لوين رايحين ياااا بلااادنا؟؟؟

[nanoche]

واش راكم يا حبابي ويا ربي تكونو بخير
عندي بزاف راني حابة نحكي معاكم في واحد الموضوع اللي راهو قايسني مي شحال من مرة نبداه و ما نكملوش وبقيت نضارب مع روحي

مي اليوم راني تشجعت باش نحكيهولكم و نتمنى نسمع فيه رايكم

الحكاية هادي صرات من حوالي شهرين وين كانت امراة حامل و جايبينها للمستشفى لما وصلو قالولهم الطبيب راهو غايب اديوها لمستشفى اخر اللي فيه gynécologue خرجو على أمان ربي باش يروحو لمستشفى آخر على الواحدة ديال الصباح في سيارة أجرة
ما لحقوش بعيد على المستشفى و يجي واحد خابط ماشي عارف راسه من رجليه ....عافس على لاvيتاس 180 ويدخل فيهم وكانوا معاه 3 اصحابه

توفاة المرا اللي كانت حامل و عجوزتها اللي كانت ترافقها و السائق و سلك زوجها بصح مبتور الساق يعني معوق مدى الحياة اما الاخرين ما صرالهم حتى شي

وقبل ما توصل الشرطة رماو زجاجات الخمر (حاشاكم) من السيارة
عملت الشرطة التحقيق ديالها وخذاو هادوك الجماعة باش يديرو التحليل على الدم باش يعرفو نسبة الكحول فيه
وتخيلو معاي أنا لما قريت محضر التحقيق و الله بكيت

الدم تبدل قبل ما يروح للمخبر .... علاش؟؟؟ لان اخت الجاني تخدم تماك
وفي تقرير الشرطة ماكانش ولو مجرد اشارة الى ان السيارة كان فيها خمر
واخر حاجة .... بعد ما ازهق 4 أرواح (الأم و الجنين. الحماة و السائق) و الاعاقة للزوج تحكم عليه المحكمة بـ 5 سنوات حبس وكي كسرو الشرع خلاوله 3 سنين و تعويض قدره 500 مليون لعائلة الضحايا

في ميزكم هاذا هو ثمن الأرواح اللي راحت؟؟؟

لأن الجاني وليد مرفه و المجني عليهم فقراء ومساكين؟؟؟ هل 500 مليون تعوض هاذاك الزوج في أمه و زوجتة و ابنه اللي راح قبل ما يشوفه؟؟؟؟ او تعوض دم السائق اللي خلى 5 ابناء و زوجة ما عندهم غير ربي سبحانه؟؟؟؟

قولولي الغلطة ديال من؟؟؟ ديال الممرضات اللي ما حكموش المريضة و طردوها من المستشفى ؟؟؟ ام غلطة اللي كان يسوق؟؟؟ ام البلاد اللي رانا فيها و نظامها الفاسد اللي رجع....

هوما ربي يرحمهم و يطيب مثواهم (تتعدد الأسباب و الموت واحد) مي قولولي واللي تسبب في موتهم يا درا كيفاش رايح يعيش مع عذاب الضمير
اسمحولي اذا وجعتلكم قلوبكم بهاذ الحكاية بصح نقول صح بقاي على خير يا بلادنا و عيني تبكي عليك ليل مع نهار

​

 

[حفيد هواري بومدين]

وجعتيلي قلبي بالحكاية .. ربي يرحمهم ان شاء الله ... ويا قاتل الروح وين تروح؟؟؟
وافقت على الموضوع

 

[ماكانش]

وحتى 3 سنين وراح يفوتو عام ونص برك ويجي عمي بوتفليقة يطلقهم ف 5 جويلية
الدولة المتخلفة تعرفيها فالمواصلات والعدالة تاعها
بزاف قصص كيما هاذ
ي
جارنا باباه مرفه كيما قلتي قتل واحد بالطوموبيل كان يمشي 140 فالليل وسط المدينة
حكم عامين حبس وراهو درك يدور نورمال
​

 

[منايا الجنة]

قدر الله ما شاء فعل اختي ربي كتب يموتوا هادوك ال4 في هديك الحالة على كل حال ما تقدري تلومي حتى واحد كلشي بالمكتوب و ربي يرحمهم ويعطي الصبر لماليهم

