البيني الاسباني حصري لمنتدانا

[أم ندى]

بسم الله الرحمان الرحيم

اليوم حضرت لكم وصفة البيني الاسباني الشهية الخفيفة واللذيذه


لكم المقادير

2 بيضات
كاس صغير سكر
كاس صغير زيت
كاس صغير حليب
كاس صغير عصير برتقال
1 خميرة حلوى (بيكنج باودر)
قليل من خميرة خبز
كاس صغير ماء دافي (ندوبو فيه الخميرة)
الفرينة حسب الخليط حتان تتلم



ناتي لطريقة التحضير

نخلط جميع المكونات ثم نضيف الفرينة بالتدريج حتى تجمع العجينة تكون متوسطة و ندلكها ثم نقسمها على اربعة كرات و نضعهم فبلاستيك و نتركهم يرتاحوا مثل ما هو موضح في الصورة


وبعدها نرش مكان العمل بالدقيق و نفرد العجينة و نقطع بقطاعة دائرية كبيرة و نضع العجينة فوق الطاولة هكذا


ونتركها لتختمر مدة نصف ساعة الى ساعة الا ربع حسب حرارة المكان فيتظاعف حجمها كما في الصورة ادناه


وبعدها نقوم بتسخن الزيت جيدا حتى الغليان ونقلي ليبيني ونخفض من الحرارة عند القلي ويكون الشكل هكذا







وللتزيين

استعملت الشربات +السكر سواء الناعم ام العادي

وهذا الشكل النهائي







أتمنى انها نالت اعجابكم

أي استفسار انا في الخدمة

 

[nada242008]

الله يبارك يا ام ندى راكي دخلتي علينا دخلة فووووووور ههههه لبيني جاوك يسخفووو ما شاء الله جاري التطبيق في اقرب فرصة ... على فكرة انا ثاني راني ام ندى:d
​

 

[somo_81]

مممممممممم ام ندى يعطيك الصحة انا نحب لي بينيي جربت و صفة اخرى بصح نزيد نجرب الوصفة ديالك تسلم الايادي

 

[narjes81]

الله يبارك خرجولك يهبلو نحب لي بيني خصوصا فالصيف والبحر مممممممم شهيتيني
نرفد الوصفة وجاري التطبيق يسلمو

 

[ام منصف]

يعطيك الصحة ام ندى
جاوك هايلين
تسلم الايادي
وكيما قالت ام ندوش انا ثاني ام ندى
ايا مين يزود ههههههه
ربي يحفظهم ويخليهم
​

 

[زائــــــــرة حلوة]

راني جيتك هنا حبيبتي :$
اممممممممممم لي البنيي جاوك حطططططة ويبانو مفشفشين الله يبارك....تسلم الأيادي الفحلة الفحلولة:up:
هههههههه ماعندكش وليدات أخرين.. نبدلولك اسمك خلطتوهالنا يا أم ندى2:-oهههه نضحك برك
ربي يحفظك ويحفظلك بنوتك ندى
​

 

[prncess fifi]

خرجلك هايل هاتي حبة اني نشرب في قهوتي
بصحتكم ختي​

 

[amira94]

السلام عليكم

امممم يعطيك الصحة على الوصفة

روووعة :up:
​

 

[hadda0425]

مممم هايليين لي بيني تاعك ام ندى
بصح حسب المكونات تاعك الكتابة راهي سبنيولية وقيلا مقيمة في اسبانيا
ما تقولوليش راك وقابة بزاف ههههههه
​

 

[ندى الورود]

بيني هايل مففش ويسخف شكرا يا ام ندى
لمشاركتنا الوصفة
بارك الله فيك
​

 

[أم ندى]

الله يبارك يا ام ندى راكي دخلتي علينا دخلة فووووووور ههههه لبيني جاوك يسخفووو ما شاء الله جاري التطبيق في اقرب فرصة ... على فكرة انا ثاني راني ام ندى:d​

يبارك في عمرك عزيزتي :$


مارسي الزين تعيشي


ايه طبقيهم ومتندميش خفاف رووووعه حوحو يشكر روحو احم احم


يعني انا الكوبي نتاعك شفتي كيفا منحشمش داخلة باسم وحدة هنا ضرك نقلهم يبدلوهلي

تشرفت بيك ام ندى

 

