عوايد وفوايد : حنا نقراو وانت اخدمي علينا

[أمــ وليــد الجزائرية]

اهلا بكل رواد واش راك تهدر

مع سلسلة

ليوم جابتلكم mlina4algeria

موضوع جديد ان شاء الله راح ينال اعجابكم

راح نبدى

لحكاية على وحدة الطفلة كي كانت نتجوز 6EME وفي هذاك الوقت العايلة ديالهم جاتهم فرصة يبدلو السكن ديالهم
و كان القرار ديالهم راجع لنتيجة بنتهم و المعروف ان الطفلة مكان مكان في لقراية هكا كانو يقولو عليها في الدار
و كانت عندها اختها لكبيرة ديما تقوللها انتي زيادة برك في هذا الدر و تظل ديما تعايرها على قرايتها

جا نهار النتيجة و كانو كامل يعضو لسانهم من الخوف مش باش يفرحو لنجاج بنتهم:up: لاكن الهدف الاساسي كان في الدار لجديدة الي راهي في النتيجة تاع بنتهم:-o

و بعد ماضهرت النتيجة الغير متوقعة
الطفلة جباتو بقريب 12
عمت الفرحة في الدار :yahoo01:
و بعدها رحلو لدار لجديدة
:thumb_up02::yahoo01::thumb_up02:

و بعد سنين الطفلة كملت قرايتها :up:
ولاكنها كانت ديما كارهة :very_mad:لانو ديما اختها لكبيرة تعايرها:scared01:
و تقوللها انتي متعرفيش تقراي كما حنايا غير اخرجي لدار تخدمي علينا
حنا نقراو و نتي تخدمي علينا :s:scared01:

لاكن الطفلة كانت ديما تتحمل و تكمل
وصلت للباك و يين مقدرتش المسكينة تجيبو
الا انها مفقدتش الامل و عاودتلو لاكن بطريقة وحدة اخرى:-h

راحت دارت Formation و تحصلت على ديبلوم و في نفس الوقت كانت تقرى للباك
و هكا ربحت عصفورين بحجر واحد:-r:-r
و غير كملت ربي كان معاها و لقات خدمة:up: و راهي مستقرة في عملها
و اختها الي كانت ديما تحوس تطيحها كملت من الجامعة و قعدت في الدار
لليوم ملقاتش خدمة

و هكا كملت لحكاية

الي حاولت انلخصهالكم بقدر المستطاع

الي فيها بزااااف عبر
و نتمنى منكم تكتاشفوها

كانت معكم
mlina4algeria

تحياااااتـــــــــــــــــــي
​

 

[حفيد هواري بومدين]

وافقت على الموضوع

 

[بنت الـ25]

صحيتي ميلينا
قصة فيها عبر مبعد نرجعلك
الـpc تاعي ليوم مصوطي هبلني

 

[رحاب ملاك]

قصة هايلة شكرا

 

[ماكانش]

صح فيها عبرة القصة
وعجبتني الإرادة تاع الطفلة ألي جابت الباك وخدمت
يعطيها الصحة

 

[yasmine 4ever]

يعطيك الصحة ختي
و الطفلة هاذي الحمد لله ربي فرج عليها و يقولك الصابر ينال
العبرة بالنسبة ليا هي أننا ما نهتموش لكلام الآخرين لحد اليأس و فقدان الثقة
و لكن لازم نجتهدو لكي نثبت أنهم على خطأ و أنه لا مستحيل مع الأمل و العمل
و أيضا الناس مالازمش تحتقر بعضها للبعض لأن ربي نهانا على هاذ الشي فمابالك بأخت تحتقر أختها
المهم ان شاء الله الأخت الكبيرة استفادت منالعبرة و ربي يوفقها ان شاء الله و يوفقنا أوكل​

 

[رتيل]

يقول لمثل لآ تستعظم لآ يخرج فيك عظم


" إن الله يمهل ولا يهمل "


هي صبرت ولقآت والحمد الله

 

[نجمة الغروب]

الارادة تصنع المعجزاااااااااات​

 

[أمــ وليــد الجزائرية]

صحيتي ميلينا
قصة فيها عبر مبعد نرجعلك
الـpc تاعي ليوم مصوطي هبلني

ربي معاك روحيلو برك بلعقل
لي بيسي تاع هذا الوقت مخصوصين حنانة غير بلعقل :d:d

هاني نستنى عودتكي
مطوليش عليا
​

 

[أمــ وليــد الجزائرية]

قصة هايلة شكرا

عفوا نتمنى تكون ديتي عبرة منها

​

 

[أمــ وليــد الجزائرية]

صح فيها عبرة القصة
وعجبتني الإرادة تاع الطفلة ألي جابت الباك وخدمت
يعطيها الصحة

الله اسلمك
ايه الواحد ماعليه غير يتمسك في ارادتو
شكرا على المشاركة
​

 

