اختي ما تقراش مي ندي وحدة ديبلومي؟

[Eva dz]

السلام عليكم و رحمة الله

كيراكم لخاوة صافا بيان ان شاء الله بخير؟

اليوم جاية نحكي على واحد النوع من الناس بيزار تعيا تفهم ما تفهم والو

هاد المرة كنت عند الجيران معروضة مع امي قعدت قدامي مرا كبيرة تكون في حدود ال 50 المهم هكدا منا منا بقينا نحكو و تجي بنتها ،،، بنتها استاذة في سيام كي راحت بقات تحكيلي على حياة بنتها الاستاذة و بنت اخرى تاني خدامة درك و للزوج متزوجين المهم

عندهم زوج خوت ما خلاوهمش يكملو قرايا كي داو باك يقاو يترجلو عليهم ;; و حنا ما عندناش بنات يقراو فلجامعة ووو

و تدخل الاب و قالهم ماكان ما دخلكم هادو بناتي وانا المسؤول عليهم قالوله لا هادو اخواتنا و حنى ادرى بمصلحتهم المهم ابوهم استاذ جامعي في وهران عاشو تم و قراو فلجامعة مع بعض و كملو قرايتهم تحت رقابة و ضمان باباهم

و مرت القصة مي بعدها جاو خاوتهم الرجال لي كانو يتفرعنو باه يخطبو اللي يحب الخدامة و اللي يحب وحدة مكملة قرايتها

و امهم قاتلهم ياك كنتو تقولو لمرا كي تدي باك تقعد فدار رجعو يهدرو هدرة اخرى و يقولو لالالا وقتها كنا غالطين و ووو اليوم يخصني مرا ديبلومي و خدامة ووو ما تنفعنيش وحدا قاعدة فدار

و درك نتوما قولولي كيفاه ما حبوش اخواتهم يكملو قراية و يخدمو و هوما يحوسو على المرا الخدامة


و يا حسراه على زمان لي تبدل:s ... اليوم وحدة لازم تكون خدامة و ديبلومي ايلا حبت تتزوج :-o​

 

[حفيد هواري بومدين]

اك قولتي في الاخير يا حصرا على الزمان تبدل صح
وافقت على الموضوع

 

[لؤلؤة قسنطينة]

موضوع مهم فعلاً اشكركِ عليه حبيبتي
ففي زمننا هذا لم تعد الاشياء كما كانت سابقاً....حيث الأخ يحرم أخته من حرية التعليم وفي النهاية يبحث عن زوجة عاملة... فعلاً تناقض كبير جدا.فإما أن تحتفظ برايك مدى الحياة أو أن تتبع راي الآخرين وتحترم قرارتهم
على كل حال شكرا لكِ على الموضوع القيم
تحياتي لكِ:regards01:

 

[أم راضية ~_]

السلام عليكم
هكدا تمشي الحالة عند الرجال .. بالمقلوب
يا يكون مرخوف مع خواتاتو و ما ينصح ما يدخل روحو ومع مرتو مزيّر و متشدد بزاااااااف
يا يكون مزيّر و كاتم على خواتاتو و مرتو طالgها مبهدلاتو ومطيحة بيه
انا شفت امتلة على النوعين في زوج
بلاك نقدرو نقولو هداك الي يزير مرتو و ماعلابالوش بخواتاتو قادر يخمم يقولوك خواتاتي بابا يحكم فيهم ولا رجالهم
و لوخر يقولك مرتي هاديك راهي تربية وحدوخرين وخواتاتي راهم يخرجو من الدار الي تربيت فيها انا
هادا تأويلي ومانعرف ..
شكرا على الموضوع :regards01:​

 

[nanoche]

