي ونشوف القمر طل عليا
وصفت بنتها بالقمر :d
شافت بنتها جاية منينها هزتها وراحت فرحانة
من هاداك النهار بدلت لبلاصة الي ساكنة فيها
وجات وأصبحت جارة جدتي ربي يرحمها
ودات عبرة وهي ......
نخليكم تاخدو عبرة وحدكم وهادي راهي قصة حقيقية صح صرات لجارة خوالي

سلااااااااااام :regards01:





​

 

[بنت الـ25]

اهلا بالسلسبيلة :up:
هاي لالي لالي جارة خوالي هههههه
عمبالي دوك تقوليلي ناناك العمشة نعرفك هههههههه

تعرفي نقرا فالقصة وكي وصلت ليون رجعت بنت الجارة وسميرة وليت نرعش عينيا ولاو هك :scared01:
كاين شومن جيران مسمامين اسم الرحمان الرحيم وصدق اللي قال ما يجيك الشر غير من اقرب الناس
الحمدلله لي رجعتلها بنتها سلامات

العبرة اللي انا استخلصتها
انو المراة ما لازمش دير لامان في حتى واحد ولا وحدة سيرتو كي يتعلق الامر بولادها
صار شيماء مسكينة خطفوها من نص دارها وين يا في وقتنا هدا اللي تطلق بنتها فالقايلة مولات 4 سنين
مام يا سيدي ما خطفوهاش ولقاها كشما واحد ما شكيتش تعرف تقولو اسمها
واسم باباها وامها ووين تسكن مزالها صغيرة بزااااف

سترها ربي هاد لمرا سينو كون سمع راجلها يديرها gيرّا ويرمي عليها اليمين
وتطفر فيها وتبقالها غير ندامة وحسرة

عملت مليح كي نقلت من حداها ،، وش نكره الدباير بففففففف
الله لا تربحها هاد الجارة وربي يهدي الناس

​

 

[NICHA03]

يا اختي العبرة من هاد الحكاية مدير لامان في حتى واحد
​

 

[yac94]

السلام عليكم ورحمة الله وبركاته

شكرا لك سلسبيل على هدا الموضوع المميز ماشاء الله وبارك الله فيك

قصة مشوقة وممتعة ومعبرة كدلك :up:
قصة أم صدقت وأمنت في جارتها التي كانت تكن لها كرها داخل قلبها دون أن تظهره

تركت ابنتها مع ابنة الجارة وفي تخمينها أنها تركت ابنتها مع أختها
هناك أناس هكدا يثقون و يحبون من القلب

يشعرون بالحنان من طرف من كانت ودلك لصفاء قلوبهم

العبرة من القصة
لا يجب الوثوق في أي كان مهما كان طيبا

قصة جميلة

بارك الله فيك سلسبيل

سلام
​

 

[همس الوُرود]

أنا الي كاتبة بالموووووووووووووووووووووووووووووووووووووووووف :dحلي عينيك ملييييحمنيوثتي
​

اهلا بالسلسبيلة :up:
أهلا بالباشعة تاعنا هههههه :d
هاي لالي لالي جارة خوالي هههههه

عمبالي دوك تقوليلي ناناك العمشة نعرفك هههههههه
ههههههه أيا أكي فاهمتيني وحافظتيني لول وناناك العمشة :p

تعرفي نقرا فالقصة وكي وصلت ليون رجعت بنت الجارة وسميرة وليت نرعش عينيا ولاو هك :scared01:
هههههه ماتتخلعيش برك سميرة راهي سالمة والحمد لله ههه والله حتى أنا هي تحكيلي وأنا مخلوعة ويلا صح كاين ناس هاكا؟؟ سبحان الله
كاين شومن جيران مسمامين باسم الرحمان الرحيم وصدق اللي قال ما يجيك الشر غير من اقرب الناس
وي صح نانا هههه ماتدريش من عندمن تجيك الضربة
ربي يسترنا برك
الحمدلله لي رجعتلها بنتها سلامات
الحمد لله ربي يخليلها ولادها وولاد الناس وولاد الي جايين ان شاء الله

العبرة اللي انا استخلصتها
انو المراة ما لازمش دير لامان في حتى واحد ولا وحدة سيرتو كي يتعلق الامر بولادها

صار شيماء مسكينة خطفوها من نص دارها وين يا في وقتنا هدا اللي تطلق بنتها فالقايلة مولات 4 سنين
مام يا سيدي ما خطفوهاش ولقاها كشما واحد ما شكيتش تعرف تقولو اسمها
واسم باباها وامها ووين تسكن مزالها صغيرة بزااااف