[أم ندى]

مممممممممم ام ندى يعطيك الصحة انا نحب لي بينيي جربت و صفة اخرى بصح نزيد نجرب الوصفة ديالك تسلم الايادي

الله يسلمك حنونة زيدي جربي هذي ومتندميش


تسلم روحك من كل اذى حبيبتي

 

[أم ندى]

الله يبارك خرجولك يهبلو نحب لي بيني خصوصا فالصيف والبحر مممممممم شهيتيني
نرفد الوصفة وجاري التطبيق يسلمو

يبارك في عمرك حبيبتي

مرورك وتعقيبك الي يهبل


ايه سيرتو في لبحر عندهم نكهة خاصه


الله غالب بعيدة كون جيتي قدامي كون راني بعثتلك طبسي مش خسارة بصح العين بصيرة واليد قصيرة

ان شاء الله كي تجربيهم حطي لافوتو نشوفوها

 

[أم ندى]

يعطيك الصحة ام ندى

جاوك هايلين
تسلم الايادي
وكيما قالت ام ندوش انا ثاني ام ندى
ايا مين يزود ههههههه
ربي يحفظهم ويخليهم​

الله يسلمك ام منصف

الهايل هو تواجدك في موضوعي ام منصف

يسلم قلبك وروحك حبيبتي


شفتي كيفاش راني ندشنا الحالة

جاري تغيير الاسم

 

[أم ندى]

راني جيتك هنا حبيبتي :$

اممممممممممم لي البنيي جاوك حطططططة ويبانو مفشفشين الله يبارك....تسلم الأيادي الفحلة الفحلولة:up:
هههههههه ماعندكش وليدات أخرين.. نبدلولك اسمك خلطتوهالنا يا أم ندى2:-oهههه نضحك برك
ربي يحفظك ويحفظلك بنوتك ندى​

اهلا بيك قربي وزيدي مرحبا :regards01:

تعيشي ربي يخليك ما خليتينا والو باه نردو عليك بلعقل برك علينا يا لحلوة

ايه عندي زوج وليدات محمد ومريم بصح مقدرتش نسجل باسمهم خطراكش كاين اعضاء عندهم نفس الاسم

ويحفظك ربي نتي ثاني ويخليك لاحبابك

 

[أم ندى]

خرجلك هايل هاتي حبة اني نشرب في قهوتي


بصحتكم ختي​

تعيشي ربي يخليك

هاكي الطبشي كامل غالي وطلب رخيص مش خسارة ختي لعزيزة


الله يسلمك

 

[أم ندى]

السلام عليكم ​

امممم يعطيك الصحة على الوصفة ​

روووعة :up:​

وعليكم السلام ورحمة الله تعالى وبركاته


الله يسلمك على الرد حنونة

انت الاروع يا غالية

 

[nada242008]

يبارك في عمرك عزيزتي :$


مارسي الزين تعيشي


ايه طبقيهم ومتندميش خفاف رووووعه حوحو يشكر روحو احم احم


يعني انا الكوبي نتاعك شفتي كيفا منحشمش داخلة باسم وحدة هنا ضرك نقلهم يبدلوهلي

تشرفت بيك ام ندى

لالا يا اختي حاشى لله ... والله عندك بضع مشاركات بصح سجلتي دخلة زينة ربي يبارك فيك وان شاء الله تلقاي راحتك معانا

 

[أم ندى]

مممم هايليين لي بيني تاعك ام ندى

بصح حسب المكونات تاعك الكتابة راهي سبنيولية وقيلا مقيمة في اسبانيا
ما تقولوليش راك وقابة بزاف ههههههه​

مممممممممم


ردك هو الهايل هدى

لا مانيش في ليسبان في الطليان

اصبروا عليا ايامات ونغرقكم بلعجاين عجن وحط باه تسمانو شوي باينين راكم دي مانكا


ههههههه

شكرا حبيبتي

 

[أم ندى]

بيني هايل مففش ويسخف شكرا يا ام ندى

لمشاركتنا الوصفة
بارك الله فيك​

ربي يخليك ندى الورد

العفو تستاهلو كل خير مدرت والو غير الواجب

وفيك بركة من المولى العلي القدير

شكرا ولا تفي حبيبتي