 

[خديجة 19]

انا نقول بلي عندك الحق في اننو الحكم غير عادل ولكن هل احنا اذا كنا في الحكم رايحيين نكونوا عادلين؟ وهل احنا عادلين مع ارواحنا ولا مع ولادنا حتا نطالبو بالعدل يقوم؟ أنا نقول أقم العدل العدل في أسترتك يقم في دولتك ولا يغير الله ما بقوم حتى يغيروا مابأنفسهم

 

[nanoche]

وحتى 3 سنين وراح يفوتو عام ونص برك ويجي عمي بوتفليقة يطلقهم ف 5 جويلية
الدولة المتخلفة تعرفيها فالمواصلات والعدالة تاعها
بزاف قصص كيما هاذ
ي
جارنا باباه مرفه كيما قلتي قتل واحد بالطوموبيل كان يمشي 140 فالليل وسط المدينة
حكم عامين حبس وراهو درك يدور نورمال
​

اي وي راك تشوف يا خويا مي برك قلي وين بيها ؟؟؟
في ميزك هادي هي عقوبة واحد قتل اربع اشخاص في ضربة وزايد سكران؟؟؟
ربي يجيب ساعة خير
​

 

[nanoche]

قدر الله ما شاء فعل اختي ربي كتب يموتوا هادوك ال4 في هديك الحالة على كل حال ما تقدري تلومي حتى واحد كلشي بالمكتوب و ربي يرحمهم ويعطي الصبر لماليهم

على بالي بليك ربي كتبلهم يتوفاو على هاديك الحالة و انا ما راني نلوم في حتى واحد
الحكاية هادي كانت خانقتني و حبيت نفضفض وعلى بالي لوكان انقلبت الآية و كان الجاني هو الفقير و الضحية هو المرفه راني متأكدة كان الوضع مختلف
وكاينة تاني حاجة السبيطار عاد بالوجوه و المعرفة اللي تعرف الشاف سارvيس او حتى لافام دو ميناج واحد ما يخرجها من السبيطار بعد منتصف الليل واللي ما تعرفش يبعتوها حتى برا المدينة اللي تسكن فيها
شكرا على المرور اختي
​

 

[مسيلية فوور]

لاحول ولا قوة الا بالله
والله قصة جد مؤثرة تقشعر لها الابدان
انتشر الفساد فلم يسلك منه احد لاالصغير ولا الكبير
ارواح ضاعت وعائلات تشتت بسبب دناءة القانون
اسال الله ان يرحمهم ويلهم ذويهم الصبر والسلوان
​

 

[nanoche]

انا نقول بلي عندك الحق في اننو الحكم غير عادل ولكن هل احنا اذا كنا في الحكم رايحيين نكونوا عادلين؟ وهل احنا عادلين مع ارواحنا ولا مع ولادنا حتا نطالبو بالعدل يقوم؟ أنا نقول أقم العدل العدل في أسترتك يقم في دولتك ولا يغير الله ما بقوم حتى يغيروا مابأنفسهم

يا اختي موضوعي بعيد على واش راكي تحكي وانا ما راني لا قاضي و لا جوج و لا نتمنى نكون
و اذا كان كل الناس يخمو كيما مفهومك انتي علاش نبنيو المحاكم و ندَرسوا الغاشي في الجامعات
ايمالا نفتحو الباب للمجرمين و نقولو احنا ماشي عادلين ايمالا خليها تروح للواد
​

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .
و ياااا ليتني نقدر نغير هاذ المنكر مي الله غالب العين بصيرة و اليد قصيرة و الحمد لله على الأقل أنا عبرت عن نفسي و قلت بليك حرام واش راهو يصير في الزوالي في ايامنا هادي
ولو انني ماشي موافقاتك في الرأي و لكن شكرا على المرور

 

[nanoche]

لاحول ولا قوة الا بالله
والله قصة جد مؤثرة تقشعر لها الابدان
انتشر الفساد فلم يسلك منه احد لاالصغير ولا الكبير
ارواح ضاعت وعائلات تشتت بسبب دناءة القانون
اسال الله ان يرحمهم ويلهم ذويهم الصبر والسلوان
​

