سلسلة عوايد وفوايد :..كتر خيرك يا مرت بابا

[فتاة حساسة]

السلاااااااام عليكم واش راككوووم ...ان شاء الله بخيير



...والصحة بخير..ولافامي بخير ...والاحوال بخير..والله


العلي العظيم تواحشتكو عراااااام عراااام ..هادي مدة ماحكيتش هنا ...ديجا كنا فالامتحانات ةالبارح باه خلصنا



Yahooooo we are in the Summer :p المهم








بلاما نطول ونهدر نجوزو طول لحكاية من حكايات سلسلة


عوايد وفوايد ..اليوم جيت نحكيلكوم على وحد الطفلة


..قالك هادي الطفلة مرضت امها ..وتوفات ربي



يرحمها(ويرحم جميع المومنين)وهي كي مات امها خلاتها



صغيرة ..بابهاه عاد زوج ..مرت باباها كانت مشرانية







..ايا المهم كبرت وكل شي ..ومرت بابهاه جابت طفلة


..هي حبت تخلي مرت بابها كيما امها مي مرت باباها ..كانت كل مرة تبعدها عليها وتهتم غير ببنتها ..وكانت


تدريلها مشاكل مع باباها وتقولو هي بنتك واش دارت وهاهي معمن دور ..المهم عيشتها المرار ..حتى فالخدمة تاع



الدار كانت تقولها ..اخدمي نتي ..وتخلي بنتها متكية



وتخليها تروح وين تحب مي هيا كانت تخليها تخدم كل


شغل تاع الدار عليها ..وكانت ماتخليهاش تتنفس..كبرت






الطفلة في هاد المعيشا ...وكانت صابرة ..المهم وصل


وقت زواجها ..وهيا خارجا من باب الدار قالتها ..كتر



خيرك يا مرت بابا على اللشي اللي ديتو ..وتالمون اللي


مرت باباها تكرها ..قالت واش ديتي يا بنت الكلب



(اعتدر على هاد التعبير أي الحكايا هاك )



قالتها صح نتي كنتي تخليلني غير انا تخليني نخدم بصح



بسبتك مديتلي الفحالة ونحيتيلي الخيابة..

للعلم دوك بنتها راهي خايبة ..اما الطفلة فهي حرة الحراير


.كيما نتوما بنات بلادي الحرات ..
[FONT=&quot]ايا اتهلاو وان شاء الله عجبتكم الحكاية ..سلام . [/FONT]​

 

[حفيد هواري بومدين]

شي طبيعي لي يصبر ينال
وافقت على الموضوع

 

[serinee]

اهلا بك فتاة حساسة
مشكورة على الموضوع
تتوحشك الجنة
حنا ثاني توحشناك
و ان شاء الله تكوني خدمتي في الامتحانات
اي حاجة باينة هي كي كانت تفشش في بنتها هكدا كانت تخصر فيها و كانت تعلم في البنت بلا ما تحس
يا للكلام البديء ايعقل تقولهها هكدا و الله عار
اي الحمد لله ضركا البنت تعلمت و تربات و راهي في دارها ربي يهنيها و يسعدها و يرحم امها
​

 

[السلطانة]

وعليكم السلام
مرت الأب جمرة ماتطفى
من كثر ماسمعنا حكايات صورناها غولة
لي استفدتو من القصة
تاع الصح الطفلة هادي صبرت ونالت
خرجت مرا ونص
ديما مرت الأب تكون شريرة
وتضرب على ولادها وتحقر ليتاما مي او كاين ربي تخلصها غالية
اليتيم وماأدراك ماليتيم
ربي يخلص لحقوق
كيما يقولو العبرة بالخواتيم
ومن يضحك كثيرا يبكي كثيرا
صحيتي نونو
تقبلي مروري
سلامي
​

 

[nanoche]

