ماذا ستطبخين اليوم سيدتي انستي الجزء 32

[nada242008]

يسر ادارة منتدى اللمة الجزائرية
ومشرفات المطبخ
تكريم العضوة المميزة

somo-81ا
على جهودها المبذولة في ركن المطبخ
وتحديدا هذا الموضوع باجزاءه المتسلسلة
نتقدم بتهانينا لها على تفاعلها ونشاطها المميز
فتقبلي منا هذا التكريم المتواضع
مع تمنياتنا لك بكل التوفيق في حياتك

نتمنى أن يكون هذا الوسام حافز لها ولجميع الأعضاء

ونعدكم بتكريم جميع الاعضاءالمميزين

​

 

[ibtesem]

مبروك علينا الافتيتاح الجديد
مبروك سومو على شهادة تستهلي
يالله يالبنات كل وحدة دورها طبعا على حسب نشاطها في القسم
جبت اطباقي معايا مخليتهمش اورايا خخخخ
::::::::::::::::::::::::::::::::::::::

انا طبقة اطباق ندى الورود الحق جاو اممم تسلمي ياغالية

قوارب البطاطة

سلطة الروسية

بدنجال الاخت نسيمة

تحياتي للجميع
بصحت الكل

​

 

[ام الحلوين]

الف مبروك المطبخ الجديد
ابتسام صحا فطورك .

 

[السلطانة]

ألف مبروك للأخت سومو

ومبروك الجزء الجديد

نشاركم بغدانا
لحم مقلي مزين بالكاشير

​

 

[ام شيماء]

الف مبروك افتتاح الجديد والف مبروك حبيبتي سيمو

 

[nada242008]

الله يبارك ابتسام السلاطة جات فوطو كوبي على تاع ندى هههه تقول خدمتيها في برنامج الرسام وبدلتي غير الاسم ههههه والقوارب والباذنجال كلش يشهي بصحتكم
سانديرلا غدا خفيف وبنين اممممم قريصات اللحم لونهم يشهي
​

 

[زائــــــــرة حلوة]

عتبة مباركة مبروكة إن شاء الله ههههه
شريكتي مبرووك مبرووك عليك الشهادة اللي تستاهليها يا المميزة:graduation: ..عندك برك تطيري علينا ههههه :-o
افتتحوا الززء ههه الجزء سبيسيال ليييييييييك يا سومو:bravo01:\\ يعقوبة ليا واععععععععع:$\\
ابتيسو بصحتك الباذنجان وتطبيق السلطة والقوارب امممممممممم.. نعمة دايمة ان شاء الله يا العزيزة:love01:
وغدايا يا الحبيبة محاجب حارين ومعرعرين ومدوزيين في خاطر ندودتي:p
ويعطيكم الصحة كاااااااااااامل يا حراير على واش طيبتوا ..وحطيتوا أكييييد
​

​

 

[ibtesem]

الله اسلم ام الحلوين
اممم على الرشتة لي تشهي على العصير الفرولة يابتاع الفرولة خخخخ
سندرلاة اللمة امم على قرصات اللحم مع الكاشير غير ابعتلي الكاشير ههه
هدا واش توحشت
بصحت الجميع مرحبا بالوافدين
ولعروسة مزال مجاتش خير ان شاء الله
كاش تاي كاش مكسرات يالبنات
​

 

[nassima 87]

mabrouk safha jdida ou alatbak yamyam koulchi mjamar lima yhab lkhatar ou nchallah tkoun safha tajma3na ghir felkhir

 

[nassima 87]

الله اسلم ام الحلوين
اممم على الرشتة لي تشهي على العصير الفرولة يابتاع الفرولة خخخخ
سندرلاة اللمة امم على قرصات اللحم مع الكاشير غير ابعتلي الكاشير ههه
هدا واش توحشت
بصحت الجميع مرحبا بالوافدين
ولعروسة مزال مجاتش خير ان شاء الله
كاش تاي كاش مكسرات يالبنات
​

mbrouk 3lik tawrita ya ibtissem
kadha ou kdoud :up:

 

[ibtesem]

هههه نسومة كون هبطت للبلاد مرة اخرى نشمو هواها
توحشناها
​

 

[nassima 87]