اللهم امين
شكرا حبيبتي على المرور
راني متأكدة بليك كاين بزاف حوادث صرات من هاذ القبيل و راحت فيها أرواح كثيرة
مي لوكان القانون كان صارم و يطبق على الجميع راني متأكدة راح تتحسن الأوضاع
​

 

[أمــ وليــد الجزائرية]

واش راكم يا حبابي ويا ربي تكونو بخير
كيفاه راح نكونو بخير بعد محكيتلنا هذي لحكاية

عندي بزاف راني حابة نحكي معاكم في واحد الموضوع اللي راهو قايسني مي شحال من مرة نبداه و ما نكملوش وبقيت نضارب مع روحي

مي اليوم راني تشجعت باش نحكيهولكم و نتمنى نسمع فيه رايكم

ان شاء الله نقدرو نوصلولك راينا
الحكاية هادي صرات من حوالي شهرين وين كانت امراة حامل و جايبينها للمستشفى لما وصلو قالولهم الطبيب راهو غايب اديوها لمستشفى اخر اللي فيه gynécologue خرجو على أمان ربي باش يروحو لمستشفى آخر على الواحدة ديال الصباح في سيارة أجرة
ما لحقوش بعيد على المستشفى و يجي واحد خابط ماشي عارف راسه من رجليه ....عافس على لاvيتاس 180 ويدخل فيهم وكانوا معاه 3 اصحابه

توفاة المرا اللي كانت حامل و عجوزتها اللي كانت ترافقها و السائق و سلك زوجها بصح مبتور الساق يعني معوق مدى الحياة اما الاخرين ما صرالهم حتى شي

يا الله ربي يرحمهم و يصبر اهلهم
وقبل ما توصل الشرطة رماو زجاجات الخمر (حاشاكم) من السيارة
عملت الشرطة التحقيق ديالها وخذاو هادوك الجماعة باش يديرو التحليل على الدم باش يعرفو نسبة الكحول فيه

وتخيلو معاي أنا لما قريت محضر التحقيق و الله بكيت

ربي يهدي ماخلق
الدم تبدل قبل ما يروح للمخبر .... علاش؟؟؟ لان اخت الجاني تخدم تماك
وفي تقرير الشرطة ماكانش ولو مجرد اشارة الى ان السيارة كان فيها خمر
واخر حاجة .... بعد ما ازهق 4 أرواح (الأم و الجنين. الحماة و السائق) و الاعاقة للزوج تحكم عليه المحكمة بـ 5 سنوات حبس وكي كسرو الشرع خلاوله 3 سنين و تعويض قدره 500 مليون لعائلة الضحايا

سبحان الله
بلادنا فسدت و مش راح ترجع
نهار جبنا الاستقلال من هذاك نهار خصرنا بلادنا
في ميزكم هاذا هو ثمن الأرواح اللي راحت؟؟؟

و حنا مناش نستناو ثمن من العبد
مزية كي كاين ربي

لأن الجاني وليد مرفه و المجني عليهم فقراء ومساكين؟؟؟
باه الواحد يدير دراهمو في حاجة تنفع
ولاو يرموها في لحرام
ومش هذا برك حتى باه يدافعو على رواحهم واش من قلب الي عندهم ياربي
هل 500 مليون تعوض هاذاك الزوج في أمه و زوجتة و ابنه اللي راح قبل ما يشوفه؟؟؟؟
او تعوض دم السائق اللي خلى 5 ابناء و زوجة ما عندهم غير ربي سبحانه؟؟؟؟

متزيديش تبكيني كثر من هك والله بزاااااف
:cray02::cray02::cray02::cray02::cray02:

قولولي الغلطة ديال من؟؟؟
حتى نقولولك
مكانش حاجة مخبية
كلش راح واضح و باين
ديال الممرضات اللي ما حكموش المريضة و طردوها من المستشفى ؟؟؟
ام غلطة اللي كان يسوق؟؟؟ ام البلاد اللي رانا فيها و نظامها الفاسد اللي رجع....