[أمــ وليــد الجزائرية]

يعطيك الصحة ختي
و الطفلة هاذي الحمد لله ربي فرج عليها و يقولك الصابر ينال
العبرة بالنسبة ليا هي أننا ما نهتموش لكلام الآخرين لحد اليأس و فقدان الثقة
و لكن لازم نجتهدو لكي نثبت أنهم على خطأ و أنه لا مستحيل مع الأمل و العمل
و أيضا الناس مالازمش تحتقر بعضها للبعض لأن ربي نهانا على هاذ الشي فمابالك بأخت تحتقر أختها
المهم ان شاء الله الأخت الكبيرة استفادت منالعبرة و ربي يوفقها ان شاء الله و يوفقنا أوكل​

الله يسلمك

هاكي جاوبتي اجابة صحيحة
و العبر الي ستخرجتيها كانو في الصواب

نتمنى كل واحد ياخذ بيهم

بارك الله فيك
​

 

[أمــ وليــد الجزائرية]

يقول لمثل لآ تستعظم لآ يخرج فيك عظم


" إن الله يمهل ولا يهمل "

هي صبرت ولقآت والحمد الله​

​

شكرا ليك الاخت ДҢĺëm على الرد ديالك
و على العبر الي ستخلصتيهم و كما قلتي الله يمهل و لا يهمل

و نعم الله

​

 

[أمــ وليــد الجزائرية]

الارادة تصنع المعجزاااااااااات​

فعلا صدقتي اختاه
ياريت كانت عندنا كامل هذي الارادة
​

 

[Mr mino]

:s

غريبة كرة لقراية


​

 

[أمــ وليــد الجزائرية]

ليس فقط كرة لقراية

كلشيء غريب

الا انو الحياة دائما تفاجئنا
​

 

[أم أمين23]

قصة تجرى وجرات لشحال وان تغيرت الموقف فالنتيجة واحدة ديما المحقور هو الي يكون افضل الناس لخاطر يعمل القلب في اغلب الحالات ومالازمش الي يعايروه الناس يحبط لازم يكون اقوى منهم ويوريلهم انو يقدر يكون افضل منهم
وزادة العبرة الاخرى كل واحد ربي كاتبلو قسمو واحنا نعايرو والا نقعدو الي راح يكون يكون
واخر شيء هو التفرقة في العائلة وتبيان للاولاد انهم مختلفين بسبب اولاخر وخاصة من الابوين لازمهم يحاولو قدر الامكان يمنعو اولادهم من هاد التصرفات وهوما ثاني ما لازمش يفرق في التعامل لخاطر كل واحد وقدراته

 

[nanoche]

اهلين بملينا و صحيتي على الموضوع الشباب ديالك
و انا نقول العود اللي تحقرو يعميك و خليها تقعد في الدار باش تتعلم حاجة من الدنيا ان الله كبير وواحد ما يعرف واش يصرا من للغدوا
​

 

[أمــ وليــد الجزائرية]

قصة تجرى وجرات لشحال وان تغيرت الموقف فالنتيجة واحدة ديما المحقور هو الي يكون افضل الناس لخاطر يعمل القلب في اغلب الحالات ومالازمش الي يعايروه الناس يحبط لازم يكون اقوى منهم ويوريلهم انو يقدر يكون افضل منهم
وزادة العبرة الاخرى كل واحد ربي كاتبلو قسمو واحنا نعايرو والا نقعدو الي راح يكون يكون
واخر شيء هو التفرقة في العائلة وتبيان للاولاد انهم مختلفين بسبب اولاخر وخاصة من الابوين لازمهم يحاولو قدر الامكان يمنعو اولادهم من هاد التصرفات وهوما ثاني ما لازمش يفرق في التعامل لخاطر كل واحد وقدراته

صح عندك الحق التفرقة بين الابناء هذا مشكل يعيشو كثير من الجزائرين و للاسف

مدام هذا وليدك و ذاك وليدك معليك غير تكون المعاملة سواسية

و ربي الي يرزق

افكار كثيرة لازم تتدخل في عقولنا و كاين حاجة يسموها الاحساس ممكن منحسوش غير بروحتينا و منحوسوش نحسو بالي معانا و هذا واش صرا مع الطفلة مكانوش يحسو بيها الي انها درتها غير في قلبها و كملت حياتها و كما شفنا صبرها اداها لنجاح
​

 

[أمــ وليــد الجزائرية]

اهلين بملينا و صحيتي على الموضوع الشباب ديالك
و انا نقول العود اللي تحقرو يعميك و خليها تقعد في الدار باش تتعلم حاجة من الدنيا ان الله كبير وواحد ما يعرف واش يصرا من للغدوا
​

سبحانو و نعم الله

بوركتي اختاه على العبر الي ضفتيهملنا
​