من امتيازات تاء التأنيث :D (للضحك فقط)

[hannsg]

السلام عليكم و رحمة الله تعالى و بركاته

​

حبيت نطرح وحد الموضوع للنقاش لكن في قالب فكاهي شوي هههههههه:-h

طبعا القوانين في الجزائر كل يوم يخرج قانون جديد تعليمة جديدة حتى ولينا ما فاهمين والو قادر ترقد تنوض

تلقى تعليمة جديدة تقولك بلي ممنوع تفطر بالقهوة و يلزم تفطر ب...مممم الشخشوخة هههههههه


المهم اليوم قريت على تعليمة قالك خرجوها جديدة ...مي تااااااااااع الصح بيزااااااااااار:s:s

قالك تعليمة تفيد بعدم توقيف النساء في الحواجز :down:

طبعا انا قلت بلاك النساء جاو من كوكب آخر...او يمكن ملايكة على الارض و حنا شياطين كيما غنا عليهم خوليو هههههه :yahoo01:

مــــــــــــــــــــي ...كي كملت قريت المقال لقيت احصائيات الجريمة وسط الجنس اللطيف و اكتشفت بلي

كي النسا تقريبا كي الرجال في معدل الجريمة :-o

ايا و مالا على اي اساس المرأة مستثنات من الباراجات مثلا (ياك الباراج ماشي محسوب مع الخدمة العسكرية :dunno010 ههههههه المهم قالك بلي النسا اشتكو من توقيف رجال الشرطة ليهم في الطريق :love01:

هههههه ايماجيني لوكان راجل يشتكي من كثرة توقيفه في الباراجات (اصحاب القلوب الرهيفة و الحساسة يرجى منهم عدم تخيل ماذا سيحصل للرجل اذا اشتكى من هذا الامر هههههه)

مي انا كي كنت صغير قراوني ان القانون فوق الجميع و ان الجميع يجب ان يحترم الأمن كبيرا صغيرا رجلا امرأة
فعلى اي اساس اجريت هذه التعليمة يا ترى فان كانت المرأة حصلت على المساواة مع الرجل في حق السياقة فلا بد ان تخضع معه ايضا لواجب التوقف عند الحواجز الامنية و ليس ان تستثنى !! :s

انا في رايي يستثنوهم من السجن ايضا و يتم ارسال كل من ترتكب جريمة رحلة مجانية الى تركية او بلاك يرسلوهم للعمرة يغسلو عضامهم

مصداقا للمثلي الشعبي الذي يقول "الحبس للرجال" :up: هههههههههه

ايا في الخلاصة اكتشفت ان الجزائر تعطي دروس للعالم في حقوق المرأة ما تطيرهالها لا سويسرا ولا اي بلد اخر
لان تاء التانيث عندنا قريب تصبح كجواز السفر الدبلوماسي
:up:
و عليه واش رايكم لو اننا نساندو الجمعيات النسوية لي راهي نهار ليل تطالب بالمساواة (مساكن ما يعرفوش صلاحهم) ههههه باسكو في لالجيري قريب الرجل يطالب بالمساواة مع المرأة :d

:surrender01::surrender01::surrender01::surrender01::surrender01::surrender01::surrender01::surrender01::surrender01::surrender01::surrender01::surrender01::surrender01::surrender01::surrender01::surrender01::surrender01:

هههههههه ان شاء الله الموضوع كان خفيف ظريف و لحق الميساج و لبنات ما يزعفوش من الموضوع و كلشي قصرة و ضحكة و فايدة ان شاء الله
و في النهاية نختم كيما بديت ســــــــــــــــــــــــــــــلامــــــــــــــــــــــ :regards01:

 

[حفيد هواري بومدين]

قريت التعليمة صباح تشوكيت يعني المرا تقدر توفت المخدرات عادي منا ورايح
هاي ماشية بلادنا وتفزد ربي يستر
وافقت على الموضوع

 

[محمد إبن الصحراء]

معناه التطور السريع والمدهش والغريب والعجيب ووووو لحقوق المرأة

غدا نسمع بتعليمة " ممنوع الطلاق "

من علامات الساعة " 50 أمرأة لكل رجل

سلالالالالالالالالالالالالالالالالالالالام

 

[־●ـ‗غمــــوض ــالــورد_ـ●־]

