صور من التقاطي -في حديقة الحيوانات-

[السلطانة]

جبتلكم صُور من زيارتنا لحديقة الحيوانات
بـــ برابطيّة بالقالة (ولاية الطّـــارف) رقم 36
والتي تمّ تدشينها واعادة ترميمها وهيكلتها واضافة
أنواع جديدة من الحيوانات إليها وتوفير ألعاب تسلية للأطفال والكبار بها.
درنا 3سوايع في الطريق
و2 ونص كي رجعنا
تفضلوا معي

بعض من الحيوانات التي أعجبتني
قلت نجيبهالكم :d
كان الجو ممطر ومسحب وشوي برد
بحيرة البطّ

وهادي البطة
بوبونة خلاه :p

كي شافتنا بلونجات

وهادم حيوانات لطيفة جدا جدا
لافامي ظبية

هادي تاني عاقلة بزاف

أما هادا لي سحرني وخلاني نمسو شحال عاقل

قدرت نصورلكم معلوماتو

أما هادا فالأنوش تاع الحديقة مديها في روحو خلاه :d

شعرو اصفر مسبسب على عينيه
​

هادا حصان ضخم كبير بزاف مي شوي قبيح
أول مرة نشوف حصان قدو

هادا جمل يضحك وحدو
فرحان :d:d

هادو نوع من الغزلان

هادا تاني عويقل
الأيل عجبوني قرونيه

وهادو تاني ناس ملاح :d

هادو ناضو يتعاركو باه نشوفوهم :p

​

نجيو درك للحيوانات الشريرة وعلى رأسها
المخلوفات الصغير هادي
لي دارت نش كبير مع الزوار :d
جيت نصور صاحبو تلاح هو

وهادا الفنك راقد في دارو مع معلومات عليه

هادو دبدوب ودبدوبة

وهادا ملك الغابة
ماداهاش فينا خلاه هو لافام تاعو قعدت تتقلش
بيان سير درتلو الزوم
لأنو بعيـــــد

وهادا الدئب البرّي

وهادا دئب نورمال :d

وهادا نشيط بزاف بزافخُفت منو

وهادا مافهمتش علاه زعف ومحبش يشوف معانا

وهادي الآنسة نعامة

وهادا السيد موسوس :p رايح جاي بسيف حكمتو

وهادا تخبالنا مخلاناش نشوفوه

وهادا تاع الصح قيّم روحو
ماحبش يخرج ويقيم حتى واحد
لي هو التمساح

نختملكم التحويسة
بهاد الصور

هيا واش رايكم ؟

​

 

[°NeSriNe°]

مرحبااااااااا
انا الاولى نرد على موضووووعك
تحويسة فوووور بزاف ، تقول كنت معاكم هههه
صور روووعة و تصوير اروع الله يبارك
بصحتكم التحويسة ان شاء الله تعاودوها
​

 

[ملكًة الاحسآس]

وعليكم السلآآم
بون شوشو من الي دخلت وانا نفتح فالموضوع
مآيخرجوليش لي فوطو كآمل ، وحد النت زفت
سوغثو هدىك الي سحرك حبيت نشوفو بلك حتى انا يسحرني :d
بصحو خرجتلي البطة البطبوطة ، ولآ السيدة نعآمة سيدة صح
والتمسآح يدير فالشآن لروحه خخخ
أكيد لي رجعة نعآود نشوف الي مآخرجوليش
موضوع بآهي وزدتي بهيتيه بكلآمكـ هدآكـ ، كل حيوآن مديتله قدره:p
بصحتكم التحويسة الحوووب حتى غيرتيني
مآهآ نقولو لبآبآ يدينآ للزو فيمآ قريب :d
​

 

[بنت الـ25]

صور ولا أروع شوشو
مي ما خرجوش كامل
حاولي المرة الجاية تنقصي فالحج تاعهم
يكون 600 يجي معقول
بصحتكم التحويسة في الزو خخخخ
ربي ما يحرمنا مواضيعك الحلوة
​

 

[السلطانة]

مرحبااااااااا
انا الاولى نرد على موضووووعك
تحويسة فوووور بزاف ، تقول كنت معاكم هههه
صور روووعة و تصوير اروع الله يبارك
بصحتكم التحويسة ان شاء الله تعاودوها
​

الله يسلمك نونو
مرة الجاية تروحي معايا
:pونمسو هاداك الحصان العاقل
ميرسي حنونة على المرور الطيب
سلامي
​

