الهدرة ما تقيسش.. الفعايل هوما اللي يقيسو.

ب

بنت الجسور المعلقة

:: عضو بارز ::
أحباب اللمة
إنضم
13 جوان 2010
المشاركات
1,389
نقاط التفاعل
2,453
النقاط
71
الجنس
أنثى
صباح ومساء الربح عليكم
ان شاء الله تكون بخير ورحمة الروؤف من فوق.....الحمدلله على كل حال
ليوم جيتكم بموضوع لي هو
الهدرة ما تقيسش.. الفعايل هوما اللي يقيسو​
الناس هادو
.
.
.
.
اللي يقولك تواحشتك و ما سقساش عليك... وش من وحش هذا؟
اللي يقولك جامي نسمح فيك..و هو ناسيك.. وش من حب هذا؟
اللي يمدلك كلمة حتى ويا كانت صغيرة و ما يديرهاش..وش من كونفيونس تبقى؟
اللي يقولك انت كي خويا ولا كي ختي و يهدر عليك في ظهرك..وشمن اخوة هدي؟
اللي تحسبو صاحبك يفرح معاك و في وقت الشدة ما تلقاهش..وشمن صحبة هدي؟
مرات تتلفلك الى انت تبدلت ولا الناس تبدلو..و ما يهمش.. الحاجة اللي تروح جامي تولي.. و الزجاج اللي يتكسر ما يعاودش يولي كيما كان
منطولش عليكم نخليكم على خير وعافية في موضوع آخر
أبقاو على خير لعزاز :regards01:​
 
والله عندك الحق.....مي نورمالموا حنا نفهموها وحدها كي تجي هكا....مي بلاك نحبوا نصدقوا بينا و بين أرواحنا بلي كاين منها و فاللخر تخرجنا مكانش.....و في بالي حوايج كيما هاذوا يقيسوا من ناس قراب لينا.....
 
آخر تعديل:
عندك الحق ختي في كل كلمة قلتيها
و لازم حنا ما نغفلوش و ما ننخدعوش بالأقوال و المظاهر باش ما تكونش العواقب وخيمة
و المثل يقول الأفعال أبلغ من الأقوال​
 
و الله ، صح ساعات تلقى الواحد يقولك توحشتك و نحب نسقسي عليك
لكن تلقاه يحكي معاك في البورتابل
علاه متجيش وجه لوجه انا نعرف لواحد كي يتوحش خوه يقابلوا في كاش بلاصة

هادي الزمن و ليام
​
 
و عليكم السلام و رحمة الله تعالى و بركاته

مساء الخير اختي

نعم أختي، جميعنا تعرضنا لمثل هاذي المواقف، و في رايي االواحد منا يكون محتاج لكلمة طيبة و في وقت الحاجة يصدقها صحن لكن الله غالب هذا الوقت للي لحقنا ليه، غلبت الأنانية على الناس و عاد كل واحد يقول كلمة و في دقيقة ينساك

واش تحبي هاذي الدنيا، برك الواحد يتعلم يحتاج فقط رب العالمين سبحانو ما يخيبكش

و غن شاء الله ربي يقدرلنا كل الخير و ربي يوفقنا و اياكم لما يحبه و يرضاه
​
 
أممم صح عندك الحق لذا نتعود الى اللجوء في كثير من الاحيان الى عدم تصديق هاته الوعوود كليا لتجنب الاصدام فيما بعد بما لا يوافقها أو الى حين اثبات صحتها..
وبالطبع يجب النظر للأمر من جهتنا أيضا يعني اذا ماشي قادرين صح صح على حاجة الافضل نتجنبو نوعدوا بها.. الحاجة اللي نحاولو نديروها أو نكونوها وماشي متأكدين منها متنقالش خير اذا صدقت اللهم بارك اذا لالا واحد ماينضر

مشكوووورة ^^
 
صح والله كاين منها
حتى تتلفلك وتقولي درك وين راه الصح ووين راه الغالط
وديفوا يا حبيبة كي تشوفي تصرفات منهم غالطة بحقك ويزيدو فوقها قلة الاهتمام تولي وحدك ما تقدريش تعبري عن مشاعرك مالغري تتوحشيهم وتتقلقي عليهم
و يد وحدة ما تصفقش
​
 
في هاذ الزمان صاحبك ذراعك يا أختي
ما بقات لا صحبة و لا أخوة في الله و الأغلبية تلقايهم يدورو بيك غير ساعة تكون عندهم صالحة معاك ويوم ما تنقضى و الله ما تزيدي تسمعيهم و يقولولك الله غالب مارانيش نفرغ .... ياااه علاش كي كانو صوالحك في اللعب كنت فارغ أو فارغة و تعيطو و اليوم صايي مي ماعليش الواحد يعمل الخير في وجه ربي و ما يشوفش للوجوه
والمشكل انها تصرالك حتى مع أقرب ناس ليك اللي هوما من العايلة ديالك دونك ما يغيضكش الحال على البراني
صحيتي اختي على الموضوع اللي راهو قايسني و قريب كتبت جرنال ههههههه (هاني فاصيت شوية)
​
 
اي اختي دركا الناس ولات تبلعت غير اللسان الحلو و هو لكان طلي على قلبو
يا حصراه
انا من كثرة مسمعت نحب و انتي كي اختي و التعناق و في الاخير لقيت يعني مش من كل لي نعرفهم مي لي كانو قراب ليا العكس تماما ماكاين ني اخوة ني حب ني اي شيء
دركا نفضل لي يقولي نكرهك انتي مش اختي في وجهي و لا يضربهالي غير غزل و عسل
مشكورة غاليتي
​
 
الي يقيسك فظهرك سيبريميه
 
كاين ناس يحبوك في الوسع فقط ولما تضياق الحالة يجبدو رواحهم
كاين ناس يضحكوا في وجهك في ظهرك يضحكو عليك
كاين ناس يحلفو انهم مايخلوكش وفي أول دورة يولو كأنك ولا يوم عرفتهم
كاين ناس تعمللهم قيمة أكثر من قيمتهم فتدي على راسك
كاين ناس وكاين ناس
ناس شفت فيهم وناس شفت منهم
المهم الواحد لما يشوف في حياتو ناس كما هاذوم ويلقى روحو أنقى منهم
يقول الحمدلله مش يضعف ويولي كيفهم
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top