وي كاين منو هاذ المشكل و صرا مع بنت عمي لما تحصلت على الباك ما خلاوهاش تروح للجامعة رغم قرب المسافة بين البيت و الجامعة و كانو حاكمين في كلمة احنا على بالنا بواش راهو صاري في الجامعات (يعيييييو) حتى تدخل والدي و قاللهم اللي حرة و متربية ما تروحش في الطريق المعوجة و اللي ما تحشمش على أصلها هي الخاسرة
و راحت بنت عمي قرات و راهي أستاذة تاريخ و جغرافيا و متزوجة و لاباس بيها
و المليحة انو بين زوج خاوتها جابوهم جامعيات و ماشي مامpا مرسمين و مخليينهم يخدمو
يعني حلال عليهم و حرام على خواتاتهم
شكرا على الموضوع اختي
​

 

[ماكانش]

وكاين رجال مايحبوش الخدام ووو

 

[سماح الجزائريه]

هدى الحكايه مطبقه على العديد من الناس
منهم اللى مايحبش اختوا تلبس السروال ونهار اللى يتزوج يشري هو السروال لمرتو
ومنهم اللى ميحبش يقلي بيضه ويهز كاس ماء ههه ونهار اللى يتزوج هو الى ايطيب الفطور ويوجد الطابله
يا اختى الباهيه مالازمش تعملى المقارنه بين الاخت والزوجه او الزوجه والام
فعقليات الشباب وسامحونى يا خاوتى مكومش الكل. كاين فيهم وعليهم اللى يسمع لناس او لزوجتوا
وهكا رايح يتعب ويتعب اللى معاه
تحياتى ليك ونقولك هدى دنيا واش تحبي ​

 

[Eva dz]

اك قولتي في الاخير يا حصرا على الزمان تبدل صح
وافقت على الموضوع

شكرا لموافقتك على موضوعي

و الله غي رانا نشوفو لعجب في هاد الزمان ربي يستر برك:-o

 

[Eva dz]

موضوع مهم فعلاً اشكركِ عليه حبيبتي
ففي زمننا هذا لم تعد الاشياء كما كانت سابقاً....حيث الأخ يحرم أخته من حرية التعليم وفي النهاية يبحث عن زوجة عاملة... فعلاً تناقض كبير جدا.فإما أن تحتفظ برايك مدى الحياة أو أن تتبع راي الآخرين وتحترم قرارتهم
على كل حال شكرا لكِ على الموضوع القيم
تحياتي لكِ:regards01:

الشكر لك اختي على المشاركة و ربي يصلح لحوال :s مي عييت نفهم ما فهمتش هاد المعادلة و الله غي صعيبة على راسي في الاخير الكل بنات كي مرتو كي ختو واش هوا الفرق ما عرفت :down:

 

[Eva dz]

السلام عليكم
هكدا تمشي الحالة عند الرجال .. بالمقلوب
يا يكون مرخوف مع خواتاتو و ما ينصح ما يدخل روحو ومع مرتو مزيّر و متشدد بزاااااااف
يا يكون مزيّر و كاتم على خواتاتو و مرتو طالgها مبهدلاتو ومطيحة بيه
انا شفت امتلة على النوعين في زوج
بلاك نقدرو نقولو هداك الي يزير مرتو و ماعلابالوش بخواتاتو قادر يخمم يقولوك خواتاتي بابا يحكم فيهم ولا رجالهم
و لوخر يقولك مرتي هاديك راهي تربية وحدوخرين وخواتاتي راهم يخرجو من الدار الي تربيت فيها انا
هادا تأويلي ومانعرف ..
شكرا على الموضوع :regards01:​

و عليكم السلام اختي لقد تعبت و انا احاول فهم ما في عقولهم و واش لي غير لحوال و كيفاش اختو لالا و مرتو ايه

المهم شكرا اختي على مرورك الطيب و مشاركتنا في هذا الموضوع المعقد بانتظار آراء بقية الاعضاء

 

[جزائرية كوول]

سلام والله غير فكرتيني ببن خالتي نفس العقلية

ربي يهديهم وخلاص
​

 

[Eva dz]

