الى عفاف الجزائرية

[fati mosta]

عفاف اختي متقدريش تمدلي الوصفات نتاع هادو

 

[عفاف الجزائرية]

اختي هاذا ارز بالصلةا لبيضاء والكرام فراش
نغسلو الارز مليح ونحطوه يطيب في الماء والملح وشوي زيت من جهة خلاف نطيبو صدر دجاج صلصة بيضاء شوي بصل ثوم ملح فلفل اكحل شوي زيت ورقة رند والقليل من الماء ونغلقو عليه لاكوكوت ونحطوه على نار قليلة
بعد ما نشوفو الارز نتاعنا بدى يغلي شوي نفرغوه من الماء وهو نص طياب ونغسلوه بماء بارد ونعاودو نردوه يغلي من جديد مع شوي ملح سنتين ثوم شوي فلفل اكحل ورقة رند وشوي زيت هنا نخلوه حتان يطيب
بعد ما طاب الدجاج اذا لقينا لاصوص بزاف نخلوها تغلي حتان تنقص وتخثار اذا لقيناها تقريبا كاس نخلوها وبعد ما يطيب الروز نصفيوه ونصبو عليه نص الكمية نتاع لاصوص البيضاء ونخلوه بجنب
وباقي لاصوص اللي بقات نحطوها في اناء على النار ونفرغو عليها لاكرام فراش تغلي شوي برك ونطفيو
في اناء يكون غامق شوي نحطو طبقة ارز وطبقة صدر دجاج نكونو فــتــتــنـاه يعني قصيناه شوي شوي وفوقو طبقة ارز ونقلبوا على صحن
ونصبو فوقها لاصوص نتاعنا وبالف صحة

هاذي سلطةخضراء ورقة عادية وبيض مغلي فرغت الاصفر نتاعو خلطتلو شوي مايوناز ومعدنوس مقطع رقيق وشوي ملح وعاودت عمرتو وفوقها صلصة لوسيور فقط هاهي لاصوص نتاع السلطة

هاذي غراتان بطاطا وفرماج ومعدنوس بالكرام فراش والبيض

قليت البطاطا دوائر ودرت طبقة بطاطا وطبقة فوقها جبن النوع اللي تحبي وطبقة من فوق بطاطا تحبي تحشيها تاني كيما تحبي صدر دجاج ولا لحم ولا مرقاز ولا تنوعي في الخضر حسب رغبتك
ضربت 4 بيضات مع باطة كرام فراش ونص ربطة معدنوس درتلهم ملح وفلفل اكحل
وصبيتهم من فوق ودخلتهم للفرن

عفاف اختي متقدريش تمدلي الوصفات نتاع هادو

هاهم اختي الوصفات نتمنى انني نكون وفقت في الشرح اي استفسار او سؤال انا في الخدمة ربي يهنيك ونتمنى انهم يعجبوك عند التجريب
موفقة حبيبتي

 

[هبة الرحمان2]

يعطيك الصحه

 

[نوال التلمسانية]

هيلييييييييييييييين

 

[tistissa dj-tissou]

اممممممممممممممممممممممممممممممممممممممممممممممممممممممممممم

 

[fati mosta]

شكرا ربي يحفظك

 

[fahita]

الغراتان باين عليها شهية يعطيك الصحة