اهلا و سهلا بفتاتي الحساسة

(ماراهيش تبعلط ههههههههه)
وان شاء الله التوفيق ماشي الصح كي تكملي الامتحانات مي الصح في النتيجة و على بالي ما نخافش عليك
نرجعو للموضوع أنا نقول ربي سبحانه خلق و فرق و كل واحدة و ضميرها أنا عندي جيراني ماتت يماهم و تزوج باباهم مي كانت ليهم نعم الأم و كانت تفضل اولاد زوجها حتى على أولادها و خرجو حنان عليها لدرجة كبيرة
يقولو الصابر ينال و البنت هاذي صبرت و ربي جازاها على صبرها و هاهي تزوجت بالاك بواحد بنتها ما تحلمش بيه (ربي يهنيها) و على الأقل حتى وكانت تعاني مي راهي تعلمت حاجات تنفعها باش تبني دارها
شكرا حبيبتي على الموضوع
​

 

[أمــ وليــد الجزائرية]

موضوع يصرا بزااااف في مجتمعنا

وياللاسف في بلد مسلم تلقا تصرفات كما هذي

نكان برك يعرفو قيمة اليتيم لاكان كل اسرة تتمنى تتبناهم و تربيهم

هذي مرت الاب راح تخلصها غالية و ثاني الاب كثر لانو رجعنا نشوفو

انو كل واحد يخمم غير في روحو ويخاف من الزوجة ديالو ويحقرو اضعف مخلوق

ربي كان مع الطفلة و خرجها من الذل الي كانت فيه

شكرااا على الموضوع ياغالية راكي ضربتينا للقلب
​

 

[بنت الـ25]

مبعد نرجعلك نجلا

 

[فتاة حساسة]

لي عودة ورند عليكم واحد واحد :p
​

 

[ام منصف]

كيما يقولوا انقلب السحر على الساحر
واكيد الطفلة هذه فكرت بطريقة ايجابية واستغلت الواقع اللي راهي عايشاتو واستفادت منو
وولات حرة الحراير
فشكرا لزوجة الاب اللي دايما تصور على انها الغولة
على الاقل دارت حاجة مليحة حتى واذا ما قصدتش وما بغاتش
يعطيك الصحة على الموضوع الجميل
​

 

[NASRO DZ]

صرحتا قصة رائعة :up:

والي يصبر ينال :-r

 

[lee yong]

صح البنت استفايدت وما خسرت والو
ماشي كيما بنت هاديك المرا
يعطيك الصحة

 

[مفخرة الجزائر]

فكرتيني في قصة سندريلا
هذا هو صبرت على مرت باباها وما عايبتهاش وجنت ثمرة صبرها
​

 

[همس الوُرود]

السلام عليكم ورحمة الله وبركاته

أهلا بختيوتي لعزيزة هادي غيييبة نتمنى تكوني مليحة ان شاء الله

أمممم صح هي مرت الأب في غالب الأحيان واعرة وماش مليحة مي والله ثوجور الانسان الي يجرحك

ويكون عالة في حياتك ربما

هو الشخص يلي يمنحك عبر بزاف في حياتك الي يفيدوك من مبعد فالمستقبل
هو الشخص الي يخليك واعي و فاهم و حاكم قدرك وحتى فحل في كل شيء

هدا في بعض الأحيان عليها ثوجور الانسان لازم يصبر

أما كون هادي الطفلة ولا أمثالها مايصبرش من واش مكتبلو ربي فالقدر رايح ينحرف عن الطريق

ويمشي في طريق ماش مليحة خلاص

على هادي يلزم على الانسان يصبر على المحن و مواقف كيما هادي باش ينال ويدي فالأخير أمور مليحة بزاف

كيما لفحولة والخبرة وووو... الخ

ولهدا يقال أن الصبر مفتاح الفرج

سلام أختي نجلاء ويعطيك الصحة على الموضوع الباهي:up:
​

 

[فتاة حساسة]

شكرا للجميع على المرور
​