طعام الاعراس

[حاملـة المسك]

في طنجرة صغيرة هههه


السلام عليكم و رحمة الله و بركاته


درسنا اليوم كيفية طهي كسكس الاعراس بلا ما طيح القرعة
في الاعراس خترعو كم من حيلة للقرعة.. يفوروها .. يطيبوها في مرقة لوحدها
واهتداو لطريقة سهلة قلت نعملها موضوع للاستفادة بها في الاعراس

بسم الله نبدأ


المقاديـــــــــر

لحم - زيت - فلفل أحمر - فلفل أكحل - قرفة -راس الحانوت (لم أستعمل) - زيت
حمص منقوع - بطاطا - قرعة - لفت - حبتين طماطم - طماطم مصبرة - فلافل
طعــــــام


الطريقــــــــة

نقلي اللحم مع التوابل و ملعقة صغيرة طماطم مصبرة نضيف الماء و الحمص
عند نصف إستواء نضيف الخضر
القرعة نضعها في كيس بلاستيكي و نغلقه بخيط و يثقب بشوكة
عند قرب إستواء الخضر نضيف الطماطم الخضراء و المصبرة و الفلافل

و نحضر الطعام بالطريقة المعروفة .

و بصحتكم لعرااااس :d

تنبيه هام

المرق لازم يكون في نصف قدرة الضغط لانو لو عمرناها بالمرق
الاكياس البلاستيكية بطبيعة الحال راح تنتفخ و تسد ثقب الصفارة

كون تنفجر كارثة
​

 

[narjes81]

اااااااااااااه يا رغودة جوعتيني وانا جيعانة موت وضعفي الطعام هاداك الطبسي مانخلي فيه والو
يسلمو على الوصفة عجبتني طريقة الساشي

 

[iman88]

ما شاء الله على ذيك الطعيمة

الله يبارك الله يعطيك الصحة . . و كيما قالت نرجس عجبتني العفسة تاع الساشي

بارك الله فيك

 

[حاملـة المسك]

نرجس إيمان شكرا لمروركما​

 

[زائــــــــرة حلوة]

اممممممم الله يبارك على هذيك البربوشة تاع العراس في الطنجرة الصغيرة :p:up:
ويعطيك الصحة على فكرة الساشي ..جاري الكوpياج إن شاء الله
كنت نديرلها عرس وحّدها لالّة الجريوات ههههههه
هنّيتينا... ربّ يهنّيك رغووودة:regards01:
​

 

[mimi53]

امممممممممم يعطيك الصحة والله يسلم هادوك اليدين يارب طعام
طعام نتاع حراير صح
الف شكر ليك وعلى الوصفة

 

[imane27]

يعطيك الصحة يشهى انا لقرعة ديما نحطها خمس دقائق اخيرة ومطيحش

 

[nada242008]

كالعادة ام الافكار كل يوم تجيبلنا الجديد والحصري
فكرة هايلة انا نلوحها حبات كاملة بعد ما يطيب كلش ومن بعد نصفيها ونقسم كل حبة على اثنين بالطول طبعا
بوركتي رغودة وربي يجعل اياكنا كلها افراح في افراح
​

 

[حاملـة المسك]

بنات منيش نقصد طيبو في عشاء عائلي بديك الطريقة
جبتلكم كفاش ولاو يطيبو في الاعراس قصدي ننقلكم المعلومة
و ما يكون فرح ولادكم... متنساوش تعرضوني

بارك الله فيكم على المرور ​

 

[RIMOUM]

يا اختي البصل وينو

 

[serinee]

ووواووو الطعام راهو يشهي يسلم اديكي
و زيد عجبتني فكرة الساشي مشكورة
​

 

[حاملـة المسك]

يا اختي البصل وينو

راهو مقطع في الطنجرة

 

[كوثر الوهرانية]

طعام و عليه الكلام من التقلية نتاعه باين فور و فكرة الساشي عجبتني بزاف
بصح هنا في وهران في لعراس ميحطوش الخضرة فالزلايف يسقوا بالمرق و يزينوا بالزبيب و الحمص و يحطوا في الوسط اللحم
الخضرة يطيبوا بيها بصح مزينوش بيها
الف شكر لكي رغودتي

 

[سعيدة 07]

طبق رائعععععععععع بربوشة بنينة يعطيك الصحة

 

[sara mimi]

صح تشهي مي ماشي كيما طيب الخضرة واللحم كامل في القدرة ثما يجي فوووووووووور

 

[بنت الجسور المعلقة]

الجريوات كون منرموهاش في المرقة وتطلق الماء لاه مالا راهي تزيد نكهة وتمد نسمة لمرقة الكسكس
أنا ندير حبة كاملة ونرميها في المرقة والله تقعد صحيحة يعني نطيبها قد وقتها ربع ساعة
بصح تاني كي تتقدم في الصحن وتكون حاكمة روحها مليحة لعين تاكل قبل الفم
يعطيك الصحة وربي يجازيك حبيبة ​

 

[إلياس]

اممممممممممممممممم لذيذ شكرا لك

 

[حاملـة المسك]

طعام و عليه الكلام من التقلية نتاعه باين فور و فكرة الساشي عجبتني بزاف
بصح هنا في وهران في لعراس ميحطوش الخضرة فالزلايف يسقوا بالمرق و يزينوا بالزبيب و الحمص و يحطوا في الوسط اللحم
الخضرة يطيبوا بيها بصح مزينوش بيها
الف شكر لكي رغودتي

حتى في العاصمة كاين ليستفو الخضرة وحدها
و الزبيب مشتش
ألف شكر لاثراءك كسكس الاعراس :up:​

 

[حاملـة المسك]

الجريوات كون منرموهاش في المرقة وتطلق الماء لاه مالا راهي تزيد نكهة وتمد نسمة لمرقة الكسكس
أنا ندير حبة كاملة ونرميها في المرقة والله تقعد صحيحة يعني نطيبها قد وقتها ربع ساعة
بصح تاني كي تتقدم في الصحن وتكون حاكمة روحها مليحة لعين تاكل قبل الفم
يعطيك الصحة وربي يجازيك حبيبة ​

صح الخضرة تبنن المرق سبحان الله تحطي عرف كرافس في المرق يبان وينك يا الخضرة
دقت كم من مرة الطريقة هدي في الاعراس و الطعم لا يختلف
الكيس راهو متقوب من كل النواحي و المرق يدخل و بلاك يخرج واحنا طالين وش راهو صاير الداخل ههههه
منبعد تاني كتخرجي الكيس تفرغي المرق لفيه في الصهال
جربي هد الطريقة في غداء عائلي و لا عجبك حطي الفكرة للنشر و التوزيع على قول محبوبة الجماهير ام ندوووش​

 

[حاملـة المسك]

ووواووو الطعام راهو يشهي يسلم اديكي
و زيد عجبتني فكرة الساشي مشكورة
​

طبق رائعععععععععع بربوشة بنينة يعطيك الصحة

صح تشهي مي ماشي كيما طيب الخضرة واللحم كامل في القدرة ثما يجي فوووووووووور

اممممممممممممممممم لذيذ شكرا لك

جزاكم الله كل خير أخواتي نورتوني​