ركزيلي على الاخيرة هذي
ايه النظام الي رانا فيه
و لبلاد الي مبقلهاش
ربي يستر و خلاص
هوما ربي يرحمهم و يطيب مثواهم (تتعدد الأسباب و الموت واحد) مي قولولي واللي تسبب في موتهم يا درا كيفاش رايح يعيش مع عذاب الضمير
ربي يرحمهم و ان شاء الله هذاك المزيود الي مجاش لدنيا رااح يديهم للجنة كامل
و ربي يجيب حقهم اجلا او عاجلا
اسمحولي اذا وجعتلكم قلوبكم بهاذ الحكاية بصح نقول صح بقاي على خير يا بلادنا و عيني تبكي عليك ليل مع نهار

كتينا
ايه وجعتلنا قلبنا بصح رانا عنا باه نكونو معاك و كي شركتينا و فرغتلنا قلبك معندنا غير نسمعولك ونشاركوك بلي حسيتيه انتي ثاني
​

و في الاخير نقول مدام بلادنا مزالها في حالها

راح نشوفو كثر و كثر

الواحد يتكل على ربي و يتمنى انو ميكونش في يوم من الايام ضحية لهذا الغدر

يعطيك الصحة اختي على الموضوع
​

 

[nanoche]

و في الاخير نقول مدام بلادنا مزالها في حالها

راح نشوفو كثر و كثر

الواحد يتكل على ربي و يتمنى انو ميكونش في يوم من الايام ضحية لهذا الغدر

يعطيك الصحة اختي على الموضوع
​

شكرا غاليتي اولا على الرد و ثانيا على التقييم
كان بزاف صعيب عليا باش نتفكر هاذاك الحادث و نكتب عليه
خصوصا اني شفتهم في المستشفى و زدت حضرت الجنازة ديالهم
وما حبيتش نزيد نوجعكم ونحكي عليهم كي كانو مخرجين المحامل بين اربعة لأن سائق الأجرة جار ليهم و كيفاش كانت حالة زوجته و اولاده والحالة المزرية اللي عايشين فيها و خلاهم 0 دينار في البيت
ربي يرحمهم والله كي نتفكر لحمي يشوك و تجي الدمعة وحدها
شكرا مرة اخرى على المرور
​

 

[بنت الـ25]

حكاية توجع القلب صح ننوش
ايييييييه يا قاتل الروح وين تروح
وجميع واحد ولا وحدة كان عندهم دخل في موت هاد العايلة والسائق
رايحين يديو جزاءهم في الدنيا ومبعد لاخرة
وكل اللي ذكرتيهم ليهم يد في هاد الجريمة
الممرضات اللي ما حبوش يحكموها من جهة
واللي عملو الحادث واخت السيد لي بدلت الدم من جيهة
كلهم دم العايلة في رقبتهم ليوم الدين
هادي هي بلادنا مبنية على الطرافيك والقوي ياكل الضعيف

موضوع يستحق الختم
​

 

[nanoche]

(هادي هي بلادنا مبنية على الطرافيك والقوي ياكل الضعيف)

الله يرحم هاداك الفم يا الحبيبة
وين بيها ووين رايحين علاش الغني الكل يرقص معاه و الزاوالي في كل شي مطفرة فيه
لوقتاش هاذ الحقرة وهاد الظلم؟؟؟
كاين واحد المواقف راني نشوفهم نبقى حايرة فيهم تقولشي ماراناش في بلاد مسلمين
شكرا على الختم حبيبتي ربي يخليك وان شاء الله ربي يصلح أحوال هاد البلاد
​

 

[ام اسحاق]

ننوشة يا ننوشة ...توحشتك جيت نبدل عندك الجو ....:p

بصح و الله غميتيني ...ربي يرحمهم كامل الي ذاق مرارة الموت لواحد برك يحس بيهم فما بالك
هادو كامل ان شاء اله رام كامل في الجنة ....