يااااااااااااااي حاجة تفرح بزاااااااف احم هههههههههههههههه
مرسي خويا عالموضوع فرحتني ههههههه
اوموا نعودوا نخدموا شوي على رواحنا كش مانفوتوا معانا وميحبسوناش فلباراج ههههه
انا من دوك نفكر نخدم ليزافار قبل مايشونجيو هاد التعليمة وتروح عليا ههههه
ياااااااااااه شحال عندي وانا نفكر فيها ومصلحتليش دوكا تصلحلي انشاءالله
الظاهرة حسوا بيا وداروا هاد التعليمة لباهية هههههههه
نقصر برك ههههههههه مشني عارفة وش راح نقول يديروا في وحد لقوانين لا علاقة بحاجة
ليشوز لي نورمالموا يتبدلوا ولازمين ميديروهمش مشني عارفة وين رانا لاحقين بهاد التخمام
ربي يستر برك لا منعرف وش يديروا تاني والله رايحين يفسدوا لبلاد راها ماشية وتضيع ...
--
خلينا نخمموا شوي فالسيجي هدا ونرجعوا نعلقوا عليه صعيب بزاااف ومليح شوية لينا ههههههه
​

 

[قناص الغرام]

هههههههههههههههههههههههه
هاذي لخرى
مالا من اليوم الي تفوت عليا نحبسها مكرة برك
​

 

[lee yong]

ههههههه القانون فوق الجميع عدا النساء
يسمى راهي حاااااكمة ههههههه :d
راني نقصر معاكم واش نديروا هذو هوما ناس اخر زمن والدنيا راهي غير تزيد تفسد
وخرجنا من الضمانة :-o
ربي يستر هذا ما نقولوا
وشكرا على الموضوع

 

[benabid sifeddin]

موضوع شباب خويا
كيما قال السي القذافي :
يحق للمرأة أن تترشح للإنتخابات سواءا كانت ذكرا ام أنثى​

 

[FATIMA 19]

هههههههههههه والله تعليمتهم تحير
مايوقفوش النسا في الباراج
حتى النسا ضكا عادو يشاركو في عمليات اجرامية كبيرة
وهوما كيفهم كي الرجالة
واش زايد عليهم

 

[nanoche]

ههههههههه راحت عليكم يا رجال بلحمر وما يفريهاش
راها قريب ترجع العصمة في يد المرا و يقولولك يمنع منعا باتا أن يتزوج الرجل بالمرأة بل على العكس المرأة هي من تتزوج الرجل
ههههههههههههه
وي وي وي شحال حالة ههههههههههه
والله لا ضحكتني كيما يقولو هم يضحك و هم يبكي (شر البلية ما يضحك) ....مازال ما قريتش التعليمة هادي مي سانساغمون بلادنا ربي يجيب
أصلا أنا ضد قانون الأسرة الجديد و هاو ليك زادو كملو علينا بهادي
c malheureux البكاء قليل في حقك يا بلادي

يخصني نندب عليك
​

 

[أم راضية ~_]

السلام عليكم
هبال والله .. وجياحة هادي
دوك منا و جاي نسمعو بجمع مؤنث السالم كون عصابة مخدرات و قولو يلديز قالت
وكيما قال الجمعي : ' القانون فوق الجميع والجميع تحت القانون'
وعلاش حاطين النسا إناث فالسوGة ؟؟؟!!!! راهم يسوgو كي الرجال واكثر خشونية منهم تانيت
لدرجة وين الواحد ادا شاف مرا تسوG ما يقطعش قدامها !! :d :p
انا ضد لعب الدراري هادا
و راني مع الي يغلط يخلص مرا ولا راجل
موضوع مليح بزاااف :regards01:​

 

[serinee]

اووووووووووووووه حطا
يا سلام
شوفو لي جون لي حب يهرب كاش حاجة راني هنا مش مشكل
اي راهم حابين يكسبونا نحن النساء
و انا شخصيا اندد من اجل تغيير هدا القانون هده حقرة لنا و اجحاف في حقنا
حتى كنا سواسية و اليوم ابحنا مفظلين
بركت اخي على الموضوع
​

 

[siliasarah]

hhhhhhhhhh

 

[EL General]

تطور ملحوظ عندنآ آلله يبآرك :d
​

 

[بنت الـ25]

سلام عليكم
عجبتني هادي
(ناس تبدا مالفوق وانا نبدا ملتحت بيان سيغ مدام كلشي مقلب في بلادنا):p