وي كاين منو هاذ المشكل و صرا مع بنت عمي لما تحصلت على الباك ما خلاوهاش تروح للجامعة رغم قرب المسافة بين البيت و الجامعة و كانو حاكمين في كلمة احنا على بالنا بواش راهو صاري في الجامعات (يعيييييو) حتى تدخل والدي و قاللهم اللي حرة و متربية ما تروحش في الطريق المعوجة و اللي ما تحشمش على أصلها هي الخاسرة
و راحت بنت عمي قرات و راهي أستاذة تاريخ و جغرافيا و متزوجة و لاباس بيها
و المليحة انو بين زوج خاوتها جابوهم جامعيات و ماشي مامpا مرسمين و مخليينهم يخدمو
يعني حلال عليهم و حرام على خواتاتهم
شكرا على الموضوع اختي
​

ايه صح يا اختي رانا عارفين واش كاين في الجامعات ووو مي لي بنت فاميليا يا اختي ما يتخافش عليها

:-o مي المشكل و هوا لاه اختو ما تقراش و يدي وحدة ديبلومي و خدامة :s

 

[Eva dz]

وكاين رجال مايحبوش الخدام ووو

-_- هادو قلال فهاد زمان اليوم رجعنا في زمن الطماعين وووو ووووو

مي موضوعنا المهم و هوا لاه اختو ما تكملش القرايا و كي يجي يزوج يبغي وحدة ديبلومي

 

[Eva dz]

هدى الحكايه مطبقه على العديد من الناس
منهم اللى مايحبش اختوا تلبس السروال ونهار اللى يتزوج يشري هو السروال لمرتو
ومنهم اللى ميحبش يقلي بيضه ويهز كاس ماء ههه ونهار اللى يتزوج هو الى ايطيب الفطور ويوجد الطابله
يا اختى الباهيه مالازمش تعملى المقارنه بين الاخت والزوجه او الزوجه والام
فعقليات الشباب وسامحونى يا خاوتى مكومش الكل. كاين فيهم وعليهم اللى يسمع لناس او لزوجتوا
وهكا رايح يتعب ويتعب اللى معاه
تحياتى ليك ونقولك هدى دنيا واش تحبي ​

عجب العجاب يا اختي حقا كااارثة و تعيا تفهم ما تفهم والو فهاد العقليات

صح خرجتي على الموضوع شوية كي هدرتي على الطياب هههههههه مي تبانلي شغل طاعة الزوجة ما فهمتش هههههههههه و الله ما عرفت و علاش يقولو حاجة و يديرو حاجة اخرى

:s:s:s:s الله يهدي ما خلق و شكرا على مرورك العطر اختي

 

[Eva dz]

سلام والله غير فكرتيني ببن خالتي نفس العقلية

ربي يهديهم وخلاص
​

اللهم آميـــــــــــــــن يا اختي هذا ما يقدر يقول الواحد الله يهديهم و خلاص

 

[فتاة حساسة]

هههههههههههههههههههههههههههههههههههههههههههههههههههههههههههههههه اكي تشوففي ختي حلال عليهم وحرام على خاوتهم ...ربي يهدي ماااااخلق ..شكراا
​

 

[Eva dz]

هههههههههههههههههههههههههههههههههههههههههههههههههههههههههههههههه اكي تشوففي ختي حلال عليهم وحرام على خاوتهم ...ربي يهدي ماااااخلق ..شكراا
​

ايه اختي للاسف هادي حاجة ما تضحكش تبكي :cray02: لا حول و لا قوة الا بالله

الله يهديهم و خلاص

 

[أم أمين23]

بو هادو كاين منهم بزاف وكاين عندنا مثل يقول راجل مع خاوتو مرا في مرطو
كاين بزاف شباب كي كانو في خواتاهم كانو كل شي محرم ومن بعد كي تزوجو والا حبو يتزوجو تغيرت كل المقاييس وطبعا هادو ناس كانو برك حابين يمارسو رجولتهم وما لقاوش كيفاش ومع من وما كان قدامهم غير خاوتهم وكي كبرو طبعا كبر العقل وتبدلت العقلية وعرفو يمكن بلي الرجولية ماشي فرد عضلات

 

[Eva dz]