 

[السلطانة]

وعليكم السلآآم
بون شوشو من الي دخلت وانا نفتح فالموضوع
مآيخرجوليش لي فوطو كآمل ، وحد النت زفت
سوغثو هدىك الي سحرك حبيت نشوفو بلك حتى انا يسحرني :d
بصحو خرجتلي البطة البطبوطة ، ولآ السيدة نعآمة سيدة صح
والتمسآح يدير فالشآن لروحه خخخ
أكيد لي رجعة نعآود نشوف الي مآخرجوليش
موضوع بآهي وزدتي بهيتيه بكلآمكـ هدآكـ ، كل حيوآن مديتله قدره:p
بصحتكم التحويسة الحوووب حتى غيرتيني
مآهآ نقولو لبآبآ يدينآ للزو فيمآ قريب :d
​

النت هادي تحوس على طريحة زرقة :p
خوفت الحيوانات هربو مساكن
هيا كي ترجعلك ارجعي كملي الشوفة
:-r
ان شاء الله يديكم عمو عن قريب
ميرسي الحب

​

 

[السلطانة]

صور ولا أروع شوشو
مي ما خرجوش كامل
حاولي المرة الجاية تنقصي فالحج تاعهم
يكون 600 يجي معقول
بصحتكم التحويسة في الزو خخخخ
ربي ما يحرمنا مواضيعك الحلوة
​

تبا لهم هبلوني باه ترفعو مع النت
وبسيف خرجو هنا
هادو دعاوي القرد خرجو فيا ههه
الحجم او نقصت منهم
مي مافهمتش علاه ثقالو باه يبانو
ميرسي الحب على المرور الطيب
موااااااااح

​

 

[tistissa dj-tissou]

bahyiiiiiin hanouna ya3tiiik assaha

 

[رضوة الجزائرية]

روعة احسن تحويسة عندي خير من قعدت الهدرا مشكورة على التعب

 

[مطبخ الأحلام]

آلسلآم عليكم

ياوعلى أميرآت عآلم المرأة كي يتافقوآ على حآجة وحدة

كيفك كي ميسوء رحتو حواسين لحديقة الحيوآنىت

^^
يعطيكم الصحة رآكم جآيبينهآ وأمتعتونآ بمنآظر هذه الحيوآنآت البريئة اللطيفة اللامتوحشة هع

بوركتي ختيتي على مشاركتنى الصور
​

 

[آستثنآء]

هذي تحويسة و لا خلي بصح كبار عيوني لي فوطو​

 

[wiwi loly]

واو الله يبارك اهتي راكي مبدعة فالتقاط الصور
مام انا زرت هذه الحديقة شابة بزاف و المناظر لي فيها يهبلو

 

[nassima 87]

ya3tik saa bsahatkoum tahwissa

 

[NICHA03]

ممممم بصحتك التحويسة شوشيتي
مي هادي وين ؟؟
انا رحت لتاع جيجل يووووووووووووووووووووووووو
تقولي منوليش للغمة تاع الدار
​

 

[السلطانة]

bahyiiiiiin hanouna ya3tiiik assaha

ميرسي اختي :regards01:
​

 

[السلطانة]

روعة احسن تحويسة عندي خير من قعدت الهدرا مشكورة على التعب

ميرسي حنونة يعطيك الصحة
​

 

[السلطانة]

آلسلآم عليكم

ياوعلى أميرآت عآلم المرأة كي يتافقوآ على حآجة وحدة

كيفك كي ميسوء رحتو حواسين لحديقة الحيوآنىت

^^
يعطيكم الصحة رآكم جآيبينهآ وأمتعتونآ بمنآظر هذه الحيوآنآت البريئة اللطيفة اللامتوحشة هع

بوركتي ختيتي على مشاركتنى الصور
​

وعليكم السلام سوسوتي
تفاهنا انا وميسو :d
تشرفت بمرورك حبوبة
ميرسي بوكو
​

 

[السلطانة]

هذي تحويسة و لا خلي بصح كبار عيوني لي فوطو​

ميرسي اختي
في انتظار تحويستك من وهران :d
​

 

[السلطانة]

واو الله يبارك اهتي راكي مبدعة فالتقاط الصور
مام انا زرت هذه الحديقة شابة بزاف و المناظر لي فيها يهبلو

ميرسي اختي على المرور الطيب

​

 

[السلطانة]

ya3tik saa bsahatkoum tahwissa

الله يسلمك اختي
ميرسي
​