صح أختي ربي يحفظنا كامل ان شاء الله من شر الناس

سترها ربي هاد لمرا سينو كون سمع راجلها يديرها gيرّا ويرمي عليها اليمين
وتطفر فيها وتبقالها غير ندامة وحسرة
هههههههههههههه ناناك أنتي تاني في هداك الوقت ماتكونش حتى هي كاينة فالدنيا قولي ربي يرحم كون بنتها ماتت

عملت مليح كي نقلت من حداها ،، وش نكره الدباير بففففففف
الله لا تربحها هاد الجارة وربي يهدي الناس


​

هههههههههههه وي صح أختي سيرثو كي جات تنقلت وولات جارة جدتي الله يرحمها أحممممم :p

سلام عجيوزتي وميرسي عليك:regards01:
​

 

[همس الوُرود]

يا اختي العبرة من هاد الحكاية مدير لامان في حتى واحد
​

صح أختي ماكانش لامان فهاد الزمان
ميرسي أختي على المرور:regards01:
​

 

[همس الوُرود]

السلام عليكم ورحمة الله وبركاته
وعليكم السلام ورحمة الله وبركاته:regards01:

شكرا لك سلسبيل على هدا الموضوع المميز ماشاء الله وبارك الله فيك

قصة مشوقة وممتعة ومعبرة كدلك :up:
العفو وفيك بارك الله:d
قصة أم صدقت وأمنت في جارتها التي كانت تكن لها كرها داخل قلبها دون أن تظهره

تركت ابنتها مع ابنة الجارة وفي تخمينها أنها تركت ابنتها مع أختها
هناك أناس هكدا يثقون و يحبون من القلب

يشعرون بالحنان من طرف من كانت ودلك لصفاء قلوبهم
صح مهما كنا نحب غيرنا ونثق فيهم فلا يجب علينا الثقة الكاملة بهم

العبرة من القصة
لا يجب الوثوق في أي كان مهما كان طيبا


قصة جميلة

بارك الله فيك سلسبيل

سلام
​

شكرا لك على المرور العطر وبارك الله فيك
سلام:up:
​

 

[serinee]

اهلا بك عزيزتي
يا خاه قصة تخوف خصوصا كي لحقت لهداك الجزء لي بنت الجيران رجعت و الطفلة قعدت وحدها و الام حارت واش دير
يا خاه لقدر الله كشما صراها
ربي سترها
اي دركا لحقنا الوقت مديرش لامان
الحمد لل كي ربي حفظلها اللقمر ديالها
و شكرا لكي على القصة الرائعة
​

 

[أمــ وليــد الجزائرية]

يايما على واش قريت

درك نقولك واش نهيا العبرة الي ستخلصتها

ياودي درك روحي ومزيدش ندير فيها لمان هذا واش راح نقولك

حمد الله كما صرالها والو لسميرة و جعت ليماها بخير وعلى خير

​

 

[همس الوُرود]

اهلا بك عزيزتي
سلام أختي سيرين نتمنى تكوني مليحة :-r
يا خاه قصة تخوف خصوصا كي لحقت لهداك الجزء لي بنت الجيران رجعت و الطفلة قعدت وحدها و الام حارت واش دير
يا خاه لقدر الله كشما صراها
ربي سترها
وي الحمد لله وهدا شي لازم نتعلمو منو مانمنو في حتى حد
مهما يبان طيب ربي يستر برك
اي دركا لحقنا الوقت مديرش لامان
الحمد لل كي ربي حفظلها اللقمر ديالها
و شكرا لكي على القصة الرائعة
​

وي الحمد لله وهدا شي لازم نتعلمو منو مانمنو في حتى حد
ربي يسترنا من ناس كيما هاك
الشكر كلو ليك أختي القصة بهات بوجودك :up::regards01:
​

 

[همس الوُرود]

يايما على واش قريت

درك نقولك واش نهيا العبرة الي ستخلصتها

ياودي درك روحي ومزيدش ندير فيها لمان هذا واش راح نقولك

حمد الله كما صرالها والو لسميرة و جعت ليماها بخير وعلى خير

​

سلام أختي ميلينا نتمنى تكوني مليحة
​

كوني محافظة على روحك أختي وربي يستر
الحمد لله
ميرسي أختي على الرد الزوين و العبرة الهايلة ربي يحفظك ان شاء الله:up:
​