بو هادو كاين منهم بزاف وكاين عندنا مثل يقول راجل مع خاوتو مرا في مرطو
كاين بزاف شباب كي كانو في خواتاهم كانو كل شي محرم ومن بعد كي تزوجو والا حبو يتزوجو تغيرت كل المقاييس وطبعا هادو ناس كانو برك حابين يمارسو رجولتهم وما لقاوش كيفاش ومع من وما كان قدامهم غير خاوتهم وكي كبرو طبعا كبر العقل وتبدلت العقلية وعرفو يمكن بلي الرجولية ماشي فرد عضلات

بارك الله فيك طاطا ام امين على المشاركة البنّاءة

و ربي يهديهم

 

[־●ـ‗غمــــوض ــالــورد_ـ●־]

اهلا بيك حنونـــــــــــــــــة،،
وش تحبي هدي هي الدنيا ناس معوقين في عقلهم مخاخهم مشلفطين،،
انا هاد لوجونر تاع الرجال كيفماه نفهموا ،، مرتوا راح تعيش معاه طول حياتوا مي اختوا حتى هي راح تروح تعيش حياتها ،، يعني كيفماه اختوا كي تخدم وش راح يدير بخدمتها راح تصرف عليه متصرفش ومام عاوناتوا مهوش كيما يبغي هو وديجا كي يكون براسوا معندوا مايدير بالمعونة بروحوا يكفي ويوفي ،، مي مرتوا ياحنونة كي يتزوج راح تكبار مسؤوليتوا وراح يجيب لولاد ولولاد مسؤوليتهم كبيرة ، والمسؤولية فهاد لوقت صعيبة تحتاج معونة يعني يقلك مرتي كي تخرج تخدم اسيدي دراهمها مهيش راح تبعتهم لدارهم راح تصرفهم اهنا فالدار يعني بكل بساطة راح تخف عليا المسؤولية ...وهدي كاينة وراه واقع يصرا درك ونشوفوا فيه ، كيما شفتها انا عند واحد من لفامي خوتاتوا كامل حبسهم من لقراية ولخدمة وزيد محبسش هنا برك، زاد زعما ماماه باغية تخطبلوا بنت خالتوا وبنت خالتوا وصلت للباك قالها معليش قبلت هدرت معاها قالها بشرط تحبسي لقراية راني امبوسيبل نجيب مرا قرات فلجامعة ولا تخدم لداري قاتلوا معليش نبطل على جالك مي بشرط متخلينيش نخص حتى حاجة لي نبغيها تجيبهالي قاللها حاجة باينة ،، ايا وش دار خل الطفلة حبست قرايتها وقاعدة تستنى فيه 5 سنين ايا قاتلوا انت وكتاش تجي تخطبني ونديروا لعرس وش راح قال لموا ولمها وليها شوفي يالحنونة لوقت راه صعيب وانا نديها غير خدامة وزيد طبيبة منعيشش انا امرمد ونزيد نجيب لولاد ونحصل معاهم !!! دركا هدا عبد ولا يستناو الناس منو حاجة تفرح كان اوموا خلا الطفلة في حالها مضيعلهاش حياتها معليش اسيدي مش عيب كان فكر يديها خدامة انا عندي حاجة نورمال كان لواحد يفكر يديها تخدم صح الوقت صعيب ومهوش عيب كان تعاون هو ومرتوا مي علاش هاد لعقلية لبايخة يحطم لخوتاتوا حياتهم وزيد كان لقى يحطم حياة لفامي تاعوا يزيد ميكيدوش ومبعد يقلك ندي وحدة ديبلومي ،، علاش هاد التناقض يحكم في فرد حاجة كيما مرتوا كيما خوتاتوا لزوج عندهم لحق معاه مي وش راح اديري شعب ميفكرش يهموا نفسوا فرات ربي يهديهم هاد الناس لي يفكروا كيما هك الطفلة معندها ماراح ادير كي يقلها خوها متخدميش تعارضوا تربح لعيب وتزيد تضيع حياتها مالفوق الور معليها غير تكالمي روحها ايدا مشفتش فيها صوليصيون مليحة معاه،، ربي يهديهم وخلاه هدا مانقولوا ...
ومشكورة اختي على الموضوع
​