هههه نسومة كون هبطت للبلاد مرة اخرى نشمو هواها
توحشناها
​

حنا رانا جايين او جايبين ريحت لبلاد

 

[حاملـة المسك]

السلام عليكم

مساء النور على أحلى لمويات

الله الله جزء يفتح النفس و يطلع المعنويات

ألف مبارك عليك حبيبتي صومو كنت جد نشطة
واختيار المشرفات لك كان جد صائب

وجه خير كنت على ندى رجعتلنا فووور و بصحن
الرشتة مستف خيوط خيوط مطيباتو عندك عندك ههه
تطبيقات روعة ابتسام و كما قاتلك ندى السلطة فيها تزوير بالفوتشوب :p
سندرلا يا سندرلا راني ننتظر بفارغ الصبر نهار يورطوك مع راكي تخدمي
توريطتك راح تكون بحق :-r و بصحتك الغدا الخفيف
حلوتي نتي بصلتي بالمحاجب و نا شخشخت بصحتنا يا الحبيبة
طبقت شربة روعة و كايك ندى الورود..نقلهم جزاكم الله كل خير
بدون ما انسى اصحاب الوصفات الاصليون.

جمعة مباركة على الجميع

​

 

[nada242008]

والله كانت وجه خير صح ههههه بصح وينهي مابانتش .. قالك واشي يخرج العروسة من دار بووها
الشربة هايلة والكيك امممممممممممم دوختيني بهذيك الشيكولة والله جاك يهبل بصحتك // راني هزيت الطاس الاحمر
​

 

[s_luna]

مبروك علينا الجزء الجديد لعقوبة لما كثر
سهاموووو مبروك عليك التقدير تستاهليه يا الزّينة :regards01:و لعقوبة للحلوة نزيدو نفرحو بيها :d


أختي فريدة الحمد لله خرجت سلامات على وليدك و إن شاء الله صدقة مقبولة


يعطيكم الصحّة على أطباقكم الشهيّة اممممم شهّيتوني زدت نقصت ب 10 كيلو :p
رشتة و شخشوة و كعكات و قوارب البطاطا و باذنجال و سلطات و عصير الفراولة يا ماما يا ماما


فطورنا كان طعام بالمرقة و بصحتكم جميعا

:regards01:
​

 

[ibtesem]

امممممممم رغود على الشربة والكيكة تشهي
راني ديت الطاس لي في نص
خير الامور اوسطها
خخخخ

​

 

[ibtesem]

زدت نقصت ب 10 كيلو :p

​

 

[كوثر الوهرانية]

الف مبروك العتبة الجديدة
و الف مبروك صمصومة تستاهلي حبيبتي كل خير
بسومة هبلتيني باطباقك حتى انا جربت القوارب تاع ندودة و جاو هايلين بصحتم اختي
ندوشة بصحتك الرشتة و العصير دوخني اطلعي بالوصفة
سندريلا بصحتك الستاك اشي و الباتي و الكاشير
رغودتي و الشربة البيضة راهي تبان هايلة قوليلي كيفاش الدوق نتاعها عمرني ما جربتها
زوزو الغالية بصحتك المحاجب المعرعرين اممممممممممممممم نموت عليهم كاش نهار نجيك و طيبيهملي
نشكر كل الاخوات اللي سقساو على كريم ولدي ربي يخليكم و يحفضكم راهوا مليح دركة الحمد لله
العشية درت مسمن الطاجين بصح منيش عارفة علاش راني نعزج باش نصور

 

[كوثر الوهرانية]

رغودة الغراريف يهبلوا و الاوان باهية بعتيلي واحد هداك الازرق

 

[أم علاء الدين]

مبروك العتبة الجديدة ربي يباركلنا في رزقنا ويزيدنا من فضله عندي شحال مشاركتكمش في أطباقي والمشكل أنه هاتفي خسر

لكن ربي يخليلي لوستي راهي صورتلي التارت اللي خدمتها لتوأم وليها بمناسبة عيد ميلادهم ربي يحفظهم ويحفظ عمتهم يارب

وهاهي في خاطركم اشرب بيها القهوة وبلا ما ننسى أختي ابتسام اتفضلي نعرفك قهوة العشية يلزم تشربيها



​