بصح يا الحبيبة يالي نحب رايك بالزاف و تعرفيني ما نحكمش فمي و فمي ديمة يجيبلي البلا ......
بصح نظن راكي فاهمة و راح تفهميني
صح ماشي بلاد خاطر احنا ماشي عباد حاشى الي ما يستاهلهاش .......
الممرضة هاذيك كانت قادرة تتصل ودبر طبيبة نساء بدعوى انها الحالة مستعجلة
و ثاني الناس الي بدلو الدم هاذوك اكبر فاسدين و هوم المجرمين الثانيين بعد هاذوك السكارى الي ما يحشموش و ما رباوهمش ماليهم .......
المحكمة حبوبتي هي الاخرة الي تدان خاطر هي تتعامل بالملف الي امامها و الملف اكيد
محظر التحقيق تبدل و سير خرج السائق الي مات هو المخطىء
هنا شكون الفاسد ؟؟؟؟؟؟؟؟؟

تحياتي ليك يا ننوشة ذات القلب الرقيق ......
ما دامك تخدمي في السبيطار كبري قلبك
انا كنت غار في لابوراتوار و هربت ...ما قدرتش ..........:up:
​

 

[nanoche]

ننوشة يا ننوشة ...توحشتك جيت نبدل عندك الجو ....:p

بصح و الله غميتيني ...ربي يرحمهم كامل الي ذاق مرارة الموت لواحد برك يحس بيهم فما بالك
هادو كامل ان شاء اله رام كامل في الجنة ....

بصح يا الحبيبة يالي نحب رايك بالزاف و تعرفيني ما نحكمش فمي و فمي ديمة يجيبلي البلا ......
بصح نظن راكي فاهمة و راح تفهميني
صح ماشي بلاد خاطر احنا ماشي عباد حاشى الي ما يستاهلهاش .......
الممرضة هاذيك كانت قادرة تتصل ودبر طبيبة نساء بدعوى انها الحالة مستعجلة
و ثاني الناس الي بدلو الدم هاذوك اكبر فاسدين و هوم المجرمين الثانيين بعد هاذوك السكارى الي ما يحشموش و ما رباوهمش ماليهم .......
المحكمة حبوبتي هي الاخرة الي تدان خاطر هي تتعامل بالملف الي امامها و الملف اكيد
محظر التحقيق تبدل و سير خرج السائق الي مات هو المخطىء
هنا شكون الفاسد ؟؟؟؟؟؟؟؟؟

تحياتي ليك يا ننوشة ذات القلب الرقيق ......
ما دامك تخدمي في السبيطار كبري قلبك
انا كنت غار في لابوراتوار و هربت ...ما قدرتش ..........:up:
​

أهلاااااا بغاليتي أم اسحاق (اسمحيلي اذا غميتك) وأكيد من العنوان عمباتلك موضوع في البوليتيك جيتي تفرغي قلبك فيه لقيتيه خلاف هههههه المرة الجاية نحطلك موضوع منين تبداي تقراي و انتي تضحكي هههههههه
وكيما قلتي ماشي بلاد خاطرش احنا ماشي عباد البلاد هادي تراب و احنا البذور ديالها اذا كانت البذور صالحة أكيد الثمار تكون صالحة و العكس
ونجاوبك تاني يا الحبيبة على الممرضة هاديك ... ياو يحبو يرقدو ما يحبوش يوقفو على المرضى و اللي توفاة ماشي زيادتها اللولة باش يخافو منها خلات موراها 3 و هاذاك الحمل الــ 4 يعني بما انها قابلة تقدر تسلكها بلا ما يكون الطبيب حاضر و بعد الحادث قطعت روحها بالندامة مي فات الأوان و انا قريت المحضر و ندبت روحي .... وكيلهم ربي
ملاحظة حبيبتي أنا ما نخدمش في السبيطار و انما أنا رئيسة لجنة الصحة و النظافة و بحكم عملي نتواجد بزاف في السبيطارات أو كل الأماكن اللي فيها اطعام على جال المراقبة المستمرة تحيااتي القلبية ليك ولإسحاق ربي يخليهولك
​

 

[ام اسحاق]

أهلاااااا بغاليتي أم اسحاق (اسمحيلي اذا غميتك) وأكيد من العنوان عمباتلك موضوع في البوليتيك جيتي تفرغي قلبك فيه لقيتيه خلاف هههههه المرة الجاية نحطلك موضوع منين تبداي تقراي و انتي تضحكي هههههههه
وكيما قلتي ماشي بلاد خاطرش احنا ماشي عباد البلاد هادي تراب و احنا البذور ديالها اذا كانت البذور صالحة أكيد الثمار تكون صالحة و العكس
ونجاوبك تاني يا الحبيبة على الممرضة هاديك ... ياو يحبو يرقدو ما يحبوش يوقفو على المرضى و اللي توفاة ماشي زيادتها اللولة باش يخافو منها خلات موراها 3 و هاذاك الحمل الــ 4 يعني بما انها قابلة تقدر تسلكها بلا ما يكون الطبيب حاضر و بعد الحادث قطعت روحها بالندامة مي فات الأوان و انا قريت المحضر و ندبت روحي .... وكيلهم ربي
ملاحظة حبيبتي أنا ما نخدمش في السبيطار و انما أنا رئيسة لجنة الصحة و النظافة و بحكم عملي نتواجد بزاف في السبيطارات أو كل الأماكن اللي فيها اطعام على جال المراقبة المستمرة تحيااتي القلبية ليك ولإسحاق ربي يخليهولك
​

