asmaa mdridista
:: عضو مُشارك ::
- إنضم
- 26 أفريل 2013
- المشاركات
- 202
- نقاط التفاعل
- 309
- النقاط
- 18
سلام عليكم ....
ان شاء الله يكون الجميع بخير ...
بغيت نحكيلكم البارح كيفاش جاز عليا ...
نضت الصباح ،،، كيما كل يوم بعدما بح صوت امي ههه ،، آ اسماءهانوضي ، هآ و متي ولا هه
ياودي بغيت نقلها مشفتينيش البارح على قداه رقدت قاع ، وحدالفيلم تفرحتو ياحصراه فوووور فووور بالبزااااف ،، قاعدة نقول لامينة هآ امينة هاو انعلي بليس و نوضي معايا نشرب الما، أمينة خافت كتر مني و جابت حجة قتلي لالا انا حلفت ههه والله يا حليف امينة ،، صبت عيشة مقيبسة في بلاصتها ههه قلتلها آعيشة ها نوضي معايا ، وكيما عادة عيشة متبغيش تخليها في قلبي ناضت مسكينة ، ايا خرجت انا و ياها ، و من بعد جينا ، جات عيشة تجري هه خافت غير ايلا كاش انوش من الانانيش اللي شفناهم فالفيلم يعقلها فالطريق ههه ، ايا حكمت بلاصتها و قاعدة تقلي آاسماءها اقعدي معايا شوية قدما نرقد ، والله الا راني خايفة ، قلتلها يا مرا صلي على مولاك راهي ال 02 تاع الليل خصني غير نقعد مع جدك نتي ، و زادت ختمتها قتليها صاحا خليلي الضوو مشعول ، طفيت جد الضو و رحت وخليتها تعيط حتى تشبع ههه ....
و بالسيف من ورا الـ 02 باه جاني الرقاد .... و تزيد امي تنوض فيا على 09 ؟ و نقول فقلبي هاو انا راني تاع سهرات ولا ، هاو والله منززيد ندير على الشيطآنآت تاع عيشة وامينة ، هاذوك والله و تقلهم اقعدو على ال 6 ياغيلا قعدوو مقلوعين القلوووب ههه
ايا و نعلت بليس و نضت قلت هاو لوكان منوضش تطيح الخدمة غير على أميمتي ....
ايا نضت ، جيت فايتة لقيت عيشة ميتة هه ، مازالها في بلاصتها كي الغولة ،، سيقت و غسلت لمآعن ، حتى كملت التنشاف باه ناضت عيشة تتويستي ملهيه ههه
ايا و من بعد كملت ، و دارتلنا عيشة المحاجب ، والله يا ذوك المحاجب ، تقول عجيبنة و فيها البصل و الطماطس ، كليت 3 حبات شبعت هه ، ...
ايا قعدت من بعد نتفرج فال the vampire diaries ،، كنت انا وامي لعزيزة ، ومن بعد جا ابي معول يروح يصلي الجوموعة هه ، قال لامي يا الانوشة تاعي راني معول نروح لصاحبي تروحي معايا{مرت صاحب ابي صحبت امي } ، امي قتلي نروح ؟ ، قلتلها روحي نتي اصلا عندك بزاف مرحتيلهاش ، ايا و على تالي قنعتها ومن بعد قتلي تروحي معايا اسماء ؟ ، قلتلها ياودي عندي اختبار نهار الاحد منرووحش نقعد نحفظ ، و من بعدا راحت لبست ووجدت روحها ، قلتلها روحي ادي عليا الشيطآنة الصغيرة هه ..
قعدت مصبتش شا ندير ، جبدت ذاك الكآيي نشوف فيه ، لقيت روحي كارهة شوية ، رحت شعلت الميكرو ، انا كارهة وزدت كرهت ،..
من طبيعتي انا منخالطش الناس بزاف ، و اصلا نمل بلخف فالنت ....
رحت درت سورة الكهف ، نحات عليا شوية الكرهة ، تآع الصح القران يريح و يصلح البال
الحمــــد لله على نعمـــة الاســـلام ...
خرجت مالنت ، قاعدة ندور ، تفكرت عيشة هه شبعت ضحك عليها والله ، مهبولة هاديك
انا وامينة قاعدين نحفظووو ، وهي قابضة الكتاب و تقرا حنا قلنا ايه عيشة راهي معولة عليهآ ههه ، قربت ليها امينة لقاتها تقرا فموضوع °° الطلاق °° قلتلها امينة آمخلوقة ربي هاداك جامي قريناه شاداك ليه ؟؟ ،،،قللتلها خليني نثقف شوية ههه ، العجب العجاب ،، الناس تتثقف عالطلاق ولا ؟ ، قتلي ياودي شوفي اسباب الطلاق و قاعدة تشرحلي و قاع ههه قلتلها روحي روحي بعديني آ الشيطانة ،
اها و لقيت روحي زدت كرهت ، و حتى لدرك باه عرفت علاه ؟؟ نقلكم و لا لالا .....
ياودي الشي هادا قاع امي كي راحت و خلاتنا ، الدار فرغت و الله والله والله 3fois غير الدار بلا بيها مهيش آفار اطلالالاقا
هي النور تاع بيتنا ، هي الشمعة اللي تنور حياتنا ....
واش نقول على امـــي ... انسانة روووعة و طيبة و اهم اهم شي حنونة ،،
نطلب من ربي يخليهالي طوووول
ربي يحفظ كل امهات المسلمين ...
نصيحة مني ليكم : تهلاو في امهاتكم ، كل شي يروح نقدرو نرجعوووه الا الام ...... الا راحت ماراحش تررررررررجع ...