ان شاء الله الموضوع كان خفيف ظريف و لحق الميساج و لبنات ما يزعفوش من الموضوع

كي خليتها وليت تكاموفلي
هههههههههههههههههههههههههه

بون موضوع مليح في قالب املح يعطيك الصحة نضيفوه لقائمة المواضيع المميزة
قائمة المواضيع المميزة لمنتدى واش راك تهدر

ياو جات في هاد التعليمة وحبست
المرأة عطاوها حقوق كتر من اللي قال عليها ربي ومزالو
البراكة في عمي بوتفليقة ربي يشفيه

ودرتلك pتيت غوشاغش في google تفضل شلل عينيك خخخخخخخ

كيما قالولك قبلي يا ربي نبروفيتيو قبل ما يتراجعو على التعليمة خخخخخخخ
​

 

[شجـ الروح ـون]

السلام عليكم ورحمة الله وبركاته
والله آفار سبحانك الهى انا مسلطين عني الجدارمية وين نفوت على براج لازم يضيفوني عندهم شوية
لاشتيت راكبة فالبيس يجيني الشاف معين تقول يستناو فيا يقولي معليش آنسة تتفضلي شوية معانا
خخخخ نحس روحي زعيمة عصابة
خلي نتفكو منهم شوي هههه
أكيد كلامي هذا كان على سبيل المزاح لا أكثر
في وقتنا هذا الخوف من المرأة أكثر من الراجل
وكوارث القيادة بالطبيعة تتسبب فيهم المرأة أكثر
أنا ماش راح نقول ربي يهديهم أصحاب القرار
باسكو أم عارفين واش أم يديروا
والقرار هذا مؤقت ومفصل على مقاس كاش بارون
يقضي بيه شغالات ويوزع ويلم واش راه حاب
وبعدوقت يتراجعو عليه وقولو فلانة قالت
ربي يعافينا برك من واش راه جاي
ربي يستر
يعطي الصحة خيي عالموضوع الباهي​

 

[أم راضية ~_]

السلام عليكم ورحمة الله وبركاته
والله آفار سبحانك الهى انا مسلطين عني الجدارمية وين نفوت على براج لازم يضيفوني عندهم شوية
لاشتيت راكبة فالبيس يجيني الشاف معين تقول يستناو فيا يقولي معليش آنسة تتفضلي شوية معانا
خخخخ نحس روحي زعيمة عصابة
خلي نتفكو منهم شوي هههه
أكيد كلامي هذا كان على سبيل المزاح لا أكثر
في وقتنا هذا الخوف من المرأة أكثر من الراجل
وكوارث القيادة بالطبيعة تتسبب فيهم المرأة أكثر
أنا ماش راح نقول ربي يهديهم أصحاب القرار
باسكو أم عارفين واش أم يديروا
والقرار هذا مؤقت ومفصل على مقاس كاش بارون
يقضي بيه شغالات ويوزع ويلم واش راه حاب
وبعدوقت يتراجعو عليه وقولو فلانة قالت
ربي يعافينا برك من واش راه جاي
ربي يستر
يعطي الصحة خيي عالموضوع الباهي​

تبا لهم وجه كيما وجهك يشكو فيه ؟؟؟؟
هادو خاطيهم مع كل احتراماتي للباراجات تاع هادوك الجوايه :-r​

 

[ђĩหđǿĉħǻ]

هههههههههههه و الله عجب....
رااني نشوووف و نستنتج انو قرييب تولي المراة هي ترووح تخطب الرااجل
اصلا رانا فيها بنت ترووح عند و ولد و......
المهم و الله مووضوعك شباب خوويا ضحكني....
الله يجيب الخير برك
​

 

[شجـ الروح ـون]

تبا لهم وجه كيما وجهك يشكو فيه ؟؟؟؟
هادو خاطيهم مع كل احتراماتي للباراجات تاع هادوك الجوايه :-r​

والله يا سوسو غير توحدي ربي
حتى الصاك يقولي حليه والتيليفون يفيريفييه
جاب ربي مانحطش صور خاصة فيه
تبانلي أو وجهي وجه مشبوه غير انت ماشفتيهش مليح ههه
سالي عالنية يا سوسو طفي الضو برك خلينا نسكتو لا يرفدونا الليلة ههه​

 

[cripo]

ههههههههه
حمدلله ماعنديش برمي ولا راني طحت كريييييييز دوركك
عيش تسمع في جزائر العزة والكرامة

​

 

[مايا الجزائرية]

ههههههه ربي يشافي ويعافي ما لقيت شا نقول ههه
عجبني موضوعك مالقري تو