الحمد لله كي لقيت الي يفهمني ....ننوشتي بشبوشتي ....
الفحلة و الفاهمة .........
ربي ينورك و يقويلك قلبك وين تروحي السبطار و لا غيرو
الدعوة تغم بسلامتك pارتو ....

ربي يحفظك و يبارك فيك

:regards01:
​

 

[nanoche]

الحمد لله كي لقيت الي يفهمني ....ننوشتي بشبوشتي ....
الفحلة و الفاهمة .........
ربي ينورك و يقويلك قلبك وين تروحي السبطار و لا غيرو
الدعوة تغم بسلامتك pارتو ....

ربي يحفظك و يبارك فيك

:regards01:
​

ربي يخليك ياا حبيبتي
وكيما قلتي الدعوة راهي تغم وين تروحي و الحمد لله أخيرا لقيت وين نفرغ قلبي
ربي يقدرنا على نفوسنا وهاذا هو الصح

​

 

[SETIF étudiant]

السلام عليكم حرقتيلي قلبي والله ..... على كل حال ربي يرحمهم ويصبر ذويهم برك
بالمختصر المفيد شعار مسشتفياتنا ...... هو لم يؤت في الأربعاء مريض إلا دفناه في الخميس

سكران عافس على لاvيتاس 180 واش تستناي منو هادا تستناي غير لكوارث.... القاء نفس الى تهلكة زيد يلعب بروحو وبارواح الاخرين والله منكر بعينه
هرب من الحكم من هاد البلاد معليش يا درا كي يجيه عزرين الموت يقدر يهرب منو ولا لالا... اذا ما قدروش يحاسبوه هنا [FONT=&quot]فالحمد لله الذي جعل يوما اسمه يوم الحساب وحسابه اشد واكبر من حساب العبد[/FONT] وواعرة وصعيبة تاني تمشي باسم قاتل في وسط مجتمعك.... القاتل حتى يموت باش تموت معاه الذاكرة وتانيب ضمير

 

[nanoche]

السلام عليكم حرقتيلي قلبي والله ..... على كل حال ربي يرحمهم ويصبر ذويهم برك
بالمختصر المفيد شعار مسشتفياتنا ...... هو لم يؤت في الأربعاء مريض إلا دفناه في الخميس

سكران عافس على لاvيتاس 180 واش تستناي منو هادا تستناي غير لكوارث.... القاء نفس الى تهلكة زيد يلعب بروحو وبارواح ااخرى والله منكر بعينه
هرب من الحكم من هاد البلاد معليش يا درا كي يجيه عزرين الموت يقدر يهرب ولا لالا... اذا ما قدروش يحاسبوه هنا [FONT=&quot]فالحمد لله الذي جعل يوما اسمه يوم الحساب وحسابه اشد واكبر من حساب العبد[/FONT] وواعرة وصعيبة تاني تمشي باسم قاتل في وسط مجتمعك.... القاتل حتى يموت باش تموت معاه الذاكرة وتانيب ضمير

كيما قلت خويا واعرة الواحد يمشي باسم قاتل في المجتمع مي هاذاك عند الناس اللي عندها الضمير مازالو حي
عندنا من نهار جا الوئام المدني و احنا نشوفو في اللي قتلو يمشيو و يتكرشو تحسبهم هوما اللي حررو البلاد و زادوعلاولهم الشان راهم بالسيارات و الشهريات و حتى الvيلات و البروجيات بلا ما نحكيو راهم قريب يمدولهم الـpاسpور روج هههههه
شكرا أخي على المرور الطيب
​